Ligwalagwala FM Current Affairs

Ngasekucaleni kwenyanga lephelile hulumende wavula luhlelo le two-pot system, lapho bantfu baniketwe litfupha lekucembula kancane imali yabo yemhlalaphansi. Loluhlelo lwaphakanyiswa ngenhloso yekusita tisebenti letitfwele matima nagsetimalini ngenca yesimo semnotfo. Sicocisene na Siphithi Sibeko lovela ehhovisi lemtselisi i-SARS.

Sifo sengcondvo lesatiwa nge-bipolar disorder kubikwa kutsi sihlasela cishe bantfu labangetulu kwa-45 million emhlabeni wonkhe jikelele. Kutosichazela kabanti ngalesifo, sikhulumisana neMnumzane Derrick Nyundu lophuma ku-Life Line.

Tinhlangano tebalimi bemoba tivakalise kukhatsateka ngekwenyuswa kwentsela yalokuningotelako. Letinhlangano titsi loku sekuholele ekulahlekeni kwemisebenti, kuvala kwebalimi labasakhasa kanye nekulahlekelwa ngumhlaba. Sicocisana nasihlalo weSouth African Cane Groiwers, Higgins Mdluli.

Inhlangano iHealthy Living Alliance isemkhankasweni wekwetama kucindzetela hulumende kutsi enyuse intsela yalokunongotelako, (sugar tax). Kukhuluma ngalendzaba simeme umphatsi lomkhulu weHealthy Living Alliance nguNzama Mbalati.

Mengameli Cyril Ramaphosa abehlangene nemlingani wakhe waseRussia, Vladimir Putin, e-Kazan lapho amcinisekise khona kutsi iNingizimu Africa isabukhatsalela lobudlelwano bayo neRussia. Ramaphosa uhambele lengcungcutsela yelihlandla leli-16 yemave eBRICS lebanjelwe khona eRussia. Kubuka lengcungcutsela simeme umcwaningi wetemnotfo egunjini letindzaba kaSABC, Velemseni Mthiyane.

Ucala kusasa umhlangano webalimi labamnyama bakulesifundza se Mpumalanga lobitwa nge Mpumalanga Black Farmers Indaba. Lomhlangano uyobanjwa emalanga lamabili e Mbombela Stadium. Kutfola kabanti ngalomhlangano sinalokhulumela iMpumalanga Black Farmers Assocviation,  Esther Mhlongo.

Bantfu labaningi baseNingizimu Africa bakholelwa ekutseni ekutseni lelive liyanhlanhlatsa kanye nekutsi lelive selifile.  Puseletso Mokena na Fortunate Nkambule basihlanganisele lombiko.

Inkapani lephakela gezi kulelive i-Eskom seyibita bonkhe bantfu labasebentisa gezi lotsengwa ngemakhadi kutsi basukume bayovuselela kusebenta kwetigubhu tabo kungakefiki mhlaka 24 kulenyanga letako. Kukhuluma kabanti ngalendzaba, simeme umphatsi lobuke kutsengiswa kwagezi ka-Eskom (Retail Manager) Dade Mbhele.

Inhlangano lebukele kusebenta kwabomasipala i-South African Local Government Association (SALGA) ibambe umhlangano wemalanga lamatsatfu nabomasipala bakulesifundza se Mpumalanga. Sikhulumisana neMnumzane Bheki Stofile lophuma ku-SALGA.

Inhlangano yebaholi bendzabuko i-CONTRALESA seyibite i-Eskom kanye nabomasipala kutsi bekumise lokucima gesi, i-load reduction badzimate bafundzi bakamatikuletjeni baphotfule kubhala luhlolo lwabo lwekugcina. Bangetulu kwa-800 thousand bafundzi lebacala kubhala luhlolo lonyaka. Simeme mengameli we-CONTRALESA, Kgoshi Mathupa Mokoena kutokhuluma ngaloludzaba

Emaphoyisa akulesifundza seMpumalanga atsi kutfolakele tidvumbu talabasikati lababili tinemanceba ekudutjulwa emotini beyime eceleni kwemgwaco iN4 ngaseMiddelburg. Sicocisene nalokhulumela emaphoyisa esifundza, Khenela Donald Mdluli.

Kunemibiko letsi emaphoyisa aseMozambique adubule ngesisi lesikhalisa tinyembeti kuhlakata babhikishi bebabutsene enhlokodolobha i-Maputo itolo. Lababhikishoi kutsiwa bebabutsene lapho kudutjulwe kwabulawa ummeli wenhlangano lephikisako iPodemos, Elvino Dias kanye nesiphatsimandla salenhlangabo, Paulo Guambe.  Sicocisene nemhlatiyi wetindzaba taseAfrika,  Advocate Sipho ngalesimo lesichubeka kulel...

Luhlolo lwanga-2024 lwe-National Senior Certificate lucale kahle ngaphandle kwetihibe etindzaweni letinyenti takulelive. Dan Dlamini usihumushela nakhu umbiko.

Njengoba sekuvele kucalile kubhalwa kweluhlolo lwekugcina lwakamatikuletjeni, kubitwa tonke tinhlaka letintsitsekako lekufaka ekhatsi batali, imimango kanye nabo bothishela kutsi kubanjiswane kuze  ekwesekeleni bafundzi nganasi sikhatsi semnyaka. Kukukhatsa labafundzi lababhalako, simeme Apostle Mduduzi Khoza loke waba nguthishelanhloko kulesinye setikolo letikhicita imiphumela lemihle yakamatekul...

Bacale namula kubhala luhlolo lwekuphela kwemnyaka bafundzi bakumatikuletjeni kulelive. Namuhla bebabhala emaphepha lamabili, le- English ne Afrikaans. Indvuna yelitiko lemfundvo lesisekelo Siviwe Gwarube uvakalise kutsi konkhe kume ngemumo kutsi bafundzi bacale kubhala. Kuva kutsi bothishela balibone njani lelilanga lekucala sinalokhulumela iSADTU, Nomusa Cembi.

I-Postbank isemkhankasweni wekuntjintja emakhadi ekuola impesheni yaka SASSA kuletinye tindzawo takulelive. Sifundza se Mpumalanga sikulencenye yaletindzawo lekumele tintjintje emakhati alabo labahola ngawo siboneleleo sahulumende. Sicocisene naThamsanqa Cele longulomunye webaphatsi be-Postbank kulesifundza.

Kuyacala kubhala luhlolo lwekugcina lwakamatikuletjeni kulelive. Umphatsiswa welitiko letemfundvo kulesifundza seMpumalanga, Cathy Dlamini utsi  sebakulungele kubhalwa kwaloluhlolo lwekuphela kwemnyaka.

Bafundzi belibanga lakamatekuletjeni kulesifundza se Mpumalanga bekadze basayina sibopho sekucinisekisa kutsi batatiphatsa kahle nababhala loluhlolo lekulindzeleke lucale ngeMvulo. Sikhulumisana nemcondzisi weteluhlolo (Director of Exemination) etikweni letemfundvo eMpumalanga, Dr SE Khumalo

I National African Federated Chamber of Commerce and Industries (NAFCOC) kulesifundza seMpumalanga, ikhala ngekutsi letitolo letinyenti letingema-sphaza letigcwele emalokishini atikabhaliswa futsi akwatiwa kutsi tisebenta ngendlela lesemtsetfweni. Mengameli weNAFCOC eMpumalanga, Gay Mokoena uyasichazela.

Inyanga ye-Imphala itsatfwa njengeyekucushisa bantfu ngesifo semdlavuta wemabele. Bomake ngibo labasengcupheni lenkhulu yekungenwa ngulomdlavuta wemabele. Sicocisana nadokotela Smangele Nkosi.

Inhlangano i-Action SA kulindzeleke ihole umkhuleko wekubonga kuhlangana kwemalanga langu 2000 imindeni yalabantfu labagcibedzelwa ngumgodzi emayini i-Lily Mine, solo ihleti ngasemnyango walemayini. Lemindeni ikhala ngekutsi kufanele kukhishwe letisebenti letintsatfu letagcibedzeleka ematfunjini emhlaba kulemayini ngetulu kwekutsi inkantolo igcine incuma kutsi batsatfwe njengebantfu lesebashonile....

Litiko letemfundvo kulesifundza seMpumalanga litsi selikulungele kucala kubhala luhlolo lwekuphela kwemnyaka lwebafundzi bakamatikuletjeni njengoba licala kusasa. Sicocisana  nemphatsiswa welitiko letemfundvo kulesifundza seMpumalanga, Cathy Dlamini.

Umphatsiswa welitiko letekuphepha kwemphakatsi, kuvikeleka nekuchumana eMpumalanga Jackie Macia ngekubambisana nelibamba laNkomishana wemaphoyisa esifundza Major General Dr Zeph Mkhwanazi, betfule umkhankaso wekulwa nebugebengu ngalamaholide letako akhisimusi. Sinaye umphatsiswa Jackie Macia kutosichazela ngalomkhankaso.

Hulumende wase Zimbabwe umemetele kutsi utawucephetelisa balimi labamhlophe labakulelalive kanye nalabakulamanye emave labatsatselwa umhlaba eminyakeni lengemashumi lamabili leyengcile, kuloluhlelo lwekulungisa umonakalo lowadalwa ngulabo bebacindzetele i-Zimbabwe. Sicocisene nemhlatiyi wetindzaba tase Africa, Advocate Sipho Mantula.

Inkinga yekuswelakala kwemanti ngulenye yaleto letikhungetse lelive nalebanga imibhikisho leminyenti kubomasipala labahlukahlukene. Kunemibiko letsi namuhla ekuseni maspala weCity of Mbombela ubonakele atsatsa emaloli latsengisela bahlali baKaBoKweni emanti.  Simeme lokhulumela Masipala weCity of Mbombela Umnumzane Joseph Ngala kutosichazela ngalendzaba.