Ligwalagwala FM Current Affairs

Esigabeni setfu  sekucubungula emabhuku, namuhla siyawube sikhuluma  ngelibhuku lelitsi "The Shattered Mirror"  lelibhalwe ngu Mcdonald Mayilula. Lelibhuku likhuluma kabanti ngempilo yekuhlukunyetwa kwakhe asasemnca. Kepha sinaye Mcdonald Mayilula kutosichazela kabanti ngalelibhuku lakhe.

Inhlangano lesita labakhungatseke engcondvweni i South African Depression and Anxiety Group (SADAG) itsi yemukela tincingo letilinganiselwa etinkulungwaneni letimbili ngelilanga, lelinyenti lato tebafundzi bakamatikuletjeni labakhatsateke ngemiphumela yaboi. Imiphumela yakamatikuletjeni itawumenyetelwa ngeMvulo mhlaka 13 Bhimbidvwane. Intsatseli yetfu Pearl Magubane usihlanganisele lombiko lesiwet...

Inyonyana yetisebenti taka maspala i South African Municipal Workers' Union (SAMWU) itsi iyasemukela lesinyatselo lesimenyetelwe lihhovisi lemgcinimafa kutsi litabavulela emacala ebugebengu baphatsi babomaspala (municipal managers) labangayibhadali imali yempesheni yetisebenti. Kunetisebenti  tamaspala eveni lonkhe letibukene nengcinamba njengobe kuvele kutsi timali tempesheni besolo tingabha...

Bahlengikati lababili labasebenta ebusuku emtfolamphilo wase ga-Chuene dvute nePolokwane e Limpopo batfunjiwe baphindze bagagadlelwa. Kusolwa kwekutsi kungene indvodza beyihlomile kulomtfolamphilo yafike yekhunga bollgadza, yabatsatsela netintfo tabo, ngembi kwekuchuba labahlengikati ngenkhani ibayisa ehlashaneni lelidvute. Jostina Masedi usihlanganisele lombiko lesiwetfulelwa nguSindisiwe Mlangen...

Masipala wase Nkomazi kulesifundza i-Mpumalanga uhlela kuba nemjaho lobitwa ngekutsi yi-Border to Border Marathon, lekuhloswe ngawo kufukula tekuvakasha kulomasipala. Sicocisene nasihlalo lobuke tekuvakasha kumasipala weNkomazi Bhekumuzi Thobela

Kunalabatsi liphalamende angeke lisafana kulandzela kwesula kwelilunga le-EFF Dr Mbuyiseni Ndlozi. Inhlangano yeEFF ikhiphe sitatimende lesitsi yemukele tincwadzi tekwesula ngekutitsandzela ephalamende kwa Ndlozi kanye naYazini Tetyana losule kusishayamtsetfo saseMphumalanga Kapa.  KLubuka umsebenti waNdlozi ephalamende sicocisana nentsatseli yeSABC ephalamende Lulama Matya. 

Kufika kwetebucwepheshe kuletse tingucuko letinkhulu emikhakheni nesetimbonini letahlukahlukene kulelive. Lucwaningo lolwetintiwe tati tetemfundvo kulelive ngekusebetjentiswa kwelucingo, i-Zoom kanye neMicrosoft Teams luveta kutsi tikolo tasemadolobheni ngito letisebentisa tinhlelo tesimanje ekufundziseni letikufaka ekhatsi iWhatsApp, Google Apps, YouTube, Office 365 kanye ne Zoom. Sati setemfundv...

Umtimba lowengamele tikolo wente lubito kutsi emalunga emndeni asekele bafundzi bakamatikuletjeni nakukhishwa imiphumela yabo emaphephandzabeni kuleliviki lelitako. Bangetulu kwa 900 000 bafundzi bakamatikuletjeni lababhale luhlolo lemnyaka wa 2024 labalindze ngalabovu lokukhishwa kwemiphumela.  Sicocisene nanjingalwati lobuke imfundvo yasemaphandleni eNyuvesi ya KwaZulu Natal, Prof Phumlani...

Ukhululwe ngebheyli yenkulungwane yemaRandi munye walabasolwa lababili lababposhelwe kukhwabanisela gogo loneminyaka lengu-71 imali yakhe yemphesheni lengu R1700 ,  lapha e-Dayizenza Complex eMasoyi.  Thembi Mhlanga loneminyaka lengu-46 budzala, wake waba liphoyisa esiciwini setinyamatane kaSkukuza, ukhululwe ngebheyili. Kantsi loyi laboshwe naye Sarel Sithole loneminyaka lengu 37 inkant...

Sikhungo llesilawula kushicilelwa kwemininingwane i- Information Regulator, sesivakalise kudvumala ngesincumo senkantolo lenkhulu yase Pitoli. Lenkantolo isicitsile sicelo salesikhungo sekwetama kuvimbela litiko lemfundvo lesisekelo kutsi lishicelela imiphumela yakamatekutjeni emaphephandzabeni kuleliviki lelitako  Kutfola luvo lwebatali ngalesincumo, sikhulumisana nasihlalo wemtimba lowengam...

Ngemuva kweminyaka lecishe ibe ngemashumi lamabili takhamuti tase Hammanskraal  tingenawo emanti ekunatsa lahlantekile etimpompini, nyalo setitawukhona kudvonsa umoya njengobe sekayaphuma. Sodolobha wase Tshwane Nasiphi Moya wente lesimemetelo ngalesikhatsi avakashele sikhungo lesihlanta emanti e Magalies Klipdrift. Intsatseli yeSABC Nonhlanhla Ntshingila usihlanganisele lombiko lesiwetfulelw...

Umkhandlu lowengamele imboni yetemculo kuleli (SA Music Industry Council, [SAMIC]) utsi Winnie Khumalo uyibekile indvuku ebandla kulomkhakha wetemculo.  Khumalo wendlule emhlabeni aneminyaka lengema-51. Lisekela lamabhalane walomkhandlu Umnumzane Thobela Dlamini uchaze Khumalo njengemuntfu webantfu, lebekuhlala kuhlekwa nakunaye. 

Sikhulumisana nelisekela lesibili lemengameli weCOSATU Umnumzane Mike Shingange ngalokugubha iminyaka lelikhulu nelishumi nakutsatfu kwehlangano i-ANC namuhla.

I ANC ihlanganisa iminyaka lengu-113 namuhla kantsi kulindzeleke buholi lobusetulu balenhlangano butseleke ngetinkhani eNshonalanga Kapa kutewugubha lelilanga lekukhula kwayo. loku kusendlalelo semcimbi lotawubanjelwe eKhayelitsha ngeMgcibelo. Itolo ehlelweni letfu Letiphuma Embiteni sicocisene nalokhulumela iANC Mahlengi Bhengu-Motsiri kutesihlephulela ngetinhlelo tabo.

Kuyachubeka namuhla lokufunwa kwalabantfu lababili lekusolwa kutsi bemuke nemfula e-Asseggaai kumasipala wase Mkhondo kulesifundza sase Mpumalanga. Loku kwenteka nje solomane ichubeke njalo nekuyidliva lemvula etincenyeni letinyenti kulelive. Umcondzisi weligumbi lelibukene netinhlekelele etikweni letekubusa ngekubambisana kanye nebaholi bendzabuko kulesifundza Slykie Dhludhlu, utsi sebeme ngemumo...

  Umkhakha wetekulima ukhombisa kutsi utawusimama kulomnyaka ngenca yalemvula lena kulamalanga. Loku kuvakaliswe ngulowake waba ngumeluleki welitiko letekulima kantsi naye sewungumlimi Umnumzane Samuel Nyoni. Nyoni utsi manyenti ematfuba ekutsi kutfolakale sivuno lesincono kulomnyaka.

Bosolwati basigcekile lesincumo sendvuna yemaphoyisa Senzo Mchunu sekuhlakata luphiko lolukhetsekile belisukunyiselwe kuphenya ngetehlakalo tekubulalana lokweyamene netepolitiki esifundzeni sa-KwaZulu Natal. Mchunu utjele Nkomishana kutsi asisekho sidzingo saloluphiko. Kubuka kabanti lesincumo simeme sati ngetebugebengu Dkt. Mxolisi Mathebula.

Umphatsiswa welitiko letemisebenti yesive, imigwaco netekutfutsa Thulasizwe Thomo ucwayisa banikati betimoti letitfutsa bafundzi kutsi bacinisekise kwekutsi timoti tabo tiphilile futsi tihambisana nemitsetfo yetekuphepha. Lelitiko litsi njengobe tikolwa tivulwa leliviki lelitako kubalulekile kucinisekisa kuphepha kwebafundzi. Kwenaba kabanti nalendzaba simeme umphatsiswa Thulasizwe Thomo

Emacembu labuke tinhlekelele kulelive eme ngemumo kulandzela kuphuma kwesecwayiso  ngemvula lenkhulu lelindzelekile eveni. Tangoma telitulu tikhiphe secwayiso lesingu-level 5 semvula lenkhulu netikhukhula etifundzeni letifana ne Gauteng, Limpopo, incenye ye Free State, KwaZulu Natal kanye nakulesifundza se-Mpumalanga. Sicocisene naDr. Nomhle Ngwenya.

Inhlangano ye-ANC itsi seyikulungele kubamba umcimbi wekugubha imianyaka lelikhulu nelishumi nakutsatfu lowatiwa nge January 8 statement e Khayelitsha esifundzeni sase Nshonalanga Kapa.  Umhlatiyi wetepolitiki Sandile Swana utsi kubonakele kutsi kugcwalisa inkhundla yetemidlalo akusho kutsi utawutfola emavoti lamanyenti futsi iANC ikwati kahle loko njengoba ilahlekelwe ngemavoti elukhetfweni.

Kubuka kabanti lendzaba yekugubha iminyaka lengemashumi lamatsatfu kwendlula emhlabeni lobekangumabhalane jikelele we-SACP Joe Slovo, sikhulumisene nelilunga lekomitini lenkhulu yeMakomanisi kuvelonke Umnumzane Madala Masuku.

Litiko letempilo kulesifundza seMpumalanga lihlela kuvulela emacala ekugagadlela bonkhe labantfu lebakhulelise emantfombatana lasemancane ngeminyaka. Litiko letemphilo litsi sekuvele kunendvodza levulelwe licala lekudlwengula ngemuva kwekutsi ikhulelise sidzanzane lesineminyaka lelishumi nesihlanu...Kepha kuyibuka ngeliso lemtsetfo nayi indzaba ecingweni samukela ummeli, Yolanda Zulu...

Lehheke laseLebombo eKomatiporrt kulesifundza seMpumalanga, libone sibalo lesisetulu sebantfu labawelako bachamuka eMozambiki, linyenti labo lekubahlali bakulelalive lebasebenta kuleli. Tiphatsimandla teBMA kanye nemaphoyisa bakhona kutewugadza simo kanye nalabafohlako kulomncele. Intsatseli yetfu Motsebi i wa Monareng usihlanganisele lombiko

I January 8 Statement yeANC beyisetjentiswa njengelubito lwekugcugcutela tishikashiki betilwela inkhululeko kutsi tiwucinise kakhulu umzabalazo wetikhali. Mengameli weANC Oliver Tambo wetfula inkhulumo yekucala ya-January 8 nga-1972 njengendlela yekubungata iminyaka lengema-60 kwasungulwa lenhlangano. Kantsi Mengameli weli-13 weANC Cyril Ramaphosa utawusebentisa lenkhulumo yalonyaka kucacisa indle...

Ingwenyama yesive semaZulu, Inkhosi Misuzulu KaZwelithini seyimise emalunga ebhodi Ingwenyama Trust kulandzela tinsolo tekungatiphatsi ngendlela lefanele. Lesincumo sesiholele ekutseni kubitwe umhlangano emkhatsini wendvuna yetekutfutfukisa tindzawo tasemakhaya  nekuhlelwa kabusha kwemhlaba Mzwanele Nyhontsho kanye neSilo. Loku kuta ngemuva jkwekutsi Nyhontsho evakalise kutsi Silo sitsetse ng...