Dilli Dali

ഇത് പണ്ഡിറ്റ് രവിശങ്കർ ജന്മശതാബ്ദി വർഷം . കിഴക്കൻ ബംഗാളിലെ ജനങ്ങളുടെ ദുരിതങ്ങളെ കുറിച്ചും മുക്തിബാഹിനി നടത്തുന്ന വിമോചനസമരത്തെ കുറിച്ചും ഇന്റർനെറ്റ് ഇല്ലാത്ത കാലത്ത് ലോകം അറിഞ്ഞത് അമേരിക്കയിൽ നടന്ന  ഒരു സംഗീതമേളയിലൂടെയാണ്. അതേക്കുറിച്ച് ദില്ലി -ദാലി യിൽ സംസാരിക്കുന്നത്  കേണൽ ഡോക്ടർ  DPK Pillay (ശൗര്യചക്ര ) ആണ്. കൂടെ ജോർജ് ഹാരിസൺ പാടിയ പ്രശസ്തമായ 'ബംഗ്ലാദേശ്' എന്ന ഗാനവും . സ്നേഹത്തോട...

ദില്ലി-ദാലി ആദരപൂർവം ഈ പോഡ്കാസ്റ്റ് സമർപ്പിക്കുന്നു . 1987 ൽ ഒരു വൈകുന്നേരം അദ്ദേഹം പാടുമ്പോൾ ഒരു കൃഷ്ണമൃഗം വേദിക്കു മുന്നിൽ വന്ന് കാതോർത്തു നിന്നു . ഇനി ആ സംഗീതം കേൾക്കാൻ അനശ്വരകാലം കാതോർത്തു നിൽക്കും . ഈ പോഡ്‌കാസ്റ്റിൽ അദ്ദേഹം 1960 -85 കാലങ്ങളിൽ പാടിയ ഗാനങ്ങളും , അദ്ദേഹത്തിൻറെ പ്രീയപ്പെട്ട ബേഗം അഖ്തർ ഗാനവും ഉൾപ്പെടുത്തിയിട്ടുണ്ട് . സ്നേഹത്തോടെ എസ് . ഗോപാലകൃഷ്ണൻ

ദില്ലി-ദാലിയുടെ പ്രീയപ്പെട്ട ശ്രോതാക്കളേ, നമുക്കറിയാം . ഇസ്രായേലും  United Arab Emirates ഉം കഴിഞ്ഞ ദിവസം ഒരു ഉടമ്പടിയിൽ ഒപ്പു വെച്ചത്. എഡ്വേഡ് സയ്ദ് പറഞ്ഞതുപോലെ എല്ലാ ഉടമ്പടികളിലും ചതിക്കുഴികളുണ്ടോ ? ആരാണ് പലസ്‌തീൻ ജനതയെ ചതിക്കുന്നത് ? മഹാത്മാ ഗാന്ധി സർവകലാശാലയിലെ  School of Gandhian Thought and Developmental Studies ൽ ഡയറക്ടറായ പ്രൊഫസ്സർ എം എച് ഇലിയാസ് ചരിത്രത്തെ അഗാധമായി സ്പർശിച്ചുകൊണ്...

പ്രീയ സുഹൃത്തേ , 2020 ആഗസ്ത് പതിനഞ്ചിന്റെ ദില്ലി - ദാലിയിലേക്ക് സ്വാഗതം. 1925 ൽ രാഷ്ട്രീയ സ്വയം സേവക സംഘം ഉണ്ടായതു മുതൽ ഇന്ത്യയുടെ ഒന്നാം സ്വാതന്ത്ര്യദിനം വരെയുള്ള കാലത്തെ ഈ പോഡ്കാസ്റ്റ് തിരിഞ്ഞുനോക്കാൻ ശ്രമിക്കുന്നു. ഇന്ത്യൻ സ്വാതന്ത്ര്യ സമരത്തിന്റെ ഉപ്പ് എങ്ങനെയാണ് പരിവാർ സമുദ്രത്തിൽ ഇല്ലാതെ പോയത് ?  തീവ്രഹിന്ദു ആശയലോകത്തിൽ   ഇന്ത്യൻ സ്വാതന്ത്ര്യദിനം എന്നാൽ  എന്താണ്? ആരുടേതാണ...

ശ്രീലങ്കയിൽ അടുത്തകാലത്ത് നടന്ന തെരഞ്ഞെടുപ്പു ഫലം നൽകുന്ന സൂചനകൾ എന്തൊക്കെയാണ് ? ചൈന കരയിലും കടലിലും പിടി മുറുക്കുന്നുവോ ? മതദേശീയതയിൽ അടിസ്ഥാനമായ വലതുപക്ഷ വ്യതിയാനം എന്ന ആഗോള പ്രവണതയിൽ ഈ ദ്വീപും ഉൾപ്പെടുന്നുവോ ? ഇസ്‌ലാം തീവ്രവാദത്തിനെതിരെ തമിഴ് -സിംഹള ഐക്യം ഉണ്ടാകുന്നുവോ ? ഇന്ത്യ  look east  പോളിസിയിൽ നിന്നും  act east  പോളിസിയിലേക്ക് മാറിയതിനാൽ ചൈന ഇന്ത്യൻ സമുദ്രത്തിൽ കൂടുതൽ...

ആണ്ടാൾ അഴകി എന്ന എൺപതുകാരിയുമായി ചെലവഴിച്ച  ഒരു വൈകുന്നേരമാണ് ഈ ലക്കം ദില്ലി -ദാലി പ്രതിപാദിക്കുന്നത്. ഒരു  ഭാരതിയാർ   പാട്ടാണ് അവരുടെ ജീവിതത്തെ എന്നോട് അടുപ്പിച്ചത്. പിന്നെ  ജീവിതത്തിലെ ഭാഗ്യ -ദൗർഭാഗ്യങ്ങളും. മഹാരാജപുരം സന്താനവും , എം എൽ വസന്തകുമാരിയും ടി എൻ ശേഷഗോപാലനും ഈ പോഡ്‌കാസ്റ്റിൽ വിരുന്നെത്തുന്നു ചിന്നൻ ചെറുകിളിയുമായി

ചെകുത്താനെ ചെകുത്താൻ എന്നു വിളിക്കുന്നതാണ് ഏറ്റവും പ്രധാനം പ്രീയപ്പെട്ട സുഹൃത്തുക്കളേ , അയോധ്യയിലെ ഭൂമിപൂജയുമായി ബന്ധപ്പെടുത്തി സാമൂഹ്യനിരീക്ഷകൻ യോഗേന്ദ്ര യാദവ് എഴുതിയ ഒരു ലേഖനവും അതിന് പ്രതാപ് ഭാനു മേത്ത എഴുതിയ പ്രതികരണവുമാണ് ഈ പോഡ്‌കാസ്റ്റിന് പ്രേരണ . ഇന്ത്യൻ മതേതരത്വം പരാജയപ്പെടുന്നെങ്കിൽ എന്താണ് കാരണം ? രണ്ടു വ്യത്യസ്ത വീക്ഷണങ്ങളാണിത്. രണ്ടുപേരും യോജിക്കുന്നത് ഒരു കാര്യത്തിൽ മാത്രം , ചെകുത്താന...

ഓർമ്മയിലെ ഏറ്റവും നല്ല ചായ ഏതാണെന്ന് ഒഡിയ കവി അഭയകുമാർ പാഠി എന്നോടു ചോദിച്ചു . മറുപടി എത്തിനിന്നത് ഒരു സ്ത്രീയുടെ ജീവിതത്തിലാണ് . നിങ്ങൾക്കും ഒരു പക്ഷേ ഓർമ്മയിലെ ചായ , ചായയേക്കാൾ ഉപരി ഏതെങ്കിലും വ്യക്തിയെ ചുറ്റിപ്പറ്റിയായിരിക്കാം, അല്ലേ ? 1857 ലെ ഒന്നാം ഇന്ത്യൻ സ്വാതന്ത്ര്യ സമരത്തിന് ഏഴുകൊല്ലങ്ങൾക്കു ശേഷമാണ് ഡാർജിലിങ്ങിൽ മകൈബാരി എന്ന തേയിലത്തോട്ടം ഉണ്ടായത്. അതിനടുത്തുള്ള ടൈഗർ ഹില്ലിലാണ് അമൃത ഷെർ -...

അസാധാരണ ബുദ്ധിശാലിയായിരുന്നു അസാധാരണ സുഹൃത്തായിരുന്നു മനുഷ്യസ്‌നേഹത്തിലും സേവനസന്നദ്ധതയിലും പഠനത്തിലും  ഒന്നാം റാങ്കുകാരനായിരുന്ന സുഹൃത്ത് വിങ്ങ് കമാണ്ടർ D V Sathe യെ സുഹൃത്ത് ഡോക്ടർ സാജു  സ്കറിയ സ്മരിക്കുന്നു ഇന്നത്തെ പോഡ്കാസ്റ്റ് വിങ്ങ് കമാണ്ടർ D V Sathe യ്ക്കുള്ള ആദരാഞ്ജലി

ദിലി ദാലിയുടെ പ്രീയപ്പെട്ട ശ്രോതാവേ , 1990 ലാണ് കേരളത്തിലെ ആദ്യത്തെ ടെക്നോളജി പാർക് സ്ഥാപിതമായത്. കേരളത്തേയും , തിരുവനന്തപുരത്തെ പ്രത്യേകിച്ചും മാറ്റിത്തീർത്ത ഒരു വലിയ വ്യവസായ സംരംഭം നമുക്ക് നൽകുന്ന പാഠങ്ങളെ കുറിച്ച് Technopark ന്റെ ആദ്യ CEO ശ്രീ ജി . വിജയരാഘവൻ വിശദമായി സംസാരിക്കുന്ന പോഡ്കാസ്റ്റ് ആണിത് . അദ്ദേഹം പരാമർശിക്കുന്ന വിഷയങ്ങൾ പ്രധാനമായും ഇനി പറയുന്നവയാണ് : ടെക്നോപാർക് എന്ന ആശയം ആരുടേത് ?...

ഇതിഹാസമേ , വിട ! ഇബ്രാഹിം അൽകാസിയ്ക്ക് ഒരു പോഡ്കാസ്റ്റ് ആദരം ജനനം : 18 October 1925, മരണം :  4 August 2020 ആധുനിക ഇന്ത്യൻ നാടക വേദിയ്ക്ക് ഏറ്റവും വലിയ സംഭാവനകൾ നൽകിയ ഒരാൾ വിടവാങ്ങുമ്പോൾ.  ഡൽഹിയിലെ National School of Drama യിലെ അദ്ധ്യാപകനും നാടക പ്രവർത്തകനുമായ  അഭിലാഷ് പിള്ള നടത്തുന്ന അനുസ്മരണം . അൽകാസി എന്ന സെക്കുലർ ദീപസ്തംഭം. നാടകവേദിയിൽ അദ്ദേഹം നടത്തിയ ഏഷ്യൻ പ്രകാശനം , ഇന്ത്യയെ സ്...

സ്റ്റാലിനെതിരെ ഒസിപ് മന്ദേൽസ്റ്റം എഴുതിയ കവിത അദ്ദേഹത്തെ സൈബീരിയായിലെ തടങ്കൽ പാളയത്തിലും മരണത്തിലും എത്തിച്ചു . എന്നാൽ ആ കവിത ഇന്നും അനശ്വരമായി തുടരുന്നു . ഓമനയായ കുഞ്ഞായിരുന്ന കാലത്ത് എടുത്ത ഹിറ്റ്ലറുടെ മനോഹരമായ ഫോട്ടോയെ നോക്കി  പോളീഷ് കവി വിസ്‌ലാവ സിംബോർസ്‌ക ചോദിച്ചു എങ്ങനെയാണ് ഈ കുഞ്ഞിന് ഇത്ര അധികാരപ്രമത്തനായ സ്വേച്ഛാധികാരിയാകാൻ കഴിഞ്ഞത് ! റഷ്യൻ എഴുത്തുകാരനായിരുന്ന പാസ്റ്റർനാക്കിനെ നോബൽ സമ...

ബാലഗംഗാധര തിലകൻ ചരമശതാബ്ദിദിനചിന്തകൾ : August 1, 2020 തിലകന്റെ ഹിന്ദുവിൽ നിന്നും രണ്ടു വ്യത്യസ്ത ഹിന്ദുക്കൾ ആധുനിക ഇന്ത്യൻ രാഷ്ട്രീയത്തിൽ ഉണ്ടായി ഒന്ന് ഗാന്ധി , രണ്ട് സവർക്കർ .  ഒരാളുടെ രാമൻ ആത്മത്യാഗങ്ങളുടെ പ്രതിനിധിയായിരുന്നു , മറ്റൊരാളുടേത് രാവണനെ കൊന്ന രാമനും . മുസ്‌ലിം എന്നും മുസ്‌ലിം മാത്രമാണെന്നും ഒരിക്കലും ഇന്ത്യാക്കാരൻ അല്ലെന്നും സവർക്കർ പറഞ്ഞപ്പോൾ മൗലാനാ അബുൽ കലാം ആസാദിന്റെ തോളിൽ കയ...

കേന്ദ്ര സർക്കാർ കഴിഞ്ഞ ദിവസം അംഗീകരിച്ച പുതിയ ദേശീയ വിദ്യാഭാസ നയത്തെ വിശകലനം ചെയ്യുകയാണ് ഈ ലക്കം ദില്ലി ദാലി യിൽ പ്രൊഫസ്സർ എം വി നാരായണൻ . ജനാധിപത്യ ഇന്ത്യ എന്ന ആശയവും പുത്തൻ നയവും യോജിച്ചുപോകുന്നുണ്ടോ എന്ന് അദ്ദേഹം അന്വേഷിക്കുന്നു. അധികാരകേന്ദ്രീകരണവും വിദ്യാഭ്യാസവും, ചർച്ചകൾ ഇല്ലാതാകുന്ന കാലത്തെ  നയരൂപീകരണങ്ങൾ , മൂന്നുഭാഷാ നയം, ദേശീയ തലത്തിൽ വരാൻ പോകുന്ന common entrance test , വലതുപക്ഷ, ദേശ...

ഒട്ടും സന്തോഷകരമല്ലാത്ത ഒരു പോഡ്കാസ്റ്റ് . കവി പി എൻ ഗോപീകൃഷ്ണൻ അന്തരിച്ച കവി ലൂയിസ് പീറ്ററിനെ അനുസ്മരിക്കുന്നു . നാം നിഷ്കളങ്കമെന്നു വിചാരിക്കുന്ന 'നമ്മൾ' എന്ന നിർമ്മിതിയിലെ സിമന്റും മണലും നമുക്ക് കാട്ടി തന്ന ഒരാളെ കുറിച്ച് . അയാൾ തന്നെയായിരുന്നു അയാളുടെ കവിതാസമാഹാരം . മരിക്കുന്നതിനു തലേന്നും കവി ഗോപീകൃഷ്ണനെ വിളിച്ചിരുന്നു . ഹൃദയസ്പർക്കായ ഒരു സ്നേഹസന്ദേശം , കൂടെ ലൂയിസ് പീറ്ററിന്റെ ശബ്ദത്തിൽ അദ്ദേ...

സത്യജിത്ത് റേ ജന്മശതാബ്ദി പോഡ്കാസ്റ്റ് പരമ്പരയിലെ മൂന്നാം ഭാഗമാണിത്. റേ യുടെ ശബ്ദലോകത്തെ കുറിച്ച് അവഗാഹത്തോടെ സംസാരിക്കുന്നത് ചലച്ചിത്ര ചരിത്രകാരനായ ശ്രീ ഐ ഷൺമുഖദാസ് ആണ് . സത്യജിത്ത് റേ തന്നെ ഒരിക്കൽ പറഞ്ഞിട്ടുണ്ട് സിനിമ കേൾവിയുടെ കൂടി മാധ്യമം ആണെന്ന് . പഥേർ പാഞ്ചാലി മുതൽ അഗാന്തുക് വരെയുള്ള അദ്ദേഹത്തിൻറെ  ഫീച്ചർ- ഡോക്യുമെന്ററി സിനിമകളെ സസൂക്ഷ്മം വിശകലനം ചെയ്ത് അദ്ദേഹം സിനിമകളിൽ സംഗീതേതര - സംഭ...

അശ്ലീലമാണ് തെറ്റുതിരുത്താൻ തയ്യാറാകാത്ത നമ്മുടെ ധർമ്മസങ്കടങ്ങൾ . വൃത്തികേടാണിത് . lockdown ഒരു ആഗോള വ്യവസ്ഥാ തകർച്ചയിലേക്ക് വിരൽ ചൂണ്ടിയില്ലേ ? അടിസ്ഥാനപരമായ ചോദ്യങ്ങൾ ചോദിക്കാതെ ഏത് അരക്ഷിതഭാവിയിലേക്കാണ് നാം നമ്മുടെ കുഞ്ഞുങ്ങളെ തള്ളിവിടുന്നത് ? സാധാരണനിലയിലേക്ക് പോകാൻ ലോകനേതാക്കൾക്കും സാമ്പത്തികശക്തികൾക്കും ധൃതിയാണ് ...പക്ഷേ , ആരുടെ സാധാരണനില ? അതാണ് ജനങ്ങൾ സ്വയം ചോദിക്കേണ്ട ചോദ്യം . ഇംഗ്ലണ്ടിൽ ഒ...

ആധുനിക ഇന്ത്യയിലെ   നൃത്തത്തിന്റെ നൂറുകൊല്ലത്തെ ചരിത്രത്തിലേക്ക് ഒരു  വിശദ വീക്ഷണമാണ് ഈ ലക്കം ദില്ലി -ദാലി . കഴിഞ്ഞ ദിവസം കൊൽക്കത്തയിൽ നൂറ്റിയൊന്നാം വയസ്സിൽ അന്തരിച്ച അമല ശങ്കറിന്റെ വിയോഗത്തോടെ അസ്തമിച്ച ഒരു കാലഘട്ടത്തെ കുറിച്ച് ആധികാരികമായി സംസാരിക്കുന്നത് പ്രശസ്ത കലാനിരൂപകനായ ശ്രീ സദാനന്ദ് മേനോനാണ് . ദേശീയ പ്രസ്ഥാനവും , കലാരംഗവും , 1920 -1930 കളിൽ ലോകനൃത്തരംഗം , ഉദയ് ശങ്കർ സംഘത്തി...

ഗുരുവിന്റെ ദൈവദശകം ജീവിതത്തിലേക്ക് വന്ന നിരവധി സന്ദർഭങ്ങൾ ഉണ്ട്. അവയിൽ രണ്ടെണ്ണമാണ് ഈ ലക്കം ദില്ലി -ദാലി യിൽ.  25 വർഷങ്ങൾക്കു മുൻപ് രാംപൂരിൽ കൂടെ തീവണ്ടിയിൽ കയറിയ ഒരു അവധൂതൻ എന്നോട് പറഞ്ഞു ഞാൻ കഴിഞ്ഞ ജന്മത്തിൽ ഒരുപാടു പെറ്റ ഒരു പെൺപൂച്ച ആയിരുന്നുവെന്ന്...അദ്ദേഹം കബീറും ദൈവദശകവും സംസാരിച്ചു ... മറ്റൊന്ന് ദൈവദശകം ടി എം കൃഷ്ണ പാടുംവേളയിൽ സഹകരിക്കുവാൻ അവസരം ലഭിച്ചത്. Nool Archive നു വേണ്ടി കൃഷ്ണ...

ജൂലായ് 22 ഇന്ത്യൻ കൊടിയുടെ എഴുപത്തിമൂന്നാം പിറന്നാൾ ചെറിയ കാറ്റിലും ഓരോ കൊടിയും പറഞ്ഞുകൊണ്ടിരിക്കും ഞാൻ പ്രവാചകന്റെ കൊടി , ഞാൻ പാണ്ഡവന്റെ കൊടി , ഞാൻ കോളമ്പസിന്റെ കപ്പൽക്കൊടി, ഞാൻ രാഷ്ട്രത്തിന്റെ കൊടി എന്നൊക്കെ ... ഇന്ത്യൻ ദേശീയപതാകയുടെ ചരിത്രമാണ് ഈ ലഘു പോഡ്‌കാസ്റ്റിൽ. മാഡം ബിക്കാജി കാമ , ഹൻസ മേഹ്ത, സിസ്റ്റർ നിവേദിത തുടങ്ങിയ വനിതകൾ പങ്കു വഹിച്ച പതാകാചരിത്രം ... പോലീസ് ഇഞ്ചോടിഞ്ചു മർദ്ദിച്ചിട്ടും പി...

കേരളത്തിലെ സ്വർണക്കടത്തു വിവാദം ദില്ലി -ദാലിയിലേക്ക് മുൻപ് കടന്നുവന്നത് എം ടി വാസുദേവൻ നായരുടെ പിറന്നാളിന്റെ അന്ന് അറബിപ്പൊന്നിന്റെ സ്മരണയുമായാണ്. ഇന്ന് 'സ്വർണത്തിൽ ഒരു അഭിജാത' എന്ന ലോകപ്രശസ്തമായ ഒരു ചിത്രമാണ് കടന്നുവരുന്നത് . ദുർലഭമായ ഒരു മഞ്ഞലോഹം ലോക സമ്പദ്ഘടനയുടെ ആധാരശിലകളിൽ ഒന്നാണ് . എന്നാൽ കലയിലും സ്വർണമുണ്ട്. മരക്കുരിശിൽ കിടന്ന ക്രിസ്തു സ്വർണ്ണക്കുരിശിലേക്ക് ചേക്കേറിയതും നമുക്കറിയാം . ഗുസ്റ്...

ഇതു ഒരു വിഭാഗം മലയാളികൾക്ക് രാമായണമാസം . ആധുനിക മലയാളകവികളിൽ എഴുത്തച്ഛനും അദ്ധ്യാത്മരാമായണവും വലിയ സ്വാധീനം ചെലുത്തിയ ബാലചന്ദ്രൻ ചുള്ളിക്കാടാണ് ഇന്ന് ദില്ലി -ദാലിയെ സമൃദ്ധമാക്കുന്നത്. ഈ വിഷയത്തിൽ അഞ്ചുപേരുടെ ഓരോ ചോദ്യങ്ങൾക്ക് അദ്ദേഹം മറുപടി പറയുന്നു. കെ സി നാരായണൻ, സുനിൽ പി ഇളയിടം, ജെ . ദേവിക, കവി ബൈജു, എസ് . ഗോപാലകൃഷ്ണൻ . 

കൂടെയുണ്ടായിരുന്ന എല്ലാവരും നാരായണഗുരുവിന്റെ കാൽ തൊട്ടുവന്ദിച്ചു. ബാലനായിരുന്ന നടരാജൻ കൂട്ടാക്കിയില്ല പാദനമസ്കാരത്തിന്. ഇതു കണ്ട ഗുരു പറഞ്ഞു : " ഡോക്ടറുടെ (ഡോ .പൽപ്പു ) മകനല്ലേ , ആരേയും കുമ്പിടാൻ ഇഷ്ടമല്ല " പിൽക്കാലത്ത് നടരാജഗുരുവിന്റെ ജീവിതത്തെ ഏറ്റവും സ്വാധീനിച്ച ഒരു നിഗൂഢപുരുഷനുമായുള്ള ആദ്യ സമ്പർക്കം അഥവാ സമ്പർക്കരാഹിത്യം അതായിരുന്നു . പിന്നീടും ഗുരു എങ്ങനെ ഒരു പ്രഹേളികയായി അവശേഷിച്ചു ? അങ്ങനെ...

ജൂലായ് 15 . ഇംഗ്ലീഷ് കലണ്ടർ പ്രകാരം എം ടി യുടെ പിറന്നാളാണ് ഇന്ന് . ഇന്നത്തെ ദില്ലി -ദാലി വലിയ എഴുത്തുകാരനുള്ള പിറന്നാൾ ഉപഹാരം . കേരളം ഒരു സ്വർണക്കള്ളക്കടത്തിന്റെ വിവാദത്തിൽ നിൽക്കുമ്പോൾ ഒരു എം ടി അനുഭവത്തിലേക്ക് ശ്രോതാക്കളെ ക്ഷണിക്കുന്നു.  " അതിലിടയ്ക്ക് ഒരു സംഭവമുണ്ടായി. നല്ലവനായ ഒരു സുഹൃത്തിന് അലിവുതോന്നി. അറബിപ്പൊന്നു വ്യാപാരത്തിൽ പങ്കുചേരാൻ വിളിച്ചു . 'രണ്ടു സാഹിത്യകാരന്മാർ സ്വൽപം കാശുണ്ട...

അഡ്വക്കേറ്റ് ഹരീഷ് വാസുദേവൻ കോടതിവിധി മുഴുവൻ വായിച്ച് ഗൃഹപാഠം ചെയ്തതിനു ശേഷം നൽകിയ അഭിമുഖം. എന്താണ് കോടതി പറഞ്ഞത് , പറയാഞ്ഞത് . എന്തായിരുന്നു ഭക്തനായിരുന്ന സൗന്ദരരാജന്റെ പരാതി ?എന്തായിരുന്നു ഇന്ത്യ സ്വാതന്ത്രമായതിനു ശേഷം രാജ്യം തിരുവിതാംകൂർ രാജവംശത്തിന് ക്ഷേത്രത്തിനു മേൽ നൽകിയ അവകാശം ? എന്തായിരുന്നു കാലാകാലങ്ങളായി കേരളസർക്കാർ നയം ? കേരളാ ഹൈക്കോടതി നിർദേശിച്ച പുരാവസ്തുസ്മാരകത്തെ കുറിച്ച് സുപ്രീം കോ...