Informativos

Comezamos Noticias 13.30 h coas obras que se están a executando ou van comezar en breve, ás que hoxe se refería o alcalde de Tui, Enrique Cabaleiro, na nosa sintonía. Tamén damos conta da afluencia importante de clientes hoxe na Praza de Abastos de Tui tras a súa reapertura. As citas e o deporte, completan este tempo de información xunto a outras novas do día.

A visita institucional do presidente da Deputación ao Concello de Tui é a noticia de apertura hoxe en Noticias 13.30 h. Amais recollemos outras novas da xornada, a oferta formativa e lecer na Aula da UNED de Tui e no Espazo Xove, así coma presentación de libros este venres de Sonia Mirón en Tui e de Francisco Álvarez "Koki" na Guarda, entre outras novas.

Catro relatorios que afondaran en distintos aspectos da figura de Francisco Sanchez e un concerto centraran a xornada que o próximo martes se celebrara en Tui dedicada ao médico e filosofo tudense. Asi o contamos en Noticias 13.30 h onde tamen recollemos a reunion entre o goberno municipal de Tui e o BNG sobre o proxecto de transporte interparroquial, as citas da semana protagonizadas polo cine e...

O sábado recolléronse na estación de MeteoGalicia en Areas máis de 83l/m2, o segundo maior rexistro no que levamos de ano. Así o contamos en Noticias 13.30 h dando conta tamén do peche da praza por obras até este mércores, da nova colección de cine de Somos Océano, e da xornada formativa para familias que organiza o CEIP nº2. Recollemos tamén os resultados deportivos da fin de semana.

Abrimos Noticias 13.30 h coñecendo o tempo que nos agarda para a fin de semana con choiva e ventos fortes. Recollemos os datos do paro do mes de outubro que subiu no Baixo Miño, o peche da praza de Abastos de Tui o luns, martes e mércores, as citas da fin de semana, e os partidos da fin de semana.

Debido ao inicio das obras os postos da praza de Abastos de Tui serán trasladados a parte frontal do inicio, polo que a praza permanecerá pechada o próximo luns, martes e mércores. Así o recollemos en Noticias 13.30 h onde damos conta dos prazos para solicitar axudas e bolsas do concello de Tui, as citas para estes días, e os resultados deportivos da xornada competitiva de onte.

Onte en pleno cos votos a favor do equipo de goberno e abstención da oposición aprobouse a adxudicación das obras de reforma da praza de Abastos á empresa tudense Plaintec. Este é un dos asuntos que recollemos en Noticias 13.30 h, xunto á peregrinación a Santiago da Eurocidade Tui-Valença, as citas do Samaín e o deporte.

En Noticias 13.30 h damos conta do pleno extraordinario e urxente que celebra ás 20 h a corporación municipal de Tui, e da asemblea de ACITUI prevista para este xoves. Amais recollemos as celebracións do Samaín, e o deportes, entre outras novas de Tui e do Baixo Miño.

Abrimos Noticias 13.30 h coa visita da comisaria europea Elisa Ferreira a Tui para coñecer os proxectos de cooperación entre Galicia e Portugal nun encontro que ten lugar no Parador. Damos conta do accidente no que un mozo de 25 anos veciño de Tui perdeu a vida esta noite na A55. Todas as citas da fin de semana e o deporte completan este tempo de información.

Comezamos Noticias 13.30 h falando co alcalde de Tui, Enrique Cabaleiro, da visita que mañá realizará a Tui a comisaria europea, Elisa Ferreira. Amais damos conta das incidencias rexistradas polas intensas choivas das últimas horas, do restaurante Beldade de Tui que figura nos recomendados pola Guía Michelín. As citas para esta tarde e o deporte, completan este tempo de información.

Mañá venres visitará Tui a comisaria europea Elisa Ferreira. Por este motivo falamos hoxe co alcalde de Tui, Enrique Cabaleiro, da importancia da presenza desta responsable europea na Eurocidade Tui-Valença, e tamén dos proxectos tranfronteirizos nos que están a traballar.

Hoxe abrimos Noticias 13.30 h dando conta da campaña de control de resiudos abandonados que ten en marcha o Concello de Tui. Amais recollemos a Festa Solidaria que organiza Protección Civil de Tui para o 16 de decembro, o clásico "Pedro e o Lobo" que chega este venres ao Teatro Municipal de Tui ou a charla sobre os topónimos que haberá mañá en Randufe.

As obras que se están a executar en Tui ou están a piques de comezar que detallou o alcalde na nosa sintonía, é un dos asuntos que recollemos en Noticias 13.30 h. Tamén a solicitude por parte dos grupos da oposición dunha reunión sobre a situación do muro da praza da Estrela. Achegámonos á Biblioteca Municipal que hoxe celebra o seu día, tamén falamos de bingos, e de andainas solidarias.

O Concello de Tui desmontará o muro das escaleiras que van da praza da Estrela ao Paseo Fluvial tras o desprazamento do mesmo sufrido coma consecuencia das intensas choivas e o risco que supón. Así o explicaba hoxe en #Noticias1330h o alcalde, Enrique Cabaleiro. Abordamos tamén outros temas coma o proxecto do museo "Tude" da Catedral presentado hoxe, e o inicio das obras no cárcere vello.

En Noticias 13.30 h coñecemos a última hora da situación do muro das escaleiras da praza da Estrela ao Paseo Fluvial co alcalde, Enrique Cabaleiro. Falamos tamén da incidencia rexistrada na nova ponte internacional Tui-Valença onde numerosos vehículos pincharon as rodas coas placas metálicas caídas da carga dun camión. A presentación do proxecto Museo "Tude" da Catedral, as citas da fin de semana...

Comezamos Noticias 13.30 h dando conta das numerosas incidencias que deixaron as intensas precipitacións de onte á tarde en Tui. Recollemos tamén a clausura do obradoiro de emprego que tivo lugar este mediodía, falamos do III Foro da Muller Rural, de froitas tropicais e de citas teatrais.

A partir das 18 h hai un novo aviso de alerta amarela por choivas. Co tempo abrimos hoxe o tempo de información en Noticias 13.30 h, onde recollemos tamén o balance do último pleno do voceiro do PP, Nico Montes, a visita do xurado de Vilas en Flor a Tui, os programas Cine nas Aulas e Cultiva a Mente, xunto ás citas do día e o premio á Tapa Máis innovada colleitado pola empresa tudense Vioncas Bake...

O tempo hoxe é protagonista da actualidade pola alerta amarela por choiva e vento. Amais recollemos a valoración do último pleno con Carmen Núñez, voceira do BNG de Tui, falamos de Bingos, e de citas para esta xornada. Tamén de atletismo e balonmán no deporte.

O presidente da Deputación, Luís López, presentou hoxe a alcaldes e alcaldesas o plan + Provincia dotado con 48,2 millóns de €.Así o recollemos en Noticias 13.30 h onde falamos tamén de formación e emprego, e de citas coma a mesa redonda sobre María Tydeska que hoxe ás 20 h haberá na Biblioteca tudense. Amais recollemos os resultados deportivos da fin de semana.

Hoxe en #Noticias1330h damos conta da reparación dunha fuga na rede de abastecemento de auga que está a levar a cabo o Consorcio do Louro. Amais recollemos a crónica de sucesos, as citas para esta longa ponte e o deporte.

En Noticias 13.30 h lembramos o peche do aparcamento municipal de Tui por obras hoxe. Mañá o Consorcio do Louro reparará unha avaría rexistrada na rede de abastecemento dende a captación do río Miño, polo que solicitan á poboación facer un uso responsable. Tamén en crónica política valoramos con José Palacín o pleno celebrado a pasada semana en Tui. As citas e o deporte completan este tempo de inf...

Hoxe comezamos Noticias 13.30 h con dous avisos o traslado da parada do autobús na Avenida de Portugal e o peche mañá por labores de mantemento do aparcamento municipal na traseira do edificio Francisco Sánchez. A crónica de sucesos, as citas destes días, e os resultados deportivos están tamén presentes neste tempo de información.

A aprobación da Conta Xeral de 2022 foi o punto máis debatido onte no pleno do Concello de Tui. Este é un dos asuntos que recollemos en Noticias 13.30 h. Damos conta dos 13.300 peregrinos e peregrinas que en setembro percorreron o Camiño Portugués dos que o 40% saíron de Tui. Nas citas da fin de semana destacamos o concerto do Conservatorio hoxe na Corredoira, o inicio da programación de outono no...

Hoxe en #Noticias1330h recollemos a orde do día do pleno que ás 20 h se celebra no Concello de Tui, e o corte no ramal de acceso a Portugal debido ás obras do enlace ao Parque Empresarial de Areas. Amais falamos da ruta Eurovelo Atlántica, do comezo da programación de outono no Teatro Municipal, e do concerto de inauguración de curso no CMUS de Tui. Tamén o deporte con slalom, remo, e balonmán.

O paro subiu en setembro no Baixo Miño. Esta é unha das novas que contamos en #Noticias1330h. Tamén o pleno extraordinario que mañá celebra a corporación municipal de Tui, o sentido único que terá a rúa Ricamonde e os cortes a partir de mañá na A55 debido ao acceso ao parque empresarial de Areas. As citas e o deporte completan este espazo de formación.