Día a Día

Dentro do espazo dedicado ao comercio local que abrimos cada martes e xoves con ACITUI hoxe acompañounos Justi Peixoto de Sra. Emilia Axencia de Comunicación. Situada na Avenida da Concordia desenvolve a súa actividade dende hai 7 anos.

O Concello de Tui contan dende hai unhas semanas cunha nova ordenanza de urbanismo cuxo obxectivo é facer máis doada e áxil a tramitación de solicitar unha licenza ou comunicación previa. Así nolo contaron o concelleiro de Urbanismo, Miguel Méndez, e o arquitecto municipal, José Castro. O concelleiro de Urbanismo, Miguel Méndez, tamén deu conta das características do novo sistema de control do apa...

Está xa aberta a inscrición para o XVIII Rastrexo O Noso Camiño que se vai celebrar en Pexegueiro o sábado 31 de agosto. A inscrición pode facerse en rastreopexegueiro@hotmail.com indicando o nome do equipo, número de participantes e teléfono de contacto. Coñecemos todos os detalles desta actividade con Carla Martínez e Lucía Míguez da Comisión de Festas de Pexegueiro.

Dende hoxe Valença celebra as súas festas nas que a música estaá moi presente. Coutónolo no programa Día a Día Orlando Costa.

A Fada do Aloia organiza unha nova Noite Máxica. nesta ocasión para ver as Perseidas, escoitar contos e aprender sobre a fauna nocturna. Será mañá sábado. E o domingo fará a Ruta das Bolboretas. Así nolo contou hoxe Natalia Lago, A Fada do Aloia.

Todo preparado en Caldelas para celebrar a súa Semana Cultural que comeza este sábado, e da que forma parte o IV Rocha Folk que terá lugar o venres 16 e sábado 17. Hoxe Vicky Méndez e José Álvarez da Asociación @a_insua_caldelas detalláronnos o programa previsto.

Poucas entradas quedan xa para o espectáculo “Aún + Chungo” que mañá venres, ás 20.30 h, presentarán en La Terraza del Miño Luís Zahera e Palo Capilla organizado por Alikate Producciones. Hoxe coñecemos todos os detalles con Luís Zahera, Palo Capilla e Francisco Landa, CEO de Alikate.

Altitude Ocio e Aventuras organiza para o próximo luns, 12 de agosto unha "Noite das Perseidas". Hoxe con Claudia Montes coñecemos todos os detalles desta iniciativa. Ten un prezo de 14 € por persoa, sendo gratuíta para os menores de 12 anos. A inscrición pode facer no 613 239 309 ou en info@altitudeocio.com.

No tempo que con ACITUI dedicamos a coñecer o comercio local hoxe no programa Día a Día acompañounos Luís Conde do Surtidor Conde que comezou a súa actividade en 1993, pero ya dende 1933 existía un surtidor no Paseo da Corredoira.

Tras sete intensos días, onte remataba a 18ª edición de Música no Claustro cuxos concertos encheron cada noite, do 1 ao 7 de agosto, o claustro da Catedral de Tui. Samuel Diz e Beatriz Fontán xunto a parte do seu equipo, facía hoxe balance desta especial edición.

Esta mañá no programa Día a Día falamos co alcalde da Guarda, Roberto Carrero, nunha semana na que a vila mariñeira celebra as Festas do Monte. Amais dos festexos abordamos a situación das atraccións das festas e tamén da recollida de lixo. Este mediodía nun comunicado o Concello da Guarda informaba que tras comprobar a documentación que presentaron os diferentes feirantes ante os servizos municip...

Moser String Quartet ofrecerá hoxe ás 21 h no Claustro da Catedral o concerto de clausura do festival Música no Claustro. Está formado polas violinistas xaponesa Kanon Miyashita e a española Patricia Muro, xunto á violista española Ariadna Bataller (neste concerto substituída pola francesa Élise Hiron) e a violonchelista italiana Lea Galasso. Hoxe no programa Día a Día falamos Lea Galasso, Kanon M...

A Banda de Gaitas Arume de Malvas vai participar a próxima semana no Festival Intercéltico de Lorient. Os 38 integrantes da bandas iniciarán a súa viaxe este xoves. Falamos do mesmo con Aurerio Rodríguez Bargiela e Diego Vila.

So 30 piraguas de aluguer quedan para o XIII Descenso Popular do Miño que se celebrará o próximo xoves 15 de agosto. Este xoves 8 remata a inscrición. Falamos con Rafael Estévez, concelleiro de Deportes, e Manuel Pedrares, técnico do Kaiak Tudense.

Hoxe abrimos en Día a Día un novo espazo para coñecer o comercio local, os produtos e servizos que ofrece. Trátase dunha iniciativa de ACITUI tal e coma explicaba o presidente de ACITUI, Iván Carral, coa que tamén se busca potenciar o comercio local.

Hoxe ás 21 h no Claustro da Catedral actuará o Trío Da Kali dentro da programación de Música no Claustro. Será coa preestrea do seu novo traballo discográfico "Da Kali". Falamos do mesmo con Lassana Diabaté, un dos integrantes do grupo.

Esteban Alonso, adestrador do Kaiak Tudense, está nos Xogos Olímpicos de París coma adestrador de Matías Otero, padeeiro do club que o mércores competirá no K1 1000 m por Uruguai. Unha experiencia olímpica, que vive con moita ilusión nunha traxectoria de máis de 40 anos no mundo do piragüismo.

"Aceitunitas negras" é o título do primeiro sinxelo do novo traballo discográfico de Laura Marchal que hoxe, ás 21h, vai presentar no claustro da Catedral de Tui dentro de Música no Claustro. Hoxe en Día a Día, acompañada polo director do festival, Samuel Diz, falounos da súa música e do seu concerto.

Mañá especial a que vivimos hoxe coa final olímpica de remo de 2x coa participación de Rodrigo Conde do Remo do Miño e Aleix García. Nunha retransmisión especial contamos co remeiro Jesús González, e tamén nos acompañaron o alcalde de Tui, Enrique Cabaleiro, e o concelleiro de Deporte, Rafael Estévez. Conde e García foron quinto nunha disputada regata na que sorprendeu a embarcación de Rumanía que...

A artista portuguesa Lula Pena será a encargada hoxe de ofrecer o primeiro concerto da 18ª edición de Música no Claustro, ás 21 h no Claustro da Catedral de Tui. No programa Día a Día falamos con ela e con Beatriz Fontán, da organización do festival.

A historia de Tui da metade dos século XX centrará a Andaina Histórica que se celebrará o próximo sábado 10 de agosto dentro do calendario de Andainas da Eurocidade Tui-Valença. A inscrición está xa aberta na web andatui.es. Hoxe deunos todos os detalles Xosé Martínez Tato.

Unha das novidades deste ano en Música no Claustro serán os Obradoiros de Artesanía en Familia que van ter lugar o próximo luns, martes e mércores de estampaxe creativa, construción de pandeireta e un obradoiro musical de iniciación á pandeireta. Desta iniciativa falamos con Bea Fontán de Música no Claustro, e a concelleira de Igualdade, Ana Núñez.

Hoxe ás 21.30 h no Parque do Laxal en Rebordáns, celébrase a Noite Internacional do Miño con grupos de Bosnia Herzegovina, Italia, Chile e Uruguai. Hoxe Katia Rocha e David Martínez, da organización, déronnos todos os detalles, e destacaron o carácter único deste festival que ten acollido a grupos dos cinco continentes. Cada ano o público ateiga o parque do Laxal.

Este venres e sábado celébranse na parroquia tudense de Caldelas as Galimpiadas. Tras ter que aprazarse en dúas ocasións debido ao tempo, esta fin de semana deporte e diversión irán da man coma nos explicou Manuel González da organización.

O festival Música no Claustro cumpre 18 anos. Do 1 ao 7 de agosto celebrará unha nova edición no claustro da Catedral de Tui baixo o lema Catedral Atlántica. O seu director Samuel Diz falounos hoxe de todo o que brindará este ano o festival: concertos, Resonacias, residencias artísticas, e novidades...