LADINIA LIVE - Podcast

I 12 atlec y atletes dles "Fiamme Oro" dla Polizia, nciariëi de acumpanië l fuech olimpich sun si viac tres la Talia deviers de Milan-Cortina 2026, ie numinei nce “Flame angels”, i angiuli dla flama. Una de chëstes ie Vivien Insam de Sëlva, ex atleta dla Naziunela Taliana de schi alpin, che nes conta de si esperienza da vardiana dla flama olimpica. Conduzion Leo Senoner

Te süa vita profescionala á Simon Kostner da La Ila mudé gonot guant. Da atur ál interpreté tröc rodui y sciöche porsona ál tut ite n percurs, che le á condüt a se formé y se trasformé tres danü ince te so laur. N program de Sara Frenner

Na ciaculada cun le infermiere Benno Chizzali, che nes cunta de co che al passa la vëia de Nadè te spitol. Conduziun Esther Videsott

Cianties d'advënt y devoziun di Kyrios poesies de Siur Iaco Ploner, dala racoiüda "sön trù cun incherscimun (EPL 2000). Siur Iaco Ploner, ploan in punsiun, un di plö importanc poec ladins, à fondé le cor jonil Kyrios de Badia tl ann 1973, canche al fo laota caplan a Badia. I kyrios, n grup che à salpü tres da se renovè è dütaurela un di grups musicai plö atifs y aprijà. N program de alessandro Dap...

Le Consëi de Formaziun de Santa Cristina á publiché ti agn cotan de libri che cöi adöm la memoria dla jënt che vir te chësc comun. Erna Bernardi nes presënta te chësc program i früc de n gran laur. N program de Sara Frenner

Prejentaziun di conzerc da Nadè de Sabina Willeit. Conduziun Esther Videsott

Cundizions ideeles per l scumenciamënt dla sajon schiistica 2025/26, che se prejënta, coche uni ann, cun prupostes y nuviteis mpurtantes per l turist da d’inviern tla Dolomites. Ntervista cun Andy Varallo, presidënt dl cunsorz Dolomiti Superski. Conduzion Leo Senoner

Le trio de ciantarines "Tonalités" d’Al Plan presentëia ai 7 de dezëmber süa pröma CD dal titul "Picio Bambin", cun cianties tradizionales dl tëmp da Nadé. Moderaziun Esther Videsott

La conditoria la pel ne regalèr momenc gustegoi e golousc da spartir con chi de cèsa, l’à la capazità de soscedèr recorc e emozions che rua dal cher e la ne mena delaite de n mond fat de prodoc de calità dajan lèrga al valor de aer sun meisa na sort de magnadiva più sana. Rejonon de chest con la conditora Vittoria Sandbichler. Conduzion Cinzia Pistoia

Ntervista cun Mattia Valentini, speaker de evenc sportifs e autor de n podcast sun l schi alpinism. Conduzion Cinzia Pistoia

Le 14 de novëmber èl gnü recordè a Balsan i 50 agn de storia dla intendënza ladina. L' intendënt Heinrich Videsott porta dant na riflesciun sön la fundamënta storich-culturala y spo iuridica por la fondaziun dl sistem autonom de scola por les valades ladines. N test poestich dla studënta Sara Frenademetz, dla V. I.T.E. da La Ila, che à davagnè pro le pest poetry slam metü a jì pro scolars y studën...

L sport met adum tropa jent, spes l é ocajion de crescimonia e condivijion e te vèlch cajo l dèsc l met de meter ju de bona reijes per leames fogn. Per rejonèr de l’aspet più uman che l é vindedò l sport se fajon na ciacolèda con Mattia Valentini, speaker de evenc sportives e autor de n podcast sul schi alpinism. Conduzion Cinzia Pistoia

Patrick Stuflesser de Urtijëi ie unì cunfermà tla ncëria de sëurastant di mëinajita de Südtirol. Dla situazion atuela y dla ndesfidedes futures per i 500 mëinajita provinziei, che fej pert dla camera prufesciunela di mëincrëp de Südtirol, nes conta l nuef presidënt te chësc program. Conduzion Leo Senoner

L’auturia Daria Valentin presënta te chësc program süa publicaziun nöia dal titul "BADIA, Evoluziun di süsc da paur", en ocajiun dl aniversar di 700 agn dl paisc de Badia. N program de Sara Frenner

La cooperativa „Por Mareo“ se tol dant da sostigní y promöie le svilup economich, sozial y cultural dl Comun de Mareo. Le presidënt de chësc grup, Felix Ploner, nes cunta te chësc program di obietifs y dles ativites che la “Por Mareo Coop“ se tol dant. N program de Sara Frenner

Con l’istà 2025 la sociazion “Kino” con a cef Lorenzo Dezulian tol su la gestion del chino Marmolèda de Cianacei, n projet che vel sporjer momenc gustegoi per se binèr adum dajan lèrga a neva idees culturèles con l’obietif de valorizèr i valores de la comunanza. N rejonon con Lorenzo Dezulian e Martin Pederiva. Conduzion Cinzia Pistoia

Per 38 ani àl laurà tla RAI Ladinia a Bulsan, i ultimi ani sciche prim y storich caporedadëur de na strutura che ova giatà si autonomia redaziunela y n aumënt mpurtant dl palinsest televijif. Ai 22 de utober à l jurnalist Erwin Frenes, jit n pension tl 2016, giatà na uneranza dal Chemun de Bulsan per si meric per la cumenanza y cultura ladina. Conduzion Leo Senoner

Cunvëgn mic liëndes ladies 1,a pert. Dal dé dla cultura ladina, ai 21 de setëmber 2025, Istitut Ladin "micurà de Rü". N program de Alessandro Dapunt

Dant o do ti tóchera a düc da tó comié da chësc monn y la zelebraziun dla sopoltöra é n momënt dër intim y sintí dai familiars y dala comunité, che salüda le defunt o la defunta che passa spo a miú vita. Te chësc program cunta Thomas Demetz dl Sorvisc de sopoltöra de Gherdëna, de so laur y de sües esperiënzes. N program de Sara Frenner

Ai 25 de otober, te la gejia del Sacro Cher de Cianacei, vegnarà portèda dant la vinteisema rassegna corala endrezèda dal Coro Valfassa. Na ocajion per dèr lèrga a la cianties da mont e per scutèr i repertories de trei cores che se bina adum apontin a Cianacei. N rejonon col president del Coro Valfassa Giovanni Sornatale. Conduzion Cinzia Pistoia

Cun utober 2025 à la Union Generela di Ladins dla Dolomites n presidënt nuef. Roland Verra, l ntendënt da dant dla scoles ladines dla Provinzia de Bulsan, sëurantòl la ncëria de Milva Mussner, che à menà la lia tët dla Unions di Ladins tl ultim dejené. Ntervista cun l presidënt nuef Roland Verra. Conduzion Leo Senoner

Le MUSLA presënta la mostra dl musizist Max Castlunger. Ara nen va de na mostra de musiga interativa y sostenibla. De ci che ara nen va tl monü nes cunta la direturia dl Museum Ladin Ciastel de Tor, Katharina Moling y le ideadú dl proiet Upsycling Music, Max Castlunger. N program de Sara Frenner

Per na rejon o per l’autra, se rejona semper massa pech di desferenc aspec che revèrda la sanità de la eles. Per chest, i Assessorac del Comun de Sèn Jan porta dant na lingia de scontrèdes dedichèdes a chest argoment, coscita da averjer n dialogh coi spezialisc su temes desche prevenzion, azess a la cures, inovazions terapeutiches e bonstèr. N rejonon con l’assessora Mirella Florian. Conduzion Cin...

Eugen Troi, nes cunta de süa cariera da musizist pro le grup musical Jimmy, al va derevers ti recorc de n tëmp, olache la jënt se devertî atramënter co incö y al nes revelëia ince val’ porsura süa pasciun da zidlé vicí. N program de Sara Frenner

Sëira leterera–mujichela tla rujeneda ladina cun Rut Bernardi & l'ensemble Eseleptitun n vënderdi ai 3 d’utober tla Cësa di Ladins a Urtijëi. L vën purtà dant 19 poejies dla sort de juesc de paroles ma nia me, acumpaniedes cun mujiga urijinela, n pert sperimentela, scrita aposta aldò dla poejies. Ntervista cun l'autëura Rut Bernardi. Conduzion Leo Senoner