Ligwalagwala FM Current Affairs

Lemindeni yaletisebenti letintsantfu letagcibedzeleka ematfunjini emhlaba emayini i-Lily Mine, eLouws Creek ngaseBarberton, itsi litiko letemnotfo lowembiwa phansi letsembisa kutikhipha letisebenti letagcibedzeleka kanye nekuvula lemayini isebente kepha loku solo akukenteki. Sekuphele iminyaka lesiphohlongo kwenteka lenhlekelele leyendlula nemphefumulo wa Pretty Nkambule, Yvonne Mnisi and Solomon...

Lamuhla umhlaba wonkhe ugubha lilanga lekunganatsi tjwala, i-World No Alcohol Day. Injongo kukhumbuta bantfu ngebungoti bekunatsa kakhulu tjwala. Simeme  Dokotela Gcina Mavuso.

I Iran seyihlasele ngemicibishole eveni lakaIsraeli njengendlela yekutiphendvulela ngekubulawa kwemholi weHezbollah, Hassan Nasrallah. Kukhuluma kabanti ngalemphi lechubeka eMiddle East, simeme umhlatiyi wetembangave Sandile Swana. #sabcnews

Sewuvelile enkantolo lomsolwa loneminyaka lengemashumi lamabili nakunye loboshwe esikhumulweni setindiza i-OR Tambo ngelisontfo ekuseni ngetinsolo tekusetjentiswa kushushumbisa tidzakamiva. Lodzadze bekachamuka e Sao Paulo, e Brazil ngalesikhatsi aseshwa kwatfolakala kutsi kunetintfo letigwinyile esiswini sakhe letisolisa ngatsi titidzakamiva. Kubuka kabanti ngesimo senhlalo lekungenteka siholele...

Ubekwa namuhla endlini yakhe yekugcina sopolitiki longumnkantjubovo nalowake waphatsa ematiko lamanyentana kuhulumende wembuso wentsandvo yelinyenti Pravin Gordhan. Kubuka inzima layidlalile kulelive, sikhulumisana namabhalane weSACP eMpumalanga, Lucky Mbuyane.

Bakhululwe ngebheyli labasolwa labangemashumi lamabili nesikhombisa (27) labavela kuma Districts lamatsatfu akulesifundza lebafaka ekhatsi tikhulu taka-traffic,  emaphoyisa emgwaco lalishumi nakune lasebenta kuletikhungo letitsatsisa emalayisensi kanye nebanikati bema-driving schools lababili . Sicocisana neMphatsiswa Jackie Macie

Sikhwama lesilekelela ngetimali bafundzi basetikhungweni letiphakeme i-NSFAS kulindzeleke sicale kusasa, ngaLwesihlanu, kwamukela ticelo tanga-2025. Kufakwa kwaleticelo bekumele kuvulwe ngaLwesibili kuleliviki kepha kubese kuyahlehliswa kulandzela tikhalo tetinhlangano tebafundzi emanyuvesi, kanye nakumakolishi ema-TVET. Sicocisena nalokhulumela i-NSFAS, Ishmael Mnisi.

Kubikwa kutsi tigulane atilutfoli lusito lwetemphilo esibhedlela iThemba, Kabokweni dvute ne Whiteriver kulesifundza se Mpumalanga. Loku kuta ngemuva kwemibiko letsi kufike licembu lebantfu kulesibhedlela lebelikhala ngendlela lekukhishwa ngayo emathenda. Lomunye walamalunga emphakatsi lafike kulesibhedlela, Majaheni Nyalunga, uyaticitsa tinsolo letitsi bafike bashaya dokotela kulesibhedlela. 

Live lase-Kenya ltfule umgomo lotsi bantfu balelive le Ningizimu Africa laba nema-pPassport, nalamanye emave lasitfupha angeke basabhadale nabangena kulelalive. Lesincumo kutsiwa sentelwe kuheha tivakashi kanye nebasisitimali. Simeme umhlatiyi wetembangave Professor Bheki Mngomezulu kutobuka naye loludzaba.

I ANC itsi kwesekela ngetimali tinhlelo tekwakhiwa kwetinsitanchanti tagezi yintfo lehamba embili kulenhlangano lebusako futsi yintfo letawusita lelive likwati kubukana nalenkinga yekucinywa kwagezi. Lenhlangano beyitfula umhlahlandlela wayo welukhetfo kulempelasontfo lapha enkundleni yetemidlalo iMoses Mabhida eThekwini. Simeme Mthundzi Luthuli longunjiniyela kutemandla kutokhulumisana naye ngalo...

Lomunye walemindeni yalabantfu lebashone kulengoti yebhansi yakaPutco utsi kuyabamangalisa kwekutsi hulumende atjelwe ngulenkapani kutsi abakhalise ngayiphi indlela. Sikhulumisene nalomelele lomunye walemindeni, Owen Gabhini.

Inkapani yemabhasi iPUTCO seyitibophelele ngekunikela ngemali lengu R100 000.00 emndenini ngamunye walabantfu labasitfupha lebashone engotini yebhansi leyentenge ngasekupheleni kwalenyanga lefile. Sikhulume naNdvunankhulu Refilwe Mtshweni-Tsipane ngalendzaba.

Sicala liviki lekukhutsata kubaluleka kwekuvikeleka kwebantfwana. Lucwaningo lakamuva lwenhlangano yaMhlabuhlangene kuleli, iUNICEF South Africa, luveta kutsi libonakele lenyuka lizinga lekuhlukunyetwa kwebantfwana kusukela kubhedvuke lomkhuhlwane we Covid 19 kulelive. Kuyibuka kabanti lendzaba sikhulumsina naLizzy Nyoni lophuma etikweni letekutfutfukisa tenhlalo kulesifundza seMpumalanga.

Lelihhovisi lelibukene netikhalo tebatsengi kantsi liphindze lingenelele nakunetinkinga emkhatsini kwemtsengi nemtsengisi i-Consumer Goods and Services Ombud (i-CGSO), lecwayisa bantfu ngebungoti bekutsenga tintfo on-line noma ngetinhlelo tebucwepheshe. Elucingweni sinalokhulumela lelihhovisi, Ouma Ramaru.

Litiko letemfundvo kulesifundza seMpumalanga livakashela tikolo letingu-128 letingemavulandlela etifundvo te-Coding and Robotics. Tiphatsimandla titawube tihambisana naPapper the Robot lophuma kulelitiko. Kutosichazela kabanti ngaloku sicele Umcondzisi wetifundvo tetibalo netesayensi, Umnuzane Elijah Nkosi.

Mengameli Cyril Ramaphosa wecwayise ngekutsi lokuhlasela lihlandla lesitsatfu kwe-coronavirus kungahle kubonakale kulo lonkhe lelive njengoba tifundza letine setivele tibukene nalelihlandla lesitsatfu. Sicocisene nesati setembangave Dr Siphetfo Dlamini mayelana nenkhulumo yemengameli yekubuyisela lelive ku-level 2 ye-lockdown.

Kutfolakala kwemphatsiswa wetemphilo eGauteng Dr Nomathemba Mokgethi kutsi utseleleke ngemkhuhlane we-Covid 19 kantsi ungulomunye walabo lakwacalwa ngabo kugoma kubange bantfu kutsi bangabate kusebenta kwalemigomo yalomkhuhlane. Sicele Dr Brenda Kubheka loyincenye yelicemu lelilwa nalomkhuhlane eGauteng kutosichazela ngekusebenta kwalemigomo yeCovid 19.

Kwetfulwe ngalokusemtsetfweni iMpumalanga Chamber Orchestra ngenhloso yekutfutfukisa emakhono ebadlali baloluhlobo lomculo kanye nekunandzisa nakunemicimbi lekhetsekile. Umcondzisi we-Mpumalanga Chamber Orchestra Zweli Mdakane uchaza ngalokusungulwa kwalekhwaya yetemculo.

Njengoba lelive libukene nemkhuhlane weCovid-19, bodokotela lebasebenta ngekukhutsata kutivocavoca becwayisa ngekubaluleka kwekugcina emaphaphu angumcemane kuze akhone kumelana nalomkhuhlane. Sikhulumisene ne physiotherapist Thobani Lubisi.

I South African Medical Association (SAMA) iphakamisa kwekutsi kungetwe tindzawo letitawusetjentiswa kugomela lomkhuhlane weCovid-19. Sicele lisekela lasihlalo weSAMA, Dr Mvuyisi Mzukwa kutokhuluma naye lendzaba.

Litiko lemfundvo lesisekelo limemetele ngekumiswa kwemidlalo lebanga kuyamana noma kuntsintsana kwebadlali etikolweni. Lokhulumela lelitiko Elijah Mhlanga uyayichaza lendzaba.

Litiko letemasiko, temidlalo netekukhibika limema bahlali bakulesifundza seMpumalanga labanelikhono lekubhala kutsi bangenele umncintiswano wekubhala indzaba lemfisha ngelulwimi lweSiswati nelwesiNdebele. Sicocisana naNontsikelelo Zwane lomelele lelitiko

Ikomiti lebukele kusebenta kwa-ANC i-National Working Committee, iyahlangana lamuhla lapho kulindzeleke ibonisane ngetintfo letinyentana letitsintsa lenhlangano ikakhulukati indzaba yekukweshele eceleni kwemalunga labukene nemacala enkhohlakalo. Sicele umhlatiyi wetembangave Dr. Siphetfo Dlamini kutewubuka loludzaba.

Tifundza letisikhombisa betibambe lukhetfo lwekuvala tikhala kulo lonkhe lelive. Nesifundza seMpumalanga naso besibambe lolukhetfo. Simeme lokhulumela iIEC kulesifundza , Sibusiso Nkosi.

Kuleliviki umhlaba wonkhe bewubungata lilanga i-International Be Kind To Lawyers Day. Sicocisene nemmeli walapha eMbombela Thenjiwe Nkosi lophuma kuThenjiwe Attorneys ngekubaluleka kwalelilanga kubo njengebameli.