Ligwalagwala FM Current Affairs

Namuhla umhlaba wonke ubungata lilanga lilanga lekugula lokuphatselene nengcondvo World Mental Healh Day. Sicubulo salomnyaka sekubungatwa kwalelilanga  'Mental Health at work'. Sicocisana nemphatsi weligumbi letifo letingatsatselani etikweni letemphilo eMpumalanga, Sarah Gumede. 

Kunemibiko letsi sinyukile sibalo setitifiketi temshado mbumbulu letigaywa kulelive ngenhloso yekutfola imali yemphesheni nakuba nesehlukaniso. Kuva ngalenkhohlakalo sikhulumisana nalomunye webameli lofuna kucushisa umlaleli.

Bantfu baseMozambiki lebahlala lebafaka ekhatsi nalabahlala ngaphandle kwalelalive namuhla (*09/10/2024) bebayovotela hulumende lomusha.  Bangetulu kwa 215-thousand bavoti lebabhalisile lebalapha eNingizimu Africa. Tintsatseli teSABC, boMichael Mdluli na-Motsebi Monareng bahambele tikhungo tekuvotela letilapha eMpumalanga, base basihlanganisela lombiko.

Sodolobha losandza kukhetfwa wamasipala waseTshwane Dkt Nasiphi Moya utsi  tintfo latibeke embili kulungisa simo setimali kanye nekwetfulwa kwetinsita kulelidolobha. Moya ukhetfwe ngemuva kwekutfola emavoti langu-122 kwatsi loyi abengusodolobha Celliers Brink lokhishwe ngesishukumiso sekungametsembi emavikini lamabili lendlulile watfola emavoti langu 86. Dkt Moyo  bekalisekela lasodolobha tinyanga...

Kusuke umsindvo eNaledi, eSoweto, ngalesikhatsi emalunga emango avala ngenkhani tiphaza letiphetfwe bantfu labachamuka ngaphandle kulandzela sehlakalo sekushona kwebantfwana labasihlanu. Sicocisene naMabhalane Jikelele we-Operation Dudula, Zandile Dabula, lobekayincenye yalomkhankaso wekuvalwa kwaletiphaza tebantfu labachamjuka ngaphandle. 

Inhlangano lengenti inzuzo i Food for The Nation Development Association ibita kutsi kuciniswe sandla ekulawuleni emabhizinisi ebantfu bekuhamba lebawavula emalokishini. Loku kulandzela kushona kwebantfwana labasihlanu ngetinsolo tekutsi badle kudla lokunebutsi lebakutsenge e spaza e Soweto. Kutfola kabanti ngalolubito lwalenhlangano sikhulumisana nemsunguli lophindze abe ngumcondzisi walenhlangan...

Bantfu baseMozambiki kulindzedleke baphume ngelutsi lwabo kusasa kuyawuvota elukhetfweni lwemengameli. Intsatsgeli yeSABC Thuto Ngobeni usibikela ngesimo lebasitfola nabefika eMozambiki nekutsi ingabe bantfu balilangatelele kangakanani lolukhetfo.

Likhomishana letgebulungiswa iJSC, icale itolo ngeluhlelo lwekuhlola emakhono ekusebenta kwalabagacele tikhundla tekuba ngemajaji etinkantolo letahluleke takulelive. Ngemuva kwekushuka labanye ngemibuto lelikhomishana liphakamise emagama alabatsatfu kuyewuvala tikhala enkantolo lebuyeketa emacala. Sicocisene nasolwati ngetindzaba temtsetfo Mpumelelo Zikalala.

Lowake waba nguNdvunankhulu esifundzeni sa-KwaZulu-Natal Willies Mchunu umemetele kuleliviki leliphelile kutsi uyehlukana neANC. Sicocisene nalowaMacingwane kutewuva kutsi ucedvwe yini lomshado wakhe neANC.

Kulenyanga lesikuyo lelive libungata kuhlaliseka nekuphila kahle kwengcondvo yemuntfu. Kulamalanga lesiphila kuwo kusolakala kwangatsi tinyenti tintfo letibanga kukhatsateka nekukhungatseka kwengcondvo ebantfwini. Sicele Dkt Firly Thwala lophuma etikweni letemphilo eMpumalanga kutewukhuluma kabanti ngekucindzeteleka emoyeni kanye nekukhungatseka kwengcondvo (Depression and Anxiety).

Inkantolo lenkhulu eJozi isicitsile sicelo senhlangano i-MK Party sekwetama kuvimba kuhlolela emakhono emsebenti kwalabagacele kuba ngemajaji lokwentiwa likhomishana letebulungiswa iJSC kusukela namuhla. Sikhulumisana nesati setemtsetfo Melusi Xulu

Umfelandzawonye wetinyonyana tetisebenti i COSATU utsi sewume ngemumo kubamba lesiteleka savelonkhe kanye nemibhikisho yekukhala ngekuswelakala kwemsebenti namuhla. Sicocisana nalokhulumela iCOSADTU Zanele Sabela.

Kunemibiki letsi tikolo letine tase-Mjindi eBarberton tincinyelwe gezi. Kodvwa ngekusho kwasihlalo wemtimba lowengamele lesinye saletikolo Njabulo Sibanyoni utsi nabo abati kutsi kungani masipala abacimele gezi. Letikolo tifaka ekhatsi i-Kamhola Secondary School, eMjindini Secondary School, i-Amoni Nkosi Primary School kanye neKwaMhola Primary school. Sinaye umnumzane Sibanyoni kutosilandzisa ngal...

Lokhulumela litiko letemfundvo Gerald Sambo utsi letikolo taseMjindi letikweleta gesi kumasipala weMbombela kufanele tiyokhulumisana namasipala tihlele kutsi tiyibhadala njani lesikweleti. Lesimo kusolwa kutsi sitsakameta kufundza nekufundzisa.

Sewucalile lombukiso wekukhangisa tekuvakasha kulesifundza seMpumalanga lobanjelwe eRiverside Malll khona lapha edolobheni iMbombela.  Kutfola kabanti sikhuluma nalomunye webahleli balombukiso Umnumzane  Xolani Mthethwa.

Inyanga yeMphala yinyanga lapho kufundziswa ngesimo sekugula lesatiwa nge Attention Deficit Hyperactivity Disorder (ADHD). Sikhulumisana ngaloluleka ngengcondvo etikweni letemphilo khona lapha eHlanzeni lesifundza seMpumalanga. Pertunia Bopape.  

Emalunga ephalamende yase Kenya sekacalile ngeluhlelo lwekufuna kukhipha esikhundleni liphini lamengameli Rigathi Gachagua . Kubuka loludzana nalokunye lokwenteka eAfrica, sikhulumisana nemhlatiyi wetindzaba tase Africa, Advocate Sipho Mantula.

Umhlabelili wemculo wetenkholo  Winnie Mashaba  utsi imphumelelo yakhe  wayitfolwa ngekusitwa ngu Solly Molokane  lobekadvume kakhulu ngela Solly Moholu, lowendlule emhlabeni kuleliviki sekaneminyaka lengu-65. Mashaba,  utsi Solly Moholo wamfukamela ngelesikhatsi asacatfuta kulomkhakha wetemculo.

Sikhwama lesincesitela bantfu labalimele etingotini temgwaco iiRoad Accident Fund (RAF) sitsi secwayisa bantfu kutsi bacaphele bameli lebabasebentisako kubafakela ticelo tekuncesitelwa. Lokhulumela ii-RAF McIntosh Polela usichazela kabanti ngalomkhonyovu lebatsi wentiwa bameli.

Banikati betimoti letitfutsa bantfwana besikolo basola hulumende ngekutitsela ngalabandzako futsi uvumele labangenamaphepha ekusebenta kutsi basebente.  Kulamalanga lengcile kwenteke tingoti letimbalwa letitsitsa timoti letitfutsa bantfwana besikolo kulesifundza. Kutfola kabanti sikhulumisana nemcondzisi wetema-licence etikweni letekutfutsa eMpumalanga, Samuel Msiza.

Namuhla Umphatsiswa welitiko  Letemisebenti Yesive,  Temigwaco netekutfutsa kulesifundza seMpumalanga, Mnumzane Thulasizwe Thomo utawetfula ngalokusemtsetfweni Inyanga Yetekutfutsa yesifundza lapha  eMachado Toll Plaza, kumasipala  wase-Emakhazeni. Sicocisene naye umphatsiswa Thulasizwe Thomo...

Silulu semabhange kulelive sesihlawulise lenye yetinkapani letinkhulu temshwalensi  i-Old Mutual imali lelinganiselwa ku R15,9 million ngekuphula umgomo we Financial Intelligence Centre Act. Sicocisene nasolwati wetemnotfo mnumzane Bukani Mngoma..

Umtimba lobukene nekulawulwa kwemininingwane i- Information Regulator  ucela emalunga emmphakatsi kutsi afake tikhalo mayelana netincingo lahlalela kutitfola tiphuma etinkapanini letibatsengisela imikhichito leyehlukahlukene . Sicocisene neMnumzane Mfana Gwala longuKhomishana  kulomtiba wekulawulwa kwemininingwane kuleli  i-Information Regulator. 

 Likomishana lelibuke tindzaba tebatsenga kulelive iNational Consumer Commission(NCC) selicela bonke labatsenge lemphuphu yekwenta umdoko longaphekwa yakaTop Score kutsi bangasayisebentisi kunaloko bayibuyisele etitolo labayitsenge kuto. Kukhuluma ngalendzaba simeme Umnumzane Jabulani Mbeje lophuma kuyo i-National Consumer Commission  

Kunemalunga eMK Party eMpumalanga latjelwe kutsi kufanele esule etikhundleni tawo kusishayamtsetfo sesifundza. Mthobisi Mkhaliphi uyasibikela