LADINIA LIVE - Podcast

L zënter terapeutich Bad Bachgart festejea chëst’ann si 25 ani de vita y atività. Per l’ucajion vëniel metù a ji, n culaburazion cun l Sabes Persenon y l’abazia de Neustift, l cunvëni scientifich dal titul “Psychotherapie im Wandel – la psicoterapia in evoluzione” sul program ai 22 y 23 de lugio tl cunvënt de Neustift. Ntervista cun l psicologh Edmund Senoner, co-urganisadëur y moderadëur dl cunvë...

Dal festival de cors de mituns "Cianta cun nos" tignì a Balsan le 19 de aurì 2026, le Cor Pices Usc da Mareo cun cianties dedicades ales liëndes y a Fanes. N program de Alessandro Dapunt

Cun l moto “inant adum” festejea la Union Generela di Ladins dla Dolomites i 80 ani dl’ancunteda storica sun jëüf de Sela de lugio dl 1946. L’ucajion per lecurdè na ntraunida storica per l popul ladin, ma nce per cialè inant cun crëta al daunì y si nueva ndesfidedes. Ntervista cun l presidënt dla UGLD Roland Verra. Conduzion Leo Senoner

I fredesc Moritz y Matthias Moroder svilupëia y progetëia drones de gran dimensciuns por le trasport de material posoch. Ai nes cunta de so laur y de sü proiec. N program de Sara Frenner

Te Fascia, con n projet de l’APT out a dèr assistenza e a fèr monitoraje del teritorie, rua i rangers. Da ades enscin a la metà de setember Carolina Chiocchetti e Marco Mazzel i sarà sui jouves e ti posć più batui de la val per dèr informazions e conseies ai ghesc ma ence per vardèr via e monitorèr i lesc da mont. N rejonon con Nicolò Weiss, diretor de l’APT de Fascia. Conduzion Cinzia Pistoia

Che se ess pa ponsé che l’alc viô chiló da nos? Le Museum Ladin Ciastel de Tor po cunté n toch de storia nü tres le repert storich de na cornadöra de alc, che é gnüda a löm. Le paleontologh Herwig Prinoth nes cunta tl monü de ci che ara se trata. N program de Sara Frenner

Te na vijion olache la cultura la é bona de meter en esser projec concrec e portèr inant i valores che caraterisea l’identità ladina, coluna prospetives se averjel per l davegnir? N rejonon con Lucia Piccolruaz, ensegnanta, membra del consei de l’Union di Ladins de la Val Badia e membra del grop leterar del EPL. Conduzion Cinzia Pistoia

N cor storich che à tut pert a dütes les ediziuns de "Cianta cun nos" l Pico Coro Col di Lana da Fodom. Giulan al' impëgn dles maestres Isabella Marchionne y Erica Roilo, l cor de mitans y mituns (tosates y tosac) resta vì y porta dant cianties tradizionales de süa bela Val, Fodom. N program de Alessandro Dapunt.

Le consulënt familiar Siur Toni Fiung presënta te chësc program süa publicaziun nöia dal titul: “Und wir mittendrin” Wie Eltern Nähe, Liebe und Verbundenheit als Paar bewahren. N program de Sara Frenner

Co se njënia pa l majer luech de Gherdëina ala sajon da d’instà 2026? Program, manifestazions y evënc, trend per n turism da d’instà che uel y muessa ji var a var cun i tëmps. Ntervista cun Beatrix Insam, diretëura dla lia dl turism de Urtijëi. Conduzion Leo Senoner

La garejeda de roda da mont Hero Südtirol Dolomites ruva chëst’ann a si 16. edizion. Coche uni ann cun n program sportif y nia me, mpurtant, per l muvimënt dla roda, ma nce turistich dl raion. Ntervista cun Gerhard Vanzi, presidënt dl cumitè de urganisazion dla Hero. Conduzion Leo Senoner

Che se entenel avisa canche se rejona de calità de la vita ti picoi paijes da mont? Coluna sort de davegnir aone tedant? Per responer a chesta domanes no podon fèr condemanco de tor ite aspec che tocia da vejin l sozièl, la cultura, l’istruzion e ben segur ence noscia identità ladina. N rejonon con Mirella Florian, assessora te Comun de Sèn Jan. Conduzion Cinzia Pistoia

La Union di Ladins de Gherdëina nvieia a na sëira leterera, ulache vën prejenteda la nueva edizion de GANA “Dalonc empo davejin”, la revista ilustreda che mët al zënter l mond al feminin dla Ladinia. Oradechël liej la scritëura dla Svizera Rumantscha, Flurina Badel, ora de si roman “Tschiera” ciancià tl tudësch da Ruth Gantert cun l titul “Nebelflüchtige”. Ntervista cun Sofia Stuflesser, presidënt...

Le musizist, dirighënt, maester de musiga y componist, Matthäus Crepaz, nes cunta te chësc program de sciöche al á metü man da scrí musiga y da se dé jö cun la composiziun de cianties. N program de Sara Frenner

Deboriada cun Markus Rabanser descoriunse morvöies y prighi dl marcé de internet. N program de Sara Frenner

Ai prumnes de mé l’ApT de Fascia à ciapà la zertificazion GSTC per la destinazions turistiches da pèrt del Global Sustainable Tourism Council, n recognosciment che declara Fascia desche na val sostegnibola. Che velel pa dir avisa? N rejonon con Alison Prinoth, responsabola de chest projet per l’ApT. Conduzion Cinzia Pistoia

Cianta cun nos, le festival di cors di mituns ruvè ala 20. ediziun è gnü tignì in dumënia 19 de auri tla Ciasa Walther a Balsan. Al è na manifestaziun organisada dala Uniun Generela di Ladins dles Dolomites. Te chësta trasmisciun èl da aldì le inn "Oh Ladinia" ciantè da düc i set cors deburiada y les trëi cianties dl Cor di Mutons da Sëlva. Le dirighënt dl cor, Pauli Senoner à tut pert cun le Cor...

Doi dis de leteratura a Persenon cun 15 autëures dla Ladinia, di Grijons y dl Friul che liejerà dant si tesc, prejentei y cumentei da trëi critichs leterers. Na ucajion de cunfront y dialogh danter la trëi ijules linguistiches ladines dla Elpes. Ntervista cun Rut Bernardi, autëura y presidënta dla SAAV. Conduzion Leo Senoner

Gabriela Frontul é rovada pro süa setima publicaziun, olache ara presënta les cunties di fredesc Grimm tl lingaz ladin. Pici y gragn po se inconforté da lí por ladin les stories “Picianëiblancia y Rösacöcena”, “Jan tla fortuna” y “La bisca blancia”. N program de Sara Frenner

A la metà de mé i studenc de la Scola Ladina de Fascia portarà dant dessema a genitores e ensegnanc l projet teatral dal titol “c’era una volta un bullo”, na raprejentaizon che à l obietif de prevegnir l bulism e l cyberbulism te scola. Rejonon de chest con la dozenta Alice Vinante, responsabola del projet. Conduzion Cinzia Pistoia

Cun faurè de chëst’ann ie Irene Prinoth de Urtijëi la nueva diretëura dl Istitut culturel ladin Micurà de Rü. Cieche raprejënta per ëila chësta stiera, ciunes che ie si vijions y mires per chësta istituzion dl mond ladin y tan nteressanta che ie si ndesfideda prufesciunela, nes dijela te chësc program. Conduzion Leo Senoner

Troèr cèsa: n argoment fers te dut nosc raion e n debatit che resta semper avert dalajache, per più rejons, somea che sie empossibol troèr da comprèr n cartier a n prijie azessibol e no proibitif. Chi el pa che pel fèr zeche? Co se mevela la istituzions de chest vers? N rejonon con Edoardo Felicetti, Procurador del Comun General de Fascia, Conduzion Cinzia Pistoia

La direturia dl Ciamp Pedagogich, Maria Kostner, nes cunta te chësc program cai che é i proiec prinzipai che vëgn metüs a jí por sostigní les scores y les scolines ladines. N program de Sara Frenner.

Simon Kostner, atëur y regist de Corvara, porta sun paladina si ultim lëur, n monologh per tudësch dal titul “Ich liebe mich”. De cieche la se trata y cieche l uel dì cun chësc pez, nes conta Simon Kostner te chësc program. Conduzion Leo Senoner

Le festival di cors de mituns dla Ladinia " Ciantede cun nos" rüva ala 20. ediziun inn dumënia 19-04-2026 a Balsan tla Ciasa Walther. Cun le presidënt dl Uniun Generela di Ladins Roland Verra na presentaziun dla manifestaziun, di cors y dl spirit de "Cinatede cun nos". N program de Alessandro Dapunt