Community Church - Plattdeutsch

“De Jemeent es sien Kjarpa, un hee es de Kopp (daut Haupt). Von am kjemt daut Läwen, un hee es de Ieeschtjebuarna von de Doodes, daut hee en aules dän ieeschten Plauz haft.” - Kolossa 1:18

“Aus dit äwa wia, sach ekj von aule Raussen, Volkjsstam, Sproaken un Menschen, eene Häad, dee kjeena talen kunn, ver dän Troon bie daut Laum en witte Kjleeda stonen, met Paulm Asta en de Henj. Un dee schrieejen met lude Stemm: ‘Onse Radunk kjemt von onsen Gott, dee opp däm Troon sett, un von daut Laum!’” - Openboarunk 7:9-10

“Loft Gott, onsen Harn Jesus Christus sien Voda, wiels sien Metlieden wia soo groot, daut hee ons niejebuaren haft to eene läwendje Hopninj, doaderch daut hee Jesus Christus vom Doot oppwuak…” - 1 Petrus 1:3

“Een jiedra saul siene Gow, dee hee jekjräajen haft, brucken dän näakjsten toom gooden to deenen, aus een Vewaulta, dee met Gott siene Jnodengowen tru omjeit.” - 1 Petrus 4:10

“Wäa oba Gott sien Wuat nojeit, bie däm es de Leew to Gott volkomen jeworden. Wäa doa bekjant, en Christus to sennen, sull uk soo läwen aus Christus jeläft haft.’” - 1 Johanes 2:5-6:

“Ekj hab doarenn goode Hopninj, daut dee, dee daut goode Woakj en junt aunjefongen haft, dee woat daut uk foadich moaken bat aun Jesus Christus sienen Dach.’” - Filippa 1:6

“Oba jie sent een utjewäldet Volkj, dän Kjennich sien Priestatum to sennen, een heiljet Volk, Gott sien ieejnet Volkj, daut jie aundre sajen sellen woo wundavoll dee es, dee junt utem diestren rut jerat, un en sien wundaboaret Licht jestalt haft.” – 1 Petrus 2:9

“So aus een Voda Metleet haft met siene Kjinja, soo haft de Har Metleet met dee, dee am ferchten. Hee weet von waut wie jemoakt sent; hee denkjt doaraun, daut wie bloos Stoff sent.” - Psalmen 103:13-14

Oba wan de Heilja Jeist äwa junt komen woat, woa jie Krauft kjrieen, un jie woaren miene Zeijen sennen, en Jerusalem, en gaunz Judäa, en Samaria, un äwa de gaunze Welt. - Aposteljeschicht 1:8

Hee haft ons ut de Jewault vonne diestre Machten rut jerat, un haft ons nenn jesat en daut Rikj von sienen leewen Sän, Jesus Christus. En Jesus hab wie onse Radunk, daut meent, Jesus haft ons onse Sinden vejäft. - Kolossa 1:13-14

“Gott säd to Moses: ‘Ekj sie, dee ekj sie.’ Un hee säd, ‘Soo saust du to de Israeliten sajen, ‘Ekj sie’, haft mie no junt jeschekjt.’” - 2 Mose 3:14

“De Himmel räden kloa von Gott siene Harlichkjeit, un loten ons sien Hauntwoakj seenen.  Een Dach rät doavon toom näakjsten Dach, un eene Nacht to de näakjste.” - Psalm 19:2-3

“Äare Kjinja stonen opp un säajnen ar, un soo uk äa Maun; hee loft ar. ‘Väle Frues haben goot jedonen, oba du steist äwa an aula,’ sajcht äa Maun.” - Spricha 31:28-29:

“Breeda, blieft jeduldich bat ons Har kjemt. Seet emol, een Bua luat no siene scheene Arnt. Hee mott oba jeduldich luaren bat dee dän farjoasch Räajen un dän Hoafst Räajen jekjräajen haft.” - Jakobus 5:7

“Jie rikje, horcht emol häa. Hielt un jaumarieet äwa debeese Tiet, dee äwa junt komen woat. Jun Rikjtum es vefult, un june Kjleeda sent von Motten vefräten.” - Jakobus 5:1-2

Wie worden derch däm Deepen met am toop em Doot begroft, daut soo aus Christus derch dän Voda siene Harlichkjeit kunn vom Doot oppjewakjt woaren, wie kunnen en een nieet Läwen waundlen.” - Reema 6:4

“Wäa doa weet, goodet to doonen, un deit daut nich, fa dän es daut Sind.” - Jakobus 4:17

“Un waut jie en mienen Nomen bäden woaren, daut woa ekj doonen, daut de Voda derch dän Sän jeieet woat.” - Johanes 14:13

“...oba de Tung, daut orruje Dinkj voll dootbrinjendet Jeft, kaun kjeena unja Kontroll brinjen. Met de Tung low wie Gott dän Voda, un met de Tung flieekj wie de Menschen, dee no Gott sien Bilt jeschaufen sent.” - Jakobus 3:8-9:

“Oba eenje woaren sajen: Du hast Gloowen, un ekj hab Woakjen. Wies mie dienen Gloowen onen Woakjen, un ekj woa die mienen Gloowen wiesen derch miene Woakjen.’” - Jakobus 2:18

“Miene Breeda, jun Gloowen aun Jesus Christus dee ons Har es un harlich es, saul junt doavon frie hoolen eenen Unjascheet tweschen Menschen to moaken.” - Jakobus 2:1

“Miene Breeda, nämt daut met Freiden aun, wan jie opp veschiedne Wäaj jeprooft un vesocht woaren. Doaderch daut jun Gloowen en de Vesieekjungen bestonen blift, lia jie jeduldich sennen. Daut derw jie weeten. Derch jeduldich sennen sell jie bat aum Enj behoolen bliewen, daut jie fälaloos un onbeschädicht sent, un junt daut aun nuscht fält.’” - Jakobus 1:2-4

“Un Gott de Har säd: ‘Daut es nich goot, daut de Maun auleen es. Ekj woa wäm moaken toom am halpen, dee am paussen woat.’” - 1 Mose 2:18

“En am wia Läwen, un daut Läwen wia daut Licht fa de Menschen. Daut Licht schient em diestren, oba daut diestre haft daut nich vestonen.” - Johanes 1:4-5

“Hee auntwuad un säd to an: ‘Hab jie nich jeläst daut dee, dee de Menschen jemoakt haft, een Maun un eene Fru muak? Un säd: ‘Een Maun woat Voda un Mutta veloten un sikj met siene Fru vebinjen, un dee twee woaren eent woaren.’” - Matäus 19:4-5