LADINIA LIVE - Podcast

Cun siur Iaco Willeit, degan de Badia. Le grup decanal dla Val Badia pita la poscibilitè de tò pert ales funziuns dl' edema santa y de pasca tignides dal degan de Badia tla dlija de San Linert de Badia en streaming sön süa plata facebook. Le degan Iaco Willeit cunta de chësta esperiënza, dl valur da tò pert live ales funziuns de dlijia ntratan l'edema santa y dl significat sot dla pasca. N program...

Ciuna ie pa la situazion tl Chemun de Urtijëi do n mëns de ijulazion? Dlongia i aspec saniteres y de segurëza dla persona, crëscel, for plu y plu, nce d’autri problems per la cumenanza. Ntervista cun l ambolt de Urtijëi Tobia Moroder. Conduzion Leo Senoner

La Crousc Checena se cruzia no demò de trasport te ospedel ma ence de secodir e dider fora la jent. En rejonon con Luciana Detomas, responsabola do volontadives del grop de Vich de la Crousc Checena Val de Fascia. Moderazion Anna Mazzel

L dutor Simon Kostner ie usà a judè la persones, ma la pandemia dl mumënt l à tucà persunalmënter. El nes conta de si esperienza cun l Covid 19. L se tachè, l test positiv, l spedel y la varijion. Conduzion de Leo Senoner

En coliëment al telefonn cun le vizepresidënt dla Provinzia Autonoma de Balsan Daniel Alfreider, assessur ala scola ladina, ala mobilitè y ales infrastrutüres. Situaziun atuala y prospetives liëdes al' emergenza dl virus corona. N program de Alessandro Dapunt

Finalmënter podunse lì valgönes stories di fredesc Grimm ince por ladin. Gabriela Frontull, insegnanta y aratista, nes cunta de süa pasciun por les stories y dla publicaziun nöia che é dan man. Moderaziun: Sara Frenner

Na intervista cun Arianna Tricomi da Corvara, che é deventada por le terzo iade campiunëssa mondiala de "ski freeride". Moderaziun: Esther Videsott

Da passa 20 egn la giornalista de la Rai Ladinia Margherita Detomas va tel Brasil olache l’à descorì misteres e marevees che ades è a la leta tel liber “Città invisibili”. En rejonon con l’autora. Condizion Anna Mazzel

La sajon turistica da d'inviern 2019/20 se stluj ju ufizialmënter ai 10 de merz. Feter n mëns dan la data preududa y nia per ulentà di operadëures turistichs, ma per decret guvernatif, n cunseguenza dla malatia epidemica Covid 19, plu cunesciuda coche Corona Virus. Aprufundimënt sun la cunseguenzes per l turism y l cumerz cun Christoph Vinatzer, presidënt dla lia per l turism de Sëlva y Markus Rab...

Le prüm volum dl vocabolar dl ladin leterar, na opera de 1300 plates, è sëgn dan man. Al è un di früc de 10 agn de laur de documentaziun y inrescida linguistica sön le corpus dla produziun leterara ladina dal 1800 cina aldedaincö. Plö de 2500 operes leterares ladines digitalisades y translatades te n ladin modern è da ciafè tl tesaurus, de chëstes 210 è datades dan le 1879 y fej da fundamënt por l...

L Corona Virus y si cunseguenzes sun l turism de nosc raion. Cunsciderazions cun Ezio Prinoth, presidënt dla lia dl turism de S.Cristina y Wolfgang Toechterle, diretëur marketing dl IDM Sudtirol. Conduzion Leo Senoner

Ntervista cun Giuliano Piccoliori, dutor de familia a S.Cristina y dutor de verdia per la nfluenzes te Sudtirol. Conduzion Leo Senoner

L’Istitut Cultural Ladin à recordà chisc dis passé i 100 egn da la naa de pare Frumenzio Ghetta, n cedean per meter al luster e valoriser sia produzion culturèla, sia enrescides storiches e veder coche les vegn portèdes inant. Conduzion Anna Mazzel

Vërt, cöce y ghel é i corusc che simbolisëia i 3 lingac che vëgn adorá tles scolines ladines. Deboriada al’Ispeturia Elisabeth Baur, orunse te chësc program informé dles noeles y dles sfidades dla scolina aldedaincö, azican ite tematiches ince debatüdes, sciöche l’oblianza da ester vaziná por podëi jí ala scolina. Moderaziun: Sara Frenner

Trasmisciun de carater leterar cun le scritur Iaco Rigo che porta dant dües cunties cürtes da so liber de cunties, liëndes y spassëtes dal titul "le paramaro". N program de Alessandro Dapunt

Trëi agn e mez dô le referendum dl 23 de jügn 2016, è sëgn gnü le Brexit realté ufiziala: La Gran Bretagna è insciö dl pröm Paisc dla storia che, dô da 47 agn, tôl cumié dal'Uniun Europea. N'en baiun cun Felix Plazza, che vir y laora bele da zacotan de agn tl chësc Paisc inglesc. Moderaziun Esther Videsott

L schi ie n’atività sportiva y dl tëmp liede che generea plajëi, devertimënt y cuntentëza. La segurëza ie n tema che tòca leprò y duta la pertes po’ dè si cuntribut. Ma la respunsabeltà sogetiva y individuela dl schiadëur nstëss resta l pont da chël che n muessa pië via. Ntervista cun Flavio Prinoth, diretëur dla scola de schi de Sëlva y sëurastant dla lia dla scoles de schi de Sudtirol. Conduzion...

Maria Rizzi nes condüj zoruch tl tëmp por ciutié ite te so rezetar dl ann 1889. Deboriada cun Olimpia Rasom orunse jí sön les pedies de saus da zacan. Moderaziun: Sara Frenner

Ladinia live rejona con l’avocata Rosa Michela Rizzi di 5 Steiles che é vegnuda nominèda dal goern te la Comiscion paritetica che tol dant la normes de atuazion del Statut de Autonomia e la competenzes anter Stat e Provinzies. Conduzion Anna Mazzel

Litè tl otober 2018 cun passa 8000 preferënzes coche ladin tla lista SVP coche aconsiadù provinzial y spo nominè vize-presidënt dl cunsëi provinzial de Südtirol y assessur regional cun competënzes sön mendranzes, coperatives, catast y ciamnes de comerz, Manfred Valazza cunta dl prüm ann de esperienza tla politica y aministraziun. N program de Alessandro Dapunt

Le fascin da rové sön les pizes di crëp ince d’invern conduj tröc a se mëte tl prigo. Cun les pels sciafia i schiadus da rové tla natöra plö salvaria y tralasciada. Por sensibilisé düc i apascioná orunse incö dé valgügn consëis por se gode le bel dl sport y de nosta contrada te majera segurté. Moderaziun: Sara Frenner

Cunsciderazions sun l’atività dl lizeum d’Ert Cademia de Urtijëi cun la diretëura Maria Teresa Mussner. Conduzion Leo Senoner

I ritmes de la luna à na fazion su sanità, beleza, cèsa, ort, vidor e auter. En rejonon con Gladia Debertol pascionèda di ritmes de la luna che à scrit ence n lunarie “La luna ti prende per mano…” Conduzion Anna Mazzel

Dala publicaziun "Le Paromaro" dües cunties cürtes dl scritur de La Plì de Mareo: "le salvan y la gana" y "l'ostì ladin". N program de Alessandro Dapunt

I viun te na sozieté olache i valurs de n iade se perd y ti lascia gran lerch a d’atres formes de comportamënc. Cai é pa i valurs da incö y vir pa ciamó i valurs biblics? Moderaziun: Sara Frenner