LADINIA LIVE - Podcast

La sorücia plü conesciüda al monn á complí 90 agn y chësc se porta tla gran fujina dla Disney a se fa na ciaculada cun Dumëne Comploi da Al Plan de Mareo, designer creatif pro la Walt-Disney Imagineering. Moderaziun: Esther Videsott

La prima edizion dl filmfestival DolomitaLe te Gherdëina ie stata n suzes. Na bilanz cun l diretëur Lukas Pitscheider

Ai 17 de novëmber la SAAV Lia Scritëures dl Südtirol n cunlaburazion cun l’Eurac mët a jì n cunvëni nternaziunel dal titul “Adide identità! Was heißt hier Identität? Ma va’ identità!” L unirà adum autores, artisć y scienziać per purté dant y rujené sun alternatives dl cunzet tlassich y tradiziunel dl’identità. Ghest te studio Rut Bernardi, conduzion Anna Mazzel

Aprofondimënc sura la calamité naturala che á toché gran pert dla Talia, anter l'ater ince les valades ladines. I nen baiun cun i ghesc Gottlieb Moling, vize diretur dl ispetorat dla forestala da Bornech, y le psicologh Edmund Senoner. Moderaziun: Esther Videsott

Da 80 agn inca reconësc la Confederaziun Svizra le lingaz romanc coche lingaz nazional. Coche an è ruvà a chësc reconoscimënt che è ma üna dles tapes por la scunënza ufiziala di rumanc te n referat cürt de Lois Trebo. Program de Alessandro Dapunt.

La sociazion storico-culturèla Col de Lana à endrezà dal 2015 enscin al 2018 na mostra dintornvìa la Gran Vera sul jouf de Pordoi. Aldò di bogn ejic arjonc la é dò che la chier n post nef ajache l zenter Cai vegnarà trat jù. En rejonon col president Valerio Troi. Conduzion Anna Mazzel

L assesseur ladin Florian Mussner analisea la lites provinzieles 2018.

Tel chèder de l'ativitèdes de l'Ufize servijes linguistics e culturèi del Comun General de Fascia chest uton vegn endrezà na lingia de spetacoi teatrèi per ladin. Dal 27 de otober ai 16 de dezember 7 gropes de teater portarà dant toc per ladin te duc i paìjes de Fascia. En rejonon con Sabrina Rasom, responsabola di Servijes linguistics del Comun General de Fascia. Moderazion: Anna Mazzel

Dan doi ani, ai prim de setëmber dl 2016, fova Eugen Runggaldier de S.Cristina, uni numinà vicar generel dla diozeja de Bulsan Persenon. Rendicont di primes doi ani te chësta ncëria eclesiastica mpurtanta. Conduzion Leo Senoner

La ment umèna l'é n gran mistèr, n sistem delicat e prezious che ne fèsc viver con emozions, legreza e padimenc. Si funzionament no l'é amò cler nience ai maores scienzié ence ajache vigniun é unich te so esser, te coche l vif la emozions e la relazions ma ence i padimenc e la malatìa. En ocajion del dì mondièl de la sanità mentèla en rejonon co la psicologa e psicoterapeuta Elisabetta Cloch. cond...

N teater cun musiga de Karl Herbst sura la pasciun. Na colauraziun danter l'Uniun dl Teater La Val y le Cor de dlijia, sot a la rejia de Matteo Rubatscher. Na ciaculada cun l rejist. Moderayiun Esther Videsott

Da cater agn inca à l'istitut comprensif de Alie (Alleghe) -competënt por teritore-, l' intendenza ladina de Balsan y l' Istitut Cultural Cesa de Jann metü a jì n proiet por insignè ladin (almanco n' ora al edema) tla scola elementara de La plì de Fodom. N laur de evaluaziun mostra les minunghes danter geniturs, insegnanc y scolars y i resultac arjunc. Intervista cun la maestra Isabella Marchionne...

Na.tour é na conferënza organisada da n grup de studënc, por arichí la debata sura n tursim alpin plü sostenibil. Noemi Call, organisadëssa dla manifestaziun, nes cuntará deplü de chësta scomenciadia che vëgn tignida a Al Plan de Mareo dai 5 ai 7 de otober.

Dai 24 de stëmber ai 7 de otober vëgnel tigní döes edemes de evënc por promöie la conescënza dl lingaz ladin y dla cultura dla mendranza ladina. N'un baiun con Alexander Piccolruaz, diretur dl Ofize cultura ladina dla provinzia de Balsan. Conduziun: Esther Videsott

N ocajion di 10 egn de la musega Auta Fascia apede a na bela festa é vegnù tout su n CD rich e nteressant che conta i momenc più curiousc e la colaborazions con tropa realtès musegales de l’Auta Fascia. En rejonon col maester Paolo Rasom e un di fondatores Enzo Rovere. Conduzion Anna Mazzel

Intervista live te studio cun Erika Castlunger, presidënta dl Istitut "Micurä de rü" y auturia adüm a Paolo Vinati dles registraziuns por le arhif video "jënt ladina", n proiet dl Istitut Cultural Ladin. Dütes les registraziuns video è azesibles da internet sön le sit dl Istitut. N program de Alessandro Dapunt

La posizion dla lies dl turism de Gherdëina n cont dla regulamentazion dl trafich sul jëuf de Sela y plu n generel sun i pasc dolomitichs. Pruposta nce ala lum dla scumenciadives y di proiec di ultimi doi ani. Te studio Ezio Prinoth, presidënt dla lia dl turism de S.Cristina Conduzion Leo Senoner

Te nostes valdes é le turism di amanc di pedai tl crësce y nia dianré comportel ince val conflit, suradöt anter chi che va a pé y i ziclisc. N'un baiun adöm a Roberto Huber, diretur general "Alta Badia Brand" y diretur dl'Asoziaziun Turistica Badia. Program de Esther Videsott

L drone ie na njinia tecnica for plu adurveda tla vita da uni dì, sibe da prufesciunisc che da hobbisc te si passatëmp. Ntervista cun Michael Schmalzl, pilot espert diplomà, che lëura prufesciunalmënter cun la drones. Conduzion Leo Senoner

dal dè dla scola ladina 2018. Edith Ploner surantol la inciaria da intendënta. Roland Verra cunta di 70 agn de scola paritetica talian/tudësch y cun l'insegnamënt dl ladin tles scoles dla Val Badia y de Gherdëina. N program de Alessandro Dapunt

En ocajiun dl conzert, che sará da aldí en sabda ai 8 de stember, baiun adöm al dirigent Bruno Rives, sura d'ativité y l'organisaziun dl Orchestra Val Badia. AL sará na registraziun deache baldi ne era nia jüda atramenter... Program de Esther Videsott

N servijie emportant per la jent che va sa mont l'è chel del Socors da mont che domana esperienza e competenza apede a spirit de volontariat. Enscin a la fin de aost duc pel prejentèr la domanes de amiscion a la selezions tecniches per poder fèr pèrt del socors da mont. En rejonon con Stefano Coter capostazion del Socors da mont Auta Fascia. Moderazion Anna Mazzel

N mierculdi ai 29 de agost gëura la 24ejima edizion dla mostra anuela dl'Unika a Runcadic. Prejentazion dl program cun l presidënt Christian Holzknecht Stl. Conduzion de Leo Senoner

Susy Rottonara, presidënta dla Lia Culturala Fanes y Roland Verra, scritur y espert de liëndes ladines, cunta dl projet de divulghè le patrimone dles liëndes ladines tres le portal digital de Wikimedia Italia, la gran enziclopedia lëdia online. Na trasmisciun condüta da Alessandro Dapunt.

Al é ormai passé 5 mëisc da canche al é rové adalerch i muciadus a La Val. Baiun cun Annamaria Fiung, che te chisc mëisc á ciaré da sensibilisé la comunité por ci che reverda l'integraziun di migranc y se lasciun cunté sciöche la stuaziun é sëgn. Moderaziun: Esther Videsott