Día a Día

Hoxe venres Rebordáns celebra San Xoán a partir das 21.30 h, con sardiñas, fogueira e música. Ademais, este domingo darase a coñecer o cartel das Festas na honra á Virxe do Camiño deste ano, que se celebrarán o 13, 14 e 15 de agosto. Coñecemos toda a información con Jonathan Soliño e Miro Román, de Amigos da Festa de Rebordáns.

Sesión especial a que realizará mañá venres o Cineclub Tui ás 20.45 h no Espazo Sociocultural coa proxección de "Apocalypse Now: The Final Cut". Noemí Guisande, do Cineclub Tui, falounos desta película e tamén as citas que conformarán a súa programación estival. Noemí Guisande, do cineclub Tui detallou hoxe esta programación.

O alumnado de 1º e 2º de Primaria do CEIP de Guillarei vén de recibir en Santiago de Compostela un dos galardóns do programa "Nós tamén creamos" da Secretaría Xeral da Lingua pola súa curtametraxe "Hai alguén máis feroz ca min?". Oliver, David, Sara, Natasha, Erick, Alba, Tiana e Adrián, alumnado do CEIP de Guillarei; e Alberto e Víctor, profesores, compartiron connosco o seu traballo e como foi o...

A Praza Pintor Antonio Fernández de Goián, en Tomiño, converterase este sábado, 20 de xuño no epicentro da música tradicional das dúas beiras do Miño. Celebrarase o II Encontro Internacional de Grupos Tradicionais do Miño, que contará coa actuación de varias formacións, gastronomía e foliada libre como explicou Xosé Manoel Álvarez, da Asociación Arroutada, organizadora do evento.

Máis de 700 bailaríns e bailarinas daranse cita esta fin de semana na Eurocidade Tui-Valença no I Trofeo Hip Hop Eurocidade. O pavillón Gustavo Rodríguez en Tui e a fortaleza de Valença acollerán esta cita deportiva, que durante o sábado e o domingo agarda reunir a máis de 1.000 persoas como público.. Miguel Abreu, presidente da Escola de Baile Pasos Galicia, explicou que tamén haberá outras modal...

Este sábado 20 ás 21 h o Liceo Casino de Tui acolle o festival de fin de curso do grupo de baile Vórtice Dance. Unha función na que tamén actuarán as bailarinas de Playbacks Caldelas. Hoxe coñecemos o traballo que realizan e como será o festival con Daniel e Cristina, de Vórtice Dance: e Belén e Alba, de Playbacks Caldelas.

Ao longo do curso nos dous institutos de Tui se desenvolven diferentes proxectos de radio nos que participan alumnos e alumnas elaborando informativos, programas, podcasts... Hoxe coñecemos estas iniciativas con Sabela e Coral, alumnas do IES Indalecio Pérez Tizón; e Iria e Adrián, do IES San Paio.

A renaturalización dos patios é a liña de traballo do CEIP de Pazos de Reis dentro do Proxecto Terra, da Xunta de Galicia. O seu obxectivo é conseguir que o patio sexa un espazo máis verde e con máis sombra. Por outra banda, o alumnado de 2º de Primaria vén de ser recoñecido no concurso “E ti que pensas da igualdade?” da Deputación de Pontevedra pola elaboración dun podcast. Hoxe coñecemos estes p...

O alumnado do CEIP Nº2 de Tui foi gañador do 2º premio Faro da Escola á Mellor Tira Crónica polo seu traballo ao longo de todo o curso. Inés R., Jane, Inés C., Abel, Sarai, Thiago, Teresa, Martín, Aroa, Carlota, Ethan, Alba e Uxía xunto a súa profesora Carmen contáronnos como foi desenvolver este traballo.

ACITUI, a Asociación de Comerciantes e Industriais de Tui, volve a ser Centro Comercial Aberto, CCA. Así o confirmaba hoxe o presidente de ACITUI, Pepe Míguez, quen explicaba que isto conleva a concesión dunha subvención por parte da Xunta para levar a cabo distintas campañas e promocións do comercio local que forma parte deste CCA. Pepe Míguez deu hoxe todos os detalles.

Máis dun centenar de libros de memoria histórica véñense de incorporar aos andeis da Biblioteca Municipal grazas á doazón realizada pola Comisión para a Recuperación da Memoria Histórica do Baixo Miño, Condado e Louriña O alcalde de Tui, Enrique Cabaleiro, e Ramón Fernández Leal, en nome da comisión, asinaron a acta de entrega destes exemplares. Desta doazón falamos con Enrique Cabaleiro, Ramón Fe...

Jorge Enríquez e Adrián Pinaque do estudo de arquitectura Arqxé participaron no Espazo Comercio que realizamos en colaboración con ACITUI. Con eles coñecemos en que centran o seu seu traballo, o momento de efervescencia no que se atopa o sector, ... Tamén nos contaron que Jorge Enríquez este ano formou parte do xurado dos premios Gran de Area de Arquitectura , tras ser uns dos gañadores na edición...

Arredor de 70 músicos e músicas da Orquestra Infantil e Xuvenil de Vigo Kv2211 actuarán este sábado ás 19 h no Espazo Sociocultural de Tui. Será un concerto cun repertorio variado e dirixido a todo tipo de público. Hoxe coñecemos esta orquestra cunha das súas directoras, Raquel Fernández.

O alumado de quinto de Primaria do CEIP Plurilingüe Nº1 de Tui está a realizar diferentes iniciativas arredor dos 800 anos da consagración da Catedral de Tui. Hoxe Vega, Irene, Víctor, Xián, Martiño e Gael compartiron os seus dous proxectos: unha visita teatralizada en Tui e un podcast. A visita teatralizada será este xoves ás 10.30 h dende a Alameda de San Domingos.

Coñecer a realidade das rutas migratorias é o obxectivo da proxección que mañá organiza o Cineclub Tui coa película "Eu capitán". Será en dobre sesión, ás 18.30 h e ás 21:15 h, ambas no Espazo Sociocultural. Despois da proxección das 18.30 h haberá un coloquio con Iria Leirós, da asociación Diversidades Acolle, para profundar no labor que desenvolve esta entidade en Tui. Hoxe coñecemos os detalles...

Hoxe no espazo gastronómico Raíces e vangarda, o chef Judicael Romero trae unha receita de ensalada de verán, e dá consellos para manter unha alimentación saudable na temporada estival.

O Conservatorio de Música de Tui ten aberto o prazo de inscricións para estudar na escola de música durante o vindeiro curso. Rubén López, director do centro, fixo balance positivo do curso que está a piques de rematar e fixo fincapé na alta demanda de matriculación, cun grande éxito en instrumentos como o piano, o violín ou a guitarra eléctrica.

O IES Indalecio Pérez Tizón ampliará a súa oferta de FP Básica a partir do próximo curso cunha nova formación. Será a FB Básica en Servizos Comerciais. Fernando Pérez-Lozao, director do centro; e Alejandro Guntiñas, xefe do Departamento de Comercio, deron conta hoxe dos contidos desta formación e dos prazos de matrícula.

Coñecemos o labor que coas colonias felinas se está a realizar no Concello de Tui. Dende a institución municipal púxose en marcha o protocolo CER, Captura, Esterilización e Retorno. Tamén o traballo que realiza Callejeriños Tudenses. Así nolo contaron no programa Día a Día Ismael Diz, concelleiro de Medio Ambiente, e Estefanía Rodríguez, de Callejeriños Tudenses.

Dende hoxe e até o domingo Couso, en Gondomar, acolle o festival Festa Raxada. Unha proposta que nace co obxectivo de tecer redes no rural con música, gastronomía, cultura e compromiso social. Durante estes tres días daranse cita no festival Mercedes Peón, Sun Iou, Brassica Rapa ou Baiona Bay. Damaris Sánchez, membro da Casa das Redes, unha das organizadoras, falounos desta iniciativa.

Mañá sábado ás 18 h a Catedral de Tui acolle o concerto-conferencia Vitae Mariae sobre a representación da Virxe María ao longo da Historia da Arte. A conferencia correrá a cargo da doutora en Historia da Arte Ana Pereira Molares. O concerto será ofrecido por Artificio Barroco e polo Ensemble Vocal Ángel Barja. Antonio Abal, membro do ensemble, detallou o repertorio musical que van interpretar.

Guillarei celebra mañá sábado festas na honra a San Antonio no recinto de Festas da Virxe das Dores. Dende primeira hora da mañá haberá unha ampla programación con quedada e ruta moteira, xantar popular, actuacións musicais, as tradicionais poxas, actos litúrxicos, verbena e djs. Así nolo contaron José Ferreira e Maike Rodríguez, membros da comisión de festas Virxe das Dores. Avanzaron ademais o n...

Hoxe venres ás 18 h nas instalacións da Escola da Banda de Música Popular de Tui, en Guillarei, celébrase a audición de fin de curso coa participación de 30 alumnos e alumnas do centro. O director da Banda, Eloy Carrera, fixo balance positivo deste curso, e deu conta de que o prazo de matrícula para o próximo está xa aberto.

As inscricións para participar na experiencia de mototurismo CatroCantos Galicia Riders 2026 están xa abertas, cun prezo especial até o 20 de xullo. A proba celébrase o 12 de setembro, e terá saída en Tui con rutas de 300, 500 e 700 quilómetros. Paco López, organizador desta actividade deu todos os detalles hoxe no programa Día a Día.

Este sábado 13 de xuño ás 20 h terá lugar o XVIII Festival de Corais na igrexa de San Domingos en Tui. Unha cita musical na que participarán a coral do Centro Social de Tui, a coral Coro Cantemos de Salvaterra, e a Orquestra de Corda do Conservatorio Profesional de Música de Tui. Hoxe coñecemos todos os detalles con José Manuel Martínez e Gonzalo González da coral tudense; e Rosa Castro e Alfonso...