Búbblur & Bjór

Davíð og Birkir renna bobsleða dagsins af stað og þeir fara yfir hræðileg dauðsföll, drungalegur þáttur en þeim er nokk sama og gera grín af nokkrum framliðnum....öllu er nú hægt að hlægja að.

Birkir og Þröstur stýra bátnum í dag, Þröstur kemst að því hvað Birkir á mikið af skópörum...sem er súr niðurstaða. Svo fara þeir yfir íslenska grínþætti, hver af þeim er bestur? Heilsubælið, Fóstbræður, Steindinn okkar, Næturvaktin eða eitthvað allt annað?

Skytturnar þrjár eru mættar á sólríkum degi í umdeildum þætti þar sem þeir fara yfir ýmis mál sem eru að gerast í heiminum og deila þar sínum krassandi skoðunum varðandi það allt saman. Birkir er að fara til Ítalíu á meðan Davíð og Þröstur hanga heima að vinna, alltaf sami lúxusinn á þessum Garðbæingum!

Strákarnir eru mættir og fengu Daða í heimsókn og því ber að fagna. Talað er um heimskulega sögu eða dumb history þar fara þeir yfir til dæmis kanínuher sem réðst á Napoleon, þegar konum var bannað að fara í lestir og fleira gufuruglað og galið úr mannkynssögunni

Birkir og Davíð eru mættir í banastuði og í þessum þætti fara strákarnir yfir flotta hönnun að þeirra mati. Hvað er flott hönnun og hvað er ljót hönnun allt frá bílum, húsgögnum, símum og fatnaði sem dæmi.

Skytturnar þrjár eru mættar í banastuði og ætla að fara yfir gott fólk, A.K.A. Amazing people! Það hefur verið margt gott fólk í gegnum tíðina, eins og til dæmis Leonardo Da Vinci, Robin Williams, og Birkir!

Jæja, allir pungarnir fjórir eru mættir í þennan þátt til þess að ræða hvaða topp 10 minjagripi þeir myndu vilja eiga úr sögunni, sumir eru með sömu hlutina fyrir algjöra tilviljun, aðrir eiginlega ekki neitt, en á borðinu er til dæmis Indiana Jones svipan, Ghostbusters Proton Pack, DeLorean bíll og stórfurðulegur bátur....sem er ekki fyrir alla....

ATH: Þessi þáttur er EKKI við hæfi barna. Strákarnir fóru að skoða "The Urban Dictionary" sem er magnaður andskoti, segjum ekki meir nema að tala við lögfræðing fyrst, svo í lokin fékk Birkir email frá Daða sem hann fer yfir

Ripp, Rapp og Rupp eru mættir til leiks í þessum þætti til þess að ræða Pseudoscience, eða öðru nafni gervivísindi, það er nóg til af þeirri vitleysu, eins og blessuðu ímyndunarveiku miðlarnir sem lesa í spil og bolla, og auðvitað höfuðbeinaspjaldhryggjajöfnunin, hvur andskotinn er það???

Tuðbræður, tuðmenn, Birkir og Davíð eru mættir í þennan þátt þar sem Birkir fer yfir nýliðna ferð til London á Prodigy tónleika, svo fara þeir yfir það sem hefur verið að gerast í heiminum undanfarið, eins og morðtilræði enn eina ferðina á Donald Trump, hvaða tíska/samsæriskenning er það?

Birkir, Daði og Þröstur eru mættir til þess að ræða einn alræmdasta klúbb heims, þessi klúbbur er með langdýrasta aðgöngumiðann, The 27 Club! Þeir ræða pælingar og samsæriskenningar varðandi þennan klúbb, hverjir eru í honum og hvernig þau dóu, einn er alveg á því að Kurt Cobain hafi verið myrtur, hinir eru ekki eins vissir, en þátturinn byrjar á því að Daði gerir Birki bálreiðan með einhverju tón...

Í tilefni þess að í dag er hinn alþjóðlegi Simpsons dagur (19 apríl), þá ætla Birkir og Davíð að fara saman yfir þessa þætti sem hafa verið í miklu uppáhaldi hjá þeim í gegnum áratugina. Þeir renna yfir bestu þættina að þeirra mati, hvaða karakter þeim finnst bestur, hvaða karakterar hafa dáið í þáttunum, skoða Íslandstengingar og skoða svo hvort þátturinn sem Michael Jackson kom fram í hafi verið...

Birkir, Daði og Þröstur er mættir saman til þess að tala um tómatsósur.....neeeeiiii, þessi þáttur fer út um allt þar sem þeir spjalla saman um daginn og veginn, hvað þeir gerðu yfir páskana, og eru svo auðvitað með almenn leiðindi hver við annan...  

Allur haugurinn er mættur í þennan þátt til þess að fara yfir Topp 10 skemmtilegustu hluti sem þeir hafa gert, þar er margt að finna, fallhlífarstökk, tónleikar, jöklaganga, birtast á bíótjaldi og margt fleira!

Sálufélagarnir Birkir og Þröstur taka snemma í gikkinn og er mættir í páskagír í páskaspjall. Þeir fara líka yfir nýliðna hluti eins og dauða Chuck Norris, Þröstur stenst ekki mátið og kastar fram nokkrum klassískum Chuck Norris bröndurum, Þeir fara svo auðvitað yfir páskana og komast svo að því að það veit enginn hvenær páskarnir eru á næsta ári.

Ripp,Rapp og Rupp eru mættir í þetta skiptið þar sem þeir fara yfir gamanmyndir, hver er uppáhaldsgamanmyndin, hvaða gamanmynd lætur þá hlægja sem mest og allt annað mögulegt um gamanmyndir!

Stutt er lýsingin í dag en snillingarnir þrír eru mættir í tilefni þess að Óskarsverðlaunin fara fram í nótt og fara yfir hvort að Óskarinn sé liðin tíð. Það eru engar kvikmyndastjörnur lengur eins voru í gamla daga.

Fullt hús í dag með fjórum mismiklum snillingum. Það er farið yfir það helsta í fréttum, við ræðum aðeins stríðin sem eru í gangi, ótrúlega pólitískir. Förum yfir það hvort Jim Carrey sé orðinn klón, eftirherma eða hvort hann sé hreinlega bara til! Svo er rætt aðeins um gullnu árin þegar þáttastjórnendur voru ungir og mögulega aðeins meira sexý útgáfur af sjálfum sér!

The Three Amigos, þeir Aragorn, Legolas og Gimli eru mættir í dag til þess að ræða tímann, fáránlegt hvað tíminn er fljótur að líða. Covid tímabilið setti allt tímavit úr skorðum, það eru komin 10 ár síðan Fidget Spinners voru málið, það eru meira en 40 ár síðan þáttastjórnendur fæddust og Pacman er orðinn 46 ára.....alveg eins og Davíð! 

The Three Amigos, Ripp, Rapp og Rupp, Harry, Ron og Hermione eru mættir til að tala um skrítnustu hlutina sem hafa verið keyptir og seldir á netinu, eins og til dæmis mannatennur og margt annað sem þú vilt ekki vita af. Þeir fara líka yfir hvað þeir hafa pantað á netinu, sem er áhugavert þar sem einn af þeim kann það ekki og hinir tveir hafa pottþétt pantað eitthvað mjög vafasamt eða dónalegt. Þei...

Ástin og væntumþykjan svífur yfir vötnum og mönnum í þessum þætti, brómansinn og rómantíkin tengd Valentínusardegi ræður ríkjum. Strákarnir mannast smá upp og fara aðeins yfir fyrirbærið sem Super Bowl er, svo þeir fara yfir margt annað nýskeð, ræða rómantíkina og enda svo þáttinn á því að játa ást sína hver á öðrum, the bromance is strong! ❤️ ❤️ ❤️

Birkir, Davíð og Þröstur kryfja árið 2006 í þessum þætti, sumir muna hvað þeir voru að gera, einhverjir sem eru að hlusta voru ekki fæddir, hvaða myndir komu út, hvað gerðist, hvernig var tónlistin, og allt hitt á þessu ári, sem var alveg geggjað, korter í hrun og svona....

Það er fullur bátur í dag og það eru allir í þvílíku stuði! Hópurinn fer í leikinn fræga "Hvort myndirðu frekar" og sumt af þessu er temmilega eðlilegt, annað barnalegt, sumt fyndið og annað gjörsamlega viðbjóðslegt....ekki hlusta á þennan þátt með börnin í bílnum. Svo í lokin kemur Dagbók Daða og önnur óvænt dagbók sem lítur dagsins ljós í fyrsta sinn, þú vilt EKKI missa af henni! 

Jæja, Dumb Ways To Die, eða heimskulegir dauðdagar á íslenskunni. Bakkabræður eru mættir aftur, Birkir,Davíð og Þröstur koma saman á dásamlegum degi og fara yfir bóndadaginn, svo fara þeir yfir heimskulega dauðdaga sem er til ógrynni af. Til dæmis lést konungur við það að ganga á dyrakarm...einn fór niður foss í tunnu, og svo voru það öll hin heimsku fíflin, ekki missa af þessu, þetta er fáránlega...

Hvað færðu ef þú blandar saman Herpes bræðrum og einum Birki. Jú, þú færð Bakkabræður! Bakkabræður eru mættir í þessum þætti, Birkir, Davíð og Þröstur og þeir ætla að renna yfir heimskulegustu ákvarðanir sem mannveran hefur tekið í gegnum tíðina, margar ansi heimskulegar. Svo fara þessir snillingar yfir heimskulegar ákvarðanir sem þeir hafa sjálfir tekið, þær eru margar heimskulegri en flest sem h...