Dj.Turalın podkastı

Bu dəfə taksi problemindən danışdıq

Bu dəfə avtomobildən imtinadan danışırıq. Görəsən bir gün piyada, sərnişin olsaq hansı çətinliyimiz olar?

Azərbaycanın efir məkanında ilk dəfə piyada gəzərək veriliş apardım. Hə suallara cavab verdim, həm də piyada gəzib çətinliklərdən danışdım

Bu yollarda birbirimizi başa düşməkdən danışırıq. Həmçinin yol hərəkəti ilə bağlı sualarınıza da cavab verəcəyik.

Yol hərəkəti ilə bağlı suallarınıza cavab verməkdə davam edirik. Həm də tıxacdakı rekordunuzdan danışırıq. Ən çox tıxacda nə qədər qalmısınız?

Bu dəfə tıxaclardan və orada özünüzü necə hiss etməkdən danışdıq. Yol hərəkəti ilə bağlı suallara cavab vermək kimi işimizi də unutmadıq.

Bu dəfə yol polisinin tıxacı aradan qaldırmaq cəhdləri və yenə də yol hərəkəti ilə bağlı suallara cavab veririk.

AvtoStop-un canlı efirlərini dinləmək imkanınız olmayıbsa, efir yazısını podkast səhifəmizdən dinləyə bilərsiniz. Bu dəfə qarşınıza çıxan ən pis sürücüdən danışmışıq.

Baxmayaraq ki, həm yutub kanalımda ,həm də avtostop.tv saytında led və ksenon işıqlarla bağlı məqalə və videolar var yenə də bu mövzuya qayıtmaq qərarına gəldim. Çünki hansı sosial şəbəkədə olmağımdan asılı olmayarq bu sualı mənə ünvanlayırlar. Led işıqlar olarmı? Hansı led-lər qadağandır? Ksenon olar? Nivaya olar? Bəs 07-yə? Bu suallara cavab verməyə çalışdım.

Bu dəfə sizə elektrik avtomobilləri ilə bağlı yayılmış 5 mifdən söhbət açacam. Bu avtomobillər təhlükəsizdirmi? Həqiqətən ekolojidirmi? Ustası varmı? elektrik bitəndə nə olur? Nə qədər getmək olar? kimi suallar çox verildiyinə görə bu cür podkasta ehtiyac yarandı.

Bu dəfə podkastımızda sürücülük vıəsiqəsinin tarixçəsinə toxunuruq. İlk vəsiqənin alan şəxs, Azərbaycanda sürücülük vəsiqəsinin verilmə tarixçəsi və Azərbaycanda sürülən ilk avtomobilin markası.

Bu gün dayanma və durmaya görə yazılan cərimələrdən şikayət etməyən yoxdur. Nə hikmətdirsə,DYP-nin deyil, məhz BNA -nın yazdığı cərimələrdən şikayət edirlər. Bəs BNA nəyin əsasında cərimə yazır.

Bu dəfə bir küçədə nişanlar və qaydalar olmasa, orada vəziyyət necə ola bilər konspesiyasından danışmışam. "Ümumi ərazi" konsepsiyasına görə küçələrdən hamı bərabər səviyyədə istifadə etməlidir. Piyadalar,avtomobillər və velosipedçilərin hüququ eyni sayılan küçələr nə qədər realdır?

Bu dəfə sizə avtomobilin rənginin vinillə dəyişdirilməsindən və sürücülük vəsiqəsi evdə qalarkən cərimə yazıla bilərmi ondan danışacam.

Bu gün kimi dindirsən o şəhərdə yaşamağı arzu edəcək. Bəs şəhər bizə necə təsir edir? Bu podkastımda sizə şəhər mühitinin insalara psixi təsirindən bəhs edəcəyəm.

Bu gün məndən çox soruşulan bir məsələyə izah vermək istərdim. Ər və arvad bir-birinin avtomobuilini idarə edə bilərmi?

Bu dəfə avtomobilin qeydiyyatından danışmaq istədim. Bıziləri oxumaq istəmir və ya eşitdiyini yadında saxlamaq istəmir. Podkast elə bir şeydir ki, daim əlinin altındadır. Avtomobilin qeydiyyatı kalkulyatoru www.avtostop.tv saytında və AvtoStop App-də də var. İstifadə edə bilərsiniz.

Bu dəfə şəhər mühiti üçün elektromobillərin əhəmiyyıətindən bəhs edirəm. Səs və hava kirliliyinin qarşısını almaq üçün elektromobillər çıxış yoludurmu?

Bu podkastımda sizə avtomobilin qeydiyyatı zamanı tələb edilən texniki baxış və cərimə ödənilməsindən bəhs edəcəyəm. Avtomobilin qeydiyyatı zamanı texniki baxış tələb edilə bilərmi? Avtomobilin qeydiyyatı zamanı hansı cərimənin ödənilməsi tələb edilə bilər? Podkastımıəz paylaşın ki, bir çoxları da bundan xəbər tutsunlar.

Bu podkastımda sizə səs çirkliliyindən bəhs etmək istərdim. Şəhərin müxtəlif yerlərində mən şəhərdəki səsləri ölçdüm. Şəhərimiz çox səs-küylüdür. Bu səs çirkliliyi bizi kar edir. Mütləq dinləyin və bölüşün.

Bu dəfə şəhərdə parklanmadan danışırıq. Bir çox əxsər hesab edirlər ki, onlar avtomobil alıblarsa, hər kəs ona bir yer borcludur. Əslində necə olmalıdır? Podkastımızı dinləyib paylaşmağı və şərh yazmağı da unutmayın.

Bu dəfə podkastımızda avtoxuliqanlıqdan danışmışam. Avtoxuliqanlığın yeni tərifi və konkretləşməsi hər manevr edənin avtoxuliqanlıqla ittiham edilməsi ilə nəticələnməyəcək. Mütləq dinləyin və bölüşün.

Bu dəfə podkastımızda təhlükəli və təhlükəsiz yollardan danışacam. Bir neçə elementə dəyişiklik etməklə biz daha təhlükəsiz yollara, küçələrə sahib ola bilərik.

Bu günlərdə Milli Məclisdə "Yol hərəkəti haqqında" qanun və "İnzibati Xətalar məclləsinə" dəyişikliklər edilir. Bu dəyişikliklərdən biri də radarla bağlı sürücünün məlumatlandırılmasıdır.

Bu podkastımızda mən icbari sığorta ilə bağlı ən çox verilən suallara cavab vermişəm. Maraqlıdırsa, mütləq dinləyin. Çünki lazım olacaq.