Friðhelgispjallið

Í þessum þætti fær Aðalsteinn hana Herdísi í þáttinn í gegnum töframátt internetsins til að ræða nýjasta útspil Jeff. Keppendur gæða sér á eintómum pylsum á félagsstundinni, og við veltum fyrir okkur framtíðarmöguleika keppenda nú þegar samruninn er á næsta leiti.

Í þessum þætti ræða Aðalsteinn og Sofia 4. þátt 47. seríu af Survivor. Skiptar skoðanir eru á uppátækjum Rome og sömuleiðis á hinni sígíldu Survivor spurningu, "á að slátra hænsnunum eða nýta sér eggin?" Við stiklum ekki á stóru málunum í friðhelgisspjallinu, og sérstaklega ekki eftir svona svakalegan þátt af Survivor.

Í þessum þætti fær Aðalsteinn hana Hildi Maríu í heimsókn og þau ræða 3. þátt 47. seríu af Survivor. Allir ættbálkarnir senda einn fulltrúa í leiðangur þar sem þau eiga á hættu að missa atkvæðin sín. Keppendur stinga sér til sunds í friðhelgiskeppninni og Teeny og Kishan standa á krossgötum í ættbálknum sínum.

Aðalsteinn og Gummi ræða eftirminnilegan 2. þátt 47. seríu af Survivor. Rome heldur áfram að útskúfa sig, Sam tekur að sér barnapíustörf og Gabe sér sér leik á borði eftir ágreining í ættbálknum. Allt þetta og fleira verður rætt út í þaula.

Aðalsteinn, Sofia og Gummi fara yfir fyrsta þáttinn af nýjustu survivor seríunni. Við fylgjumst með keppendunum eiga fyrstu kynni við hvort annað og mynda tengsl. Ótrúleg atburðarrás hjá einum keppanda kemur honum í klandra, en var rétta manneskjan kosin út í lokin? Við reynum eftir fremsta megni að svara þessari spurningu ásamt því að slá á létta strenga í þessum eftirminnilega frumsýningaþætti s...

Aðalsteinn, Sofia og Gummi fara yfir keppendur í 47. seríu af Survivor. Við vegum og metum ágæti hvers og eins, og komum með okkar spár fyrir seríuna. Við munum svo örruglega hafa kolrangt fyrir okkur þegar upp er staðið.

Í þessum þætti ræða Aðalsteinn, Sofia og Gummi rosalegan lokaþátt 46. seríu af Survivor. Umdeilt atvik í byrjun þáttarins er krufið til mergjar og hörkubarátta á lokaþinginu skiptir kviðdómnum og þáttastjórnendum í tvennt! Farið er yfir seríuna í heild sinni, og auðvitað nöldrað smá í endan.

Aðalsteinn fær Gumma í heimsókn og þeir ræða rosalegan 12. þátt 46. seríu af Survivor. Sagan virðist endurtaka sig endalaust en við erum samt með hökuna á gólfinu eftir hvern einasta þátt. Tveir bandamenn snúast gegn hvorum öðrum en aðeins einn getur staðið uppi sem sigurvegari! Fumble ársins og margt annað rætt í þessum þetti af Friðhelgispjallinu.

Eftir fjóra magnaða þætti í röð kom einn hljóðlátur en fyndinn þáttur sem leggur á borð fyrir svakalegan endasprett. Aðalsteinn og Sofia ræða þennan óvænta þátt, og fara yfir nokkur stór mistök leikmanna í þessari umferð.

Aðalsteinn og Sofia ræða 10. þátt af 46. seríu af Survivor. Hreint út samt ótrúleg útkoma úr verðlaunakeppni snemma í þættinum hrindir af stað brjálæðiskasti og keppendur falla fyrir sömu lygi í þriðja skiptið í röð á tribal. Vertu með álpappírshattinn á hasunum þegar þú hlustar á þennan óborganlega þátt.

[Lagfærð útgáfa] Aðalsteinn og Sofia ræða níunda þátt 46. seríu af Survivor. Óvænt uppstokkun í friðhelgiskeppninni setur strik í reikninginn og enn fleiri keppendur ákveða að nú sé rétti tíminn til að kjósa út besta vin sinn... en bara ef þeir fá kreditið... Allt þetta og margt fleira í þessum fyrsta þætti sumarsins.

Í þessum þætti fara Aðalsteinn og Sandra yfir ótrúlega atburðarrás 8. þáttar 46. seríu af Survivor. Er Q búinn að ganga af göflum? eða er hann miskilinn snillingur? Við ræðum frábæran feluleik, nýjustu tískuna á fiji og kaótískasta tribal seríunnar hingað til!?!

Í þessum þætti ræða Aðalsteinn og Sofia þrusu þátt þar sem keppendum er skipt í tvennt og allt fer í rugl. Skemmtileg keppni uppá friðhelgisfestina vekur athygli og lagt er á borð fyrir seinni helming seríunnar. Bon Appétit!

Aðalsteinn, Sofia og Gummi spjalla um samrunaþátt 46. seríu af survivor. Jeff býður uppá nýliðakynningu og steinar í poka skipta í ójöfn lið... eða hvað?

Aðalsteinn fær Söndru í heimsókn og þau ræða 5. þátt 46. seríu af Survivor. Jeff reynir að endurskrifa sögubækurnar og þátttakendur vopnbúast í þessum svakalega þætti af Survivor!

Aðalsteinn og Sofia ræða fjórða þátt 46. seríu af Survivor. Við förum í gegnum öll fimm skref sorgarinnar þegar við kryfjum þennan afar óhefðbundna þátt.

Aðalsteinn fær Marín í heimsókn til að ræða þriðja þátt 46. seríu af Survivor. Ekki missa af Marín hella úr skálum reiði sinnar vegna eins keppanda sem var í miklu aðalhutverki í þessum þætti.

Aðalsteinn og Sofia ræða 2. þátt 46. seríu af Survivor. Hiti færist í leikinn þegar ættbálkar skiptast á svívirðingum fyrir keppni og stórfurðuleg hegðun eins keppanda á þinginu vekur athygli. Málin eru krufin til mergjar!

Aðalsteinn, Sofia og Gummi ræða svakalegan fyrsta þátt 46. seríu af Survivor. Við ræðum keppendur stóðu upp úr, hverjir ollu vonbrigðum og hvort að savage Jeff sé mögulega snúinn aftur!?

Aðalsteinn, Gummi og Sofia heyra frá öllum keppendunum í komandi seríu af survivor og ræða sín á milli. Í lok þáttar velja þau nokkra keppendur í sitt lið.

Aðalsteinn og Sofia ræða lokaþátt 45. seríu af Survivor. 5 frækin eru eftir í leiknum og stórundarleg útkoma í final 5 þinginu setur strik í reikninginn. Við ræðum eldsmiðjukeppni, æsispennandi final tribal og hvernig allir í seríunni eru einhvernmeginn lögfræðingar!?

Aðalsteinn og Sofia ræða 12. þátt 45. seríu af Survivor. Spennan magnast í þessum næst-seinasta þætti seríunnar og það er af nægu að taka. Rómantískt deit er truflað af þriðja hjólinu og á sama tíma er annar keppandi á brókinni einum klæða.

Aðalsteinn fær Sofiu í heimsókn til að ræða um 11. þátt 45. seríu af Survivor. Ástareldar tveggja keppanda og "óskarsverðlaunaframmistaða" annars er meðal umræðuefna í þessum þætti.

Aðalsteinn fær Söndru í heimsókn til að ræða tíunda þátt 45. seríu af Survivor. Jeff sendir fólk á griðastaðinn með bréf frá ástvinum í hönd og sólstrandargæjarnir halda uppi strákastemningu. Í lok þáttar tölum við aðeins um þá fjölmörgu ,,first boots'' sem gætu leynt á sér og eiga skilið annað tækifæri.

Aðalsteinn fær Söndru í heimsókn og saman ræða þau níunda þátt 45. seríu af Survivor. Jeff rænir þremur þátttakendum atkvæðunum sínum og verðlaunar þrjá aðra með 990 kr kjúkling úr Krónunni.