LADINIA LIVE - Podcast

L’ander de Conturines é l’ander plü vedl dles Alpes daté cun metodes radiometriches. Les concreziuns plü vedles á na eté de feter 6 miliuns de agn. Ara se trata de deponüdes de calzit che se forma te tëmps lungiscims. Les inrescides é gnüdes fates da n grup de esperc internazionai sot la direziun dl professur Christoph Spötl y dala duturia Gabriella Koltai dl Istitut de Geologia dl'Université da D...

Anché te dut l mond vegn zelebrà la giornèda mondièla de la sanità. Na ocajion de sensibilisazion envers tematiches de grana emportanza per la sanità publica e n moment per rejonèr de prevenzion e per sostegnir la valuta de l azess universèl a la cures per duc. N rejonon col dotor de familia Luca Follador. Conduzion Cinzia Pistoia

Ntervista cun l ambolt de Sëlva Tobias Nocker per mëter a lum la mires dla nueva aministrazion n cont de proiec y scumenciadives mpurtantes, pensedes y programedes per i proscimi ani. Conduzion Leo Senoner

Traslaté n test podess somié val’ de scëmpl sce an conësc bun entrami i lingac, mo sce an ó le fá profescionalmënter, spo él n laur dër zite che se damana tröpa competënza linguistica y culturala. La traduturia Isabella Ties nes cunta te chësc program de so laur. N program de Sara Frenner

Te Fascia l é diesc egn che la sociazion “Fassa Solidale” se cruzia de regoeta e spartijon de magnadiva col zil de didèr fora la families che stenta. En ocajion de chest cedean, se fajon na ciacolèda con Giovanna Zancanaro per cognoscer più avisa l’atività de chesta sociazion. Conduzion de Cinzia Pistoia

N iade danter storia y filosofia cun Daria Valentin. Te sua cuntia lungia autopublicada dal titul "Sidonia ala inrescida dla libertè" paìa ia la scrituria de badia dala faszinaziun y mister di ciasti de nosc raiun. Prüma de set perts. N program de Alessandro Dapunt

Te chesta puntata de Ladinia Live l’artista Judith Sotriffer ne compagnerà vindedò la coltrines del mond del jech per jir a descuerjer la valuta che chest à no demò per i picioi ma ence per i gregn. Conduzion de Cinzia Pistoia

Ci sozedessl pa sce düc podess pormez a vüsc SMS o ales informaziuns personales che i ëis sön le fonin? A val’ un ti fossl anfat, ne ái pö nia da ascogne, d’atri se sintiss spo tosc feris te süa privacy. Le toch de teater che l’Uniun Teater La Val mët sön paladina, cunta de n jüch, olache i personaji mët sön mësa so fonin y lascia lí a düc i presënć les noeles che vëgn ite. Ara se trata de na come...

Tel ultim an e mez, la regoeta desferenzièda di refudames urbans te Fascia la é dassen piorèda. Per chesta rejon, l Comun General de Fascia, aldò ence di oblighes pervedui dal decret lege n 116 dai 8 de aost del 2025 (doentà la lege 147/2025), l fèsc a saer tras na letra manèda fora dai ombolc de val che vegnarà smaorà i controi su duta la regoetes. Per deschiarir i desferenc aspec che tocia chest...

La lia dl teater de Urtijëi porta sun paladina n pez per tudësch ispirà al film de cumedia romantica de Paolo Genovese dal titul “Follemente”. Ntervista cun l presidënt dla lia dl teater de Urtijëi, Patrick Perathoner che à nce sëurantëut la regia dl pez. Conduzion Leo Senoner

Te la medema setemèna, vegn zelebré l dì internazionèl de la fauna salvèra e l dì de la eles. Col poet e menatroi Stefen Dellantonio Monech, per chesta ocajions, jiron a averjer na reflescion su chel che lea adum la fegura de la ela con la natura. Conduzion Cinzia Pistoia

Ingrid Palfrades é la responsabla dl Sorvisc Ciasa dles ëres Val de Puster y ara nes cunta te chësc program ci poscibilités de aiüt, che les ëres che subësc violënza, ciafa te Südtirol. N program de Sara Frenner

Les liëndes ladines plö originales, coche trascrites da Karl Felix Wolff y Hugo De Rossi è gnüdes tramandades da 40 generaziuns, cuntades y purtades inant da ciantastories canche jënt s'abina por fà "vila". Da n referat portè dant pro le dè dla cultura ladina dailò dal Istitut ladin Micurà de Rü, les conscideraziuns dla prof. Ulrike Kindl, la majra esperta de mitologia y liëndes ladines dolomitich...

En sabeda ai 21 de firé vegn zelebrèda la Dì internazionèla del lengaz de la mère. Te chesta ocajion l Ofize Servijes Linguistics e Culturèi del Comun General de Fascia porta dant la scomenzadiva “Ladin, lengaz da amèr”, chest an dessema ai atlec olimpics Fascegn. Per rejonèr de chest, aron en coleament con nos Angela Pederiva. Conduzion Cinzia Pistoia

Romed Moroder, trainadëur de saut, ncuei cun nëus per rujenè di Juesc Olimpichs de Milano Cortina 2026 che muef bel plan deviers dla fin dla cumpetizions. Cun l trainadëur de Urtijëi fajons nvalguna cunsciderazions sun chël che on udù sun i purtois y ciamps de garejeda y ntëurvia ntan chësta Olimpiades. Conduzion Leo Senoner

Lidia Bernardi, la presidënta dl Schiclub Gherdëina ncuei cun nëus per rujenè di Juesc Olimpichs de Milano Cortina 2026, cun n uedl particuler ai atlec ladins y a chëi che vën ora dl Schiclub y dla scola sportiva ITE Raetia de Gherdëina. Conduzion Leo Senoner

Isolde Kostner, la campiunëssa de schi alpin che ova venciù trëi bedaies olimpiches, a Lillehammer 1994 y a Salt Lake City 2002, ncuei cun nëus per rujenè di Juesc Olimpichs de Milano Cortina 2026. Do cater dis de garejedes y deplù bedaies sëurandedes, fajons nvalguna cunsciderazions cun la ex campiunëssa y mo ncueicundì una dla atletes talianes de schi alpin de majer suzes. Conduzion Leo Senoner

Verena Stuffer ncuei cun nëus per rujenè di Juesc Olimpichs 2026. Do trëi dis de garejedes y deplù bedaies asseniëdes, fajons nvalguna cunsciderazions cun l'ex atleta de schi alpin dla naziunela taliana y ncueicundì cunseliera y raprejentanta tla cumiscion di atlec dla FIS, la Federazion internaziunela dl schi. Conduzion Leo Senoner

En piena sajon da d’invern, te mez a noscia biencia monts tochèdes da la neif, no podon no rejonèr de schi. Te chesta puntata de Ladinia Live l artist e autor de comics Manuel Riz ne portarà a fèr n viac anter la storia sozièla del schi touta fora da sie liber “Il pendio bianco”. Conduzion de Cinzia Pistoia

La musega l’à da semper na pèrt emportanta te nosc raion, l’à viventà e la viventea momenc de vita e la ge dèsc ousc a la emozions. Purampò can el pa che se aon adat che la musega l é na nezessità? N rejonon col maester de musega Ilario Defrancesco. Conduzion Cinzia Pistoia

Matthäus Crepaz, compositur y musizist, nes presenta te chësc program le spetacul cultural de daurida di Jüc Olimpics invernai 2026, dal titul ON FIRE. Vël instëss á lauré por chësc evënt sciöche aranjadú y compositur. Cotanc é i artisć y les artistes de nosta regiun che laora impara a chësc proiet y che sará da odëi sön paladina ai 30 de jená tl Palasport a Balsan. La RAI da Balsan trasmët chësta...

Per i campiunac dl mond 2031 te Gherdëina iel udù dant na ncëria de mediazion y coordinazion danter l cumitè de urganisazion y i Chemuns dla valeda y la Provinzia de Bulsan n cont dla realisazion de nfrastrutures publiches funzioneles al gran evënt. Eugen Hofer, mprenditëur y ex ambolt de S.Crestina ie unì numinà te chësta funzion. Conduzion Leo Senoner

Te nosc raion i studies e l lurier che vegn fat sul lengaz ladin i ne porta semper più inant per ne permeter de tegnir su la rejonèda tras strumenc a l’avanguardia. Te chesta puntata de Ladinia Live n rejonon con l’enrescidor de lengaz Maximilian Oberhollenzer. Conduzion Cinzia Pistoia

L’Istitut culturel Micurà de Rü à dat ora l’ultima verscion dla gramatica dl ladin scrit dla Val Badia. N stude fat y cuordinà dala pruf.ra Ruth Videsott, sën danman per sauridè y unì ancontra ai debujëns de chiche adrova l lingaz ladin tla forma scrita. Conduzion Leo Senoner

La cultura ladina per stèr en pe l’à besegn de sostegn, aboncont che velel pa dir dèr sostegn a la cultura anchecondì? Te chesta puntata de Ladinia Live jon a veder coche vegn slarié fora i finanziamenc per la cultura te la trei provinzies de la Ladinia per vardèr più avisa a la desferenta situazions che tocia nosc raion. Conduzion de Cinzia Pistoia…