LADINIA LIVE - Podcast

Prejentazion del projet de inovazion tel ciamp de l'educazion ret da la Fondazion Trentina per l Volontariat Sozièl cernù fora te duta la Tèlia anter la mior 10 “bona esperienzes”. En rejonon con Paola Rasom referenta del projet per l Comun General de Fascia e Cristina Donei per l'indrez de la scoles. Conduzion Anna Mazzel

L filmfestival Dolomitale ruva chëst’ann a si segonda edizion. Dal 18 al 22 de setëmber sarà Gherdëina luegia y ancunteda de film y kino d’autëur cun la proiezion de truepa produzions, cuncorsc de films curc y documenters, ma nce forum de discuscion cun regisc y atëures. Ntervista cun l presidënt dla Dolomitale Lukas Pitscheider. Conduzion Leo Senoner

Te chisc ultims agn á la dozeja messü y mëss inant ponsé a alternatives tla pastorale dles cöres, por mancianza de proi. Al é gnu lauré fora da referënc y responsabli deplü iniziatives, che an pro sëgn da atué tles cöres che n' á debojëgn. A San Ciascian éle bel da plü temp gnü metü sö i "Teams dla Pastorala", che se crüzia de funziuns desvalies dla cöra. A San Martin, Lungiarü y La Plí ti tochera...

L trafich sun la stredes de Gherdëina crësc for deplù, ma nia me per gaujes internes. Cieche crësc ie dantaldut l trafich, nce turistich, de pasaje. Na cundizion che ne ti va nia bën al turism de Gherdëina y ulache n muessa crì soluzions. Te studio Ezio Prinoth y Christof Vinatzer, presidënc dla lies de turism de S.Cristina y Sëlva. Conduzion Leo Senoner

Na trasmisciun cun le jobler, regist teatral y cabaretist Simon Kostner. L' artist da Corvara, un di püc profescionisc' ladins tl ciamp dl teater, sa co cuntè ai turisc' y jënta nia dl post dla liënda de Fanes y dles carateristiches dla ladinitè te sëres culturales che incunta n gran suzes. N program de Alessandro Dapunt

Recorc e endrez de la gran Festa da d’Istà de Cianacei che chest an compiesc 40 egn. En rejonon con Gigio Dantone e Diego Salvador. Conduzion Anna Mazzel

Edizion iubilara per l’Unika. 25 ani iel bel passà da canche la mostra dl’artejanat artistich de Gherdëina ie unì metuda a ji per l prim iede. A chësta esposizion particulera partezipea perchël nce truep cumëmbri che ne fej nia plu pert dla grupa. Dlongia i 32 cumëmbri atives saral nce da udëi lëures de bën 43 cumëmbri dl passà dl’Unika. Ntervista cun l president Christian Stl Holzknecht. Conduzio...

L raion dolomitich ie, mascimamënter ntan la sajons autes de turism, for plu mbusià. La stredes y vies de comunicazion plëines de auti y mesuns motorisei. Trafich y mubilità ie un di ponc plu critichs da afruntè y resolver al plu prësc. Cunsciderazions cun l njenier Helmuth Moroder, espert de mubilità. Conduzion Leo Senoner

L ladin tla letratura y manifestazions leteres. En rejonon con Rut Bernardi, conduzion Anna Mazzel

Le pröm teater musical ladin indô sön paladina! Le ciastel dles stries de Angelo Trebo y Jepele Frontull röia do 52 agn indô n iade sön paladina a La Val: dai 16 ai 24 de agost 2019. Al se trata dl pröm teater musical ladin te forma scrita, gnü raprejenté le promu iade tl 1884 tal sta dal Casun a Biei a La Plí. Ti agn 1962 y 1967 é le toch gnü rapresenté a La Val y n valgönes cianties é tres ciamó...

Aprufundimënt n cont dla Cësa di Ladins y dl proiet per la fè su da nuef y ti dè no me n guant nuef, ma nce n’autra mpurtanza y funzion per l daunì. Ntervista cun la presidënta dla Union di Ladins de Gherdëina Sofia Stuflesser y l ambolt de Urtijëi Tobia Moroder. Conduzion Leo Senoner

Susy Rottonara, presidënta dla Lia Culturala Fanes descri le proiet "Dolomites Legends". Ala se trata dl portal internet nü te cater lingac www.dolomiteslegends.it che cuntëgn na introduziun cun coliamënc ipertestuai a tesc', clips video y mapes che è en relaziun cun les liëndes ladines, a scumencè dala liënda dl Rëgn de Fanes. N proiet realisè cun le patrozine dla Fondaziun Unesco Dolomites y cun...

La provinzia de Trent à tout demez l'obligh de destiner l 0,25% del bilanz a projec de cooperazion internazionèla soscedan la reazion de la sociazions che se à metù adum tel grop "Far Rete". Funzion e valor de la cooperazion internazionèla e de la solidarietà En rejonon con Claudio Merighi de la sociazion Lifeline Dolomites. Conduzion: Anna Mazzel

Cunsciderazions sun fac, trend y tendënzes dl turism da d’instà te Gherdëina. Ntervista cun Ezio Prinoth, presidënt dla lia dl turism de S.Cristina. Conduzion Leo Senoner

En ocajiun di 150 agn dala pruma arpizada dl Saslunch, vegn metu a ji n proiet artistic en colaraziun cun le festival Transart, olache al se incunta ert, sport z musiga. N proeit multidisciplinar cun le artist Hubert Kostner, le componist Eduard Demetz y la balarina y coreografa Anastasia Kostner. Ghesc pro Ladinia Live: Eduard Demetz y Anastasia Kostner. Conduziun Esther Videsott

La comiscion per la cultura,l’ecumenism e l dialogh interreligious del Decanat de Fascia endreza d’istà, da 10 egn en cà, n calender de encontres che envìe a la reflescion e la spiritualità. En rejonon con Cesare Bernard che coordenèa l program, conduzion Anna Mazzel

Dolomiti Superski y l turism da d’instà. Cun l Supersummer pieta l cunsorz Dolomiti Superski n’ufierta mpurtanta per nuzè i mplanc portamont nce d’instà. N proiet pià via bel tl 2013. Co ie pa la situazion al mumënt y ciunes la puscibelteis de svilup de chësc mudel tl daunì? Na analisa cun l diretëur Thomas Mussner. Conduzion Leo Senoner

En sabeda ai 20 de messé vegnel inauguré la mostra »ContainErt«, organisada dal'EPL-Ert por i Ladins, a Longega tla Val Badia. Deplü artisc ladins implesc 12 containers cun formes de ert desvalies. Baiun cun le curadú dla mostra Christan Ferdigg y Irina Tavella, che fej pert dl comité de organisaziun. Conduziun Esther Videsott

Ghest te studio le antropologh Emanuel Valentin, autur dl liber "MEMORIA LADINA: Heritage, Community und Partizipation in den Dolomiten", dè fora dala Universitè de Balsan. L' autur cunta de süa inrescida conzetuala y pratica tl ciamp dla arpejun culturala (Heritage) y de süa vijiun dl conzet de "cultura ladina". Pian ia dal web2.0 y dala digitalisaziun di esponac, la proposta por la valorisaziun...

L’atività dl Chemun de Sëlva, dal fabrichè al trafich al'economia turistica tl instà 2019 ie l argumënt debatù ncuei cun l ambolt Roland Demetz. Conduzion Leo Senoner

La mostra bienala Land Art tla Dolomites ie ruveda chëst’ann a si cuarta edizion. L tema cun chël che i 10 artisc da dut l mond se à dat ju ie “Heimat”. Ntervista cun Michael y Katharina Moling dl cumitè de urganisazion. Conduzion Leo Senoner

Ann 1949: dan da 70 agn èl gnu fora le prüm foliet ladin "Nos Ladins", redadù Salvester Erlacher, nasciü a La Plì de Mareo (*1910 +1991.Salvester Erlacher, ultim nasciü de na familia cun 14 mituns à studiè, gnü insegnant y diretur dles scoles mesana y alta a Urtijëi. Incina ala finn dl ann 1971 al de fora "Nos Ladins" cun plü de 500 ediziuns. N profil de Lois Trebo por onorè l'aziun de na personal...

L'Istitut Cultural Ladin de Fascia à na presidenta neva: l'avocata e conseiera de procura del Comun General de Fascia Lara Battisti che rejonarà inchè con nos. Moderazion: Anna Mazzel

L'aniversar di 10 agn "Dolomites Unesco" vëgn zelebrá a Al Plan de Mareo cun deplü manifestaziuns, seminars, evënc y ai 29 de jügn cun la gran Festa dl UNESCO te paisc. Na intervista con le diretur dl assoziaziun turistica Carlo Runggaldier y le colauradú dl Parch Natural Fanes - Senes - Braies, Gottfried Nagler. Moderaziun: Esther Videsott

"De viac con l'Alzheimer" chest l titol dat a na lingia de scomenzadives endrerzèdes te Fascia e Fiem per l'Alzheimer Fest. En rejonon con Paola Rasom, coordinadora dei servijies sozio-assistenzièi del Comun General de Fascia Conduzion Anna Mazzel