Ligwalagwala FM Current Affairs

Sikhungo lesiholela imali yesibonelelo sahulumende kulelive iSASSA sesibike kutsi sitfole umkhonyovu lowenteka ngeticelo temali yesibonelelo sahulumeni letingetulu kwetigidzi letimbili. Kuva kahle kutsi kwentekeni simeme lokhulumrla iSASSA kulesifundza seMpumalanga Umnumzane Senzeni Ngubeni.

Liphini lendvuna yetekutfutsa Mkhuleko Hlengwa utsi kumele tibuyeketwe tindlela letisetjentiswa sikhwama i-Road Accident Fund (RAF) ekwenteni imali. Kubuka kutsi  ingabe  lesikhwama njani nyalo futsi sihlongota tiphi tichibiyelo, simeme lokhulumela iRAF, Umnuzame McIntosh Polela.

Litiko letemfundvo eMpumalanga lisukumise luphenyo ngemuva kwekutsi bafundzi labangema-21 basesikolweni iMarhagi Secondary e-Verena bahlatjwe kugula baphutfunyiswe esibhedlela ngemuva kwekukhala ngenhloko, nesisu kantsi labanye bacale kuhlanta. Nonhlanhla Ntshingila na-Bongani Mondlane bayasibikela.

Mengameli Cyril Ramaphosa utsi usacubungula umbiko lombiko lowetfulwe yindvuna yetebulungiswa nekutfutfukiswa kwemtsetfo-sisekelo, Thembi Simelane mayelana nalendzaba yeVBS. Mercedes Besent na-Bongani Mondlane bayasibikela.

Sikhulumisana nemhlatiyi wetembangave Sandile Swana ngendzaba yekwesula kuEFF nasephalamende kwaloyi abengumvikeli wesive, Advocate Busisiwe Mkhwebane. 

I-Melika ibhalele i-Israyeli, iyinika tinsuku letingema 30, kutsi ivumele kungena kwelusito loluyiswa ebantfwini base-Gaza, yatsi nakungeke kwenteke loko itawunciphisa lusito letebusotja leliniketa lelalive. Lencwadzi leyesekelwe yiNdvuna yetangaphandle eMelika kanye neyelitiko letekuvikela, ifana nesecwayiso , sekucala kutfunyelwa kulelalive lelingumlingani we Melika kusukela kucale lemphi. Sicoc...

  Ungena elangeni lesibili lomhlangano wavelonke we-Shelter Indaba lobanjelwe esifundzeni sase Gauteng. Lomhlangano uhlose kubuka inchubekelembili yetinhlelo tetindzawo tetetiphephelo letisetjentiswa ngulabahlukunyetiwe. Sikhulumisana nelisekela lemcondzisi etikweni letekutfutfukisa tenhlalo eMpumalanga, Sarah Tladi.

 Namuhla lilanga lekucushisa ngekuhlukumeteka ngesihluku kwengcondvo, i-World Trauma Day. Sococisene nemeluleki lotfoba ingcondvo ngephansi kwelitiko letemphilo eMpumalanga, Khanyisile Gama...  

Likhomishana lebatsengi kulelive, liyachubeka nekuhlola kudla lokutsengiswa etiphaza kulandzela kushona kwebantfwana lebasitfupha e Naledi, eSoweto kuleliviki leliphelile. Simeme Nkomishana Phetho Ntaba kutokhuluma ngalendzaba.

Sekusele emalanga lamane ngembi kwekutsi kucale kubhalwa kweluhlolo lakamatikuletjeni lekuphela kwemnyaka. Bafundzi sebenta emalungiselelo ekugcina njengoba kuyacala kubhala nakusombuluka leliviki lesiya kulo. Kunyenti lokuyaluka engcondvweni yebafundzi nasekucala kubhala luhlolo lwekugcina, kuba nekwetfuka, kwesaba nemicabango yekungatetsembi nalokunye. KLukhuluma ngalesimo nekutsi basitakala nja...

Kulomnyaka kuhlangana iminyaka lengemashumi lamatsatfu nakune (34) kwabanjwa imashi yekucala yalabo labatsandzana ngebulili lobufanako i-Pride March , leyabakhona ngamhlaka 13 October 1990. Injongo yayo bekukukhombisa kungahambisani nekubandlululwa kwalabo labatsandzana ngebulili lobufanako i- LGBTQI+ Community.  Kubuka kutsi ingakanani indzima leseyihanjiwe kuleminyaka lengemashumi lamatsatfu nak...

Sikhulu sidzingo sekwenta taba tekukhutsata umkhuba wekugeza tandla ikakhulukati ebantfwaneni. Loku kuvele emcimbini wekugubha lilanga lekugeza tandla emhlabeni lebewubanjelwe eFred Magardie Primary School e-Eersterus, emphumalanga yePitoli. Nonhlanhla Ntshingila usihlanganisele lombiko lesiwetfulelwa nguDan Dlamini.

Uvalwe cishe lilanga lonkhe umgwaco iN4 emkhatsini kweKarino neKanyamazane ngaseMbombela kulandzela ingoti leyenteke ekuseni ngeluvivi. Kutfola kabanti ngalengoti simeme lokhulumela litiko letekuphepha kwemphakatsi, tekuvikela netekuchumana eMpumalanga, Moeti Mmusi.

Mengameli we-ANC Cyril Ramaphosa utsi lelicembu litawuchubeka nekuletsa tingucuko emangweni ngetulu kwekutsi liyincenye yahulumende welubumbano i-GNU. Bekakhuluma e-Luthuli House e-Jozi njengoba lohulumende weGNU uhlanganisa tinsuku letilikhulu usemandleni ekuphatsa. Simeme umhlatiyi wetembangave, Umnumzane Sandile Swana.

Ematiko ahulumende kanye nalabanye labatsintsekako bakholelwa ekutseni kufanele kuntjintjwe imitsetfo yetjwala kuphindze kwehliswe nemnyaka yemuntfu lovumeleke kunatsa tjwala ngalokusemtsetfweni. Inhlangano i-South African Alcohol Policy Alliance (SAAPA) ngulenye yaletinhlangano letibita hulumende kutsi aphasise masinyane i-Liquor Amendment Bill. Sikhulumisana nelilunga lebhodi yeSAAPA, Bongi Ndon...

Mengameli we-ANC Cyril Ramaphosa sewucele bantfu bakulelive kutsi bangahluleli le-GNU ngekutsi ngutiphi tinhlangano tepolitiki letenta lohulumende kepha ababuke umsebenti leseyiwentile ekuphuculeni imphilo yebantfu baseNingizimu Africa. 

Litiko letemfundvo eGauteng litsi selikulungele kucala kubhala luhlolo lwekugcina lwakamatikuletjeni lwemnyaka wa-2024. Lombiko uhlelwe nguSimphiwe Mabhena kantsi siwuhunyushelwe nguFortunate Nkambule.

Achubeke njalo nekungena emavi ekudvudvuta umndeni nebangani baloyi abengumphatsi wesilulu semabhange nalowake waba yindvuna yetetimali, Tito Mboweni. Mboweni ushonele esibhedlela sase Jozi ngeMgcibelo ebusuku ngemuva kwekugula sikhashana. Simeme lowake waba yindvuna yetetimali Malusi Gigaba kutewubuka naye imphilo yaMboweni.

Kushone bantfu labane engotini yemoti leyenteke emgwaceni i-N4 dvute nase Middleburg kulesifundza se Mpumalangala namuhla ekuseni ngeluvivi. Kuva kabanti ngalengoti simeme lokhulumela litiko letekuphepha kwemphatsi, tekuvikela netekuchumana, Moeti Mmusi. 

Sebangcwatjiwe labantfwana labasihlanu lekusolwa kutsi  bashomne ngemuva kwekudla ema-Snacks lagcine abagulisa e-Naledi eSoweto.. Ngalesikhatsi kuchubeka lenkonzo yemngcwabo kubese kubikwa kutsi sekushone lomntfwana wesitfupha lebekasegunjini lalabagula kakhulu i-ICU, esibhedlela. Horisani Sithole naFortunate Nkambule basihlanganisele lombiko.

Usele ushacekile umphakatsi wasemikhukhini yase Dalibhunga eOrange Farm eningizimu yeJozi ngemuva kwekudutjulwa kubulawe bantfu labasikhombisa. Calvin Dludla naKatlego Mathebula basihlanganisele lombiko....   

Kungaboni ngeliso linye emkhatsini weLibombo Taxi Association kanye nenhlangano letibita nge-UmbuLokungaboni ngalitho Webahlali kuholele ekuvalweni kwetitolo Kamaqhekeza Plaza, eNkomazi. Emaphoyisa atsi kudubuleke bantfu lababili, munye walimala lomunye washona kulesehlakalo.  Sicocisene nasihlalo weMbutho Webahlali, Umnumzane Mxolisi Mabuza, kanye na nasihlalo weLibombo Taxi Association, Macabane...

Ngasekucaleni kwalenyanga umbhali weludvumo wemidlalo leticephucephu yakumabonakhashane, Duma Ka Ndlovu ukhululwe ngebheyili yemali lengu R100-thousand ngelicala lengabhadali intsela. Bakhona nalabanye bosatiwako lebasemabhukwini lamnyama akaSARS. Sicocisene nenhloko yeligumbi lelifundzisa ngetetimali kaOld Mutual Umnumzane John Manyike kutfola kutsi yini leyenta bosatiwako basolwe ngekungabhadali...

Kugula lokuphatselene nengcondvo ngulesinye setifo letiyimphicabadzala, letihlupha bantfu emisebentini nasemakhaya. Inhlangano i South African Depression and Anxiety Group (SADAG) yente lucwaningo  ngenhloso yekutfola simo sengcondvo setisebenti takulelive. Lolucwaningo luveta kutsi tisebenti letingu-52% ticilongwe bodokotela kwatfolakala kutsi tinekugula lokutsite lokweyamene nengcondvo. Sicocise...

Batali labanyenti bayakhala kutsi abasakhoni kuniketa imindeni yabo kudla lekunemsoco ngenca yekumba ecolo. Kukhuluma ngekudla lekunemphilo, simeme lowati kancono ngekudla lokwakhako, Sylvia Maseko