LADINIA LIVE - Podcast

L decanat de Gherdëina giata n preve nuef. Ivo Costanzi, nchinamò pluan de St. Jakob/Steinmannwald dlongia Laives, ruva de reviers y sarà l nuef pluan dla Union Pastorela de Gherdëina, adum cun l digan Vijo Pitscheider. Ntervista cun l vicar generel dla diozeja de Bulsan Persenon, sen. Eugen Runggaldier. Conduzion Leo Senoner

"Una Ladinia possibile" le liber nü de Roland Verra, publichè dala Uniun Generela di Ladins, cuntëgn na analisa dla situaziuns sozio-culturala y dla evoluziun dl status etnich-linguistich dl ladin ala lüm dla storia di ultims 30 agn. Da dailò paiel ia conscideraziuns y propostes, in primis n forum che laores fora na plataforma de priorites pur l'aziun culturala tla Ladinia. Conscideraziuns cun l'...

Vita y opera dl gran linguist ladin dl 1800 : Micurà de Rü, na documentaziun de Lois Trebo. Program de Alessandro Dapunt

L Comun General de Fascia, de gra al projet del Zenter de Giustizia Riparativa de la Region Trentin Sudtirol, l'à metù a jir l Portel de mediazion; n servije debant, portà inant da n operator de competenza - che tegn la costion resservèda - per didèr chi che se troa te na situazion de conflit a n vegnìr fora tras la mediazion. N rejonon con Mirella Florian, conseiera de procura del Comun General d...

L studio de architet Rudi Perathoner de Sëlva à venciù l cuncors per l proiet dla nueva Cësa di Ladins a Urtijëi. Prejentazion y valutazion dl dessëni cun l proietant y cun Sofia Stuflesser dla Union di Ladins de Gherdëina y Paulina Moroder dl Museum de Gherdëina. Conduzion Leo Senoner

Ence chest an l'é vegnù lurà fora l'Almanach de l'Union di Ladins de Fascia che te chest temp de pandemia l'é dedicà al temp e si valor. Apede a la caricatures de Manuel Riz l'Almanach se joa di dessegnes de Ismaele Soraperra con n viac anter duc i sistemes per mesurèr l temp e sesaben l contribut de la redazion de la Usc di Ladins coi fac sozedui e na neva galaria de personajes. En rejonon con Lu...

La fotografia, de chisc tempes, la ne deida a viajèr con la ment e la ne porta te posć magics a descorir neves ciantons del mond. N rejonon col fotograf Doriano Brunel, conduzion Cinzia Pistoia

Gabriele Valentini da Ciampedel da dezember en cà l'é l capogrop del FAI de Fascia e Fiem. L Fondo Ambient Talian se cruzia de valorisèr e stavardèr l patrimonie artistich, culturèl e ambientèl de la Tèlia. Chest an per via del Covid 19 la scomenzadives per l'aiscuda é vegnudes sburlèdes a de mè e l grop è jà dò che l'endreza via vèlch sebenche i tempes sibie amò melsegures. En rejonon con Gabriel...

L lock down dl mumënt à nce ripercuscions sun l mond dl sport. A pert la manifestazions agonistiches de nteres naziunel, ie duta la cumpetizions amatorieles unides fermedes. Na valutazion cun Lidia Bernardi, cunseliera tl diretif dl VSS Südtirol, la lia tët dla unions dl sport dla Provinzia de Bulsan. Conduzion Leo Senoner

l' ativitè y i proiec dla Uniun di Ladins Val Badia. Renè Pescoll è gnü litè y à surantut dal mà dl ann 2020 la inciaria da presidënt. Les publicaziuns dal "Sas dla Crusc ai libri por mituns, la promoziun dl lingaz y l' organisaziun de manifestaziuns è danter les priorites dla ULVB co vëgn portada inant da n cunsëi jonn y motivè. Conduziun Alessandro Dapunt

I toc de teater dò esser resté vindedò la coltrines checenes per beleche n an i domana a gran ousc de esser metui endò sun paladina. Da cheche sozet ti gregn teatres te duta la Tèlia, enscin a ruèr a cheche vegn endrezà ti pìcoi teatres de nesc paìjes, jon a veder colun che l'é l davegnir de chesta èrt che, soraldut te nosc raion, la é bona de palesèr n sens fon de comunanza. N rejonon con la regi...

Bel da plu ani vëniel rujenà dl lëuf te nosc raion. I tieres zarei, la fustìes lascedes y chiche dij nchinamei de l'avëi udù. Ma sën iel segur, l’analises scientifiches lascedes fè te labors spezialisei a Dispruch cunfermea la prejënza dl lëuf nce te Gherdëina. Ntervista a Simon Demetz, verdiaciacia respunsabl dl raion de Gherdëina. Conduzion Leo Senoner

Chest l’è l’inom de n projet de didament e vejinanza per la eles che à cognù vegnir operèdes per n tumor al piet. L se trata de taèr e cojir picoi piumaces da meter sot l brac e na bolgheta per tegnir ite l sachet de drenaje. En rejonon con Lorenza Soldà referenta de Fiem e Fascia. Conduzion Anna Mazzel

Cun Claudia Canins, direturia dla scora raionala de Badia, che tol ite la scola mesana y les scoles elementares di comuns de Badia, Corvara y La Val. La didatica a distanza, le servisc de insegnamënt de emergënza, les mesüres de prevenziun, i tesc' y la campagna por la variora. Conduziun Alessandro Dapunt

L son l'é n gran stument de comunicaizon e l'é bon de passèr fora messajes che rua drec a la persona. Anchecondì, la scomenzadives creatives che doura l son desche sistem prinzipèl de comunicazion les tocia na gran lingia de setores; da la musega, ai podcast, enscin a ruèr ai neves social network. N rejonon dal vif col produtor de musega Marco Mattia. Conduzion Cinzia Pistoia

Dò n scumenciamënt desturbà dal tëmp ie i campiunac dl mond de schi alpin de Cortina jic inant a var plën cun garejedes spetaculeres y chedri televijives de marueia. L resta mo da fè la gares tecniches y nëus ti dajon na udleda a chël che ie stat nchinamò cun Raimund Plancker, trainer dla naziunela taliana de libera y Super-G y Nicol Delago, campiunëssa fërma per nfortune. Conduzion Leo Senoner

Verena Stuffer, ex atleta campiunëssa dl schi alpin tla Naziunela Taliana y per 15 ani te Copa dl mond dal 2003 nchina l 2018 ie dal 2019 raprejentanta y portausc di atlec tla Federazion internaziunela dl schi (FIS). Cie ncëria ie pa chësta, cie muessla pa fè? Conduzion Leo Senoner

L Bim de l'Adesc l'é l Consorzie che gestesc i scioldi che rua ite dai sovracanones idroeletrics paé da la sozietèdes de produzion de energìa eletrica. Rejonon de obietives e finalitedes de chest ent con Francesco Dellantonio,“Franz Tasin” che dò esser stat 8 egn conseier del Bim de l'Adesc raprejentant per Fascia l'è vegnù lità president de jenè 2021. Conduzion Anna Mazzel

Cun Iaco Rigo, presidënt dl EPL, Ert por i Ladins, lia di artisc', scriturs y di cors de dlijia, dandadüt dla Val Badia. Le calënder ladin 2021 è na ediziun jubilara, deache al è la 60jima ediziun. Che fej pa le calënder ladin ciügn è pa i contignüs, co vëgni pa chiris fora, ciun è pa le contribut di artisc' ? Iaco Rigo cordinëia le laur redazional dl calënder ladin. Na omaja al maester Giuvani Pe...

Hannelore Insam, sëurastanta respunsabla dla direzion dla scolines dla Provinzia de Bulsan fej l pont dla situazion tla scolines de nosta valedes te chësc rie tëmp dla pandemia da Covid 19. Conduzion Leo Senoner

L Comun General de Fascia aldò di criteries metui dant da la Provinzia de Trent sporc l "Bonus Magnadiva" per chi che à de besegn e é te la stenta a cauja de la crisa. En rejonon con Paola Rasom responsabola di servijies sozièi del Comun General de Fascia. Conduzion Anna Mazzel

cun Leander Moroder, vize-presidënt dal FISI de Südtirol, responsabl dl setur liöses y presidënt dla lia lueses Gherdëina. Propi le sport da d' invern à te nosc raiun na gran importanza dandadüt tl setur di jogn. L 'ativitè è gnüda tignida inant, ince sce cun de gran sforc, sënza publich y cun dütes les mesüres de precauziun. La liösa sön pista naturala cun de grandiscimi campiuns coche Florian Cl...

Daniele Verra a na vida originèla e particolèra adum con 9 compagnes à metù en pè n liber che conta la vita e l'esperienza de la joena Mary Jane endena l lockdown d'aisciuda. Ghest Daniele Verra, conduzion Anna Mazzel

La pandemia dl corona virus ie inant tl plën de si azion. La zifres dla infezions, di amalei y di morc resta autes y problematiches y la situazion ie dut auter che sota control. La speranza per na soluzion ie sën data dala dlavea, che vën ntant fata nce tla Talia y te Südtirol da deplù enes. Ntervista cun l dutor Giuliano Piccoliori. Conduzion Leo Senoner

cun Marina Rubascher Crazzolara, ustira y presidënta dla uniun ustis (hgv) dla Val Badia. La situaziun de gran crisa gaujada dai impedimënc al movimënt y dales restriziuns damana na resposta plö ampla y concreta dal stato y dla provinzia por sostignì y daidè chiche laora (mo ne po nia) te hoti, albergs, garnì, ponsiuns, üties y restauranc. Conduziun Alessandro Dapunt