LADINIA LIVE - Podcast

La musega, l cianter e tropa ativitedes culturèles à cognù muder endrez per se stravarder dal Coronavirus e se à cognù renunzier ence a cedeans torons de desvaliva sociazions. En rejonon con Stefano Lazzer president de la scola de musega "Il Pentagramma", maester del cor Valfassa e comember di Schuhplattler de Ciampedel. Conduzion Anna Mazzel

Le pice stromënt fat cun la scorza di lëgns ê zacan conesciü da düc, mo él pa al dédaincö tl prigo da morí fora? Le musicologh Paolo Vinati, deboriada cun süa colaboradëssa Silvia Costabiei, nes cunta de süa inrescida che reverda i sciuroc. Program de Sara Frenner

L'Istitut Cultural Ladin "Majon di Fascegn" à na diretora neva. L'é Sabrina Rasom, responsabola de l'Ofize Servijes linguistics e culturèi del Comun general de Fascia, vize presidenta de l’NPLD, la rei europeèna che se cruzia del stravardament e de la valorisazion de la mendranzes linguistiches de l'Europa e comembra de la comiscion culturèla de l'Istitut ladin Micurà de Rü. Con la neo diretora Sa...

La mostra d' ert "Al è gnü la lüm" valorisëia y mostra al publich le depot de operes d'ert de artisc ladins abinè adüm dal Museum Ladin Ciastel de Tor te sü 20 agn de ativitè. Katy Moling, funzionara dl museum y curadëssa dla mostra, nes cunta la idea, l' organisaziun y i contignüs dla mostra d'ert daverta al publich dal 11 de otober y che restarà da udëi ince te deplö mëisc dl 2021. Conduziun de...

Per festejè i 30 ani dla Consulta Ladina dl Chemun de Bulsan vëniel urganisà n cunzert de mujiga tl Conservatorio "Claudio Monteverdi" cun artisc mpurtanc dl mond ladin, sota la bachëta de Eduard Demetz. Ntervista cun l dirighënt y cun Cherubina Nagler, segretera dla Consulta Ladina. Conduzion Leo Senoner

L'ejit de la litazions del Comun General de Fascia à portà Giuseppe Detomas a esser l nef Procurador. Dò esser stat Deputat al Parlament e Conseier provinzièl a Trent, l père del Comun General de Fascia é vegnù lità per l'enceria de Procurador. Vijions e obietives per l davegnir. Ghest: Giuseppe Detomas, conduzion Anna Mazzel

L'université pëia indô ia, ince por i studënc y les studëntes dla Facolté de Sciënzes dla Formaziun a Porsenú. Le degan Paul Videsott nes cunta dles novites de chësc ann academich. Moderaziun: Sara Frenner

Valutazions y analisa dla lites 2020. La veles aministratives te Sùdtirol y tla Ladinia y l referendum per la reduzion dl Parlamënt a Roma ie al zënter de nosta descuscion cun l ex assessëur provinziel Florian Mussner. Conduzion Leo Senoner

Le valur dl tëmp de vita, se recordè de se instësc, le sforz debann de urëi conservè le valur dles cosses. Da so liber de cunties "le paromaro", porta dant le scritur de La Plì de Mareo les dües cunties "la ierpeju" y "le paromaro". N program de Alessandro Dapunt

La cesa de paussa de Fascia l'é una de la pecia no à abù negun caso de coronavirus ajache fin dal scomenz l'à serà sù dut. Co el pa stac chisc meis? Co se ela pa ret la cesa de paussa? En rejonon con Barbara Bravi presidenta de la Cesa de Paussa de Fascia. Conduzion Anna Mazzel

La publicaziun nöia dal titul “Covidino y Lara”, dada fora dal Istitut Ladin Micurá de Rü en colaboraziun cun la Cooperativa Casa Bimbo/Tagesmutter, dëida da ti splighé a nüsc mëndri, ci che le Corona Virus é y co che al é dërt da se comporté por ne se taché nia la maratia. Program de Sara Frenner

La ann de scora 20/21 mët man cun l' ativitè didatica en presënza y a orar plëgn. Les scores s'à arjignè ca cun mesüres de precauziun, prevenziun y protocoi de sicurëza por garantì securëza y limitè le prigo che infeziuns de covid-19 archites y danejëies l' atititè. I fajun le punt dla situaziun cun la intendënta dla scola ladina Edith Ploner. Conduziun: Alessandro Dapunt

La Scola Ladina de Fascia scomenza ai 14 de setember con a cef Claudio Valentini, nominà sostitut del Sorastant per l'an de scola 2020-21 dò che Mirella Florian é jita en penscion. Sarà n an particolèr dò l'emergenza sanitèra e tropes l'é i cruzies per peèr via en segureza. En rejonon col prof. Claudio Valentini, conduzion Anna Mazzel

“Puent” sarà l motto dla 26ejima edizion dla mostra Unika, sul program coche for al scumenciamënt de setëmber tl zënter dal tennis de Runcadic. 29 cumëmbri artisc mët ora passa 200 operes d’ert. Sëuraprò nce nvalgun studënc dl lizeum d’ert Cademia y l scultëur Tone da Cudan. Prejentazion dl’Unika cun l presidënt Christian Stl Holzknecht y l vizepresidënt Matthias Kostner. Conduzion Leo Senoner

Cun polënta, pro la pasta o sura i riji, vignun sa dai aprijé te öna o l'atra derzada, important éle, che an se intopes ince dai cöie. I dër consëis, adöm ales regoles de racoiüda ciafunse dai verdabosch. N program de Sara Frenner

Scrita dal autur -aldeainco ploan de La Ila- dan da apresciapüch 40 agn y publicada dal Epl tl liber "sön trù cun incherscimun - poesies de Iaco Ploner la poesia "Le dè santù" che descri la prozesciun da La Plì a Brach en la festa dl cör Gejù al scuminciamënt dl istè, è n' opera leteraria dër bela y sintida y de gran valur dal punt de odüda storich-cultural, religius y linguistich. N program de Al...

L tema de n cunliamënt danter la mont de Pana y l raion de Sautaria sun Mont de Sëuc tres n mplant portamont ie inò atuel, dò che i doi Chemuns nteressei de S.Cristina y Ciastel à dat prò de lascè fè n stude de fatibeltà per n proiet. Contra la dezijion se à furmà la grupa "Nosc Cunfin" che nfurmea y sensibilisea la jënt per lascè chësc raion dla Mont de Sëuc coche l ie. Per dumënia ai 30 de agost...

Dò la crisa del Covid 19 tropa jent à dezedù de fèr si vacanzes sa mont e tropes l'é i joegn che vel proer sport e esperienzes neves. En rejonon con Pamela Ghetta di ufizies Sport Check Point, ufizies outdoor te Val de Fascia. Conduzion Anna Mazzel

Les domandes davertes sön le proscim ann de scora é tröpes. Scolars y families aspeta informaziuns y te chësc program porvunse da capí, tres i stlarimënc dl Ispetur dles scores ladines Albert Videsott, ci che al se müda tl ann de scora 2000/21. Moderaziun: Sara Frenner

Dal liber "mpue de zess" la cuntia de Roland Verra "l tëmp mpermetu". L' or dla aurona, i personajes y i riferimënc dla liënda de Fanes a cunfront cun na vijun consumistica liëda al surasfrutamënt turistich dl teritore y de sües atraziuns. N program de Alessandro Dapunt

La ciacia te nosc raion. Cunsciderazions y aprufundimënt sun la ciacia y si mpurtanza per l balanz faunistich. Cun Rino Insam, sëurastant raionel di ciaciadëures dla Val d’Isarch y Gherdëina. Conduzion Leo Senoner

La lingia de conzerc del Panorama Music de Fascia auza fora artisć de valuta te la cornisc segura de l’ambient da mont portan dant ence chest an l program dedicà ai lengac mendres. Ruà a si 6° edizion l Panorama Music l’° nasciù da la colaborazion anter la sozietèdes de impianc portamont de Fascia e l’APT con la sociazion de cultura e musega La Grenz. En rejonon col diretor artistich Enrico Tommas...

La direturia dla Spona, Sabine Federa, nes cunta sciöche i assistis dl salf de laur protezioné á vit la pandemia y sciöche ara va sëgn inant. Program de Sara Frenner

L cajo dl funzioner turistich dl’Alta Badia, denunzià per ne avëi nia respetà la cuarantena, à descedà l nteres publich local y nchinamei naziunel. La resonanza dl fat ie n pert da recondujer ala gran nfurmazion mediatica che ie unida a sl de, tant de fè unì su la dumanda sce la ie bën unida fata coretamënter y aldò de criters rëidli y prufesciunei. Cunsciderazions cun Stefan Pescollderungg y Iaco...

La marevèa del jech con slaideres, cordeles, cheies, cugoles e balons farà endeletèr la jent dai 2 ai 9 de aost per l Circen Dolomites Festival con artisc' de vigni sort te desvalives ciantons de Fascia. En rejonon con Thomas Zulian e Thoams Pederiva del grop circensema. Conduzion Anna Mazzel