LADINIA LIVE - Podcast

Te chisc ultimes tempes se sent rejonèr semper più de spes de argomenc che se lea al de bonstèr de la persona e l é n ram de la psicología che se cruzia de studièr avisa la relazions che passa anter l’om e la natura. Te chesta puntata de Ladinia Live rejonaron donca de psciologia ambientèla e biofilia con la psicologia Nicole Mamone. Conduzion Cinzia Pistoia

A la fin de l'aisciuda, canche la semenzes les é states metudes ju, se speta che -tras la lum, la tera, l'èga e l lurier pien de amor di bachegn- la piantes les tache a ciapèr sia forma e fiorir. El pa anchecondì neves ponts de veduda che se averc a autra formes de agricoltura? Se pelel pa meter en doura sistemes più naturèi de chest vers? N rejonon con Sara Desilvestro. Conduzion Cinzia Pistoia

Le intendënt por les scores y scolintes ladines, Heinrich Videsott, nes cuta te chësc program de so laur che al á surantut dan da apresciapüch mez ann. Al alza fora ince les particolarites dl ann de scora 2024/25 che é jü a piz. N program de Sara Frenner

Sota l motto “defënder – respeté – mantenì” la natura de nosc raion, à l cunsorz turistich de Gherdëina ntrudot chëst’ann la figura dl ranger, che ie nciarià de sensibilisé y nfurmè la persones n cont dl drë cumpurtamënt da tenì te nosta cuntreda da mont. Ntervista cun Lukas Demetz dl cunsorz turistich de Gherdëina y cun Ujep Runggaldier, un di cater ranger nueves. Conduzion Leo Senoner

Ti dis che vegn l grop de robotica Gome Neve de la Scola Ladina de Fascia l sgolarà a Worchester tel Massachusetts per tor pèrt al event internazionèl de robotica First Lego League WPI. Te chesta punatata de Ladinia Live jon a rejonèr coi studenc fascegn del projet che i portarà dant , de la endesfides per l davegnir e ence de la emozions che rua adalèrch dant de la partenza per i Stac Unii. Condu...

La musiga á na forza straordinara, val’ iade tan grana che ara é buna da nes mudé l’umor. Tres deplü ejëmpli concrec, nes cunta l’insegnanta y ispeturia por la religiun dles scores ladines Agnes Irsara, dla facolté dla musiga da jí sot tla porsona y da la trasformé. N program de Sara Frenner

Bel da 15 ani ie la garejeda HERO Südtirol Dolomites n apuntamënt mpurtant dla cumpetizions MTB de roda da mont. Tl 2015 iela stata la garejeda valëivla per l campiunat dl mond, da chëst’ann y per i proscimi cater ani, fejla pert dl zircuit de copa dl mond UCI de mountain bike marathon. Na nuvità de chësta cumpetizion 2025. Ntervista cun Gerhard Vanzi, ideadëur y presidënt dla Hero Südtirol Dolomi...

Giuvani Moling nes cunta te chësc program por sura so laur y süa pasciun da ti dé na löm nöia a obiec y operes che le tëmp á roviné. N program de Sara Frenner

Te chesta puntata jon a descuerjer cheche l é vindedò l mond di libres e, più avisa, jon a cognoscer zeche de più su cheche roda dintornvia l lurier che vegn fat te biblioteca. Na ocajion per se fèr doi ciacoles col bibliotecar de Cianacei Daniele Verra. Conduzion Cinzia Pistoia

Ai 8 de mei ie Robert Francis Prevost unì lità sciche l 267ejim Papa dla dlieja cristiana catolica. Cun l inuem de Leo XIV sëurantòl l cardinal urijiner dl USA la ncëria plu auta tl Vatican. Cunsciderazions cun l vicar generel dla diozeja de Bulsan-Persenon, Sen. Eugen Runggaldier. Conduzion Leo Senoner

Le film por ladin "Le rëgn de Fanes" (48 min) è gnü fora tl ann 2005, produziun dla Lia Culturala Fanes, cun les musighes originales de Susy Rottonara, regia de Roland Verra, camera y tai de Hans Peter Karbon. Chësc film pioneristich, amatorial mo de cualitè por musighes, conduziun de regia, conzet y belëza dles ripreses, raprejënta na tapa storica por la valorisaziun dl patrimone dles liëndes lad...

Deboriada ala responsabla dl Raiun Sozial de Gherdëna Martina Comploi, baiunse te chësc program de na violënza val’iade tignida tl socrët. I orun dé informaziuns y sensibilisé por sura la tematica dla violënza de vers dles ëres. N program de Sara Frenner

La lites de n dumënia ai 4 de mei à metù a lum n szenar nteressant y nce desferënt te Gherdëina, che va da na situazion de stabiltà y continuazion dla legislatura passeda nchina ala nuvità y mudazion dl’aministrazions che vën. Cunsciderazions y aprufundimënt cun Roland Demetz, ambolt da dant de Sëlva. Conduzion Leo Senoner

Enstadì l’Apt de Fascia l’à envià via l percors de zertificazion GSTC (Global Sustainable Tourism Council) per lurèr fora formes de turism più responsabol coscita che, con la partezipazion ativa de duc, se posse jir envers la projetazion de n teritorie più sostenibol. Per cognoscer la bona prateghes e i ponc che à l’obietif de miorèr apontin la calità del turism te val rejonaron con Alison Prinoth...

Ai 30 de oril l é la Giornèda Internazionèla del Jazz, na ocajion per zelebrèr e cognoscer l'èrt portèda inant da chest jender musegal tras sia reijes che les troa fondamnet te la zità de New Orleans. Te chesta puntata de Ladinia Live, dessema al musizist Enrico Tommasini, rejonaron de l impat che chesta sort de musega à abù te la cultura internazionèla ma ence de sie davegnir. Conduzion de Cinzia...

La musizista Marion Plafrader tol ite le rodul da regista dl musical “En dé a la Spona” jobelné dai assistis y assistides tl Zënter protezioné cun sënta a La Val. I ti ciarun al laur che é gnü fat ia do les cultrines por realisé n proiet scialdi articolé. N program de Sara Frenner

Te nosta sozietà digitela dai ritmesc busienc crësc paralelamënter nce la comunicazion de dac, nutizies y nfurmazions. Te cie mesura se muda pa l mond di media? Na nrescida dl ASTAT, l istitut provinziel de statistica, nes juda a valuté la situazion dl mumënt. Cunsciderazions y aprufundimënt cun Gernot Mussner, jurnalist liede de Urtijëi. Conduzion Leo Senoner

Le organist dl Dom da Porsenú y dozënt universitar Franz Comploi, nes cunta te chësc program de n jení musical cun na personalité intravaiada, che á revoluzioné la musiga dl classizism: Wolfgang Amadeus Mozart. N program de Sara Frenner

I studenc del Liceo di Lengac de la Scola Ladina de Fascia, dessema coi professores, i à tacà via n percors con l espert de comunicazion tel ciamp de la radio Alessandro Arici per emparèr a scriver e registrèr n nef podcast te desvalives lengac. Jon donca vindedò la coltrines de chest projet endrezà dal Comun General de Fascia con Angela Pederiva de l'ufize di servijes linguistics. Conduzion Cinzi...

Na udleda al’atività dla Nëus Jëuni Gherdëina, la lia tët che sustën l lëur dla lies, assoziazions y istituzions mpeniëdes tl ciamp sozioculturel, furmatif y dl tëmp liede che reverda l mond dla junëza. Ntervista cun i culaburadëures respunsabli dla NJG, Karin Rabanser y Aron Moroder. Conduzion Leo Senoner

Oliver Kostner, le comandant dla polizia de raiun de Urtijëi nes cunta te chësc program de süa profesciun y de valgönes esperiënzes personales liades a so laur. Program de Sara Frenner.

A Moena, ai 5 e ai 6 de oril, vegnarà portà dant l festival “ènema e natura”; n festival dedicà al bon stèr de la persona olache se arà l met de sperimentèr na lingia de disciplines e tratamenc che conjobia l benesser co la natura. N rejonon con Irene Deflorian e Tania Detomas. Conduzion Cinzia Pistoia

La sajon turistica dai schi va a piz, nce chëst’ann cun na bilanz positiva y feter duta la categories che po' rujenè de na bona sajon. L ie l mumënt dla analisa y dla reflescion, cun na udleda nce sun chël che ne ie nia jit bën y ie da miurè. Ntervista cun Lukas Demetz, presidënt dla lia dl turism de S.Crestina y dl cunsorz Dolomites Val Gardena. Conduzion Leo Senoner

Enscin ai prumes de oril, aló dal Liceo Artistich de Sèn Jan, se pel veder la mostra “Genius”; na mostra su Leonardo Da Vinci endrezèda dai studenc de la clasc terzes di licees scientifich e de la èrts feguratives che ne porta delaite de n viac anter èrt e scienza. N rejonon con Thomas Zulian, dozent de matematica a la Scola Ladina de Fascia. Conduzion Cinzia Pistoia

La scora primara de Urtijëi á dlungia les tlasses ordinares ince na seziun che laora do la metoda de Maria Montessori. La direturia Monica Moroder nes cunta dla nasciüda y di svilups de chësta seziun. N program de Sara Frenner