DAG OG TID podkast

Teiknaren i Dag og Tid, May Linn Clement, har skifta tak på huset sitt. Trass i at grøn er ein vanskeleg farge, som ho sjølv skriv i reportasjen sin om takskiftet, er det nettopp denne fargen ho har valt på taket. Me snakkar og om rolla hennar som teiknar i Dag og Tid. Har ho ein person ho likar ekstra godt å teikne? Reportasjen om det grøne takskiftet kan du lese her (for abonnentar).

Kviterussland har i det siste fått mykje merksemd. Først på grunn av demonstrasjonane i samanheng med presidentvalet i 2020, og no på grunn av migrantane og flyktningane som står på grensa mellom Kviterussland og Polen. Tidlegare styreleiar i Raftostiftelsen, Martin Paulsen, er gjest denne veka. Han fortel om Lukasjenko, sanksjonane mot Kviterussland og tilhøvet mellom Kviterussland og Russland. K...

Håvard Rem skriv no ein ny distriktsserie i Dag og Tid. Denne gongen om Nordfjord. Rem fortel om den gongen han var dreng i Våtedalen, om den tronge porten til Nordfjord og om geiter. Første del i serien kan du lese her (for abonnentar).

«Det verkar som om heile museet er basert på ein dårleg idé på ein dårleg dag i eit dårleg reklamebyrå», skriv Ronny Spaans i meldinga si «Munch i tristesse». I denne episoden fortel Spaans om sjølve museumsbygningen og arkitekturen i Bjørvika. Kva var intensjonen bak denne bydelen? Meldinga kan du lese her (for abonnentar).

Historikar ved Norsk Polarinstitutt, Harald Dag Jølle, har vore på Grønland. Som kvalforskarassistent har han saman med forskarane Christian Lydersen og Kit Kovacs vore på jakt etter grønlandskvalen. I denne episoden fortel Jølle også om «Danmark»-ekspedisjonen frå 1906-1908 der Ludvig Mylius-Erichsen, Niels Peter Høeg Hagen og Jørgen Brønlund omkom. Kva er drivkreftene til dei som risikerer livet...

Korleis er det å ha eit barn med autisme? Det har gjesten i Dag og Tid-podkasten denne veka - forfattar, dramatikar og skribent Olaug Nilssen snakka og skrive mykje om. I år fekk ho Fritt Ords Pris saman med forfattarane Jan Grue og Bjørn Hatterud. 

Tyrkia har okkupert fleire område i Nord-Syria dei siste åra, kva slags krig fører Tyrkia og kva er målet? Det skriv Erling Folkvord om i artikkelen «Krigsrapport frå landsbyar i Nord-Syria» som stod på trykk i Dag og Tid 8. oktober. Folkvord reiste til Nord-Syria i august og i denne episoden av Dag og Tid-podkasten fortel han om sine inntrykk frå reisa. Han gir oss òg eit overblikk over korleis s...

Cecilie Hellestveit er gjest i denne episoden av Dag og Tid-podkasten. Ho fortel om den amerikanske forsvarsstrategien og kvar den militære teknologiutviklinga er på veg. USA trekkjer seg militært ut av ørkenen og dreg til sjøs. Kvar skal Noreg plassere seg når USA og Europa får ulike interesser i Midtausten? Artikkelen "Enden på krigen utan ende?", som denne episoden tar utgangspunkt i, kan du le...

I den nyaste utgåva av DAG OG TID skildrar redaktør Andrej Dynko i tidsskriftet Nasja Niva livet i eit fengsel i Minsk. Ane Tusvik Bonde kjenner Dynko godt og kan mykje om situasjonen i Kviterussland. I DAG OG TID-podkasten denne veka seier ho at det føregår ei «klappjakt mot journalistar». 

På torsdag kjem ein ny episode av Dag og Tid-podkasten. Ane Tusvik Bonde, seniorrådgjevar i organisasjonen Human Rights House Foundation, er med som gjest og snakkar om framsidesaka frå den siste utgåva – «Ein kort tur til helvete». Artikkelen er skriven av redaktøren i det kviterussiske tidsskriftet Nasja Niva, Andrej Dynko. Han skildrar livet i Okrestina-fengselet i Minsk. Podkastepisoden kjem p...

I land med allmenn røysterett er det eit ideal at alle røyster skal telje like mykje, men slik er det ikkje i praksis. I Noreg kjempar idealet om lik røystevekt mot distriktsomsyn og styringseffektivitet. Her spelar arealfaktoren og sperregrensa viktige roller. Gjest denne veka er professor i rettsvitskap Eirik Holmøyvik. Han var medlem av vallovutvalet som i fjor leverte framlegg til ny vallov. D...

Korleis kjem den nye regjeringa til å sjå ut? Og kva er dei grunnleggande trendane i norsk politikk? Andreas Hompland er gjest i DAG OG TID-podkasten denne veka.

Har bokmeldarar blitt for lite kritiske? Hilde Vesaas, barnebarn til Halldis Moren Vesaas og Tarjei Vesaas – og bokmeldar i Dag og Tid, fortel om det å melde bøker. Kva gler ho seg til å lese i haust? 

Striden om norsk leiteboring handlar om meir enn moral. Journalist Per Anders Todal og finansanalytikar Ole André Hagen snakkar om lønsemda i oljeleiting.

Fyllingsgrada i magasina i Midt-Noreg er lågare enn for eit normalår, likevel held kraftselskapa fram med å selje straum til utlandet. Ein ny kraftkabel til England er snart klar. Kva har dette å seie for straumprisen i vinter? Jon Hustad er gjest.

Kva er filmtrendane no, og kven er det som bestemmer kva som blir vist på norske kinoar? Filmmeldar i Dag og Tid, Brit Aksnes, er gjest. 

Finst det god og dårleg kunst, og korleis kan me bli flinkare til å sjå på kunst? Kunstmeldar i Dag og Tid, Eva Furseth, fortel om kva kunst betyr for ho og kva rolle kunst har i samfunnet. 

Mai vart den kanskje mest dramatiske månaden for vestlege oljeselskap sidan andre verdskrigen. Oljeselskapa får press frå politisk, juridisk, finansielt og statistisk hald. Men kva vil konsekvensane av mindre oljeproduksjon frå vestlege oljeselskap vere? Jon Hustad er gjest denne veka. 

Aldri før har så mange nordmenn ønskt å skaffe seg hund. Den store etterspurnaden har ført til ein usunn forretningskultur hos nokre oppdrettarar. Dyrevelferda er på eit nivå som vi ikkje kan akseptere. Det seier Arve Nilsen, veterinær, forskar og fast skribent i DAG OG TID, og Torill Moseng, veterinær og president i Den norske veterinærforening og visepresident i Den europeiske veterinærforening....

Dei siste 70 åra har den brutaliserande arkitekturen heimsøkt landet og landskapet vårt. Naturen forsvinn til fordel for invaderande, naturframande og miljøskadelege bygningformer. Ulf Andenæs, som er gjest denne veka, har i fleire tiår vore oppteken av arkitektur og byggeskikk. I denne episoden fortel han kva han meiner om arkitekturen i Noreg. 

Håvard Rem er på reis igjen, denne gongen er det Haugalandet som står for tur. Men kva er bakgrunnen for namnet til denne delen av landet? Og kva har Haugalandet å by på?

Kvifor irriterer me oss over skrivefeil? Har det noko med personlegdomen vår å gjere? Forfattar og filolog Kristin Fridtun pratar om den nye boka si, Kunsten å irritera seg over skrivefeil. Ho er òg fast skribent i Dag og Tid der ho skriv språkspalta "Ord om språk". 

Song har god effekt på språktrening, på relasjonsbygging og på læring av kultur. Likevel er songen nemd berre to gongar i læreplanen for norskfaget. Teolog og forfattar, Eskil Skjeldal, snakkar om song i skulen.

Langtidsverknadene av covid-19 er vanskelege å overskode. Mange ulike plager råkar også unge og spreke menneske, og «lang covid» er framleis eit mysterium. Det snakkar vi om med Nina Langeland, professor i infeksjonsmedisin fra Universitet i Bergen, og Per Anders Todal, journalist i DAG OG TID.

Jan Nepomnjasjtsjij er Carlsens neste VM-utfordrar. Korleis kjem kampen mellom dei to til å sjå ut? Og kva har sjakk og Lermontovs «Vår tids helt» med kvarandre å gjere? Sjakkekspert og professor i russisk, Alte Grønn, er gjest denne veka.