Ligwalagwala FM Current Affairs

Mengameli longenano waseMselika Donald Trump utsi utawuniketa inkhundla yetekuchumana iTikTok tinsuku letingema-90 njengetaba tekuvimbela kutsi ingavalwa kulelalive. Loku kuta ngemuva kwekutsi iTikTok ivalwe kusebenta kuleliviki leliphelile eMelika ngenca yekwesabela tekuphepha. Kuyibuka lendzaba sikhulumisana nesati ngetebuchwepheshe, Siphumelele Zondi.

Luyachubeka luphenyo lolumayelana netinsolo tekuhlukumeta ngekwemacansi letibhekiswe kumengameli wemaJaji eMphumalanga Kapa, Jaji Selby Mbenenge. Jaji Mbenenge usolwa ngumabhalane wasehhovisi lakhe Andiswa Mengo ngekutsi lelijaji belimtfumelela imilayeto ye-Whatsapp yekumheha ngetemacansi. Kutfola kucaciseleka kahle ngalendzaba sikhulumisana nesati setemtsetfo Mpumalelo Zikalala.

Emaphoyisa akulesifundza se-Mpumalanga evakalise kukhatsateka ngekwandza kwetehlakalo tebantfu labaminta noma lebamuka nemifula legcwaliswe nguletimvula letichubeka nekuyidliva kulamalanga. Ngekusho kwemapoyisa ngale eTonga e-Nkomazi kuminte bantfu lababili kwatsi lomunye wesitsatfu yena watakulwa emfuleni litsimba lemaphoyisa asemantini. Kantsi lapha KaNyamazane kubikwe ngendvodza lemuke nemfula...

Hulumende ucinisekisa bonke bantfu labasebentisa libhange ITHALA kutsi timali tabo tiphephile njengobe lelibhange libukene netinkinga. Silulubhange sifake sicelo enkantolo lephakeme yase Pietermaritzburg, sekufuna kufaka lelibhange ngaphansi kwesanadla semlondvoloti. Balinganiselwa ku 257-thousand  banftu labasebentisa lelibhange. Kukhuluma nmgalendzaba sicocisana nesati setindzaba temnofto,...

Sikhulumisana naDr Mandla Matshabe longusihlalo wenhlangano yetisebenti tetemphilo kulesifundza seMpumalanga, mayalana nesiteleka sabodokotela lesimayelana nekungacashwa kwabodokotela labanye babo lebafundziswe nguye hulumende wakulesifundza.

Esigabeni setfu  sekucubungula emabhuku, namuhla sikhuluma  ngelibhuku lelitsi "Finishing Your Qualification In Record Time,"  lelibhalwe ngu-Dr Sanele Gamede.

I University of Mpumalanga itsi kusavaliwe kufakwa kweticelo tekufundza kulenyunivesi ngephandle kwalabo lebafuna kufundzela ticu te Bachaler of Communication, Media and Culture. NMgekusho kwe Deputy Registrar: Academic Administration kulenyuvesi yase Mpumalanga, Nokukhanya Shongwe utsi kwanyalo basemukela ticelo talabenta ema-postgraduate.

Inhlangano yemphakatsi iSave SA Civic Movement itsi akuciniswe tekuphepha emitfolamphilo yakulelive. Loku kuta ngemuva kwekutsi litiko letemphilo eLimpopo lihocise  sincumo salo sekuvula kabusha umtfola mphilo wase Ga-Chuene ngase Lebowakgomo. Lomtfolamphilo uvalwe evikini leliphelile ngemuva kwekutfunjwa kuphindze kugagadlelwe bahlengikati lababili ngumuntfu longatiwa. Sicocisana neMnumzane...

Sikhungo lesibukelele kutfutfukisa lusha kuleli  i-National Youth Development Agency (NYDA), sikhutsata bafundzi labangakasenti kahle kamatikuletjeni kutsi babhalise kulelihlelo leliniketa bafundzi litfuba lesibili lekulungisa emamaki abo lolubitwa nge Second Chance Matric Rewrite Programme. Lilunga lebhodi yeNYDA Thulisa Ndlela utsi kubalulekle kutsi bafundzi basukume bayobhalisa kuloluhlelo...

Inyonyana yabothishela iSADTU itsi mkhulu uimsebenti lowentiwe bothishela kuze kutfolakahle lemiphumela lencono yekuphumelela kwebafundzi bakamatikuletjeni beliklasi langa-2024. Sicocisana nalokhulumela iSADTU Nomusa Cembi .

Kuphuma kwemiphumela yebafundzi bakamatikuletjeni banga-2024 kwemukelwe ngetindlela letahlukahlukene njengoba kunalabaphumelele kanye nalabangakaphumelelo. Esikhatsini lesinengi labo lebangakaphumeleli bavame kukhungatseka engcondvweni labanye bagcine sebacabanga kutibulala. Simeme umcondzisi wenhlangano letibita ngekutsi Ungazibulali Awareness Campaign, Nkululeko Khanyi.

Njengoba kuvulwa tikolo, batali labanyhenti bakhala ngekutsi tikolo tibafuna tintfo lebangenamali yekutitsenga. Sikhulumisana namabhalane wenhlangano i-National Association of School Governing Bodies, Matakanya Matakanya, kuva kutsi yini batali lebangayenta nangabe tikolo tibaphocelela kutsi batsenge letintfo letinye tatoi lekungafanele babhadaliswe tona.

Bosolwati bacebisa bafundzi bakamatikuletjeni labaphumelele kutsi bakhumbule kutsi lapho baya khona batawube babodvwa kungekho umtali nathishela. Ngekusho kwe-Educational Psychologist, Dr Rabi Phetla nalabo lebangakaphumeleli abacine lidvolo ngoba loku akusho kuphela kwemphilo futsi abangalahli litsemba ngoba akucali ngabo kutsi babukane nesimo lesidvumatako. 

Tonkhe tifundza takulelive tilikhuphulile lizinga lekuphumelela kwebafundzi bakamatikuletjeni beliklasi langa-2024 nakucatsaniswa nalanga-2023. Ngekusho kwelitiko lemfundvo lesisekelo, tonkhe tifundza titfole emaphesenti langetulu kwalange-84 elizinga lebafundzi labaphumelele matikuletjeni.  Sicocisana nalokhulumela i COSAS velonkhe, Bongani Mpungose

Tati tetemfundvo setivakalise kudvumala ngalokwehla kwesibalo sebafundzi besilisa lababhale luhlolo lakamatikuletjeni kumnyaka wa2024. Sikhulumisana nesati setemfundvo Dr Thuli Mngomezulu

Simeme labanye balabafundzi bakamatikuletjeni bakulesifundza seMpumalanga lebebayincenye yalabo lebaphumelele nmgemalengiso kuvelonkhe. Sicocisana nabo labafundzi,  ngu-Gugu Libambo wasesikolweni i-Mphanama Secondary School ( 3rd position: Technical Maths: Quintile 3)  na-Siboniso Mathebula wase Mayflower Secondary School ( 2nd position: Mathematics),  kutewuva ngabo kutsi bente nga...

Njengobe iMozambique beyifungisa emalunga lamasha ephalamende, emacembu lamabili etepolitiki, i-RENAMO ne-MDM, awudvubile lomcimbi kantsi kubikwe nekutsi imibhikisho ivele yacala phansi kulelalive. Umholi welicembu leliphikisako Venancio Mondlane ubite kutsi kungenelwe imibhikisho ngembi kwekufungiswa kwalokhetselwe kuba ngumengameli Daniel Chapo. Kukhuluka kabanti ngalendzaba sicocisana nemcwanin...

Sihlalo wemtimba webatali lobukele kupjhatfwa kwetikolo kulelive, Elphus Maseko uvakalise kutigcaja ngekusebenta kahle kwebafundzi bakamatikuletjeni banga-2024 kanye babothishela lebatikhandle kakhulu kucinisekisa lemiphumela lemihle. 

Lizinga lekuphasa lebafundzi bakamatikuletjeni banga-2024 kulesifundza seMpumalanga lenyukele ku-84.99% lekusho kukhuphuka nga-8% nalicatsaniswa na-2023. Lokhulumela litiko letemfundvo eMpumalanga Jasper Zwane usichazela ngalokutawube kwenteka namuhla. 

Kunemigwaco lengahambeni esiciwini setinyamatane iKruger National Park ngenca yemvula lene kakhulu kuleyandzawo. Lokhulumela iSANParks, Ike Phaahla utsi batawukhona kubona kahle kutsi ungakanani umonakalo lodalekile naselihhamukile. 

 Ngalesikhatsi etfula inkhulumo yakhe ye-January 8 Statemnet ngeMgcibelo e Khayelitsha, e Nshonalanga Kapa, mengameli wenhlangano yeANC, Cyril Ramaphosa, utsite lenhlangano kumele itakhe kabusha ngoba lemiphumela yelukehtfo lolwengcile ikhombisa kutsi lenhlangano ibukane netinkinga letinyenti lekumele tilungiswe. Umhlatiyi wetembangave  Njingalwati Bheki Mngomezulu utsi bekalindzele kwek...

Masipala wase-Nkomazi kulesifundzeni sase-Mpumalanga ubita bafundzi labaphotfule matikuletjeni kutsi bafake ticelo tekusitwa ngetimali tekubhalisa etikhungweni temfundvo lephakeme. Lomasipala utsi kubukwe kakhulu bafundzi labavela emindenini lecacabula esilondzeni lehlala ngephansi kwalomasipala. Kuva kutsi ingabe loluhlelo lutawusebenta njani, elucingweni sichumana nalokhulumela lomasipala, Cyril...

Emaphoyisa atsi asachubeka neluphenyo lwawo kulandzela kudutjulwa kubulawe bantfu labasiphohlongo ethaveni yase-Pienaar kulesifundza seMpumalanga. Lokhulumela emaphoyisa Lt-Col Jabu Ndubane usetfulela takamuva.  Siphindze sakhulumisana nemphatsi lomkhulu we-Mpumalanga Economic Regulator lokungibo lababukene nekukhishwa kwemalayisensi etindzawo tetjwala, Umnumzane Vusi Mtshweni.

Umphatsiswa wetemfundvo eMpumalanga Cathy Dlamini kulindzeleke avakashele sikolwa i-Othandweni Primary, eDelmas  kumasipala wase-Victor Khanye, njengoba bothishela bavukela emsebentini kusasa. Lokhulumela litiko letemfundvo Jasper Zwane uyasichazela.

Inhlangabno yeANC itawube ibambe umgidvo lomkhulu wekugubha iminyaka lengu-113 yasungulwa e Khayelitsha eNshonalanga Kapa. Lomcimbi weANC, lowatiwa ngeJanuary 8, uvame kusetjentiswa ngulenhlangano njengemhlahlandlela wetinhlelo letawube isebentela kuto kulowomnyaka. Sicocisana nemhlatiyi wetembangave Khaya Sithole.