LADINIA LIVE - Podcast

L Museum de Gherdëina à mudà si statut se destacan nsci nce formalmënter dala Union di Ladins de Gherdëina, la lia cun chëla che l Museum à cunvivù dal scumenciamënt incà. Cie se muda pa sën, propi tla fasa storica dl proiet nuef dla Cësa di Ladins? Cunsciderazions cun Theodor Rifesser, cumëmber diretif dl Museum de Gherdëina y Sofia Stuflesser, presidënta dla ULG. Conduzion Leo Senoner

Ai 26 de november a Sèn Jan vegn endrezà na conferenza publica su la ferata de la Veisc con barac e confronc. En rejonon con Massimo Girardi president de Transdolomites, conduzion Anna Mazzel

Do la publicazion dla relazion finela da pert dla grupa de lëur, che vëij dant nce la pruposta dla sort de cunliamënt, iel ruvà l mumënt dl cunfront publich, cun la puscibeltà de tò posizion da pert di zitadins n cont dl proiet. Cunsciderazions cun Heidi Stuffer, presidënta dla lia Nosc Cunfin. Conduzion Leo Senoner

L problem de cèsa l é n problem che tocia duta la valèdes ladines e ence la families da Fodom, aldò di prijies a la steiles, les stenta a troèr soluzions per fèr su frabicac a na maniera azessibola. Per chest la Coprativa Villa Roma l'à dezedù de se dèr endò ju per valutèr se vegn sport domanes da man di sentadins per frabichèr pruma cèses con la formula del frabicat convenzionà en Coprativa. N re...

Te chësc program presënta le assistënt spiritual por les families Siur Toni Fiung, na publicaziun nöia gnüda fora da püch. Ara se trata de na Bibia por mitus traslatada tl ladin mareo da Franz Rigo. Le liber nü devënta ince n spunt por fá na reflesciun por sura la posiziun di mituns tla Bibia y por baié dl insegnamënt dla Parora a nüsc mëndri. N program de Sara Frenner

En previjion de la Gran Radunanza del Istitut ai 22 de november duta la jent vegn envièda a manèr ite idees e conscidrazions sun coche ge saessa bel che i 50 egn de l Istitut vegne recordé e festejé. Na scomenzadiva neva che pea via chisc dis col tor su proponetes tres n formulèr per endrezèr adum i 50 egn del Istitut. En rejonon con Sabrina Rasom diretora de l'Istitut Cultural Ladin de Fascia, co...

Roland Verra te so roman sozio-filosofich "Jan sun l troi dal desmincënza" (publichè por ladin y talian dal Istitut Cultural Micurà de Rü) da vita y descri le protagonist Jan, che uress sen dejdi de fa para cun les matades y falsites dla sozietè, mo ò impo ste ala pert dl jüch. Jan mëss udei ite che sü soms va ala nia tla dejmencënza… N program de Alessandro Dapunt

En domenia ai 3 de november te la Cort del Batesta a Moena vegnarà portèda dant la raprejentaizon de teater "Do l vièl del saer - Catina Pezzé Batesta e Bepi Felicetti Zompin vel te dir vèlch". N apuntament endrezà da La Majon di Fascegn per cognoscer zeche de più su la storia de chesta doi persones che é states simbol del temp de la Gran Vera te Fascia. N rejonon con Ilaria Chiocchetti, autora e...

Na massaria da vigní dé, po se dí le vocabolar o le dizionar por chi che laora cun le lingaz. Le linguist Giovanni Mischí nes presënta so dizionar nü. N program de Sara Frenner

Tla senteda generela dl’asoziazion ie unì cunfermà Flavio Prinoth ala presidënza y prejentà nvalguna nuviteis mpurtantes. Danter chëstes la ntroduzion dla chëuta IVA sun la prestazions y i servijes pitei dala scoles de schi. Ntervista y aprufundimënt cun Flavio Prinoth. Conduzion Leo Senoner

Desche vigni uton ence chest an l'Union di Ladins de Fascia endreza la Festa del Rengraziament en domenia ai 27 de otober e co l'ocajion vegn inaudà la cèsa de la Moniaria a Sèn Jan olache à troà si senta l'Union di Ladins de Fascia, la redazion fascèna de La Usc di Ladins e i Servijies Linguistics del Comun General. En rejonon con Fernando Brunel president de l'Union di Ladins de Fascia, conduzio...

Karl Felix Wolff ne se à nia inventè la liënda dl Rëgn de Fanes, mo l' à trascrita da testimonianzes orales che ël à coiü sö. La liënda è vedliscima, vëgn da n tëmp dan dal tëmp, à carater mitologich y epich. Secunda pert de n intervënt dla prof. Ulrike Kindl tignì a Ciastel Tor, dailò dal Museum Ladin a San Martin de Tor de messè 2024. Ulrike Kindl che vir a Maran, di alalungia professra de leter...

Colugn ei pa i temes che socedea domanes e debabtic canche se rejona de nosc raion da mont? Tel nef numer de la revista de la Fondazion Architetura del Sudtirol vegn tratà, tras na lingia de intervistes, desvalives temes che averc reflescions envers l davegnir de la mont da più ponts de veduda. N rejonon col diretor responsabol Alberto Winterle. Conduzion Cinzia Pistoia

La ie una dla fieres dl liber plu cunesciudes y mpurtantes al mond, n highlight dla leteratura, dal 1949 incà. Chëst’ann, tl’edizion numer 75 dla Frankfurter Buchmesse, à nce l’autëura ladina Nadia Rungger la puscibeltà de liejer dant al publich ora de si publicazion. Conduzion Leo Senoner

Ai 5 de otober a Busan vegn metù a jir la 4. Marcia dla Eles per desceder e sosceder maora averda a la jocatanta desvalivanzes anter ei e eles te vigni setor dla vita. Aldò del World Economic Forum ge volarà 5 generazions dant de ruer a na valivanza anter ei e eles se ben che i obietives Onu 2030 mete la valivanza sche pont fondamental per n svilup sostenibol. Con la Marcia dla Eles se vel der n s...

Karl Felix Wolff ne se à nia inventè la liënda dl Rëgn de Fanes, mo l' à trascrita da testimonianzes orales che ël à coiü sö. La liënda è dër vedla, ala è n unicum, à carater mitologich y epich, vëgn da n tëmp dan dal tëmp. Prüma pert de n intervënt dla prof. Ulrike Kindl tignì a Ciastel Tor, dailò dal Museum Ladin a San Martin de Tor de messè 2024. Ulrike Kindl che vir a Maran, di alalungia profe...

L team UniTrento e sie projet con l’Esa Al scomenz de chest an l team UniTrento de l’Università de Trent l é stat selezionà da l’Agenzia spiaziala europeèna anter i set partezipanc all’Esa Academy Experiments Programme. Per saer più avisa de cheche se trata e per dscuerjer zeche de più su coche l’inteligenza artifizièla e la rua “en orbita” rejonon con Marcus Vukojevic, un di undesc partezipanc de...

Na dieta é na dezijiun che pëia ia dal ponsé y dala convinziun da orëi mudé val’ te nosc fisich y te nosc stil de mangé. Le dietist é chël profescionist che sá da dé i dër consëis y les dërtes indicaziuns por ci che reverda l‘alimentaziun. La dot.ria y mag. Monica Gasser nes spliga tl monü. N porgram de Sara Frenner

N stil de vita vegetarian po ester na dezijiun che ti va do a na tendënza, a na filosofia, a na religiun o a cotan lapró. Deboriada cun la consulënta dl'alimentaziun Ivonne Daurú, baiunse te chësc program dl'alimentaziun vegetariana. N program de Sara Frenner

La mendranza ladina se lascia udëi nce ora dla valedes dolomitiches. N culaburazion cun l museum dla Villa Freischütz a Maran, urganisea l’Istitut culturel Micurà de Rü adum cun l Musem Ladin, dai 21 ai 29 de setëmber, l’ena culturela ladina. L program vëij dant manifestazions de ert, mujiga, leteratura y lijëndes ladines. Ntervista cun Paolo Anvidalfarei dl Istitut Micurà de Rü y Katharina Moling...

La pedagogia teatrala á ciafé ince te Südtirol tres plü lerch dles scores y ince te atri ciamps, deache tres deplü porsones reconësc che fá teater fej bun por sozializé, comuniché, se conësc deplü un cun l’ater y se instësc. Nen rajunun cun Erika Castlunger, pedagoga teatrala che deboriada cun atres á metü sö Platthea, na assoziaziun che se crüzia de pedagogia teatrala te Südtirol. Conduziun Anna...

Chëst’ann cumplësc la lia Unika si 30 ani de vita y atività. Per l’ucajion iel unì metù a ji deplù mostres de grupa te Südtirol, tl Trentino y sëur’ora. Y coche dal scumenciamënt incà, nce la mostra anuela de Runcadic. che ie l apuntamënt prinzipel. Chëst’ann cun nvalguna nuviteis, a scumencè dal lëur coletif “Unikado”. Ntervista cun l presidënt dl’Unika, Matthias Kostner. Conduzion Leo Senoner

La Sozietà Buffaure spa l'à tanche prejentà l projet che, a pontèr via dal 2026, l se met dant de realizèr n nef resservar per la neif programèda te Val de Sèn Nicolò. Rejonon più avisa del projet e de sie impat sul teritorie col president de la sozietà Buffaure Christian Lorenz. Conduzion Cinzia Pistoia

Cun setëmber à giatà Gherdëina n nuef digan. Ivo Costanzi, pluan de Sëlva y S.Crestina, tòl su la ncëira che ie stata nchinamò de sen. Vijo Pitscheider. Cieche se muda tla valeda n cont dla aministrazion dla union pastorela y n generel per l servij religëus tla pluanies nes spiega l nuef digan Ivo Costanzi. Conduzion Leo Senoner

Lijendes Ladines dles Dolomites, bel liber ilustrè publichè dala Uniun Generela di Ladins, cuntëgn les plö cunesciüdes liëndes ladines y cunties mitologiches da dütes les cinch valades incër le Sela. Presentaziun de Sofia Stuflesser dal dè dl unitè ladina tignì a Ciastel Tor de messè 2024. N program de Alessandro Dapunt