Día a Día

O domingo 18 de decembro celebrarase a IX Camiñada Solidaria organizada polo club Andatui en favor de SOS Tomiño Baixo Miño. Sairá ás 10 h da capela de san Xiao, no monte Aloia para percorrer a muralla ciclópea. Para participar é preciso aportar un ou varios quilos de alimentos non perecedoiros. A visita será guiada e comentada polo historiador tudense Rafael Sánchez Bargiela e o arqueólogo tudens...

A Banda de Música Popular de Tui está a organizar diversas actividades para estas datas de Nadal, entre as que destacan un campamento para os nenos e nenas de Tui e un curso de trompeta o próximo mes de xaneiro. Sobre estas iniciativas falamos hoxe con Eloy Carrera, director da banda, e co trompetista Manuel Madarnás.

Este sábado día 10 terá lugar un concerto solidario organizado pola Agrupación de Protección Civil de Tui en favor da Asociación SOS Tomiño Baixo Miño. Comezará ás 18:00 h no Teatro Municipal de Tui, e contará coas actuacións da Agrupación Musical de Goián, da Banda de Música Popular de Tui e dos artistas tomiñeses Iker Faure e Noemí Fernández. A entrada será a entrega dun quilo de comida.

Dende hoxe ás cinco da tarde estará aberto o Mercado de Nadal de Tui até o 5 de xaneiro no Paseo da Corredoira. Haberá postos de artesanía, gastronomía, produtos de agasallo e decoración. É só unha das citas do Nadal en Tui xunto a música, gastronomía, luces e campamentos para os máis pequenos. Así nolo contou Ana Núñez, concelleira de Comercio, na nosa sintonía.

Converxencia 21 confirma que se presentará ás eleccións municipais en Tui o próximo ano, aínda que oficialmente non está designado o candidato. Así o confirmou o novo presidente da formación liberal, José Manuel Palacín, quen tamén avanzou a súa intención de optar a ser candidato, aínda que a decisión será do partido. Así o sinalaba esta mañá na nosa sintonía.

O alumnado de 6º de Primaria do CEIP nº1 abriu unha pequena tenda no Paseo da Corredoira, detrás do Palco da Musica onde vende produtos vinculados ao Nadal elaborados por eles mesmos e as súas familias. Dende o pasado venres e até este proximo domingo dia 11 terán á venda as súas creacións. O obxectivo é recadar cartos para a excursion de fin de curso a Madrid pero tamén doaran parte do obtido. As...

Este domingo ás 17h, a Asociación Musical Sendeiro organiza no centro cultural de Pexegueiro o certame Música do Nadal e de Sempre. Participarán a asociación Rondalla do Mosteiro, a Coral Ponte das Febres e o grupo de gaitas O Mosteiro e Asociación Sendeiro.

Esta tarde, ás 20.30h no Teatro Municipal de Tui, terá lugar a X Gala do Deporte tudense. Esta mañá falamos co concelleiro de Deportes, Rafael Estévez, que detallaba en que consistirá o acto, balance destes dez anos e algunha sorpresa preparada.

Falamos con Violeta de Santiago, voceira PSdG-PSOE en Tomiño, sobre a decisión do seu grupo de abandonar onte o Pleno ordinario ante o califican de "prepotencia institucional".

Onte Tomiño celebrou pleno ordinario para aprobar os orzamentos que rexerán o próximo exercicio do 2023. Falamos coa alcaldesa tomiñesa, Sandra González, para coñecer polo miúdo os acordos desa sesión plenaria e a súa valoración destes presupostos.

Hoxe mércores as Plataformas en Defensa da Sanidade Pública mobilízanse en toda Galicia en Defensa da atención Primaria. Aquí en Tui a concentración será ás 20 h diante do Centro de Saúde. Conchi Martínez Aguilera, voceira da Plataforma en Defensa da Sanidade Pública de Tui, exlicaba os obxectivos desta concentración, na que tamén recollerán sinaturas en apoio da Iniciativa Lexislativa Popular na...

O IES Indalecio Pérez Tizon realiza un ano mais un intercambio cun instituto italiano. Esta semana preciasmente están en Tui , e no programa a Dia a Dia contáronnos coma esta a ser experiencia.

O Paseo da Corredoira acollerá este domingo unha concentración de coches clásicos que estarán aparcados no céntrico paseo entre ás 11 h e ás 17 h. Victoriano Ordóñez e José Besada, dous dos organizadores explicaba hoxe que participarán, entre outros, Mercedes, SEAT 1400, Gordinis, Citroen Palas, Triumph, o Citroen 11 ligero,... entre outros. Hai 90 persoas inscritas.

O Parlamento de Galicia ten aprobado nas últimas xornadas dúas declaracións institucionais, unha sobre os Mártires de Sobredo e outra de apoio á asociación sociopedagóxica Ponte Nas Ondas. Falamos destas iniciativas co deputado tudense Moisés Rodríguez.

Galegas con recursos é o nome da APP realizada por AMEI Tui, Mulleres en Igualdade de Tui, e na que recollen todos os recursos existentes en Galicia a dispor das mulleres. Hoxe a presidenta de AMEI, Anabel Solla, explicounos coma foi este traballo e tamén coma é o funcionamento da aplicación dispoñible xa na Play Store.

Os vindeiros 9, 10 e 11 de decembro as ANPAS de Tui organizan un rastrillo solidario, que na súa terceira edición contará coa colaboración das 13 ANPAS do concello de Tui. Hoxe estiveron na nosa sintonía Eva Rodríguez, da ANPA do colexio Maristas Santa María; Eva Pazo, do CEIP de Pazos de Reis; e Marcos Fernández, vicepresidente de ASANOG.

Este sábado ás 20.30h arranca a sexta edición da Urban Trail Night Eurocidade Tui-Valença. Hoxe falamos con Justi Peixoto, un dos organizadores, para falar deses últimos detalles dunha proba que terá dous percorridos de 8 e 16 quilómetros.

Hoxe falamos con Manuel Domínguez, o xerente da empresa Granxatrans, quen explicou que son cinco as empresas ás que hoxe non puideron acceder polas inundacións. Apuntaba ademais que existen moitos factores que, cada ano, provocan estes desbordamentos.

'Cigarreiras' pechará este venres ás 21.30h o ciclo de outono no Teatro Municipal de Tui. Esta mañá falamos co seu director, Cándido Pazó, que destacaba o argumento, baseado nunha obra de Emilia Pardo Bazán, e o revolucionario da súa mensaxe.

O tudense Alberto González, á fronte do restaurante Silabario en Vigo, manterá a súa Estrela Michelín para o 2023. Xa lle fóra concedida neste ano e deste xeito o chef é recoñecido polo seu traballo e a súa aposta polo producto de proximidade.

Este fin de semana, o venres e o sábado, terá lugar a gran recollida de alimentos por parte do Banco de Alimentos e SOS Tomiño Baixo Miño. Hoxe, para presentar esta gran recollida, estiveron na nosa sintonía Polo Quinteiro, o vicepresidente do Banco de Alimentos de Vigo, Ruth Villar, a responsable de comunicación do mesmo banco, e José Quinteiro, representando á Asociación SOS Tomiño Baixo Miño.

A Asociación Cultural San Telmo organiza para este sábado a II Xornada de Degustación de Boleardos. Hoxe Conchi Sales e Ana Pedreira, nos explicaron que é esta sobremesa que recuperaron en 2016 e coma será a actividade deste sábado.

No tempo que cada quince días compartimos co grupo Armonía de Tui da Asociación de Alcohólicos Anónimos. Juan e Roberto nos contaron hoxe a súa experiencia e do complicado que é dar o primeiro paso para pedir axuda.

Hoxe estivo na nosa sintonía Miguel Capón, exalcalde de Tui, para falar sobre algúns aspectos que, na súa opinión, debían aclararse en relación co parque empresarial de Ribadelouro.

Falamos co alcalde de Tui, Enrique Cabaleiro sobre o Programa Integrado de Emprego que comezará en Tui tras a concesión por parte da Xunta. Deste xeito, 100 persoas de Tui poderán formarse durante un ano de forma individualizada co obxectivo de mellorar a súa empregabilidade.