Ligwalagwala FM Current Affairs

Indvuna yetekucasha nebasebenti, Nomakhosazana Meth, namuhla utawube aseMbombela kulesifundza se-Mpumalanga, kutewuniketa tinkontileka letili-15 letibita R460 million ngephansi kweluhlelo lwe-Labour Activation Programme (LAP). Loluhlelo kusungula ematfuba emsebenti langetulu kwetinkulungwane letiyimfica nemakhulu lasitfupha eMpumalanga.  Sicocisene naThobeka Magcai lokhulumela lelitiko leteku...

Labo labanenshisakalo yekufuna kuba balingisi bayamenywa kutsi batawuholanganyela kuma-auditions lahlelwe yinkapani i-Dlambili Production. Sibite yena umnikati walenkapani iDlambili Production lophindze abe ngumbhali wemafilimu, Kate Masilela.

Umcondzisi weVoice of America utsatsele tinyatselo temtsetfo tikhulu tahulumende wamengameli wasemelika Donald Trump ngemitamo yekuvala lenkapani yabetindzaba. Loku kulandzela simemetelo samengameli Donald Trump ngasekucaleni kwalenyanga nakatsi akuvalwe lenkapani nekutsi tisebenti talenkapani atitsatse likhefu emsebentini kantsi labo lebangasebenti ngalokugcwele bona bamisiwe emsebentini..Simeme...

Namuhla sicubungula libhuku lelibhalwe nguThandeka Mtsweni, lelinesihloko lesitsi 'The  Broken Soul'. 

Indzaba yabosomabhizinisi labacekela phansi takhiwoncanti temanti kuze batohlomula nangabe emanti angasafiki ebantfwini, ivelile ngalesikhatsi mengameli Cyril Ramaphosa etfula inkhulumo yekuvula inkomfa yemanti lltsetse emalanga lamabili eJozi. Sikhulumisana nelisekela lendvuna yetemanti netekuhlanteka, David Mahlobo.

Sekusungulwe ngalokusemtsetfweni umtimba lekutsiwa utawubukelela tindzawo letihlalisa bafundzi lobitwa nge-National Association for Student Accomodation Transformation (NASAT). Lomtimba kubikwa kutsi utawucinisekisa kutsi bafundzi batfola tindzawo tekuhlala letiphephile njengoba utawusebentisana naletinye tinhlangano letimele banikati betindzawo letihlalisa bafundzi. Lotasichazela kabanti ngalomti...

Belubanjwe namuhla lilanga lekucwashisa ngesifo sesifuba iTB, kulesifundza seMpumalanga. Simeme umphatsiwa welitiko letemphilo eMpumalanga, Sasekani Manzini.  

 Inhlanbgano yelusha letibita ngeYouth of Mbombela beyihlangene namuhla kutewubika kutsi bahambe kangakanani ngekukhulumisana kwabo neUniversity of Mpumalanga. Ngaphambhilini lenhlangano yamashela kulenyuvesi iyokhala ngekutsi bafuna kucashwa nabo kulemisebenti levuleka kulenyunivesi. Kutfola takamuva sikhulumisana nalomunye webaholi bale Youth of Mbombela, Thapelo Magagula.

Likomiti lemcebo lombiwa phansi ephalamende litsi likhatsatekile ngemagalashi etimoto latsengisa i-diesel ne-petrol lengcolile. Luphenyo lwalekomiti lutfole kutsi manyenti emagalashi latsengisa emafutsa etimoti langakalungeli kutsi angatselwa etimotini ngoba anebungoti lobutsite. Sicocisene nasihlalo walelikomiti Mikateko Mahlaule

Bekubanjwe umhlanganosifundvo wekuhlonipha loyi lowake waba nguNdvunankhulu wesabelo besatiwa ngeKaNgwane ngesikhatsi sahulumende welubandlululo, Umnumzane Enos Mabuza. Mabuza wadlala inzima lebaluleke kakhulu enkululekweni yebantfu balelive ikakhulu balendzawo yanganeno beyatiwa ngaphambhilini ngeEastern Transvaal lesekusifundza seMpumalanga. Lowetfule lenkhulumosifundvo bekulisekela lendvuna yet...

Sikhungo lesitsatsisa emalayisensi ekushayela timoti lesingaphansi kwamasipala weThembhisile Hani sesitawungena ngaphansi kwelitiko letekuphepha kwemphakatsi, kuvikeleka nekuchumana kulesifundza seMpumalanga. Loku kuta ngemuva kwesincumo sekutsi tonke tindzawo letitsatsisa emalayisensi ekushayela tifakwe ngaphansi kwalelitiko.. Sicocisana nalokhulumela lelitiko kulesifundza Moeti Mmusi.

Inhlangano lemele umango i-SANCO ihlela kumashela kumasipala wase Dipaleseng kulesifundza sase Mpumalanga namuhla. Mabhalane weSANCO kulesifundza Linda Dlamini utsi basukumisa umkhankaso lotsi "Khuluma Mhlali" njengendlela yekungenelela etinkingeni letibukene nemiphakatsi ngekwehlukana kwayo.

Budlelwane emkhatsini wemaphoyisa kanye nema-CPF kumele kucinisekiswe kutsi buhlala bubuhle futsi kube lula kusebentisana. Lawa ngemavi esati ngetebugebengu Dr Mxolisi Mathebula lotsite kubalulekile kutsi ema-CPF aniketwe tinsita letifanele tekusebenta. 

Sikhwama lesilekelela bafundzi ngetimali tekufundza, iNational Student Financial Aid Scheme (NSFAS), siyakwemukela lokukhala lokuvakaliswe banikati betindzawo letihlalisa bafundzi mayelana nekungabhadalwa ngesikhatsi kwalemali yekuhlalisa bafundzi. Simeme lokhulumela i-NSFAS, uMnu Ishmael Mnisi.

Bantfu labangetulu kwemakhulu lamane bebagcwele emigwacweni yaseThekwini esifundzeni sa-KwaZulu-Natal ngeMsombuluko. Labantfu bebakhonondza ngekugcwala kwebantfu labangenamvumo yekuba kuleli. mashi, bakhala ngekungena kuleli ngalokungekho emtsetfweni kwebantfu lababuya kulamanye emave.  Sikhulumisana nalomunye webahleli balemashi, Nozibusiso Khambule.

Kubikwa ngemkhuhlane loyingoti lobitwa nge Bird flu, lekusolwa kutsi uhlasela tilwane letimunyisako (Mammals), lesekwesatjwa kutsi ungahle wundlulele nasebantfwini.  Sicocisane nemcwaningi ngemagciwane labanga tifo, Dr Nqobile Ngoma (Epidemiologist).

Indvuna yelitiko letasekhaya Leon Schreiber kanye nemlingani wakhe Andy Mothibi weluphiko leliphenya ngalokukhetsekile i-SIU basungule sigungu lesitawubuka tehlakalo tekwephulwa kwemtsetfo eminceleni yakulelive, i-Border Management and Immigration Anti Corruption Forum. Kukhuluma kabanti ngalesigungu simeme Nkomishana weBorder Management Authority, David Chilembe.

I Black Forum South Africa (BFSA) ibhalele incwadzi indvuna yetemisebenti yesive netinsitancanti, Dean Macpherson imcwayisa kutsi angachubeki nekucasha emalunga lamane ebhodi ye-Independent Development Trust (IDT). Kepha kutfola kabanti ngalokugogonya lomkhandlu, simeme Advocate Happy Nkabinde lovela kuyo i BFSA.

Likomidi lasephalamende lelibukele budlelwane nemave emhlaba lisemkhankasweni wekuhambele tifundza letintsatfu kuleliviki, iMpumalanga, i-North West, kanye ne- Gauteng. Lelikomidi liyocala kulesifundza namuhla ngenhloso yekwetfula luhlelo lwekubandzakanya sive etindzabeni letiphatselene nemave angaphandle. Kutfola kabanti ngaloku, ecingweni sicocisene nasihlalo walelikomidi, Supra Mahumapelo.

Kwenyuka kwelizinga lebugebengu kulelive ngiso sizatfu sekusungulwa kwetinhlelo tekucinisekisa kuphepha kwemiphakatsini, letifaka ekhatsi ema Community Policing Forums (CPF). Ema-CPF asungulelwe kucinisekisa kuphepha kwemphakatsi, ngekutsi kubanjiswane emkhatsini wemaphoyisa nawo umphakatsi. Simeme lelinye lilunga leCPF eHazyview lelingakafuni kudzalulwe libiro lalo kutosichazela ngalomsebenti leb...

Sikhulumisana nalomunye lowasindza kulesiso sesifuba i TB, nguu-Suzan Shabangu.

Ndvunankulu wase Gauteng Panyaza Lesufi ukucinisekisile kutsi sibalo sebantrfu lebashone kulesehlakalo sekudubula lesenteke eSoshanguve ngeMgcibelo,sesenyukele kulabasihlanu. Lesufi bekakhuluma nebahlali basemikhukhwini eMary Me. Ngekusho kwemaphoyisa kutsite ngetitfuba tensimbi yesitsatfu ekuseni ngeMgcibeli licembu lebantfu lebagadza tigangi kulomango lihlangene nebantfu labasihlanu emgwacweni k...

Inhlangano yetemphilo emhlabeni (WHO) itibekele umnyaka wa 2030 kutsi sibe sesincotjiwe sifo sesifuba (TB).  Namuhla umhlabawonke ugubha lilanga lekuchushisa ngesifo seTB.  Sicocisene nemphatsi we-South African National Aids Council, Dr Thembisile Xulu.

Litiko letemphilo eMpumalanga litsi alisameli umuntfu kutsi akhombise timphawu teTB, kepha selicalile kuhlola noma ngubani lekusolisa kutsi unekugula lokutsite. Lokhulumela lelitiko eludzabeni lwetifo letitsatselanako, Thoko Tsela.

Mengameli Cyril Ramphosa uvumile kutsi hulumende we-ANC wenta liphutsa ngekungatfutfukisi tinkulisa kulelive. Mengameli Ramaphosa abekhuluma  kulengcungcutsela yeEarly Childhood Development Leadership lebeyibanjelwe eBraamfontein eJozi ngasekucaleni kweliviki. Kwenaba ngalendzaba sikhulumisana nesati setemfundvo Dr Thuli Mngomezulu.