LADINIA LIVE - Podcast

La provinzia de Trent dezide de tegnir avert l jouf de Sela, la reazions al logo Venice the mountains of Venice e la fin di campionac Juniores. En rejonon con Fausto Lorenz. Conduzion Anna Mazzel

Per meter a jir delvers i campionac mondièi juniores che se dejouc te Fascia per la pruma outa à lurà e laora amò chisc dis n gran numer de persones. En rejonon con Cristoforo Debertol, responsabol area servijies extra portoes, Alfredo Weiss che se cruzia de l'endrez di volontadives e Licia Favé na volontadiva. Conduzion Anna Mazzel

I jëuni y l mudamënt dl tlima. Ciuna ie pa la sensibeltà dla nueva generazions per la tiera, la natura y l ambient? Cunsciderazions y valutazions cun Nicole Mussner de Sëlva che adum cun na grupa de jëuni à metù a ji na scumenciadiva "Generazion tlima". Conduzion Leo Senoner

Cun la consulënta per la pensions Waltraud Delago de Sëlva rujenons dla reforma pensionistica y dla scumenciadiva “cuota 100” nviëda via dal Guviern talian. Conduzion Leo Senoner

Te Fascia i louves rua tres più apede ai paijes. El pa da aer tema? En rejonon con Mario Deluca conseier de procura del Comun General de Fascia con competenzes su agricoltura e programazion sozio-economica. Conduzion Anna Mazzel

Dal monn da paur vëgn gran pert de nostes tradiziuns y usanzes. Mo chësc monn s'à dassën mudè. N contribut dl storich y cronist Lois Trebo. Program de Alessandro Dapunt

Trueps chier esperienzes mpue desferëntes ora dla pistes njeniëdes, fajan freeride, jan a nëif ntiera, cun la peves, cun la ciaspes o autramënter. Nëus rujenon ncuei de chësc fenomen cun l mëinacrëp y mëinaschi Hubert Moroder de Urtijëi, che ie nce presidënt di judacrëp Catores de Gherdëina. Conduzion Leo Senoner

En ocajion di Campionac Mondièi Juniores de schi te Fascia che sarà dai 17 ai 22 de firé l’é vegnù endrezà desvaliva manifestazions de cornisc, anter chestes n concors fotofrafich e na dì su la neif coi joegn. En rejonon con Matteo Iori conseier de procura del Comun General de Fascia che se cruzia de sport e turism. Conduzion Anna Mazzel

Na intervista ala Doturia Lydia Pescollderungg, Primaria dla senziun pediatria dl Ospedal de Balsan, che nes cunta sura deplü proiec che ara à sotman. Moderaziun Esther Videsott

Te studio Eugen Verra, musizist y produzënt de musiga lisira y la ciantarina jona Sandra Troi da Urtijëi. Presentaziun dla ciantia nöia "vivi sën" vocalisada da Sandra Troi y de atres cianties de suzess de un di musizisc plö creatifs dla Ladinia. N program de Alessandro Dapunt

Cun i prim de jené dl 2019 à la Talia ntrudot per lege la faturazion eletronica per duc, tulan demez chëla tradiziunela sun papier. Na mudazion epocala tl sistem fischel y contabl. Aprufundiment cun l cumerzialist y revisëur di conc Luis Stuffer. Conduzion Leo Senoner

L prufessëur Paul Videsott, digan dla facultà de scienzes dla furmazion dl’Università de Bulsan/Persenon, à puech dan Nadel giatà l pest dla scienza de Südtirol per l ann 2018. L se trata dl majer recunescimënt tl ciamp scientifich de nosta Provinzia. Cun ël rujenons nce de si lëur da digan tl’Università de Persenon. Conduzion Leo Senoner

Dai 7 ai 31 de jené è avertes la inscinuazions a la scoles, chest an dut online. Te Fascia l’oferta formativa è duta e demò te 4 lingac, en rejonon con la Sorastanta Mirella Florian. Conduzion Anna Mazzel

dal liber de poesies FLISTRES. Roland Verra, scritur y poet, porta dant na seleziun de poesies cürtes. N program de Alessandro Dapunt

L ann nuef 2019 à metù man. Pensieres y speranzes dl digan de Gherdëina Vijo Pitscheider, dl ambolt de Urtijëi Tobia Moroder y dl presidënt dla lia dl turism de Urtijëi Ambros Hofer. Program de Leo Senoner

Na ciaculada cun dui cronisc dla Val Badia, che por la finn de chësc ann 2018, nes porta dant avenimenc y fac sozedüs intratan l'ann. Ghesc: Giuvani Pescollderungg y Werner Pescosta. Moderaziun: Esther Videsott

Fernando Brunel recorda i 200 egn de la ciantia “Stille Nacht” che te la version ladina l’é “Chieta Nuet” e l grop di joegn sporc vèlch pensier dintonvìa l Nadèl. Conduzion Anna Mazzel

La storia, le patrimone y la valüta artistica dla dlijia vedla de Badia. N report de Lois Trebo. N program de Alessandro Dapunt

La Lia Sarëinn lëura tl ciamp soziel y nasc perdrët da na rëpa dla lia che menova dant la cësa de paussa San Durich a Urtijëi. Un di fins primeres ie chël de pitè n servisc ala jënt de tëmp. Ntervista cun l presidënt dla lia Lukas Plancker y la cunseliera Christine Senoner. Conduzion Leo Senoner

L jech de fortuna o miec gioco d’azzardo e si tenetes. Problematiches e azions de prevenzion per n jech che l’é doventà na piaa sozièla. En rejonon con Marino Pederiva pres. Sociazion “Occhio al gioco”, conduzion Anna Mazzel

La copa dl mond de schi alpin ruva inò te Gherdëina. Chëst'ann nia me cun la garejedes tlasiches di ëi sun la Saslong, ma nce cun la nuvità de doi garejedes dl'ëiles. For sun l purtoi Saslong, for tla disciplines asveltes dl Super G y dla libra. Na nuvità asoluta. Ntervista cun l presidënt dl Saslong Classic Club, Rainer Senoner. Conduzion Leo Senoner

Metüda sö tl ann 1919 a Coira, la Lia Rumantscha è la lia tët dles uniuns linguistiches y culturales di romanc. Lois Trebo cunta di fins y di ciamps de ativité dla Lia Rumantscha: identité, lingaz, formaziun, ert y cultura. N program de Alessandro Dapunt

Stefania Pitscheider, direturia dl Museum dles ëres a Hittisua, tl Austria, nes cunta dles ativitês de chësta picia y importanta strotöra, che é gnüda tra l'ater onorada cun le pest "Museum austriach 2017" y á da püch podü pié do le pest "MAECENAS Ö1 Publikumspreis".

La nëif artifiziela, programeda o tecnica vën fata dala persona cun l aiut de mascins ad auta tecnologia. La ne n'ie ncueicundì nia me n suport ala nëif naturela, dut l turism dai schi ne fossa nia plu puscibl zënza la nëif tecnica. Roland Demetz ie un di pionieres dla nëif programeda te nosc raion y espert dla materia. Conduzion Leo Senoner

L’Istitut Cultural Ladin de Fascia à slarià fora i prodoc de sia mediateca con audiolibres, video, fotolibres, strumenc didatics, oujes e testimonianzes. L'obietif l'é chel de sporjer a duc, da la scolines a la scola de Auta Formazion Antropolad, prodoc de divulgazion didatica e leterera per ladin. En rejonon con Fabio Chiocchetti diretor de l’ICL, conduzion Anna Mazzel