LADINIA LIVE - Podcast

Te chisc ultimes egn te Fascia vegn endrezà semper più evenc de nonzech ma che el pa vindedò la coltrines de l’organisazion? Per descuerjer zeche de più en cont de chest, aron en coleament con nos Cristoforo Debertol, diretor de la Sozietà Gregn evenc de Fascia. Conduzion Cinzia Pistoia

Do ngrum de ani de descuscions y cuntratazions, semea che duta la pertes nteressedes sibe sën a una per la realisazion dla nueva cësa di Ladins a Urtijëi. Tan daujin sons’a realmënter a chësc mumënt storich? Ntervista cun l ambolt de Urtijëi Tobia Moroder. Conduzion Leo Senoner

Le surastant di verdabosch de Gherdëna, Marco Plancker, nes cunta te chësc program dles regoles da jí a fonguns, alzan fora ince cares che po ester les straufunghes, sce an ne se tëgn nia a ci che é scrit dant. N program de Sara Frenner

Le dè dla cultura ladina gnarà tignì in dumënia 21 de setëmber a San Martin de Tor, dailò dal' Isititut Cultural Micurà de Rü y Museum Ladin Ciastel de Tor. Le tema portant dl dè sarà i mic y les liëndes ladines. L' assessur Daniel Alfreider cun i responsabli y colauradus dla scola y cultura ladina, Andrè Comploi, Carlo Suani y Nadia Molling presënta i contignüs y i protagonisc dl dè, olache düc è...

N liber per mutons dat ora dal Istitut culturel Micurà de Rù che conta la storia de Miko, n jëun che fej n viac tl univers ala scuviërta di culëures. Dlongia la publicazion standard dl liber iel nce dan man na verscion tla scritura Braille per viërc, na nuvità per chël che reverda la publicazions de libri per ladin. Ntervista cun l’autëura Michaela Kostner. Conduzion Leo Senoner

L’auturia y linguista Daria Valentin nes cunta de sü pici dizionars da gofa ponsá por i turisć. Ara fej ince valgönes reflesciuns por ci che reverda l’identité ladina, alzan fora la desfarënzia danter contrada naturala y contrada culturala. N program de Sara Frenner

La mujiga dl luech de Sëlva cumplësc chëst’ann si primes 100 ani de vita. N chësc fin dl’ena vëniel lecurdà chësta ntraunida cun na festa, nce per auzè ora l’atività mpurtanta de na lia che, dal scumenciamënt incà, à dat si cuntribut ala vita soziela y culturela dl luech. Ntervista cun la vize-sëurastanta y respunsabla dl’urganisazion Miriam Runggaldier. Conduzion Leo Senoner

Liëndes ladines - Nicola Dal Falco “Le Signore del tempo” Canche i mic dles liëndes ladines incunta la pëna de n scritur de alt livel y devënta leteratüra. Nicola Dal Falco, cun la colauraziun dla esperta de mitologia Ulrike Kindl è autur dla seria de trëi libri “miti ladini delle Dolomiti”, publichè dal Istitut Cultural Micurà de Rü. N program de Alessandro Dapunt

Ence chest an, te Fascia, ruarà doi tapes del zircuit de garejèda vertical “FFB Fiemme Fassa Biois”. Per rejonèr di percorsc, di atelc e per jir mingol vindedò la coltrines de chest event sportif che tol ite trei valèdes aron en coleament con nos Mattia Valentini, speaker e referent del zircuit. Conduzion Cinzia Pistoia

Sepl Zingerle nes cunta te chësc program de so laur da ostí sön munt, conscidran i mudamënc che le tëmp y so svilup á porté ite ti pra sot Pütia. N program de Sara Frenner

Dlongia i efec positives dl turism da mont tla Dolomites, vën a lum cun l crëscer esponenziel di numeri ti ultimi ani, nce deplù situazions problematiches. Per l setor economich nstëss coche nce per l sostrat soziel local. Na reflescion y analisa cun Michil Costa, ost y espert de turism de Corvara. Conduzion Leo Senoner

En mercol ai 20 de aost a Moena, delaite de la rassegna “Moena Incontri”, vegnarà portà dant l liber de Elisa Sommavilla dal titol “Storia di una cellula impazzita”. N liber che conta chel che no vegn dit canche rua adalèrch na malatia e che tol ite i desferenc aspec che é pèrt de chesta esperienza. N rejonon co la vizeombolta del Comun de Moena Cristina Donei e col dotor Luca Follador. Conduzion...

Da ann a ann crësc l turism tla Dolomites, n fat positif per l’economia de nosta valedes, ma che, dal’autra pert, generea nce deplù problems y cunseguenzes negatives per l raion y la jënt dl post. Na valutazion cun l ost y espert de turism Michil Costa. Conduzion Leo Senoner

La liënda dl Rëgn de Fanes è bunamënter vedliscima, à carater epich y mitologich. Da n intervënt dla prof. Ulrike Kindl, esperta de leteratüra y mitologia, pro la presentaziun dl liber "liëndes ladines dles Doomites", publichè dala Uniun Generela di Ladins tignì pro le Museum Ladin Ciastel de Tor. N program de Alessandro Dapunt

La sozieté se müda y tres deplü é i lingac che röia tla scora y scolina ladina. L’Ispeturia por le plurilinguism, Claudia Rubatscher, nes dá te chësc program n cheder dla situaziun linguistica tla scora ladina y ara alza fora ciönes che é les sfides y i proiec por ci che reverda le plurilinguism. N program de Sara Frenner

A la fin de mèrz, a Feltre, se à binà ensema duc i partezipanc del projet “Klang2. Miniere, Forni, Fucine, Spade” per dèr l via a chesta enrescida che è de gran enteress e emportanza ence per l’Istitut Cultural Ladin Cesa De Jan. Per saer zeche de più rejonaron con Eleonora Demattia, colaboradora del Istitut e referenta del Ciastel de Andrac

Per l 7. iëde mët la lia La Vëta a ji l’academia da d’instà, la Summer Academy Gherdëina, n curs de scultura, dessëni y mudelé, pensà per artisc, scultëures y studënc d’ert da uni pert dl mond. Cater ie i artisc maestri che sëurantòl la direzion didatica y l nseniamënt. Danter chisc Aron Demetz, Hermann Josef Runggaldier y Peter Demetz. Conduzion Leo Senoner

Te chësc program nes cunta Michaela Kostner dl Sorvisc spezialistich sozial Autism-ASD, dl desturb dl spectrum dl autism. Plü avisa nen vára de co che les porsones atocades da autism vir le contest familiar, scolastich y sozial. N program de Sara Frenner

En mèrtesc ai 22 de messèl a Soraga, delaite de la lingia de evenc "Ispirazions d'istà", vegnarà portà dant l liber "Linea segreta. I retroscena tra Stato e Vaticano" de Antonio Preziosi. Na ocajion per averjer reflescions en cont di raporc anter Stat e Vatican. N rejonon con Cesare Bernard, coordenador de la Comiscion cultura de la parochies de Fascia. Conduzion Cinzia Pistoia

La 6. edizion dla mostra “Idea Unika - ert tl zënter” mët a lum, ti trëi luesc dla valeda, i lëures de 8 artisc de formes d’ert desferëntes. Ntervista cun Matthias Kostner, presidënt dl’Unika. Conduzion Leo Senoner

La mostra dal titul „Le lu é chiló”, metüda fora tla Ciasa dl Parch Natural a Al Plan, presënta la relaziun danter le lu y la porsona, che se partësc le medemo teritore. N program de Sara Frenner

L' origina dla liënda dl Rëgn de Fanes, che à carater mitich y epich, è vedliscima y va zoruch a n tëmp dan dal scumenciamënt dl tëmp documentè. N patrimone mitologich de valur straordinar di ladins. Da n referat tignì dailò dal Museum Ciastel de Tor dala prof. Ulrike Kindl, che è stada di alalungia dozënta de leteratüra tudëscia al' Universitè de Auneja, scrituria de gran prestige y esperta de ri...

En domenia ai 13 de messèl, aló dal Istitut Cultural Ladin “Majon di Fascegn”, vegn portèda dant con endrez de la Union Generela di Ladins dla Dolomites, la dì de la Unità Ladina, olache vegnarà festejé i 50 egn del Istitut e i 70 egn de l’Union di Ladins de Fascia. Na ocajion per rejonèr de la valuta del tegnir adum duc i ladins che stèsc dintornvia i Crepes del Sela. N rejonon con Milva Mussner...

Cun Beatrix Insam, diretëura dla lia dl turism de Urtijëi prejentons l program dla manifestazions dl’instà 2025 y fajon vel cunsciderazion sun l trend turistich dla sajon ciauda te Gherdëina. Conduzion Leo Senoner

L’uniun di stödafüch da La Ila dá fora na publicaziun por cöie adöm begn 100 agn de storia de n’uniun che veiga generaziuns de volantars y volontares en aziun. L’auturia dl liber 100 Agn Stödafüch la Ila, Daria Valentin, nes cunta tl monü te chesc program ci che an po döt lí y odei te chesc liber. N program de Sara Frenner