Día a Día

Mañá celébrase no entorno do río Tripes a XXIII Romaría Os Nosos Fariñeiros: Burros e Muíños, promovida pola Asociación de Muiñeiros do río Tripes. Será unha xornada de lecer entorno a estes elementos patrimoniais, nun entorno natural de gran beleza. O presidente da Asociación do Burro Fariñeiro, dará lectura ao pregón. Ao longo da xornada haberá música, artesanía, gastronomía.... Así nolo contou...

Até este domingo 3 de maio pódese colaborar co Club Remo Tui a través do seu proxecto de crowdfunding, no que recadan fondos a través da plataforma gofundme.org para poder participar en diferentes competicións. Hoxe conversamos coa presidenta do club, María González, dos resultados dos e das deportistas no Campionato Galego, do Campionato de España, dun sorteo que lanzarán nas súas redes sociais e...

O Club Xadrez Tui vén de conseguir ascender á División Preferente por primeira vez na súa historia. Así nolo contaron hoxe Luis Fernández, presidente, e Cibrán Álvarez, secretario do club, ambos tamén xogadores.

A ilustradora afincada en Tui Aida Alonso impartirá o mércores 6 de maio ás 17.30 h un obradoiro de bonecos elaborados con papel. Esta é a cita que abre a programación de Tui en Letras deste 2026, cuxo cartel tamén deseñou ela. Aida Alonso deu hoxe os detalles deste obradoiro, dirixido a nenos e nenas de 6 a 12 anos.

Hoxe mércores ás 20.30 h inaugúrase no Teatro Municipal de Tui o 22º Festival Play Doc. Haberá música, co grupo Trilitrate; e cine, coa estrea mundial de "Ursúas", de Roi Fernández. As entradas para todas as actividades estarán á venda no Teatro Municipal durante os cinco días de festival e tamén na súa páxina web. Así nolo contou hoxe Ángel Sánchez, codirector.

O CEIP Plurilingüe Nº1 de Tui está desenvolvendo estes días un programa de intercambio Eramus con alumnado da escola Ostrčilova, da República Checa. Hoxe puidemos coñecer as actividades que están realizando en Tui os alumnos e alumnas checas, e os detalles sobre esta iniciativa, con nenos e nenas do CEIP Nº1 e de Ostrčilova.

Até este domingo día 3 está aberto o prazo de inscrición para participar na andaina e na comida de porco ó espeto que organiza a Comisión de Festas de Pesegueiro para o domingo 10. José Santos e Julio López, da comisión, deron os detalles tamén da segunda ruta cabalar que organizan para o 23 de maio.

Carlos Joyero é unha xoiaría con 12 anos de historia en Tui, na rúa Betanzos, que conxuga tradición e modernidade a través das xoias. Hoxe coñecemos este establecemento co seu dono, Carlos González, nunha conversa no Espazo Comercio, en colaboración con ACITUI.

Eduardo Coutinho e Viola Stephan son os protagonistas das retrospectivas do Festival Play Doc deste ano 2026. Ademais, e durante os cinco días do festival, haberá diferentes actividades paralelas e destacadas, das que hoxe coñecemos os detalles con Ángel Sánchez, codirector de Play Doc.

A fin de semana do 8 e 9 de maio a Fundación Provincial Banco de Alimentos levará a cabo en Tui, no supermercado Gadis, a súa campaña Maio solidario, en colaboración con SOS Tomiño Baixo Miño. Serán 25 as persoas voluntarias que participarán nesta operación quilo. José Ramón Santamaría, presidente da Fundación Provincial Banco de Alimentos, daba conta hoxe dos produtos que máis necesitan.

Hoxe cociñamos en Raíces e vangarda unha receita tradicional con toques vangardistas, de restauración. O chef Judicael Romero deu trucos e consellos para preparar patacas con polbo e alioli.

Este mércores, ás 22.30 h, no Teatro Municipal, na primeira proxección de Play Doc estrearase Ursúas, a película do realizador coruñés afincando en Tui, Roi Fernández. Unha película que el mesmo define coma unha deriva, que mestura diferentes liñas narrativas, entre ficción e documental e que é froito de moitos anos de traballo. Así nolo contaba hoxe, explicando tamén de onde ven o seu nome.

En play-doc.com están xa a dispoñibles as entradas para as distintas actividades que dende este mércores e até o domingo se van celebrar dentro da programación de Play Doc, o Festival Internacional de Cine de Tui. Dende o mércores tamén se poderán adquirir no Teatro Municipal. Ángel Sánchez, codirector do festival, recomendaba hoxe mercar de xeito anticipado as entradas para Cinema Percorrido e as...

Play Doc, o Festival Internacional de Cinema de Tui, tende cada ano ponte cinematográficas en cada edición, unha desas ponte cruza o Miño para achegarnos ao cinema portugués. Este ano como novidade porán o foco en Maureen Fazendeiro, e amais dedicarán unha das retrospectivas ao cineasta Eduardo Coutinho. Así nolo contaba hoxe Ángel Sánchez, codirector do festival, no programa especial Ponte nas On...

O IES San Paio na súa proposta para esta xornada especial de Ponte nas Ondas reflexiona sobre o 25 de abril. Así nolo contaron Iria e Adrián, alumnado do IES San Paio, no programa especial que hoxe realizamos dende Valença. Contaráronnos o traballo que realizaron para o podcast que desenvolven no instituto e que hoxe presentaron en Ponte nas Ondas.

O IES Indalecio Pérez Tizón é un dos centros que participa dende Valença na xornada especial de radio que realiza Ponte nas Ondas. No programa especial que realizamos dende Valença contamos co profesor Alberto Valverde, quen nos explicou a intervención que ía realizar o alumnado sobre "Contrabando e trapicho".

Santiago Veloso é o presidente de Ponte nas Ondas. Con el falamos desta xornada tan especial que hoxe vivimos dende o Agrupamento de Escolas Murallas do Minho en Valença, pero tamén de Ponte nas Ondas e na cita que este ano terán en China.

O presidente da Cámara de Valença, José Vaz Carpinteira, participou esta mañá no programa especial Día a Día que realizamos dende o Agrupamento Escolar de Murallas do Miño en Valença. Sumámonos así á xornada de radio escolar de Ponte nas Ondas.

Hoxe sumámonos á xornada de radio escolar de Ponte nas Ondas dende o Agrupamento Escolar de Murallas do Miño en Valença. Dende alí realizamos un programa especial Día a Día no que falamos coa concelleira de Ensino de Tui, Sonsoles Vicente.

Un concerto moi corido cun repertorio principalmente Barroco será o que ofrecerá este domingo, ás 18 h na Catedral Loreto Aramendi, titular do órgano da Basílica de Santa María do Coro de San Sebastián. Este evento pechará o ciclo 8CentosPés que se está a desenvolver co gallo do 800 Aniversario da Consagración da Catedral de Tui. Con ela falamos hoxe.

Con Iria, Adrián e Nina, alumnado do IES San Paio, coñecemos o proxecto de radio que desenvolven no instituto baixo o título de "Somos quen fomos" no que analizan eventos do pasado para coñecer como inflúen no noso presente relacionándoos con eventos actuais. Tamén nos presentaron a Asociación de Estudantes que veñen de crear no centro.

Gran acollida teñen as andainas e camiñas saudables da Eurocidade Tui-Valença, que se desenvolven a unha e outra beira do Miño. Este domingo percorrerán a senda do río Furnia en Pesegueiro, nunha actividade que ten xa todas as prazas cubertas. A primeira destas andainas tivo lugar o 22 de marzo polo Trilho de San Gabriel en Valença, este domingo será a do río Furnia, o 10 de maio o Trilho da Casca...

Carlos Fernández Bollo, organista titular da Catedral de León, será esta tarde, ás 20 h, o encargado de abrir o ciclo 8CentosPés na Catedral de Tui, cun concerto de órgano centrado na música de Bach, cunha viaxe arredor do ano litúrxico. Este é o primeiro dos tres concertos que esta semana se van a celebrar na Catedral co gallo da conmemoración do 800 aniversario da consagración da Catedral.

Nunha semana, o próximo mércores, comezará Play Doc 2026. Un festival que abre cada ano unha ventá ao mundo a través do cinema, pero que en cada edición mantén un firme compromiso co cinema galego. Así será de novo coas 9 películas que se proxectarán en Competición Galicia, pero tamén cunha mirada ao pioneiros do cinema galego a través da figura de Rafael Luca de Tena. Así nolo contou Ángel Sánche...

O Teatro Municipal de Tui será un ano máis a sede principal de Play Doc, Festival Internacional de Cinema de Tui, aínda que as actividades terán lugar tamén noutros espazos como a Sala 2 no Seminario Menor, e no Espazo Sociocultural e a igrexa de San Domingos acollerán tamén outras iniciativas. Así nolo explicou hoxe Ángel Sánchez, codirector do festival, quen indicaba que en play-doc.com está tod...