Ligwalagwala FM Current Affairs

Bantfu labanyenti bacale ngemphelasontfo kungenele indlela lebuyela emisebentini ngekwehlukana kwayo kantsi loku kubone sibalo senyuka eminceleni yakulelive. Sicocisene naGeneral David Chilembe lophuma kuBMA.

Litiko letemfundvo esifundzeni sase-Mpumalanga lente lubito kubahlali, imitimba leyengamele tikolwa kanye netinhlangano temimango  kutsi besekele yonkhe imisebenti yetikolwa kufaka ekhatsi kucinisekisa kuhlanteka kwetikolo. Umphatsiswa walelitiko Cathy Dlamini utsi njengobe sekusele emalangana lambadlwana ngembi kwekutsi tikolwa tivulwe, kumele kucinisekiswe kutsi bafundzi banikwa emagumbi ek...

Kusebenta ngetebuchwepheshe  lekwatiwa nge-4IR kwente kutsi tinkapani letinyenti tintjintje tindlela tekusebenta. Loku sekutsintsa netinkapani tebemaphephandzaba. Kulenyanga leyengcile yeNgongoni 2024 emaphephandzaba lamanyentana lamakhulu lafaka ekhatsi i-City Press evakalisa kutsi angeke asagaya emaphephandzaba kepha kunaloko sekatawushicilelwa ngendlela ya-Online. Kubuka kutsi ingabe lendl...

Kubonakala kukunyenti lekulindzeleke kutsi kwenteke kunawu mnyaka ngasehlangotsini letindzaba kupolitiki.  Simeme intsatseli yetepolitiki kaSABC Samkele Maseko kutewubuka naye tindzaba letitawuba sematseni.

Esigabeni setfu  sekucubungula emabhuku, namuhla sitawube sibuka libhuku lelitsi "Heiress Decides To Be A Princess" lelibhalwe ngekubambisana bo Mbali Sebapu naNtombenhle Khathwane. Ngekusho kwalababhali lelibhuku likhuluma ngetindlela tekulwa nekuhlukunyetwa kanye neludlame lolubhekiswe kubomake nebantfwana. Kepha lotasichazela kabanti ngulomunye walababhali lesinaye elucingweni, Ntombenhle...

Kunemibiko letsi letinye takhamuti  taseveni lase Mozambiki, tibalekela eveni lase eSwatini kulandzela lemibhikisho lecubuke ngenca yekungenetiseki ngemiphumela yelukhetfo e Mozambiki. Kepha kuva kutsi lelive  lase e Swatini libukana njani nalesimo sicocissana nalokhulumela hulumende wase Swatini, Alphues  Nxumalo.

Umholi wenhlangano lephikisako eMozambiki, Venancio Mondlane sewucele kutsi kube nekuthula nelubumbano kulandzela lemibhikisho lecubuke kulelalive ngenca yekungenetiseki ngemiphumela yelukhetfo. Lemibhikisho itiphe emandla ngemuva kwesimemetelo semkhandlu wemtsetfo-sisekelo eMozambique sekutsi Daniel Chapo weFRELIMO nguye lophumelele lolukhetfo ngemavoti langu 65%, lekehle asuka-71% lowamenyetelwa...

Kungumkhuba lotayelekile kutsi njalo nakucala umnyaka lomusha bantfu babhalele phansi tintfo labafisa kutenta ngembi kwekuphela kwemnyaka. Kepha sincane sibalo sebantfu labaphumelela kutifeza leto tifiso tabo. Simeme umfundisi Jerry Khoza kutococa naye ngaloludzaba.

Kubuka tindzaba letihambe embili nga-2024 eMpumalanga sikhulumisana nentsatseli ye-SABC Motsebi wa Monareng.

Umkhandlu wemabandla kuleli i South African Council of Churches (SACC) ubita labasemandleni kutsi bangenelele ngekuphutfuma kulesimo lesichubeka eveni lase Mozambique. Sicocisana namabhalane jikelele walomkhandlu, Rev Mzwandile Molo.

Sikhulumisana nemeluleki ngetitimali Sandile Shongwe njengobe kucala umnyaka. Bantfu labanyenti bavamisile kutibophelela ngekubeka eceleni lokutsite nakusasuka phansi umnyaka.

Litiko letekuphepha kwemphakatsi kuvikeleka kanye nekuchumana esifundzeni sase-Mpumalanga litsi kuboshwe bantfu labengetulu kwemakhulu lasihlanu ngemacala ekushayela banatse tjwala  kusukela kucale inyanga ye-Ngongoni. Kutfola kabanti ngalendzaba,simeme lokhulumela lelitiko, Moeti Mmusi

Bashayeli betimoti bangena netindzaba letingasimnandzi kulomnyaka lomusha wa 2025. Litiko letimbiwa nemandla selikhiphe umbiko lotsi emafutsa etimoto kulindzeleke enyuke, lapho intsengo yaphethiloli kulindzeleke yenyuke ngemasenti lasemkhatsini kwalangu-12 nalangu-19, i-dizili ikhuphuke ngalasemkhatsini kwalasikhombisa nalalishumi kantsi intsengo yaphalafini kulindzeleke yehle ngemasenti layimfica...

Njengoba kuphela lomnyaka wa-2024 sicele sati ngetindzaba tebugebengu Dkt Mxolisi Mathebula kutewubuka kutsi usebente njani hulumende ekulweni nebugebengu kulelive.

Kulelilanga lekugcina lemnyaka banyenti bantfu labanetifiso netinhlelo tekudla kudla lokufanele nalokunemsoco. Babodvwa labenta loko ngobe bafuna kwehla emtimbeni, kantsi labanye bentela imphilo lencono kuze b alwe netifo letibomahlalakhona. Simene Sylvia Maseko longuchwepheshe ngekudla lokumaseko matsatfu.

Ngekusho kwesikhungo stekucwaninga, iHuman Sciences Research Council, bangetulu kwamaphesenti langemashumi lasitfupha bantfwana bakulelive lebangahlali nabobabe wabo lebabatalako. Lekusho kutsi labo bantfwana bakhula kute umuntfu wesilisa emphilweni yabo. Simeme Umnumzane Lucky Masango wenhlangano i-MenUp kutokhuluma ngaloludzaba

Ndvunankhulu wesive semaZulu lokhishiwe kulesikhundla Thulasizwe Buthelezi utsi uve ngemitfombo yebetindzaba kutsi sewukhishiwe kulesikhundla kantsi usengakakhulumi neSilo Misuzulu kaZwelithini.  Simeme Njingalwati Sihawu Ngubane kutewubuka loludzaba.

Kudzilika kwelibhuloho kuholele ekuvalweni kwemgwaco losemkhatsini kweCarolina neCrissiesmeer kulesifundza seMpumalanga. Umphatsiswa welitiko letemisebenti yesive, temigwaco netekutfutsa, Thulasizwe Thomo utsi tinyenti tizatfu letingahle tibange kudzilika kwalelibhuloho letifaka ekhatsi kwekutsi selidzala kakhului kantsi nelitulu liyana.

Inhlangano letibita ngeMining Affected Communities United in Action (MACUA) ibita kwekutsi balekelelwe bakhishwe labavukuti labangekho emtsetfweni lebavaleleke emayini iStilfontein eNorth West. Lomelele iMACUA Sabelo Mnguni utsi akuphocelelwe lemayini beyigubha kuleyandzawo kutsi kube ngiyo lekhipha labavukuti labangekho emtsetfweni.

Intro: Inhlangano yebaholi bendzabuko kulelive i CONTRALESA itsi iyakwemukela lokucoshwa kwaNdvunankhulu wesive semaZulu, Umfundisi Thulasizwe Buthelezi. Mengameli walenhlangano Kgosi Mathupa Mokoena utsi Buthelezi wehlulekile kwenta umsebenti wakhe ngendlela lefanele. 

Esigabeni setfu  sekucubungula emabhuku, namuhla sitawube sikhuluma  ngelibhuku lelitsi "Found me while chasing after lost  donkeys" leibhalwe nguSbu Ngubane, lelibuke indzaba yekutfola ungumuntfu kanye nenjongo yakho yekuphila. Kepha lotalichaza kabanti nguye umbhali walo Sbu Ngubane.

Emaphoyisa ase Limpopo abophe indvodza leneminyaka lengema-28 ngelicala lekudlwengula umntfwana longephansi ngeminyaka (statutary rape). Loku kuta ngemuva kwekutsi intfombatane leneminyaka lelishumi nakutsaftu ibe ngulomunye walabomake lababeleke bantfwana ngelilanga lakhisimusi.. Sibalo semantfombatane lasemancane labeleke banftwana ngakhisimusi siyatfusa lekuholele ekutseni  kube nekukhala...

Ngalesikhatsi semaholide akhisimusi bantfu labanyenti basibona njengesekutijabulisa kantsi tinyenti tindlela lebatijabulisa ngato. Esikhatsini lesiningi bantfu banatsa kakhulu tjwala ngalesikhatsi semnyaka, ikakhulukati lusha njengendlela yekutijabulisa. Ngekusho kwabosolwati ngetenhlalo kanyenti bantfu labasha bavame kuyengana bahudvulane ebusuku nasebungekhatsi. Kungako simeme litiko letemphilo...

Tiphatsimandla tase Mozambique titsi ligadze kutsi benyuke bugebengu kulandzela lutfutfuva lolucubuke ejele kanye nekweca kwetiboshwa enhlokodolobha iMaputo, lekushiye bantfu labangu-33 enkundleni kwalimala labanye labali-15. Letibhelu nalemibhikisho lecubuke kulelalive ilandzela simemetelo semkhandlu lobukele umtsetfo-sisekelo lesicinisekise kuphumelela kwenhlangano iFrelimo elukhetfweni lolusand...

Litiko letekuphepah kwemphakatsi, kuvikeleka nekuchumana eMpumalanga litsi kuthulile kuhamba kwetimoti emgwacweni ngalelilanga lakhisimusi kungefani nakulamalanga labendvulela khisimusi. Sicocisana nalokhulumela lelitiko Moeti Mmusi. Kanfsi simeme nalokhulumela emaphoyisa esifundza Brigadier Donald Mdluli kutewuva kuitsi basebente njani ekulweni nebugebengu kudzimate kube ngunyalo.