LADINIA LIVE - Podcast

Inò na sajon da d’inviern positiva, nce sce la cundizions meteo ne n'ie nia states otimeles. Garantì efizienza y cualità dl prudot turistich dl schi ie n imperatif per l cunsorz Dolomiti Superski. Y te chësc cuntest val debujën dla mascima atenzion deviers de plu fatores: dala tecnologia al inevamënt di purtois, dal’energia ala razionalisazion di cosc. L dut nce cun n uedl al svilup y ala puscibel...

Silvia Liotto - poesies da so liber de poesies "le fì dl plü" (EPL Ert Por i Ladins 2024) secunda pert. Silvia Liotto, scrituria da La Ila mo che vir cun süa familia a Bornech, à davagnè le prüm pest por la 10.a ediziun dl concurs leterar "Angelo Trebo" tl ann 2024. N program de Alessandro Dapunt

Na cariera agunistica rica de suzesc y culmineda cun la vënta dla copa dl mond generela tla sajon 2024/25. Florian Clara de Longiarù, l campion dla luesa sun purtoi naturel, à fat si ultima garejeda ufiziela y cëla de reviers a na cariera sportiva de marueia. Conduzion Leo Senoner

Le lu lascia sües mersces y se fej spié tres indô danü. Cotanc dij che ai ne se infida nia plü da jí da susc fora por bosch. É pa chësta tëma legitima o zënza fundamënta? Le verdaciacia Hubert Tschaffert da La Val respogn te chësc program a deplü chestiuns che reverda le lu. N program de Sara Frenner

Per dut l meis de mèrz -l meis che vel zelebrèr la fegura de la ela- aló da La Stüa de Michil a Corvara vegn metuda dant la mostra "Effatà - la tera é viva"; na mostra olache èrt e solidarietà les se met adum per fèr a na vida che le fragilità del mond, tras la mans de n'artista, les posse doentèr na forma de speranza per l davegnir. N rejonon più avisa con Alessia Sorà de la Costa Family Fondatio...

Che al sides da doman, do marëna o canche mai, le café é na boanda che plej y vëgn boiüda cotan. Dla componënta soziala dl jí a bëre le café, mo ince dles proprietés de chësta boanda antia y scöra, nes cunta te chësc program l’esperta de alimentaziun Ivonne Daurú. N program de Sara Frenner

Ai 28 de firé l é la giornèda mondièla de la malaties rères, na ocajion per meter en esser azions e scomenzadives en cont de chest tem ma ence n moment per meter l’azent su la nezessitèdes e sui besegnes de la persones che padesc de chesta malaties. Per rejonèr più avisa de chisc argomenc, te chesta puntata de Ladinia Live aron en coleament con nos la Conseiera de Procura del Comun General de Fasc...

Cun na mozion se damanda doi cunselieres dla lista zivica de S.Crestina che l cunsëi de Chemun tole na dezijion n cont dl cunliamënt danter la Mont de Pana y Saltria. Feter 1400 uservazions-ubiezions a chësc proiet fovl ruvà ite d’auton da pert di zitadins de duta la valeda. Y co vala pa sën inant? Ntervista cun Christoph Senoner, ambolt de S.Crestina. Conduzion Leo Senoner

Silvia Liotto - poesies da so liber de poesies "le fì dl plü" (epl 2024). Silvia Liotto, scrituria da La Ila mo che vir cun süa familia a Bornech, à davagnè le prüm pest por la 10.a ediziun dl concurs leterar "Angelo Trebo" tl ann 2024. N program de Alessandro Dapunt

L'espert dla rëi de internet Markus Rabanser da Urtijëi, nes cunta te chësc program de n meso aprijé da tröc y contesté da atri: l'inteligënza artifiziala. N program de Sara Frenner.

A Roma, dai 14 ai 16 de firé, delaite de la rassegna #PignetoInLove vegnarà portèda dant la pruma mostra personèla de David Romelli dal titol "Desche fiores tel ziment". Ti dis olache vegn zelebrà l'amor te duta sia formes, chesta esposizion la vel meter l'azent su l'amor envers i giaves tras la fegura de Maria Piaz de Pavarin, crosava del ceramist fascian, cognosciuda a duc desche la Mère del Por...

La segonda ena de cumpetizions mët man ncuei cun la Team Combination, na garejeda nueva pra i campiunac, uluda da Verena Stuffer, raprejëntanta di atlec tl cunsëi dla FIS. Tëmp per na bilanz y na valutazion n cont di resultac y nce per n aprufundimënt sun i temesc for atuei de segurëza, materiai y nteresc di atlec. Ntervista cun Verena Stuffer. Conduzion Leo Senoner

L problem de la cèsa l é n argoment che tocia da vejin tropes sentadins de noscia valèdes ladines. Te Comun de Moena se fèsc lèrga, tras l'aproazion de n nef provediment, na prospetiva che met en esser agevolazions concretes per chi che fita si cartieres a jent del post e lurieranc. Te chesta puntata de Ladinia live rejonaron più avisa de chest con la vizeombolta de Moena Cristina Donei. Conduzion...

L’ert ie n aspet de nosta vita che nes fej priejé l bel o che nes juda a aprufundì temesc y cuestions ntëur a nosta sozietà. Ma l’ert pòssa nce avëi na funzion terapeutica y nes judé a ste miec cun nëus nstësc y cun l mond ntëur via. Cunsciderazions y aprufundimënt cun Claudia Verra, terapeuta d’ert. Conduzion Leo Senoner

Martha Videsott é n’artista originara da San Martin che vir a Lana. Te chësc program nes cuntera de süa ligrëza y de süa pasciun por l’ert, che ara á bele da picera insö. N program de Sara Frenner

Con chest meis de jené, per la terza outa, Barbara Bravi la é stata confèrmèda Presidenta de la Cèsa de Paussa de Fascia. Te chesta puntata de Ladinia Live aron l met de rejonèr con ela de la novitèdes che ruarà ite vardan ence a vèlch pont critich che tocia tel spezifich la azienda publica per i servijes a la persona te noscia val. Conduzion Cinzia Pistoia

L inviern turistich sun i purtois de nosc comprensore ne ie nia da pensé zënza la prejënza di maestri de schi. Plu che autri à i maestri la cunescënza de cieche suzed realmënter sun nosc purtois, ëi ie l metronom dla situazion y pò cunscidré cieche va bën y cie manco. Na valutazion dla sajon dai schi nchina sën cun Flavio Prinoth, sëurastant dla lia dla scoles de schi de Südtirol. Conduzion Leo Se...

André Comploi surantól dai 13 de jená dl 2025 l'inciaria da Diretur dl Departimënt scora y cultura Ladina. Al á studié Disciplines teatrales y Musicologia tl'université da Viena. Dal 2010 al 2020 él sté responsabl dl ufize stampa dl Teater dl’Opera de Viena y dal 2020 inant ál curí l’inciaria da Coordinadú artistich tl teater La Scala de Milan. Progam de Sara Frenner

Daniele Bagozza de Urtijëi à chëst’ann bel venciù doi garejedes de copa dl mond y ie te chësc mumënt al prim post tla tlasifica generela. Bel n chësc fin dl’ena vala inant cun la proscima garejedes a Scuol tla Engiadina y on fat l pont dla situazion cun l campion de snowboard de Gherdëina. Conduzion Leo Senoner

Da val edemes é le tradutur automatich ladin online sön le sit dl Istitut Ladin Micurá de Rü. Nos n'un baiun con le ideadú dl proiet Samuel Frontull, che do 3 agn de laur é ruvé a sü pröms früc. Conduziun Esther Videsott

Nadel ie la festa religëusa che lecorda la nasciuda de Gejù Crist, l redentëur dl crëidum cristian. Ciuna ie pa la mpurtanza y co vën pa trasmetui i vëir valors religëusc de chësta festa? Cunsciderazions cun l digan de Gherdëina sen. Ivo Costanzi. Conduzion Leo Senoner

Presentaziun dl liber "Tüa parora cunta - la bibia por pici y gragn" (ediziun Istitut Cultural Micurà de Rü) dles auturies Renate Valentini por i tesc' y Chiara Lacedelli por les ilustraziuns. Cun l' intervënt pro la presentaziun da pert de Siur Ulrich Fistill, professur de vedl testamënt y diretur dla biblioteca diozejana da Porsenù che à curè la suravijiun dla "Bibia por pici y gragn". N libr dë...

Cun l diretëur dl cunsorz Dolomiti Superski Thomas Mussner, tulons sot al udlon la sajon dai schi che va a scumencé. Program, nuviteies y prospetives per l inviern che nes aspieta sun i purtois dai schi dla Dolomites. Conduzion Leo Senoner

"Dutes per una - solidarietà feminila" l é l titol del numer 28 de gana olache vegn uzà fora stories e esperienzes de eles che se à dat ju o se dèsc ju per ge dèr de contra a n mond che é semper più ret da egoismes e conflic. Te chest contest la eles l é cheles che padesc de più purampò tropes se dèsc jù con azions creatives e concretes. Stories, esperienzes e testimonianzes de eles ite e fora da...

Ai 14 y 15 de dezëmber vëgnel a La Ila metü sön paladina n conzert cun na storia da Nadé ambientada aldedaincö. Ci se á mo cunté le bo y le müsc dan da 2000 agn, te chë stala a Betlehem? Rai Ladinia n'en baia cun la ideadëssa dl proiet, Lucia Kastlunger y l'autur dla storia Simon Kostner. Moderaziun Esther Videsott