LADINIA LIVE - Podcast

Per l cuarto iede se prejënta i artisc dl’Unika nce te na mostra ala lergia, sota l titul Idea Unika - Ert tl zënter. 17 artisc mët ora 11 operes, chëst'iede te dui trëi luej dla valeda de Gherdëina. Cunsciderazions cun l presidënt dl’Unika Christian Stl Holzknecht. Conduzion Leo Senoner

Rejonon de chest senester an de scola tanche fenì fajan na valutazion col sorastant de la Scola Ladina de Fascia Claudio Valentini. Conduzion Cinzia Pistoia

La manifestaziun "Ladinia Day" che vëgn tignida dailo dal Messner Mountain Museum tl ciastel da Bornech rüva ala secunda ediziun in sabeda 10/07/2021. Cun Milva Mussner, presidënta dla Uniun Generela, che co-organisëia l' event, descuriunse le program, danter presentaziun de libri nüs, manifestaziuns musicales, artejant y spezialitès por la gola. N program de Alessandro Dapunt

CLAM l'é n acronim che l met adum la pruma letres de cimbro,ladin e mocheno tel cheder de na enrescida soziolinguistica che pearà via dal meis de messèl per entener coche i stèsc i lengac de mendranza sul tegnir de la region Trentin-Sudtirol e per dessegnèr tel davegnir intervenc de politica linguistica amò più aldò. En rejonon con Sabrina Rasom diretora de l'Istitut Cultural Ladin "Majon di Fasce...

La pandemia dl corona virus ne ie purtruep mo for nia, me n bur lecort. Ma purempò uel l setor primer de nosta economia, do n inviern turistich dl dut scancelà, inò pië via a var plën tla sajon da d’instà. Cunsciderazions cun Irene Delazzer, diretëura dla lia dl turism de Sëlva. Conduzion Leo Senoner

La sociazion "Ensema per Cianacei" ponta via co la manifestazions da d'istà portan dant na scontrèda su Maria Rizzi, cognoscida ai più tropes desche la Mare del Pordoi. L prum event culturèl de chesta sajon sarà na ocajion per i ghesc ma, soraldut per la jent del post, per se troèr e cognoscer vèlch de più en cont de chesta femena che é stata avisa pioniera del turism te Fascia. Rejonaron de chest...

Tel cheder di festejamenc per i 40 egn de la biblioteca de l'Istitut Cultural Ladin l'é vegnù endrezà desvaliva scomenzadives, anter chestes la scomenzadiva LSegnaliberCheVolesse per meter a una la pitura e la schertura de età desvalives. En rejonon con Alberta Rossi, conduzion Anna Mazzel

Te l'ofize linguistich del Comun General de Fascia rua la neva responsabola Evelyn Bortolotti. Sention da ela coluna che sarà la neva endesfides per slarièr fora e dèr valuta al lengaz te nosc raion. Conduzion Cinzia Pistoia

La roda tòl ite na luegia for plu mpurtanta tl turism da d'instà. Sun streda o cun la MTB, la cumpëida de persones che se nuza dla roda ntan si feries tla montes, crësc da ann a ann. Adum cun la ufierta di operadëures turistichs. Cunsciderazions cun Ellis Kasslatter, project manager dl "Sellaronda MTB Tour. Conduzion Leo Senoner

Tl altonn 2021, coche vigni diesc agn, gnaral metü a jì tla Provinzia Autonoma de Balsan la relevazin statistica dla consistënza perzentuala di grups linguistics. Düc i zitadins residënc te Südtirol de nazionalitè taliana (purchël nia i imigrà de d' atra nazionalitè) è cardà da se detlarè o da se agreghè pro un di trëi grups, ladin-talian-tudësch. L ' assessur Daniel Alfreider y la intendënta Edit...

Tl 2018 ie piëda via te Südtirol la reforma dl turism che à purtà a na reurganisazion dl sistem y ala criazion de nueva strutures operatives. Cie se à pa mudà, cie iel pa unì arjont, cie ie pa miec o autramënter che dant? Valutazions cun Ambros Hofer, presidënt dl LTS, l cunsorz provinziel dla urganisazions turistiches. Conduzion Leo Senoner

La sociazion "La voce delle donne" de Fascia e Fiem l'à metù a jir na mostra al Museo de Èrt Contemporanea de Ciavaleis dal titol "Rivelazioni di donne di arte". N rejonon con Ilaria Chiocchetti, membra de la sociazion, e con l'artista Lara Steffe che à metù ensema l liber da chel che à tout l nom ence la mostra. Conduzion Cinzia Pistoia

Tl cuntest dl proiet de transizion ecologica fej la SAD tesc n cont dl trasport publich sun streda. Curieres a lectrisc dëssa sostituì chëles a diesel y cuntribuì a n mënder mpaziamënt dl trafich te zità, ma nce tla valedes y sun i pasc. Cunsciderazions cun Helmuth Moroder, diretëur dla divijion di servijes dla curieres dla SAD y cuordinadëur dl proiet. Conduzion Leo Senoner

Na scumenciadiva che uel mëter adum setors desferënc dla vita soziela y economica. Ert y artejanat se anconta cun l mond dl cumerz y dla butëighes per crië sinergies nueves. Tla trasmiscion ntervën Beatrix Insam, diretëura dla lia dl turism Urtijëi, Fabian Prinoth, cunselier dla lia di buteghieres Urtijëi y Filip Piccolruaz, presidënt dla lia artejanat artistich de Gherdëina. Conduzion Leo Senoner

Lois Ellecosta, nasciü tl 1938, de Al Plan de Mareo, è stè te süa vita maester, diretur, ispetur scolastich, umbolt, fondadù y presidënt de lies culturales coche la Uniun di Maestri, la Uniun di Ladins y la Scola de Musiga dla Val Badia. Mo ince autur de libri y de cënc de rimes, tröpes musicades coche tesc de cianties ladines dër cunesciüdes. Le libr "Recordanzes fora dla vita de n om de scora" d...

Mara Nemela da Cianacei e la é stata nominèda diretora de la Fondazion Dolomiti UNESCO ai 3 de mé a Belun dal Consei de Aministrazion de la Fondazion dò che Marcella Morandini aea dat jù sia demiscions l'an passà. Rejonon de vijions e obietives per l davegnir con la neo-diretora Mara Nemela. Conduzion Anna Mazzel

Dò 25 egn muda la direzion de l'azienda per l turism de Fascia. Colugn ei pa i varesc fac e coluna la endesfides per l davegnir? En rejonon con Andrea Weiss che é jit en penscion. Conduzion Anna Mazzel

Susy Rottonara, musizista, pianista, ciantarina soprann y presidënta dla Lia Culturala Fanes à n rode dër important por la valorisaziun y divulgazin dles liëndes ladines. La artista-musizista da La Ila, plö iadi premiada a livel internazional por sües produziuns musicales y multimediales, vëgn tres indo cardada ince dai media nazionai coche la Rai por documentè y cunte dl rëgn de Fanes, le cör dle...

L Comun General de Fascia met a jir na lingia de encontres de confront online con profescionisc de la sanità mentèla per trei mertesc a scomenzèr da mertesc ai 11 de mè per der respostes ai dejajes e cruzies che à soscedà la pandemia. En rejonon con Mirella Florian, conduzion Anna Mazzel

Tel cheder del projet sanità de la Scola Ladina de Fascia ence chest an l'é vegnù endrezà l percors de Peer Education su la dependenzes, afet e sessualità olache joegn sporc informazions e riflescions su chisc argomenc a etres joegn e joenes. En rejonon con Ginevra Zulian, Asia Carpano e Serena Mazzel, conduzion Anna Mazzel

Vita y opera dl gran linguist ladin dl 1800: Micurà de Rü, secunda pert, na documentaziun de Lois Trebo. Program de Alessandro Dapunt

L Green Pass te Sùdtirol. Dal 26 de auril iel atif y vën bel nuzà, ma me dala persones che à bel abù la malatia dl corona virus, chëi che à n test anticovid negatif y chiche à bel fat la dlavea. L Green Pass dëssa cunzeder lidëza, ma spartësc nce la sozietà, danter chiche pò y chi nia. Aprufundimënt dal pont de ududa iuridich cun l aucat Lukas Plancker che lëura tl ufize legal dla Provinzia de Bul...

L'organism de control sul stravardament de ladins, mochegn e cimbres de la provinzia de Trent à serà su so prum mandat, en rejonon con l'avocata Luciana Rasom una di trei componenc de l'Autorità che farà n bilanz de chisc 7 egn de atività. Conduzion Anna Mazzel

Carlo Willeit, mort ala fin de merz 2021, n'è stè nia ma n protagonist dla politica ladina coche aconsiadù provinzial por dües legislatüres, mo ince n protagonist tl monn dla cultura. Tl istè 2017 pro le dè dla unitè ladina, metü a jì dala Uniun Generela, èl gnü nominè presidënt onorar dla Uniun Generela. Dala laudatatio portada dant te chëla ocajiun da Hubert Dalponte, laota presidënt dl movimënt...

Te Fascia, a Sèn Jan, vegnarà prest metù a jir l "Bar Educante”; n projet ideà da la socizion InOut e portà inant dessema a na rei fata de autra sociazions descheche la Coprativa sozièla Le Raìs e la Coprativa Oltre, e de enc teritorièi descheche l Comun de Sèn Jan e l Comun General de Fascia per fèr a na vida che la jent e, soraldut i joegn, i posse aer n lech olà poder se troèr per spartir l tem...