Dastan -e- zindagi

Subh ko Shaam ki hai justaju Aur shab, shaam ke hai ru ba ru Zururi hai jaanana khud ko bahot Per, bin alfaaz ki hogi kaisi guftagu Zar na zareen, kaakh na gulzaar Na girna apni nazron men hai aabru Bahas ho to kisi mauzu per, yaro Be vajh ki mukhalfat hai fuzul ki du ba du Neend na aaye to khwaab kaise dekhen Mujhe khwabon ki musalsal hai aarzu Justaju kashti ko manzil phir sahil ki hai Aur ‘sahi...

Ishq karen to tujhse kyon Zindagi tu badnaam ho gayi hai Subh dekha shaam nahin Dekhte dekhte anjaan ho gayi hai. Zamin per kabhi, kabhi falak per Nahin tera thikana koi, Aati hai tu, jaati hai tu Tayyaar hai tujh per bahana koi Tu bhi to ik gulshan hi hai Phool tere Gulaab o Saman, Hamaare bhi naam kuchh aise hi hain Prem koi aur koi Chaman Kaho, kyon karen hum tujh se pyaar Jo kabhi khazaan hai...

Ayena mera na dekhe mujhe to kya Husn to paak dil ka hi haseen hota hai Mohkam jis ka ho yaqin khuda per Faqir woh doosra to miskeen hota hai Dosto, fikr mat kijiye waqt ko waqt dijiye Sila, saboori ka shireen hota hai Kaun kafeel, kis ki zamanat, yaro Dosti ka asaas to yaqin hota hai Aaraish kaisi, jhuki palken hon bas Jaanaan, rukh to wohi haseen hota hai Insan ko insan samajh kaafi hai ‘Sahil’...

Dasht o sahra qabool ho humnawa ke liye Jaan qurbaan ho dosto Rab ki riza ke liye Hangama hi hangama hai jidhar dekhiye Kya na karen mil kar hum amn ki dawa ke liye Kya maut ka kaashaana hai man insan ka, yaro Kyon hoti hai dil men chaah kabhi qaza ke liye Sar jhuka kar chalta hai per kaafi nahin hai yeh Kya shara’it aur bhi hain vaaiz ilteja ke liye Bojh itna hai ‘sahil’ per teri nematon ka ya ra...

Aaj khush na hua ayena kyon ‘sahil’ ki muskaan se Kya shirin na nikle alfaaz us ki na gawaar zubaan se Udaas kyon, vajh kya bulbul teri aaj kh-moshi ki Aayegi phir bahaar zuroor kyon darey hai tu khazan se Mit ti hai tishnagi magar, ahistah ahistah zamin ki Girey hai jab haule haule baarish aasmaan se Sookha dil aur sookhi jaan hai bujhe na jis ki pyaas Baithe lab e darya bhi, aab e joo e ravaan s...

Rooth jaaye qismat to ghabrana nahin hai Haqeeqat hai hayaat koi fasana nahin hai Maathey pe shikan to aayena purana nahin hai Dil apna hai dosto isey rulana nahin hai Sanjeedagi se yaro koi jhagra thodi hai Khel zurur hai zindagi koi khilona nahin hai Zinda hain hum jab talak zinda hi rahenge Zindagi to maut ka aashiyana nahin hai Sitara hun sayaara hun aawaara hun main Raah guzarne waale ka th...

Shukr hai Prabhu ka Aaj mukhalfat kum hai Naya saal mubarak aaj khub sar e aam hai Naya saal mubarak ho sabko aaj yaro Yehi meri dua hai aur yehi paighaam hai Yeh raabta khuda se varna kal aur aaj men kya Usi ka yeh din hai, usi ka nizaam hai Kyon bhool jaate hain hum qaul Aaj ke Jahan bhar ki vahshat isi ka anjaam hai Tu aaraam farma ‘sahil’ waqt e ikhtetaam hai      &nbs...

Mujhe gham se mat mila magar Mujhse gham tu mat chhupa magar Izhaar e gham bhi zururi hai Hai kuchh nahin siwa due magar. Woh soz e dil jo jalta nahin Jo jalta nahin woh sulagta nahin Dil na roye to izhaar e gham kya Ashkon se charag bujhta nahin. Aansu dil pi jaata hai Rona usey satata hai Jahil hai jazbaati hai Bas dhadakna usey aata hai. Batao dil kya farmata Kya us ka bhi koi daata  hai A...

Mujrim nahin phir kyon daren saza se hum Munsif, yehi kahenge ik roz khuda se hum Humnavayi nahin, gaam ba gaam nahin Kya karenge kaho aisi wafa se hum Haavi hai kyon hum per simoom is qadr Puchhenge zuroor ik roz yeh saba se hum Phaila hua hai shor o ghul falak tak, magar Tang na aayenge kabhi lutf e faza se hum Darey na dasht o sahra na zindagi se kabhi Ab kya darenge ‘sahil’ is be jaan qaza s...

Niyat kya hai insan ki yeh to woh deewaana jaane  Puchha jab maula se to, us ne kaha zamana jaane Taskeen se hoti hai vahshat, hoti hai yeh door bahot  Dasht o sahra kya batlayen woh jo aakhir saba jaane Sheesha to sheesha hai lekin nazar men us ki sab  Banata kyon hai shaklen insan yeh to aayena jaane Milta kya hai lutf insan ko fareb o jaal se, vaaiz  Nahin maaloom hai gar tu...

Dil ki dhadkan ya teri saanson ki aawaaz Raat ke sannatey men yeh hungaama kaisa Jeeney ka ehsaas ya tera hona mere paas Jaanaan, in donon ke darmiyan yeh faasla kaisa Halki si jo kiran hai, subh ki hai woh raushani Shab ki zulmaton ka phir hai yeh tamasha kaisa Ravaan darya, chashm num, dil men uth te valvale Baari sab ki aayegi Phir yeh rona dhona kaisa Gulon ki baat mat kijiye na hi un ke khaar...

Maana ke haseena qaatil hai munsif, zuroor hai Per, kisi ne usey kaha  tha ke woh hoor hai Hoor to jannat men hoti hai, huzoor Zamin per yeh shai to awwal futoor hai Zindagi ko dikhlana tassavvur qaza ke Zulm hai, janab, mujrim be qusoor hai Bina maut ke to hoor ban na mumkin nahin Ilzaam lagaane wala to la  shaoor hai Purdah na hijaab to kya hua, vaaiz Palken jhukin hain meri woh mastoo...

Baat faasilon ki  mat kijiye, hausilon ki kijiye Dooriyon ki baaten kyon, qurbaton ki kijiye Yaqin aur etimaad, na insan na khuda per Dil figaar baithe sab baat kin hausilon ki kijiye Rakhiye dur faasilon ko, nafraton ko bhi Dil se dil milaaye dosto, baat ulfaton ki kijiye Pagdandiyon ki justaju hai raftaar e irtiqa ko Unhin ka zikr kyon hota hai baat raaston ki kijiye Subh o shaam se ghafil...

Yeh jo halka halka suroor hai Nasha to is men zuroor hai Chaah kisi ki hai aankh men Hai woh paas ya woh door hai Aashiq se mat kabhi puchhiye Itna kyon woh majboor hai Jurm kis ka aur qaatil kaun Kis ka yeh qusoor hai Jis men halka halka suroor hai Dil us ka pur noor hai Paak woh zuroor hai Jis men halka halka suroor hai Us men tinka nahin ghuroor ka Na nishan koi futoor ka Jis dil men halka halk...

Zamaane se keh do kahin aur ja ke ro le Aansuon ko apne sailaab men dubo le Sumundur se aaya hai tufaan yeh kaisa Gar mil jaayen moti to haar bhi piro le Koi theka to hum ne, na liya hai kisi ka Girdaab men ja kar safina dubo le Gul na milen kaam khaar se chala le Mil jaayen chaman men to gesu sajo le Bande, tukhm na boye to haasil kya hoga Dua na maangi to phir tu bhi ja ro le Bedaari men kaunse...

Aayeney ko chehra kya dikhlaun main Aakhir maazi ko kaise bhulaun main Haal men rehna daanishmandi hai Khud ko kyon bhala sataun main Tanhayi ko yaro apnaya hai jab Naghma bulbul ko kya sunaun main Khud se jab rootha hun main, phir Auron ko kaise manaaun main ‘Sahil’ hun zurur per koi yeh to batlaaye Apni doobti kashti ko kaise bachaaun main Notice : All material in this product is the intellectua...

Raushani dil men hoti hai aftaab se puchhiye Vahshat bhi usi dil men girdaab se puchhiye Sukoon ki baat samajhni hai to phir, ai bande Vaaiz kya batayega dil e be taab se puchhiye Lab e darya baith kar bujhti nahin hai pyaas Bujhti hai kaise tishnagi aab se puchhiye Kyon Haqeeqat o khwab men kho jaata hai insan Kabhi dasht o sahra o saraab se puchhiye ‘Sahil’, barg o baar se puchhiye shirin kitna...

Aaj gosha mila aisa ghar ki deewaaron men Guzri goya raat andheri raushan sitaaron men Humsafar mila phir saazgaar tanhayi men aisa Doobti kashti ko sahara goya kinaron men Mehmaan se kaha mezbaan ne zaat to ek hi hai Dekh lo gar chaaho tum aayeney ki daraaron men Simoom chali raftah raftah raat bhar aaj kaisi Aisi to na chali naseem kabhi baharon men Mil liye khud se kuchh is tarah se hum, ‘sahil...

Tum sahil ki god men hum tanha girdaab men Paaon tale zamin tumhaarey hum sailaab men Madhosh, ai saqi, hain rind tere aaj khub Hum baithe hain ghuroob jaam e mai e naab men Badalte zamaane se shikwe nahin, vaaiz, phir Chaah sukun ki kaisi dil e be taab men Yaro, bu haqeeqat ki aur nazar ka fareb hai Tafreeq kijiye zurur khwaab o saraab men Naaseh, maqsad e zeest jeena nahin to kya hai Jaane kya d...

Gar zameer ko bujha diya to jism ko jala do Ibadat na ho tum se to phir khuda ko bhula do Rehti nahin hai raah raushan kisi ki har aan Ho purdah zulmaton ka to baatin ki sham’a jala do Shaan o shaukat kis liye kaakh o gulzaar kis kaam Na aa sako gar kaam kisi ke to naam o nishan mita do Na sahi khula chaman ek band qafas hi sahi Andaleeb na ho to kya hua tum hi gunguna do Dil naazuk hota hai bahot...

Kabhi dakhl na dena “sahil” manzilen hain sab ki apni Qaafiley bhi  apne apne raahen hain sab ki apni Kya aisey bhi log hain zindagi men jo usi se na miley hon Yeh  intekhaab bhi apna apna mulaqaten hain sab ki apni Mahtaab ko takta hai koi, koi akhtar shumaari men masroof Koi khwabon  ki justaju men mahv, raaten hain sab ki apni Veeranon ka dost hai koi, baharon ka haamil koi Nazar...

Ajab hai jahan yeh kitna bharey kahin aah koi Phir, karey qareeb usi ke, usi ki waah koi Shaikh, kor chashm nahin hai koi tere raaj men maana Per, yeh bhi to bata kya hai kahin raushan raah koi Vaaiz, takta hai tu falak ke paar, haath uthaye huay Maalum hai to bata hamen us baargaah ki raah koi Ujad gaya veeraan hua jab koocha o baazaar apna Ab karey koi jidhar woh chaahe gulshan tabaah koi Aate t...

Humnawayi ki marham hi bahot kaafi hai Saath chalna qadam ba qadam hi bahot kaafi hai Mahrumiyon ka zikr kyon, yaan kaun tanha nahin hai Na sahi hujum, yaad e humdum hi bahot kaafi hai Kya bharosa tishnagi ka jaam e jam kaafi na ho Jo giri falak se vaaiz, woh shabnam hi bahot kaafi hai Behr e bekaraan ka kya, Shaikh tere sumundur ka kya Pyaas bujhaane ke liye, aab e zamzam hi bahot kaafi hai Yaro...

Dil naazuk hai bahot jab ghabraye tab ghabraye Aur tabassum bijliyaan jab giraye tab giraaye Tere rukh se nazar hatey to chaand ko dekhun, jaanam Falak men taaron ki baari jab aaye tab aaye Neend se kya shikayaten, palkon se kya giley Meri khuftagi mujhe jab sulaaye tab sulaaye Yaaron se kya kahun maazerat karun main kya Muamla waqt ka hai, woh jab milwaaye tab milwaaye Umeed ka kya bharosa haqee...

Hairatzada hun yaro zamaane dekh kar Jaag uth hai maazi khwab puraane dekh kar Jee bhar aaye tumhara to ro liya karo Dil Rab ka pighal jaaye shayad roney dekh kar Na milne ke bahaane dhundti ho sanam Achha lagta hai dil ko tere bahane dekh kar Chhoti chhoti baaton men pinhaan hai khushi Shaadmaani nahin milti kaarnamey dekh kar Tulu hota hai aftaab le kar woh umeed   Aur khush rehti hai sham’...