Ligwalagwala FM Current Affairs

Kulindzeleke kube nekunyakata lokutsite etimakethe temhlaba kulandzela simemetelo samengameli waseMelika Donald Trump sekukhuphula intsela yemikhicito lengena e Melika. Labanye bahlatiyi betemnotfo batsi timakethe titawuchubeka nekulahlekelwa timali njengoba kwentekile ngasekupheleni kweleliviki leliphelile ngalesikhatsi kwentiwa lesimemetelo. Kubuka umtselela walesimemetelo etimakethe temhlaba na...

Namuhla umhlaba wonke ubungata lilanga letemphilo, lelasukunyiswa nguMhlabuhlangene nga-1948. Kubuka kubaluleka kwalelilanga sikhulumisana naLindiwe Sambo longuMgcugcuteli ngetemphilo etikweni letemphilo kulesifundza seMpumalanga.

Litiko letemisebenti yesive netakhiwoncanti likucinisekisile kutsi litabatsatsela tinyatselo temtsetfo labo bebangemalunga ephalamende phambilini labangafuni kuphuma etindlini tembuso bebahlaliswe kuto. Kubikwa kutsi emalunga lamatsatfu aphambilini e MK-PARTY kanye nalinye le ANC, ayala kuphuma kuletindlu lekuhlala kuto emalunga ephalamende. Sicocisene ne Mnuzane Lennox Mabaso lokhulumela lelitiko...

Bantfu babonakala bangena bayaphuma emahhovisini abomasipala kutsiwa bayobhalisela tindlu tesibonelelo, letatiwa ngema-RDP. Labanye bebahlali batsi batfwele ngemakhansela abo kutsi bayobhalisela letindlu kantsi kutsiwa lokubhaliswa kuvalwa nakuphela yona lenyanga lesetulu. Sibese sicela litiko letekubusa ngekubambisana, kuhlaliswa kwebantfu kanye netindzaba tebaholi bendzabuko kutokhuluma ngalemib...

Kushone bantfu labasihlanu engotini leyenteke emgwaceni i-N4 emkhatsini kwase Machadodorp nase Belfast kulesifundza se Mpumalanga. Kutfola kabanti sicocisene na Moeti Mmusi lokhulumela litiko letekuphepha kwemphakatsi, kuvikeleka nekuchumana.

Liyachubeka likomidi letasekhaya ephalamende ngekuvakashela tigodzi takulesifundza sase-Mpumalanga ngenhloso yekutfola luvo lwebantfu mayelana netingucuko letihlongotwako emishwadweni. Kutfola takamuva ngalomsebenti walekomiti, sikhulumisana nelilunga lalekomiti Busaphi Machi.

Sewandze kakhulu lomkhuba wekungabi neticu  ikakhulukati labo lebafaka ticelo temisebenti yetikhundla letisetulu. Ngekusho kwalomunye wetifundziswa takulelive Busani Ngcaweni, labanyenti balabo lebafaka leticelo kuletikhundla letisetulu basuke baneticu mbumbulu. Sicele sihlalo wePublic Service Commission, Prof Somadoda Fikeni kutokhuluma ngalendzaba...

Esigabeni setfu  sekucubungula emabhuku, namuhla sikhuluma ngelibhuku lelibhalwe ngu-Khensani Sayisa lelitsi 'Saw it with my naked eyes'. 

Indvuna yelitiko letekuhweba netimboni kulelive Parks Tau utsi lesimemetele lesentiwe ngumengameli weleMelika Donald Trump sekukhuphulela ku-31% imikhicito letsengiselwa iMelika singahle sikhinyabete kusebenta kwalomtsetfo wetekuhwebelana nemave ase-Africa i-AGOA. Sikhulumisene nemhlatiyi wetemnotfo Precious Lugayeni

Masipala wase Tshwane uphasise umtsetfo lotawuvumela i- leave lekhetsekile kutisebenti letifuna kuyotfwasa. I Traditional Healers Organisation (THO) itsi iyasemukela lesinyatselo kantsi incusa neletinye tikhungo tahulumende nemkhakha wangasese kutsi silandzelwe lesinyatselo. Kwenaba kabanti ngalendzaba, simeme Gogo Abraham Nqobizitha we- THO.

Lihhovisi letekushushisa i NPA, litsi umfundisi Timothy Omotoso utawubuyiselwa eveni lakubo eNigeria, kulandzela kutfolwa angenacala yinkantolo lephakeme eGqeberha. Omotoso nabo Lusanda Sulani na Zukiswa Sitho lamangalelwe nabo, batfolwe bamsulwa kuwo onke lamacala bebabekwe wona lekubalwa kuwo kugagadlela, kushushumbisa bantfu nekuhweba ngemali lengcolile. Sicocisana na Bishop Mashashane, longu-M...

Iyacala namuhla ingcungcutsela lebuke tindzaba tebantfwana kanye nekuhlukunyetwa kwabo eAfrica, i-Bi-Annual Africa Children Summit, lebanjelwa e Jozi. Lengcungcutsela yemalanga lamane itawuphindze ibuke tehlakalo letibonakala tichubeka nekwandza tekuhlukunyetwa kwebantfwana kulelive kati le-Afrika. Kubanjwa kwalengcungcutsela kufika nje vele luyandza lubito lekuciniswa kwemtsetfo kulabo labatfolwa...

Tiya ngekwandza tehlakalo tekugagadlelwa kwebantfwana etikolweni nasetinkulisa takulelive kangangekutsi tinhlangano temimango titfutseleke emigwacweni titsi sekwanele. Kubuka kutsi silive sifike njani kulesimo,  sikhulumisene namabhalane wemtimba lobuke kuvuselelwa kwesimilo kulesifundza seMpumalanga, iMoral Regeneration Movement, Bishop V. Mdaka.

Indvuna yelitiko letekubusa ngekubambisana netindzaba tebaholi bendzabuko, Inkosi Velonkosini Hlabisa wetfula ngalokusemtsetfweni luhlelo lwekucocisana nesive ngeluhlelo lekuklaywa kabusha kwema-wadi abomasipala. Lomcimbi ubanjelwe eWhite river, Mpumalanga. Sicele sodolobha wamasipala weMbombela, Sibongile Makhushe kutewukhuluma ngaloludzaba.

Silandze sati setemtsetfo, Umnumzane Mpumelelo Zikalala kutewubuka kutsi kusho kutsini kuphuma embili emacaleni kwemfundisi Timothy Omotoso kanye nalababili labemangalelwe nabo.

Likomidi lasephalamende lelibuke tindzaba tasekhaya litawube lihambele lesifundza se Mpumalanga ngenhloso yekuva luvo lwebantfu mayelana nemtsetfo sivivinyo wemshado (Marriage Bill). Sicocisana na Busaphi Machi lophuma kulekomiti yasephalamende.

Bandlakhulu walelive wemukele inchubomgomo yetetimali kanye nesiphakamiso sekucokelela intsela, njengekusho kwesiphakamiso sendvuna yetimali Enoch Godongwana. Lenchubomgomo leyemukelwe, ifakekhatsi tiphakamiso tekutsi umgcinimafa kumele anikwe emalanga langemashumi lamatsatfu ekutfola letinye tindlela tekukhuphula intsela, agweme kukhuphula i VAT, kulungiswe nentsela ledvonswa emiholweni. I DA len...

Sesicalile sikhatsi sekugomela umkhuhlane kulelive. Imibiko itsi kugoma kwehlisa ematfuba ekungenwa mikhuhlane leyingoti levame kukulalisa phansi. Kubuka kubaluleka kwekugomela umkhuhlane simeme lisekelamcondzisi egunjini letifo letitsatselanako etikweni letemphilo kulesifundza seMpumalanga (Deputy Director of Communicable Disease) Phumzile Phiri.

Namuhla umhlabawonkhe ugubha lilanga lebantfu lebaphila nesimo lesatiwa ngekutsi yi-Autism. Sifuna kubuka kutsi yini lengentiwa kusekela labo lebahlala nebantfu labaphila ne- Autism njengoba labanye bakhala ngekukhatsateka emoyeni lebabukana nako ngenca yekunakekela lbo lebaphetfwe yi-Autism. Sicocisane nadokotela loluleka ngengcondvo Zandile Shabangu.

Itolo bekunemibhikisho kulo lonkhe lelive lebeyikhankaselwa bulungiswa esehlakalweni sekugagadlelwa kwemntfwana loneminyaka lesikhombisa  esikolweni i-Bergview college  e-Mpumalanga Kapa. Thithishelanhloko walesikolo usolwa ngekufuna kubabisana neluphenyo lwemaphoyisa njengoba bekuphakanyiswe kutsi ayowenta luhlolo lwe-DNA kuze kutfolakale kutsi akatsintseki yini kulesehlakalo. Kubuka ku...

Litiko letemfundvo kulesifundza se-Mpumalanga belibambe umhlanganosikolo wemalanga lamabili kutocobelana ngelwati kanye nekuta nemasu ekuhlela nekutfutfukisa tinhlelo tekusebenta kwalo kulomnyaka wa  2025/26 . Simeme uMphatsiswa walelitiko, MEC Cathy Dlamini.

Kucale namuhla kusebenta ngalokusemtsetfweni kwematiko lasahlanganisiwe kulesifundza seMpumalanga, lekulitiko letekubusa ngekubambisana nebaholi bendzabuko kanye neletekuhlaliswa kwebantfu. Nyalo sekwakheke litiko lelibitwa ngelekubusa ngekubambisana, kuhlaliswa kwebantfu kanye netindzaba tebaholi bendzabuko iCOGHSTA. Simeme umphatsiswa weCOGHSTA, Speedy Mashilo kutewukhuluma ngalelitiko...

Emaphoyisa esifundza seMpumalanga layincenye yemkhankaso wekuvalwa kwetimayini letingasasebenti lobitwa ngaOperation Vala Umgodi, abophe basolwa labasikhombisa labasemkhatsini kweminyaka leli-18 kanye nalengema-67 budzala, lekusolwa kutsi abasibo bakulelive. Kukhuluma kabanti ngalendzaba sicocisana naKapteni Mpho Nonyane loyincenye yaleOperation Vala Umgodi

Bantfu labanyenti base Zimbabwe balushaye ngenhlanekela lubito lwekutsi bangenele imibhikisho, ngemuva kwekutsi tiphatsimandla tihlanyele emalunga etekuphepha nekuvikeleka lamanyenti eveni. Labanye bomabuyemphini babite bantfu kutsi babhikishe kute baphocelele mengameli Emmerson Mnangagwa kutsi esule esikhundleni . Sicocisene nemhlatiyi wetindzaba tase Afrika,  Advocate Sipho Mantula.

Inhlangano i-Association of water and sanitation of South Africa ( AWSISA) itsi yahambisana naletincumo letitsetfwe kulomhlangano wemalanga lamabili i-Water and Sanitation Indaba. Lomhlangano bewubonisana ngetindlela tekubukana netinkinga temanti netekuhlanteka kulelive. Kutfola kabanti ngaloludzaba, sicocisene na Dr Nicollete Mhlanga-Ndlovu: ACTING CEO of the Inkomati Usuthu Catchment Managemnt A...