Гузоришҳои радиоӣ

Ориф Хоҷазода, раиси Кумитаи замин ва раиси гурӯҳи маконнигории Тоҷикистон, гуфт, 928 километр (94%) хати марзи ҷумҳурӣ бо Қирғизистон маълум шуд, вале ҷузъиёти суҳбатҳои ду тарафро ошкор накард. Маълум нест, феълан кадом қитъаҳои сарҳад ҳалношуда мондааст.

Шокирҷон Ҳакимов, доктори илми ҳуқуқ, мегӯяд, Саидҷаъфар Усмонзода камтар аз арзишҳои демократӣ ва бештар аз манфиатҳои ҳизби ҳоким ва шахсияти президенту давлати Тоҷикистон ҳимоят мекард ва қазияи ӯ “суолҳои зиёдеро ба вуҷуд овардааст.” Саидҷаъфар Усмонзода, вакили порлумон ва раҳбари пешини Ҳизби демократи Тоҷикистон, 12-уми июн дастгир шудааст.

Аз ин ба баъд ба ҳизбҳои сиёсии Тоҷикистон, ки баъзеи онҳо худро "оппозитсия", аммо мухолифон "ҷонибдори ҳукумат" медонанд, аз ҳисоби буҷаи давлат пул ҷудо хоҳад шуд. Вакилони порлумон ин тағйиротро ба қонун дар бораи ҳизбҳои сиёсӣ рӯзи 11-уми апрел қабул карданд. Вокуниши Муҳиддин Кабирӣ дар инҷост

Дар як соли гузашта ба зидди панҷ додрас (судя)-и тоҷик парвандаи ҷиноӣ боз шуда, то ин дам бархе ба зиндон маҳкум гардидаанд. Дар фармони барканории онҳо аз “кирдор”-е ёд шудааст, ки “шаъну эътибори судяро паст мезанад”. Масъулони Оҷонси зидди фасод ин афродро ба ришвагирӣ муттаҳам карданд.

Дар ҳоле ки Вазорати кишоварзии Тоҷикистон аз ҷамъоварии барзиёди ҳосил, аз ҷумла меваю сабзавот, дар соли 2023 хабар дод, сокинон аз гаронӣ ва баъзе аз коршиносон аз "изофанависӣ" нигарон ҳастанд.

Нархи телефонҳои мобилӣ дар фурӯшгоҳҳои Тоҷикистон гарон шудааст. Харидорон мегӯянд, телефонро назар ба рӯзҳои пеш 15-20 дарсад гаронтар мехаранд. Тоҷирон сабабро ба сабти IMEI рабт доданд.

Марде, ки порае аз ҷигарашро ба ҳамсараш дод, ин рафторашро садоқат ба модари фарзандонаш ном бурд. Муҳаммадӣ Лолахонов, сокини 53-солаи ноҳияи Шаҳритус мегӯяд, пас аз солҳо талош барои табобати ҳамсараш, тасмим гирифт порае аз ҷигари худро ба занаш диҳад.

Дар ҳоле ки бахше аз сокинони Тоҷикистон ба муҳоҷирати корӣ ба Русия мераванд, раиси ҷумҳур Эмомалӣ Раҳмон гуфт, ки танҳо дар сохтмони нерӯгоҳи "Роғун" 5 ҳазор коргар намерасад.

Порлумони Тоҷикистон баъд аз тақрибан як сол (28 декабри 2023) фармони президентро дар бораи барканории Ширин Амонзода аз мансаби вазири кору муҳоҷират тасдиқ кард. Ӯ 23-юми январи 2023 аз мақом озод шуда буд. Дар фармон сабабро “гузаштан ба кори дигар” гуфтаанд, вале ӯ ҳеч мақоме нагирифт.

Додгоҳи олии Тоҷикистон ба муҳокимаи муттаҳамон ба қатли Шӯҳрат Исматуллоев, муовини собиқи раиси "Ориёнбонк", бонки наздик ба хонаводаи президент, сар кардааст.

То куҷо падару модар ҷавобгӯйи рафтор ва амали фарзанди болиғи худ ҳастанд? Ё агар фарзанди нафаре дар Русия ё Аврупо даст ба амале зад, чаро дар дохил падару модар ё аъзои дигари хонаводаи ӯро дастгиру муҷозот мекунанд?

Як сокини ноҳияи Варзоб наздик ба як моҳ боз интизори пайдо кардани ҷасади духтараш аст. Шодигул Мирзоева, модари Рӯзигули 13 сола мегӯяд, ӯ рӯзи 5-уми ноябр дар канал ё наҳри Варзоб, ки аз ҳудуди Душанбе мегузарад, ғарқ шудааст.

Муҳоҷирони тоҷик аз афзоиши амалиёт ё рейди зидди коргарони хориҷӣ дар Қазоқистон шикоят доранд. Яке аз онҳо ба Радиои Озодӣ гуфт, ҳабдаҳ сол боз дар Қазоқистон кор мекунад, аммо бори аввал чунин маъракаро мебинад. Мақомот гуфтанд, барои пешгирӣ аз қонуншиканӣ амалиёти “Участок” мегузаронанд.

Нархи орд дар Тоҷикистон зиёда аз 18 дарсад афзудааст. Сокинон мехоҳанд, мақомот роҳи ҳалли мушкилро зудтар ёбанд, чун масъалаи орд дар Қирғизистону Қазоқистон ҳам "доғ" шуда, Бишкек содироти онро барои ним сол боздошт. Масъулони ҳукумат ва тоҷирон мегӯянд, болоравии нархи орд аз онҳо вобаста нест.

Ҳашт коршиноси Созмони Милали Муттаҳид мунтазири посухи як нома ба ҳукумати Тоҷикистон ҳастанд, ки дар он аз сарнавишти хабарнигорон ва ҳомиёни ҳуқуқи зиндонӣ изҳори нигаронии амиқ шудааст.

Парвандаи як зодаи Тоҷикистонро дар Екатеринбурги Русия баъд аз се соли боздошт ба додгоҳ фиристодаанд. Беҳрӯз Ғаниеви 30-сола ва ду ҳамроҳаш ба терроризм, доштани силоҳ, таҳияи маводи тарканда ва ҷиноятҳои дигар гумонзад ҳастанд. Пайвандонаш иттиҳомро рад мекунанд.

Тоҷикистон чанд фурудгоҳи маҳаллиро, ки то ин дам дар ихтиёри ҳукуматҳои шаҳру ноҳияҳои кишвар буданд, ба итоати Вазорати мудофиа додааст. Қарорро дар ин бора раисҷумҳур Эмомалӣ Раҳмон 31-уми август имзо кард. Радиои Озодӣ нусхаашро 25-уми сентябр дид.

Ҳар рӯз дар бораи амалиёти зидди муҳоҷирон дар Русия гузориш мерасад. Мақомот гуфтаанд, ки ҳуҷҷати коргарони хориҷӣ ва дурустии будубоши онҳоро месанҷанд. Баъзе аз муҳоҷирон мегӯянд, баръакс, маъмурони интизомӣ онҳоро ба артиши Русия даъват мекунанд. Аз Валентина Чупик, ҳомии ҳуқуқи муҳоҷирон, пурсидем, ки сабаби баргузории амалиёти давомдор чист ва муҳоҷирони корӣ, аз ҷумла тоҷикон, бояд чӣ кор к...

Гурӯҳи "Ансоруллоҳ", ки аз ҳисоби зодагони Тоҷикистон шакл гирифтааст, солҳост дар Афғонистон зери назари Толибон амал мекунад. Толибон, ки моҳи августи соли 2021 назорати Афғонистонро ба даст гирифтанд, идораи бархе аз қитъаҳои марз бо Тоҷикистонро ба дасти ин гурӯҳ супурда буданд.

Ҳомиёни ҳуқуқи башар аз мақомоти Тоҷикистон талаб кардаанд, ки иттиҳоми зидди фаъоли сиёсӣ Низомиддин Насриддиновро бекор ва ӯро озод кунанд. Баёнияи Кумитаи Норвежии Ҳелсинки, Дидбони Ҳуқуқи Башар, Freedom For Eurasia ва Freedom Now рӯзи 11-уми сентябр нашр шуд.

Туркия макони кору зиндагии ҳазорҳо муҳоҷири тоҷик аст. Бархе дар ин кишвар на фақат барои худ роҳу ҷойгоҳ пайдо кардаанд, балки барои дигарон ҳам ҷойи кор офаридаанд.

Нашри китоби “Ҳаводиси рӯзгори ман” соҳибкор Абдухалил Холиқзода ва адиби шинохтаи тоҷик Абдуқодири Рустамро паси панҷараи боздоштгоҳ бурд.

Ҳуқуқшиносон ва манобеи Радиои Озодӣ мегӯянд, парвандаи китоби Абдухалил Холиқзода “Ҳаводиси рӯзгори ман” метавонад, баёнгари муборизаи пинҳонии қудрат дар долонҳои ҳукумати президент Эмомалӣ Раҳмон бошад.

Як қисми сокинони зарардида аз сел дар шаҳри Ваҳдат кумак гирифтаанд, вале баъзе мегӯянд, то ҳол касе аз ҳолашон хабар намегирад. Кумитаи ҳолатҳои фавқулода ва созмонҳои байнулмиллалӣ барои як гуруҳ сокинон кӯрпаву болишт, орду равған ва маводи беҳдоштӣ додаанд.

Додситони кулли Тоҷикистон тасдиқ кард, ки Абдухалил Холиқзода, мудири Бемористони Ибни Сино, дастгир шуда, ба "барангехтани кинаю адовати миллӣ ва маҳалгароӣ" (қисми дуи моддаи 189-и Кодекси ҷиноӣ) муттаҳам аст. Ин банди қонун аз панҷ то даҳ сол зиндонро дар назар дорад.