Dastan -e- zindagi

Main banda e iqbal hun bakhtiyaar hun Tera, mere Rab main parastaar hun   Dhun teri, sur tere, main tera yaar hun Mizraab hun tera, main tera hi sitaar hun   Saqi tu,nasha tera aur kaif mera Teri khumgaah men main maikhwaar hun   Shaitaan to hai har insan men Prabhu Teri mehr aur main kul bedaar hun   Tu maalik jahan ka shahryaar hai Maula Main sirf sang o khisht ki deewaar hun   Tu to mehr o kar...

Gulshan men phoolon ka nigahbaan kaun hai Kabhi khaaron se puchho paasbaan kaun hai   Insan khaak hai woh nahin to raakh hai Sab majaazi sitaarey aasmaan kaun hai   Barq e tajalli, garajteybaadal Naaseh, faani hain sab javidaan kaun hai   Vaaiz, hikmat teri ko tasleem kiya per Siva Rab ke yahan meharbaan kaun hai   ‘Sahil’, bande to sab khuda hi ke hain Puchh le us se hindu musalmaan kaun hai   Ni...

Dil ukta jaaye jahan se to jaoge kahan Taaron taley nahin to khud ko sulaoge kahan   Mushkilon se dar gaye to jeena nakaam Dar gaye qaza se gar to sukoon paoge kahan   Gar lahu nahin gunaah daure ragon men to phir Wuzu kya karoge tum khud ko nehlaoge kahan   Taareeki ho aisi jo karey na dur khursheed Us teeragi men yaro tum sham’a kya jalaoge   Dil ke khaanon men ‘sahil’ na ho gar ja koi Phir khud...

Pyaar fitrat hai, kis se kab hum se puchhiye Kya hai is ka hisaab kitaab hum se puchhiye   Mahabat khuda se aur phir bhi gumaan To phir aashiqui ka matlab hum se puchhiye   Gar ek hichki ki ho zindagi muntazir, phir Mafhoom jaan ba lab ka hum se puchhiye   Kaho kaun samjha hai jazba e sukoon kabhi Ghazab kitni hai shai talab, hum se puchhiye   ‘Sahil’, kya hua hai bata logon ko aaj Yaro, na boley...

Jawaan hai raat ab sehar na ho jaaye kahin Ashkon ka darya ab behr na ho jaaye kahin   Yaro, nasheb o faraaz hai naam zindagi ka Sambhaalo, idhar udhar na ho jaaye kahin   Muztar tabiyat, anjaani hai niyat sab ki  Ilteja Rab se, bad tar na ho jaaye kahin   Raqibo, kahin meem ka qaaf na ho jaaye Mehr khuda ki ab qahar na ho jaaye kahin   ‘Sahil’ tu falsafi hai shaair nahin,  dost Teri shayari be be...

Kis jaanib ja rahi hai logon ki raghbat aaj Batao kis rang ki hai logo anokhi ulfat aaj   Dil lagaya Rab se jab, uktaya phir woh kyon Kaisi be sabaat hai teri insan ibadat aaj   Mohkam nahin hai kuchh bhi kyon, imaan samet  Ja ba ja ki raaegaan hai, insan ki aadat aaj   Asaas se door, jaron se tu be ta’alluq Nazar aati hai kyon mahz teri adavat aaj   Kaunsa mazhab kis se behtar, fuzul ki yeh baat...

Tumse to hum mil liye ab pyaar se mila do   Ajnabi woh kaun hai us yaar se mila do   Mil liye gulon se hum unki doghli mehak se Chubhan jis ki pyaari ho us khaar se mila do   Aawaragi ke shauq se ab door hain hum bahot  Pagdandiyon se kyon rahguzaar se mila do   Udti un sabaaon se nahin waasta ab koi Tum haseen kisi daayimi bahaar se mila do   Fasaana e maazi ke siwa bacha kuchh nahin Koi to us ta...

Na khatar na hazar na be khudi thi bas Zindagi thi yaro, zindagi thi bas   Shaan na shaukat, tha dil men sukun mere Libas e gadda aur pur saadagi thi bas   Zubaan paak zameer zinda shukr khuda ka Nafas usi ke aur usi ki bandagi thi bas   Ja ba ja ghooma hun main dekhi hai dunya saari Insan sab har ja ek, sab pe uski rehmati thi bas   Ab dekhta hun main jab bhi mud ke zeest ko ‘sahil’ Shukr karta h...

Maana ke dil behlaane ke liye khayal achha hai Per yeh nahin to phir mutabadil kya hai Ne’mul badal batao koi khuld ka to maanen Varna yaro isi se kaam chalao, kaho dil kya hai     Mutabadil. Substitute Ne’mul badal. Alternative   Note: All material in this product is the intellectual property of  Ashok Sawhny and cannot be used in any way without the written permission of the author Ashok Sawhny....

Phir sumundur aa gaya pasang men Dil bana jab paasbaan e hayaat Iman pukhtah chahiye ‘sahil’, varna Zindagi kuch nahin bas maat hi maat   Khafa ho kar jaaoge to pursish hogi zurur Kya hai batao baais e tark e mulaqaat Khaar kaanta be shak per nigahbaan bhi to hai Khaamiyaan kis men nahin siwa khuda ki zaat   Aftaab na dur kar saka jis teeragi ko, yaro Tum sham’a se raushan kya karoge woh raat Ghaa...

Kis azaab ki baat hai bata ai dil be chaarey Woh jab jeeni padey hayaat doosron ke saharey   Sunte hain naghme chaman men jab gul saare Kaun jaaney sada bulbul ki tab kisey pukaarey   Yaad aati hai mujhe saqi un pyaalon ki bahot Guzaari hain main ne shaamen jin ke saharey   Mahjdhaar men khelti hai maujon se jab kashti Tab fikr nahin usey koi milen na milen kinaare   Aawaara to hai qaza jaane kab...

Woh naseem thi, saba thi, hum they simoom Woh shhatir awwal aur hum they maasoom   Un saazgaar hawaon ka bharosa kya hai Be zarar ko nahin hoteen yeh baaten maaloom   Woh kya jaane lutf aashnayi ka, naaseh Jo khud hi se, bad bakht, ho jaaye mehroom   Aawaragi hai fitrat insan ki zurur Ai dil, reh kar hadon men tu be shak jhoom   Subh na shab kaho yahan jaavaid kya hai Faani sab, siwa Rab ke kuchh...

Aaj dil ko hum ghumaane nikle Jaane kis se hum milwaane nikle   Saadagi hamari zara dekhiye Kaise dil ko aaj samjhaane nikle   Mehakti sada bulbul ki sun kar Chaman men dil ko behlaane nikle   Chashm e num ka andaz e bayaan aisa Ke bezaar is dil ko rulaane nikle   Jab veeraani ko paaya har su nigah ne Phir baharon ko hum paane nikle   Firasatmandon ki mehfil men shaamil huay Per us anjuman men sab...

 Khuda tak pahunchne ke liye to aasmaan chahiye  Naghma sunana ho to dil shaadmaan chahiye   Gulon ki zururaten to hoti hain be shumaar  Per, chaman ko to bas ek baaghbaan chahiye   Kabhi rukey na waqt na ravaani e aab Logo, zindagi bhi to sab ko ravaan chahiye   Daur e asr men hunar hai nukta cheeni, haif Aaj auron ka sab ko sirf nuqsaan chaahiye   Ghalat hai mafhoom aaj khud aitmaadi ka Unsiya...

Jab lagta nahin hai jee mera ab ku e yaar men Lagega kya tum hi kaho phir ujde dayaar men Jalti nahin hai sham’a yahan gulon ke darmiyan Sannaata bhi ajab hai aaj mere hi gulzaar men Ro rahey they gul bhi saare aur baaghbaan be zaar Maayus na dekha chaman aisa hum ne kabhi bahaar men Hai kitni us men pukhtagi hai aitbaar us ka kya Yaqin karen to kaise phir hum mausam e saazgaar men Sunta hun nasee...

  Qadr auron ki na ho to qusur ilm ka hai Aaj zamaana hi mizaaj e barham ka hai    Taqaza to umr ka ya phir ilaaj ka hai Qusur chaarahgar ya marham ka hai   Dil roney per main kh-mosh hi raha Dagha to yaro num chashm ka hai   Aarzu, tamanna, woh hasrat ab kahan Shauq bhi aaj kuchh kum kum sa hai   Yaqin hai mohkam, imaan bhi pukhtah Per, sawaal to us bala e vahm ka hai   Munfarid hai Rab phir bh...

Jab naam tera be muhaaba hai Phir khauf ho mahz khuda se Insan se kya darna bande Woh to khud darey hai fana se   Husn o jamaal e chehre se Na hoti hai woh fida se, Hoti hai pukhtah mahabat to Hoti hai sirf wafa se   Kaifiyat miley khumgaah men zurur Lazzat jalwagaah se Per kuch nahin hai badh kar, yaro Saadagi ki qaba se   Kisi kaasa ba dast se puchho kabhi Kya milta hai usey kaasa se Kya samajht...

Ganga ho ya ho woh Raavi Pyaas to wohi hoti hai   Jalte dil ko miley aaraam Aankh to wohi roti hai   Gehra jitna ho sumundur Milna to wohi moti hai   Chaahat be lagaam ho jaaye Zameer bhi wohi khoti hai   Zabaan se bach kar rehna yaro Nafrat bhi wohi boti hai   ‘Sahil’, insan badla rooh na badli Wohi phir chain se soti hai

Jo kehna hai be dhadak kaho ishaarey kis liye Andheron men chalna kyon hain sitaarey kis liye   Khud gharaz banogey tum to haasil  hoga kya  Zururat padi tab samjhoge hain sahaarey kis liye   Dars miley ya na miley waqt na ruka kabhi Ghaafil guzaare din o raat to phir guzaarey kis liye   Laazim hai intekhaab bhi tamanaon ke darmiaan Jaan leva hain jo armaan yaro woh pyaarey kis liye   Doobna hi th...

Teri dehleez per umeed banaye baithe hain  Dastak de kar sham’a jalaye baithe hain,   Jaanam, na kholey tu dar to kya hua Muztar dil ko hum manaaye baithe hain   Haqeeqat ka saamna aasaan nahin Khwabon me khud ko jhulaye baithe hain,   Kabhi to zulmaton ka parda uthega Kiran subh ki ka aas lagaaye baithe hain   Kehte hain dunya ghoomti hai Hum to khud ko ghumaaye baithe hain,   Justaju sab ko suko...

Kya karunga main husn e tasweer ka Na ho gar karam aalamgir ka   Num chashm baney kor chashm agar Phir kya tere jalwa e be nazeer ka   Gar pa ba jaulaan ho man zameer ka To karna hai kya kisi zanjeer ka   Khwab o saraab to behlaate hain dil Fayeda phir kya kisi taabeer ka   ‘Sahil’, riza khuda ki laagu hai sab per  Phir qusoor kya hai bol taqdeer ka     Aalamgir. Khuda Num chashm. Teary eyed Kor c...

’Sahil’, dil men jhaank Dil men la makaan milega, Takta rahega sitaron ko To sirf aasmaan milega   Majaazi khuda milenge Na rahnuma koi, Ghamgusaar nahin Na humnawa koi   Baat hisaabon ki hogi Daulat ki shumaar, Saqi bhi maikade men Dost na kisi ka yaar   Waqt nahin hai paas kisi ke Fursat na neeyat kisi ki, Unsiyat ko bhoolen hain log Nek nahin hai tabiyat kisi ki   ‘Sahil’, ab la makaan ko hi pu...

Yaro, veeranon ki tum mehak to jaano Barq e tajalli ki jhalak to jaano   Mafhum zindagi ka puchhte ho kya Tum jeena usey tunuk to jaano  Jo Raahi pagdandiyon ke rahey ta umr  Momin kya banoge, ab sadak to jaano   Kaafir ko samajhna aasaan nahin hai Kabhi bhatakte dil ki dhadak to jaano   Tum rang kya bharoge dhanak men zaahid ‘Sahil’, ke pyaalon ki khanak to jaano Note: All material in this prod...

Mumkin hai ke jannat aasmaan ke us paar hai Mumkin yeh bhi ke donon ke darmiyan deewaar hai   Mumkin hai ke woh deewaar sang o khisht ki nahin Mumkin hai deewaar nahin phoolon ka gulzaar hai   Mustaqil kuchh nahin, pukhtah kuchh nahin  Kya khabar khazan ke baad bahaar hi bahaar hai   Zindagi la mahdood nahin ajal se puchhiye Phir, dil kyon muztar aur yun be qaraar hai   Baargaah e khuda men dena h...

Jalwe shauhrat ke nahin taskeen chahiye Kya milega aasmaan se zamin chahiye   Pareshaan sa insan dekhiye jidhar chaho Bina shikan ki apni jabeen chahiye   Kuchle bhi jaayen to kya hua phir Khaak ko bas do gaz zamin chahiye   Jaanti hai rooh, manzil woh musafir Isi liye usey hablul mateen chahiye   Khaak hai, ‘sahil’, jaanta hai baat zurur Ab khaak hi se usey aafarin chahiye   Taskeen. Aaraam Bina...