LADINIA LIVE - Podcast

La cumpetizion de rodes da mont MTB Hero Sùdtirol Dolomites ruva chëst'ann a si diejima edizion. Ntervista cun l presidënt dl cumitè de urganisazion Gerhard Vanzi. Conduzion Leo Senoner

Prejentazion di projec 2019 del Pian Joegn de Fascia e novitèdes te l’endrez de la politiches di joegn tel Trentin. En rejonon con Susanna Gandini referenta tecnica e de endrez e Ilaria Petrone del grop d’endrez "La Risola" . Conduzion Anna Mazzel

Sön proposta dl Comun de Badia á le Sorvisc ai Jogn metü en pe n proiet nü. Ara se trata dl "Sorvisc de pröma consulënza y orientamënt", davert a jogn, jones y geniturs de döta la valada. Le conzet de chësc proiet prevëiga na forma de aiüt informal te situaziuns de debojëgn. Na intervista al aministradú dl Sorvisc ai jogn, Valentin Erlacher. Moderaziun Esther Videsott

Resumè y cunsciderazion sun la lites europeiches 2019 cun l dr. Christoph Perathoner, aucat y autëur de deplù publicazions, te chësc cajo cunescidëur y espert de politica europea. Conduzion Leo Senoner

Na trasmisciun live cun Alexander dal Plan, pionier dla musiga lisira de autur por ladin y dütaurela un di ciantauturs ladins plö conesciüs y amà dal publich. Conduziun Alessandro Dapunt

Na scomenzadiva particolèra sporc l bosch rebaltà l’uton passà per la recostruzion de Notre Dame. L’idea é de Stefen Dell’Antonio Monech per der na outa positiva ai ejic senestres che à padì tant l bosch tel raion de la Elpes orientèles che la catedrala de Notre Dame a Paris. La scomenzadiva la è jà vegnuda touta sù da l’architet Renzo Piano e vèlch raion de la Elpes ma te la Ladinia pec à reponet...

Na riflesciun sön i 70 agn de stampa ladina (1949 2019). Cun la linguista Ruth Videsott, le diretur dla Usc di Ladins Iaco Rigo, Milva Mussner, presidënta dla UGLD che ü edituria dla Usc di Ladins y cun Chaspar Pult, espert de media y mëindranzes. N program de Alessandro Dapunt

Dal roman ciamò inedit de Daria Valentin "La tëra de Timo". Dala pëna rafinada dla scrituria de San Linert de Badia che porta dant instëssa, na storia che toca l'anima,che è la storia paralela de deplö persones liëdes dai fis dl tëmp, ortü, fortüna y destin. Na riflesciun fina sön la condiziun umana. Conzet y regia radio de Alessandro Dapunt

N dumënia ai 19 de mei iel l dì internaziunel di museums. Nce i museums tla Ladinia tol pert a chësta scumenciadiva cun deplù ativiteis. Audion Stefan Planker, diretëur dl Museum Ladin Ciastel de Tor y Paulina Moroder, diretëura dl Museum de Gherdëina. Conduzion Leo Senoner

Le poet marou Christian Ferdigg d'Al Plan prejentará so ultim liber “Amore, silenzio e rivoluzione”, publiché cun la ciasa edituria “Midgrad Editrice”, al Salone Internazionale del Libro di Torino. Christian sará ghest te nosc program “Ladinia Live”. Conduziun Esther Videsott

Tel cheder de l'Aisciuda Ladina vegn portà dant n Liber per didèr picioi e families a viver la malatia de n genitor. En rejonon con Loreta Florian Conduzion Anna Mazzel

La Union Generela di Ladins dla Dolomites, deberieda cun La Usc di Ladins, festejea chëst ann i 70 ani dla stampa ladina. Ai primes de merz dl 1949 fòvel unì ora l prim numer de “Nos Ladins”, dal 1972 iel da liejer La Usc. Ntervista cun l redadëur respunsabl dla Usc di Ladins Iaco Rigo

Da setëmber 2018 inant pó les scolares y i scolars danter i 13 y 19 agni consulté trëi banches dac online por fa sües inrescides. Al portal ti an dé n inom ladin "CHIRI", che vëgn dal verb 'chirí'. Na intervista cun la responsabla dl proiet Monica Kostner. Moderaziun: Esther Videsott

L’ 11eisema edizion de l’Aisciuda Ladina endrezèda dal Comun General de Fascia arà per protagonisc’ i bec dessema con sia families, l titol l’è “Familia, fech de identità”. En rejonon con Sabrina Rasom responsabola di servijies linguistics del Comun General de Fascia. Conduzion Anna Mazzel.

Aron Demetz y Lois Anvidalfarei ie doi artisc ladins danter i plu cunesciui y renumei dl mumënt. Ei mët ora si lëures te mostres desferëntes, rispetivamënter a Urtijëi/Pontives y a Bulsan. Debatuda sun si ert y vijions. Conduzion Leo Senoner

La fin dla sajon agonistica y sportiva va chëst’ann nce a pèr cun la fin dla legislatura dl cunsëi diretif. I doi presidënc y nce feter dut l cunsëi ne fej nia plu baiter. Co vala pa sën inant cun l H.C. Gherdëina? Ntervista cun l presidënt dimisciuner Ivo Moroder Cunduzion Leo Senoner

N ann dô la scomposiziun di consorc turistics y la istituziun dl' "Destination Managent" tla azienda IDM, se lasciun porté dant da Günther Pitscheider, responsabl dl ufize Markting ost, n bilanz general dla situaziun. Moderaziun Esther Videsott

La sociazion de joegn INOUT en colaborazion coi comuns de Sèn Jan e Soraga per l’istà che vegn met a jir n projet nef ISTAGRAN, animazion outa ai bec dai 6 ai 11 egn apede a chest sarà endrezà ence l projet Cistà per joenec che jà i egn passé l’à abù n gran ejit. En rejonon con Vanessa Tomasi, conduzion Anna Mazzel

Al é passe 5 mëisc da la calamité naturala di 29 de otober y l'aisciöda á metü man. Por evité la tomada dl prisc dl lignan y le insediamënt dl chefer dala scorza, süga le tëmp na pert importanta. Ti dun n'odlada ala situaziun ti bosc, tan che an á podü lauré ia por l'invern y ci che al mëss ciamó gni fat. Ghesc: Matteo Pescollderungg y Tone Rungger. Moderaziun Esther Videsott

Antone Pollam à fenì sie mandat dò 10 egn da President de l’Istitut Cultural “Majon di Fascegn”. Chesta encèria no pel vegnir renovèda per chest faron con el n picol bilanz de chesta esperienza. Conduzion Anna Mazzel

La Union di Ladins de Gherdëina à lità na presidënta nueva y nce n cunsëi diretif nuef, do che la presidënta da dant Milva Mussner ova dat ju la ncëria cun la fin dl ann 2018. Ntervista cun Sofia Stuflesser, 25 ani, a cë dla ULG. Conduzion Leo Senoner

Da agost incá scioperëia Greta Thunberg (16 agn) vigni vëindres dan le guern svedesc, por n impëgn concret cuntra le cambiamënt tlimatic. Chësc á gaujé na ligna de aziuns y manifestaziuns a livel mondial por la scombatüda cuntra la crisa dl clima, damanan ala politica fac y aziun plü desmostratives. Ince nos ti dun usc a chësta tematica, adöm cun Matteo Willeit, studius dl clima tl "Institut für K...

Conduziun: Anna Mazzel

L jëunn de 23 ani de Urtijëi, Daniele Bagozza, ie l "shooting star" dl snowboard talian de chësc inviern. El se à metù n lum te chësta sajon danter l auter cun la vënta dl slalom paralel de Secret Garden a Chongli tla Cina. Daniele Bagozza ie nce l prim atlet de Gherdëina a vëncer na garejeda de copa dl mond de snowboard. Conduzion Leo Senoner

Michael Moling, presidënt dla Uniun Ladins Val Badia sön l'ativitè y i proiec dla Uniun. Program de Alessandro Dapunt