LADINIA LIVE - Podcast

Le paisc La Val, se presִёnta te na publicaziun mostran n cheder general de süa storia, dla geografia, dles viles, dl artejanat, dles uniuns y tröp deplü. Veronica Rubatscher, öna dles auturies, nes cunta tl monü le contignü dl liber „La Val“ y inviёia düc ala presentaziun dla publicaziun. Program de Sara Frenner

Matie Ploner, nasciü dl 1770 vëgn consciderè le pionier dla leteratüra ladina scrita, cun sües promes operes poetiches y en prosa scrites püch do le 1800. Cun Rut Bernardi, raprejentanta dla lia di auturs de Südtirol y esperta de storia dla leteratüra, por recordè le profil de Matie Ploner y i 100 agn dala nasciüda dl gran scritur Cla Biert che i romanc festejëia cun n dè intier de manifestaziuns...

Tla senteda generela di 25 de juni ie Rainer Senoner unì cunfermà a cë dla lia che urganisea la garejedes de copa dl mond de schi te Gherdëina. Rendicont dla legislatura passeda, dla garejedes states de dezëmber y la programazion cumplicheda dl proscim inviern, nce y dantaldut ala lum dla pandemia Covid 19 che mët ala resiëda l calënder dla copa dl mond. Conduzion Leo Senoner

Ence chest an l grop Inout met a jir “Istagran” e “Cistà” desvaliva sorts de ativitèdes e scomenzadives per bec e bezes anter i 6 e 16 egn. La normatives anticovid-19 no à sofoà la voa de endrezer zeche per i joegn de Fascia che scomenza de messel. En rejonon con Vanessa Tomasi del grop Inout. Conduzion Anna Mazzel

Col 1. de messel se averc endò la scolines te Fascia. L'emergenza Covid 19 à portà a mudamenc e smendramenc de l'ativitedes e di bec che pel tor pèrt. Co se eles pa endrezà? Co à pa padì i bec e bezes ti chisc meis zenza scolines? En rejonon con Tatiana Soraperra responsabola del coordinament pedagoch de la scolines de Fascia. Conduzion Anna Mazzel

N proiet charity event dla Südtiroler Sporthilfe per sustenì i sportives jëuni de Südtirol te si percors prufesciunel. Ma nce na maniera per superè l mumënt dramatich de nosta sozietà tucheda dala pandemia dl Covid 19 y pië via da nuef cun energia y positività y cun i gran valors che l sport nes dà. Te studio Gerhard Vanzi, cunselier diretif dla Südtiroler Sporthilfe. Conduzion Leo Senoner

L'idea de n autokino o "drive in" te Gherdëina devënta cuncreta, de gra al program dl Filmfestival Dolomitale 2020 che unirà a sl dè de setëmber, ma nce bel d'instà cun na lingia de proiezions de films udui dal auto ora. Ntervista cun Lukas Pitscheider, diretëur dl Filmfestival Dolomitale. Conduzion Leo Senoner

L'Istitut Cultural Ladin de Fascia se enjigna a passèr l testamonech ret da passa 40 egn da Fabio Chiocchetti che va en penscion. Recordon con el valgugn momenc de si atività. Conduzion Anna Mazzel

Por gauja dl virus vëgn tröpes ativites de aorela cörta por mëndri straihades o reorganisades. Sciöche le Sorvisc ai Jogn Val Badia la tol tl monü, gnëise al savëi te chësc program. Moderaziun: Sara Frenner

Cun Stefan Planker, diretur dl Museum Ladin Ciastel de Tor y Museum Ursus Ladinicus. Do la sospensciun dl ativitè a gauja dl covid-19 à l museum endo daurì les portes al publich, mo cun limitaziuns. La mostra d'ert "trienala ladina" resta daverta cina da d' altonn. N program de Alessandro Dapunt

La sezion sportiva dl ITE Raetia de Urtijëi ie sën ufizialmënter “scola sportiva”, o miec ski college, coche ie unì comunicà nstadì ufizialmënter dal cunsëi federel dla FISI. Ntervista cun la respunsabla Lidia Bernardi. Conduzion Leo Senoner

Le debojëgn da sostigní les families é gran y la provinzia se lascia sön les istituziuns scolina y scora por daidé fora. Te n’intervista cun la direturia dles scolines ladines, Hannelore Insam, orunse capí sciöche la scolina se á organisé y ci che al se é mudé por pici y gragn, respet a denant. Program de Sara Frenner

"L' esperiënza dl bel" Na trasmisciun de Carlo Suani.

En coliëment in direta al telefon cun Leander Moroder diretur dl Istitut Cultural Ladin "Micura de Rü". Do la lege provinziala de Südtirol à l' ativitè culturala endo pudü piè ia dal 11 de mà, mo bel plan y cun tröpes mesüres de prevenziun y securëza por i dependënc y por i utënc. Entratan i dui mëisc de stlüta dl ativitè an dè la prioritè a varentè la sanitè y la securëza dl personal che s'à lasc...

Cunsciderazions sun l instà dl cunsorz Dolomiti Superski, i mplanc portamont, l'ufiërta y l servisc che unirà pitei ai ghesc y turisc ti proscimi mënsc. Ntervista cun Andy Varallo, vizepresidënt dl cunsorz Dolomiti Superski. Conduzion Leo Senoner

L besegn de reagir e pisser strategicamenter al davegnir te Fascia à fat nascer na task force, n grop de persones per lurer adum e meter endò en pè l'economia. En rejonon con l'ideator Matteo Iori e un di coordinadores Luca Guglielmi. Conduzion Anna Mazzel

Ne se ëise pa mai damané co che al foss sté sce ince i giornalisć ess messé se trá zoruch tl tëmp de Corona Virus? Te chësc program baiunse dla garanzia dl’informaziun danter risch y dovëi. Nosc ghest te stüde é le caporedadú de RAI Ladinia, Stefan Pescollderungg. Conduziun: Sara Frenner

Ai 5 de mà 1920 s'à indunè 70 ladins söl Jù de Frara por protestè cuntra la politica dla Talia de ne reconësc nia le grup ladins coche n grup etnich particolar y autonom. Te chëla ocajiun ai ince criè y mostrè por le prüm iade la bandira ladina con i corusc vërt di prà, blanch dla nëi y blè dl cil. Na riflesciun cun la presidënta dla Uniun Generela di Ladins dles Dolomites Milva Mussner sön la sto...

La Provinzia Autonoma de Bulsan uel jì si streda tla fasa dl “restart” sozio-economich, la nsci numineda fasa 2. Y contra la mposizions naziuneles dl Guviern Talian. Cunsciderazions y aprufundimënc cun l aucat Dr. Christoph Perathoner. Conduzion Leo Senoner

Coronavirus: cotenc ei pa i malé te cèsa? Can e co vegnarèi pa fat i tesc sierologics a Cianacei e Ciampedel, doi anter i 5 comuns col maor numer de malé tel Trentin? Proon a fèr lum sul lurier di infermieres sul teritorie con Lucia Dellagiacoma responsabola del servijie infermieristich de Fascia. Conduzion Anna Mazzel

Alta Badia Brand fej i cunc cun le dagní y laora fora strategies por le marcé turistich da d'isté. Rai Ladinia incunta le diretur general de Alta Badia Brand, Roberto Huber. Program de Sara Frenner

En coliëment cun la intendënta dla scola ladina Edith Ploner. L' insegnamënt a distanza, le register digital, le problem dla valutaziun, l' ejam de maduranza, la finn dl ann de scora, co mët endo man de setëmber. N program de Alessandro Dapunt

La cësa de paussa “San Durich” a Urtijëi y l'atività ntan l period critich lià ala pandemia dl Covid 19. Ntervista cun la diretëura Sabine Rifesser. Conduzion Leo Senoner

L Comun General de Fascia à cognù muder fora mingol l'endrez di servijies sozio-assistenziai. En rejonon con Elena Testor procuradora del Comun General de Fascia e Paola Rasom responsabola di servijies sozio-assistenziai. Conduzion Anna Mazzel

Ai 5 de merz á dötes les scores y scolines stlüt de prescia por gauja dl Corana virus. N cheder de sciöche ara ti va ai scolars te chësta situaziun nes dá Alessia Pordon, na studënta dl Lizeum Linguistich da La Ila. Program de Sara Frenner