Ligwalagwala FM Current Affairs

Basengotini yekucoshwa lapho bahlala khona bafundzi labangetulu kwemakhulu lasihlanu bakulesifundza seMpumalanga lababhadalelwa yi-NSFAS. Banikati baletindlu letihlalisa labafundzi bakhala ngekutsi iNSFAS ihlulekile kufeza setsembiso sayo sekubhadala. Kutfola takamuva sicocisana nalokhulumela i-Mpumalanga Accommodation Service Association (MASA), Umnumzane Amos Mdluli

Kutfolakale sidvumbu semelaphi wendzabuko ngemphelasontfo emfuleni Umgwenya  dvute na KaNyamazane kulesifundza se Mpumalanga. Lokhulumela emaphoyisa Colonel Jabu Ndubane.

Inhlangano lephikisako eveni le Tanzania, i-CHADEMA PARTY, yalile kusayina imigomo lemisha yekutiphatsa ekhetfweni (Electoral Code of Conduct), lokusho kutsi ingahle ingavunyelwa kutsi ingenele lukhetfo lwamengameli lekuhlelwe kutsi lubanjwe ngenyanga yeMphala kulomnyaka losetulu. Sicocisene nemhlatiyi wetepolitiki, Sandile Swana.

Inhlangano yebaholi bendzabuko iCONTRALESA ibita hulumende kutsi ete netindlela letitawusita kugwema kundlulisela etinkantolo tinkinga letihlangabetana nemindeni yebukhosi. Mengameli weCONTRALESA, Kgosi Mathupa Mokoena utsi imindeni leminyenti yasebukhosini seyigijimela etinkoantolo kuze isombulule tinkinga tasebukhosini letifaka ekhatsi netembango wesihlalo sebukhosi. Mokoena utsi tikhona tindlel...

Lenkofa yabomake labangemaJaji, i Biennial Conference of International Association of Woman Judges lebanjelwe eKapa, ifika emaphetselweni namuhla. Lenkofa beyibanjwe ngaphasi kwesicubulo lesitsi 'Resilince Women in Leadershig to End Gender Based Violence and Femicide'.  Simeme lomunye bekahambele lenkomfa Zikhona Ndlebe lophuma egunjini iDemocratic Governance and Rights Unit ngephansi kwe-Jud...

Esigabeni setfu  semabhuku, namuhla sicubungula libhuku lelibhalwe nguNjabulo Mabanga lelinesihloko  lelitsi "Stop Being A Nice Guy". 

Inyonyana yabothishela iNATU itsi kubalulekile kuhlola limuva labothishela kuze kucinisekiswe kutsi abanawo emacala ekuhlukumeta bantfwana ngetemacansi. Lisekela lememngameli weNATU Mandla Mabuza uphakamisa kutsi lokunye lokungasita kuhlola limuva lemuntfu lofundzela buthishela asasenyuvesi kunekutsi ayekelwe afundze iminyaka lemine abese utohlolwa sekacedzile. 

Licembu lemculo wembholoho i-Ladysmith Black Mamba lihlanganisa iminyaka lengema-65 lasungulwa. Njengencenye yekubungata leminyaka, lelicembu kulindzeleke lihambele tindzawo letinyentana njengenceye yekujabulisa balandzeli balo. Sikhulumisene na-Albert Mazibuko lolilunga lawo Amambazo Amnyama.

Kulandzela kuphuma toli kwemfundisi Timothy Omotoso lobekabukene nemacala langemashumi lamatsatfu nakubili lafaka ekhatsi kugagadlela, nekunnkubeta ngekwemacansi, tikhungo letintsatfu tahulumende tincume kusungula likhomishana lelitawubuka indlela lekushushiswa ngayo emacala ekugagadlela. Letikhungo letitsetse lesincumo likhomishana lekutfutfukisa temasiko, inkolo nelulwimi iCRL, kube likomishana...

Indvuna yetekubusa ngekubambisana netindzaba tebaholi bendzabuko, Vekenkosini Hlabisa, ucwayise banikati betitodlwana tetiphaza lebangalandzeli imigomo lebekiwe kutsi beme kusebenta. Hlabisa bekakhuluma ngaphandle esibhedlela iChris Hani Baragwanath, eSoweto kulandzela lesigameko salomtfwana losesimeni lesibucayi  ngemva kwekutsi adle emafotjofotjo lanebutsi. Simeme Umnuzane Sakhile Madonsela...

Umhlatiyi wetemtsetfo ummeli Bongani Matsane lophuma ku-Matsane Attorneys utsi kutsatsa sikhatsi lesidze kwekutekwa kwemacala ekugagadlela kunemtselela lomubi ekushushisweni ngemphumelelo kwalamacala. Matsane utsi lenye insayeya kungabo nebashushisi lebanelwati l;olujulile ngemacala lakhetsekile.

Lesincumo samengameli waseMelika Donald Trump sekwenyusa intsela yemali lebhadalwa imikhicito lengena eMelika siyachubeka nekutamatamisa timakethe temave emhlaba. Kulo leliviki Trump umemetele kutsi ukumisa ngetinsuku letingema-90 kukhuphula lentsela yakulamanye emave ngephandle kweChina layikhuphulele nga-125%. Sicocisana naProf Bonke Dumisa kutosichazela kabanti ngalendzaba yema-tariffs.

Inyonyana yetisebenti tamasipala i-South African Municipal Workers' Union , isemukele sincumo senkantolo yemtsetfosisekelo lesitsi incenye yemtsetfo  i-Municipal Systems Act  levimbela tisebenti kutsi tibambe tikhundla tepolitiki siphambene nemtsetfo sisekelo futsi asikho emtsetfweni . Lesincumo sita  ngemuva kwekutsi i-SAMWU iphikisane netigatjana letitsite kulomtsetfo i-iMunicipal...

Inhlangano yemakhomanisi iSACP itsi ikhumbula imphilo yemholi wayo lowabulawa Chris Hani eminyakeni lengemashumi lamatsatfu nakubili leyengcile, ngelusizi ngoba ikholelwa ekutseni bulungiswa amange bugcinwe ikakhulukati ngekukhululwa ejele kwembulali wakhe Januz Waluz. Sikhulumisene namabhalane jikelele we-SACP kulesifundza seMpumalanga, Umnumzane Lucky Mbuyane

Indvuna yelitiko letekuhwebelana netimboni Parks Tau nendvuna yelitiko letekutfutfukiswa kwemabhizinisini lasasemancane asemalokishini, Stella Ndabeni betfule ngalokusemtsetfweni sikhwama semali lengu R500 million yekwesekela emabhizinisi lamancane. Kukhuluma ngalendzaba sicele uMnu Sakhile Madonsela lovela enhlanganweni i-Food 4 Nation Foundation. 

Litiko letemaphoyisa kuvelonkhe litamukele tiphakamiso takamuva  letentiwe likomiti letemaphoyisa ephalamende leliphakamise kutsi kwentiwe luphenyo nge-forensic laboratory emaphoyisa. Kunemibiko letsi kunekubambeleleka kwekukhishwa kwemiphumela yeluhlolo lweDNA lolutsintsa emacala lasenkantolo labalelwa ku-140 thousand. Kukhuluba kabanti ngalendzaba sicocisana na Brigadier Fikile Hlalela loph...

Litiko letemisebenti yesive, imigwaco kanye netekutfutsa kulesifundza seMpumalanga litsi limatasatasa lilungisa letinkinga letibange kwabambeleleka kubhadalwa kwabanikati betimoti letitfutsa bafundzi naabaya noma babuya sikolweni (scholar transport). Kuyiva kahle lendzaba simeme lokhulumela lelitiko, Umnumzane Bongani Dlamini.

Mengameli Cyril Ramaphosa utsi ubalulekile lomgomo lotsi bulungiswa kufanele bubonakale bentiwa kuze kuliwe nabudlova lobeyamenennetebulili kanye nekubulawa kwebantfu labasikati. Ramaphosa bekakhuluma kulenkomfa yelishumi nesikhombisa yemaJaji abomake iBiennial Conference of the International Association of Women Judges (IAWJ) lebanjelwe eeKapa ngaphansi kwesicubulo lesitsi " Resilience: Women in...

Isongwa namuhla ingcungcutsele ye- African Peer Review Mechanism (APRM), lekungumtimba lowasungulelwa kubuka kucobelana ngelwati lekuhola, kubuka tindlela tekusombulula tinkinga letikhungetse i-Africa, kuletsa kutinta kutepolitiki kanye nekufukulwa kwemnotfo. Kukhuluma ngebumcoka bayo le-APRM sicocisana nemhlatiyi wepolitiki yemave ase-Africa, Advocate Sipho Mantula.

 Kuyacala namuhla kusebente kwentsela lebhadaliswa imikhicito lengena eMelika kulandzela kumemetela kwemengameli Donald Trump ngekwenyusa letindleko. Kantsi ke takamuva ne China seyivakalise kutsi itayenyusa nga-84% intsela lebhadaliswa imikhicito yaseMelika letfunyelwa eChina.  Kuyibuka lendzaba asemukele sati setindzaba temnotfo Umnumzane Owen Nkomo lovela kusikhungo Inkunzi Wealth Gro...

Lisekela lendvuna letemfundvo kumabanga laphakeme nekuceceshwa Dr Mimmy Gondwe utsi kumcoka kutsi emakolishi etemfundvo ema-TVET asebentisane netimboni tangasese kuze bafundzi batotfola litfuba lekufundza ngekwenta.

Inhlangano lengasebenteli inzuzo i-Section27 immele ngemphumelelo umfundzi lowadlengulwa nguthishela wakhe eNkomazi kulesifundza seMpumalanga. Inkantolo yamantji eNkomazi iyale lothishela kutsi ibhadale imali yesondlo lenguR38 000 kuleminyaka lemibili letako njengoba wagcina amkhulelisa lomfundzi. Kepha kuyiva kahle lendzaba sicocisane Thembi Mahlathi loyi-Paralegal kuyo iSection27  

Indvuna yelitiko letekutfutfukiswa kwemabhizinisi lamancane Stella Ndabeni-Abrahams wetfule ngalokusemtsetfweni sikhwama semali lengu-500 million wemarandi lesihlose kwelekeleka emabhizinizi lamancane kulelive. Kuyichaza kahle lemali, sikhulumisana nelisekela lendvuna yetekutfutfukiswa kwemabhizinisi lasakhasa, Jane Sithole.

Kushone bantfu lababili engotini lenteke emgwaceni i-N4 e- Komatipoort kulesifundza se Mpumalanga. Simeme lokhulumela litiko letekuphepha kwemephakatsi, kuvikeleka nekuchumana Moeti Mmusi kutosatisa kabanti ngalengoti.

Mlungisi Maseko wase Mooiplaas ngase-Lukwatini, kumasipala we Chief Albert Luthuli kulesifundza se-Mpumalanga , uhlonishwe njengelichawe lelitinikele ekusiteni ummango wangakubo. Maseko (43) uhlonishwe ngemklomelo we-Mzansi Men of Influence Awards ePitoli  ngasekupheleni kwalenyanga lephelile. Loku kuta ngemuva kwekutsi asebentise imali lengetulu kwa R1.3 million, emalini  yakhe layitfol...