LADINIA LIVE - Podcast

Chest an la scola ence per i dis di ujes averc à cognù se endrezer online. En rejonon con Silvia Murer che à coordinà e metù adum la plata web Open Day de la Scola Ladina de Fascia. Conduzion Anna Mazzel

N juebia ai 14 de jenè vëniel giaurì te Sëlva, per scumenciadiva dl cunsorz turistich Val Gardena Dolomites, n zënter per l test Covid 19 antigen aslune. L servij a paiamënt, ie pensà dantaldut per i operadëures dl turism y per i ghesc che ruva tl raion a fè si feries, a na moda da garantì l plu puscibl la segurëza dala pandemia. Ntervista a Christof Vinatzer, presidënt dla lia dl turism de Sëlva....

Les usanzes de Santa Guania: la benedisciun dl ega y dl sè, le sciomentè ciasa y majun por se stravardè da de vigni sort de mai y desgrazies ia por l'ann, la donacia o posciganara. Cun Lois Trebo. N program de Alessandro Dapunt

N Nadel chiet, zenza turisc' e con tropa neif, la pandemia ne fesc viver dut autramenter. En rejonon con Andrea Weiss diretor de l'Azienda Promozion Turistica de Fascia. Conduzion Anna Mazzel

Cun Ammamaria Fiung, che colaurëia cun le ufize misciuns dla diozeja da Balsan/Porsenu. La schira jonila catolica de Südtirol mët a jì ince chëst ann la aziun di trëi resc che porta la stëra, le mesaje de lüm, y cöi adüm ofertes por daidè proiec dër concrec sanitars y de formaziun por i plö emarginà tl Africa, Asia y America dl Süd sustignis dal zënter miscionar. N program de Alessandro Dapunt

L tëmp particuler dla pandemia à metù sotsëura nce la vita di jëuni, si ativiteies, si cumpurtamënt, i raporc danter ëi y nce cun l rest dla sozietà. Aprufundimënt cun Aron Moroder, cuordinadëur dla lia Nëus Jëuni Gherdëina. Conduzion Leo Senoner

Co à pa vivù la comunanza cristiana la pandemia e co sarèl pa chest Nadel? En rejonon con don Bruno Daprà. Conduzion Anna Mazzel

Valutazions y cunsciderazions n cont dla pandemia dl Corona virus y si cunseguenzes. Cun l dr. Christoph Perathoner, iurist y dozënt de materies iuridiches internaziuneles tla facultà de Scienzes Economiches dl'Università Liedia de Bulsan. Conduzion Leo Senoner

La segonda onda dl corona virus semea avëi passà via si pont plu critich tlo da nëus. Cheder dla situazion tla cësa de paussa de Urtijëi cun la diretëura Sabine Rifesser. Conduzion Leo Senoner

Cun Roland Verra, autur dla seria de trasmisciuns tl radio sön "storia dles relaziuns danter le Rëgn Unì y l' Europa" che an ciafa te chësta mediateca (tres de sabeda titul: Uk y UE ). Sön ci punc mëss pa le UK y la UE ciamò se mët a üna, ciudi èl pa i britanics che à le plö da perd sënza acordanza pur ejëmpl pur la operativitè finanziara dla City, ciudi esun pa ruvà tan inant, ciudi raforzëia pa...

50 egn de gregn mudamenc De dezember 1970 vegnìa aproà la lege sul devorzie che à dat lèrga a tropes recognoscimenc giuridics per la eles che con coraje e determinazion se à batù per l recognosciment de si deric zivii. Ghesta te studio Ilaria Chiocchetti de la sociazion "La ousc de la eles", Conduzion Anna Mazzel

Implanc portamunt stlüc, hoti stlüc, mobilitè dal ester y dales atres regiuns talianes blocada, incina mez jenà. N te rì invern ne n' a les scoles de schi y i maestri de schi mai ciamò odü. Mo les scoles de schi s'à arjignè ca y le jì cun i schi ne po nia ester conscidrè prigorus, i problems è tl contest inciaria. Klaus Planinschek, diretur dla scola de schi da La Ila porta dant les rajuns di maes...

Ntervista cun Andy Varallo, presidënt dl Dolomiti Superski, n cont dl scumenciament dla sajon da d'inviern tl cumprensore dolomitich. Chest'ann tla gran melsegureza data dala pandemia y dala urdinanzes politiches. Conduzion Leo Senoner

Per via de la pandemia Covid 19 chest an l Club Pietrone no l'à podù endrezèr la festa per la jent de età del comun de Cianacei. Purampò l'à volù ge sporjer n picol don che é vegnù portà de cesa en cesa e che é stat scialdi aprejià da duc. En rejonon con la presidenta Monica Zanett e Stefano Bernard.

FORZA, le CD nü de Anita Obwegs La ciantauturia y musizista ladina presënta so album nü dal sonn unich che tol ite elemënc musicai multiculturai. Moderaziun: Sara Frenner

Dal 10 de nuvëmber è Südtirol gnü detlarè "raiun cöce" pur la pandemia de covid. Por n edema mëss la scora lascè fora l' insegnamënt en prejënza y tignì les leziuns cun la modalitè dla didatica a distanza. Coche la scora ladina s'à arjignè ca y afrontëia chësta situaziun, aspetan le screening de massa dla finn dl ' edema. Ghest dla trasmisciun le ispetur scolastich Albert Videsott. Conduziun Aless...

350.000 persones de Südtirol dëssa uni testedes sul Covid 19 n chësc fin dl’ena. N tentatif estrem de cumedè ora na situazion for plu critica, cun numeri preocupanc y la sanità sëuraciariëda y daujin al colas. Cunsciderazions cun l dutor Giuliano Piccoliori, dutor de familia de Gherdëina y diretëur scientifich dl Istitut de Medejina Generela dla Provinzia de Bulsan. Conduzion Leo Senoner

Dai 9 de november inant sarà endò didatica a destanza per duta la scola autes a ezezion di laboratories olache i bec e bezes pel jir te scola. Co se el pa endrezà l lizeo artistich de Fascia? En rejonon con Barbara Fanton, responsabola e referenta covid per l lizeo artistich de Fascia. Conduzion Anna Mazzel

Le sorvisc dla Crusc Blancia ne é te chisc tëmps nia da ponsé demez. Ci che se á döt mudé en cunt de segurëza y de laur nes cunta te chësc progran Harald Frenner, mëmber dla Crusc Blancia Seziun Mareo. Moderaziun: Sara Frenner

Tl ann dl virus corona patësc la congiuntura globala fora de mesüra mo i odun le boom dl marcè tecnologich Nasdaq. N program de Helmuth Vinatzer

Cun le 4 de nuvëmber va en forza incina ai 22 de nuvëmber la ordinanza nöia dla provinzia: stè a ciasa dales 8.00 da sëra, bar y restoranc stlüc, butëghes nia essenziales stlütes, ativitè sportiva y culturala stlüta, scoles altes ma cun didatica a distanza. Y 22 comuns detlarà "zona rossa". Ciudiche Südtirol va so trù, ciudiche les mesüres va debujëgn, coche an pro da salvè la sajun dad'invern tl...

Co ie pa stata l’atività y l lëur ntan l instà 2020 y te cie maniera à pa l Covid nfluenzà l servisc de emergënza dl Aiut Alpin? Ntervista cun l presidënt dl Aiut Alpin Dolomites Adam Holzknecht. Conduzion Leo Senoner

Cunsciderazions y valutazions sun la segonda onda dla pandemia Covid 19 cun l dutor Simon Kostner. Conduzion Leo Senoner

L'enzicolopedia plü adorada y conesciüda al monn é sëgn ince por ladin da ciafé. La coordinadëssa dl proiet Susy Rottonara, nes cunta te chësc program dl laur y di resultac che é segn danman. Moderaziun: Sara Frenner

Cun Elsa Zardini, presidënta dla uniun di ladins de Ampëz. N record dl laur y dla personalitè dl prof. Bepe Richebuono mort ala fin de setëmber 2020 a Balsan. Autur de inrescides fondamentales son la storia de Anpezo y dla Ladinia. Conduziun Alessandro Dapunt