Би-Би-Си дүрбүсүндө

Кыргызстан Тажикстанды чек арадан согуштук тик учак жана жапырт ок атуучу реактивдүү системалар менен кол салды деп айыптады.

"Дүйнө чабыт" берүүбүздө дрон өндүрүшүндөгү алдыңкы өлкөлөрдүн мисалына, дрон технологиянын түрлөрүнө токтолобуз. Талкууда коомдук ишмер Алмаз Кулматов жана журналист Азимжан Ибраимов.

Кыргыздардын атак-даңк, мансапты аябай жакшы көрөрүн эске алганда, элдик курултайга делегат шайлоо өзүнчө эле кезектеги шайлоо өнөктүгүнө айланып, талапкерлер колдо бар ресурсун аябай чачып, күз айлары күпүлдөгөн саясий күрөш менен өтө тургандай болуп турат.

Украинанын аскер күчтөрү алты күнгө созулган контр чабуулда Россия басып алган чоң аймакты, анын ичинде отуздан ашык шаар-кыштактарды бошотту.

Кыргызстандын Улуу Британиядагы мурдагы элчиси, дипломат Бактыгүл Каламбекованын Улуу Британиянын дүйнөдөн кайткан королевасы Елизавета экинчи жөнүндө эскерүүсү.

Кыргызстанда маркум королева Елизавета II менен чыныгы жашоодо жолугушкан саналуу гана адамдар бар. Алардын бири Кыргыз эл жазуучусу, ТҮРКСОЙ эл аралык уюмунун баш катчысы Султан Раев. Ал элчилик аудиенциядан тышкары королева кабыл алган биринчи кыргыз.

Улуу Британияны башкарган монархтардан эң узак мезгил тактыда олтурган Королева Елизавета II, 96 жаш курагында Балморалда көз жумду. Үй-бүлөсү бейшемби күнү эртең менен анын саламаттыгына тынчсызданып, Шотландиядагы сарайына чогулушкан эле. Королева 1952-жылы тактыга олтуруп, коомдук чоң өзгөрүүлөрдүн күбөсү болду.

Украинанын президенти Владимир Зеленский HIMARS ракетасы Россияга каршы согуштун жүрүшүн өзгөртүп жатканын билдирди. Америкалык өндүрүштөн чыккан ракета ондогон орус буталарын, анын ичинде командалык пункттарды, ок-дары сакталган кампаларды талкалады. Би-Би-Си украин президентинин оптимисттик билдирүүсүнө канчалык негиз бар экенин сурап, генерал Артур Медетбековго кайрылды.

Дүйнө өлкөлөрү энергетикалык рынокто атаандаштык шартында энергия каатчылыгына каршы үнөмдүү технологияларды киргизишүүдө

Жогорку Кеңештин укук тартиби, кылмыштуулук менен күрөшүү ж/а коррупцияга каршы аракеттенүү боюнча комитети мугалимди мазактагандарга акчалай айып пул салуу жөнүндө мыйзам долбоорун экинчи окууда кабыл алды.

Улуу Британияда Консервативдик партиянын лидери болуп, демек өкмөт башчысы болуп Элизабет Трасс шайланды. Британдык жаңы "темир айым" болгусу келип жаткан Тори партиясынын 47 жаштагы саясатчысы салыктарды азайтып, Путиндин тизгинин тартарын убада кылууда.

00:00 БУУ Кытайдын Шинжаңдагы адам укуктарын олуттуу бузушу адамзатка каршы кылмыш катары каралышы мүмкүн деп билдирди 03:41 СССРдин биринчи жана акыркы президенти Михаил Горбачев Москвадагы Борбордук клиникалык ооруканада 92 жашында дүйнөдөн кайтты. Аскар Акаев менен маек 10:25 Кыргызстан 31-августта эгемендик күнүн белгиледи. Азыркы саясий контекстте Кыргызстан үчүн эгемендиктин мааниси эмнеде?...

Казакстан президенти Касым-Жомарт Токаев ушул күздө мөөнөтүнөн мурда президенттик шайлоо өткөрүлөрүн жарыя кылды. Би-Би-Си казакстандык аналитик Шалкар Нурсейитке кайрылып, бул чечимдин кандай себептери бар экенин сурады.

"Дүйнө чабыт" берүүбүздө дүйнөдөгү көз каранды эмес мамлекеттер жөнүндө талкуу болду. Талкууда коомдук ишмер Алмаз Кулматов жана Азимжан Ибраимов.

Бельгиянын энергетика министри эгер газдын баасы түшпөсө, Евробиримдик беш-он жыл кыш азабын тартат деп эскертти.

Ишемби күнү Ата-Бейиттеги ант берүү аземинен кайтып келе жатып жол кырсыгына кабылган курсанттар бүгүн ооруканадагы палатага которулду. Кырсыктаган унаанын айдоочусуна операция жасалды. Кырсык боюнча кылмыш иши козголду. Би-Би-Си окуянын кандай болгонун сурап, күбөлөрдүн сөзүн угуп келди.

Крым жарым аралындагы соңку жардырууларды орус бийлиги диверсия деп атады. Президент Садыр Жапаров 25-ноябрга элдик курултай чакырды

Кыргызстандын тоолуу Нарын областына туристтер алыскы чет өлкөлөрдүн ичинен Франциядан эң көп келүүдө.

"Дүйнө чабыт" берүүбүздө азыркы убактагы космостук держава өлкөлөр жана алардын ортосундагы атаандаштык жөнүндө сөз болот. Талкууда коомдук ишмер Алмаз Кулматов жана журналист Азимжан Ибраимов.

Ислам тилектештик оюндарында Кыргызстандын курама командасы 9 алтын, 8 күмүш жана 15 коло медаль утуп, 8-орунга көтөрүлдү.

Россиянын Коргоо министрлиги Крым жарым аралындагы Жанкойдо аскердик кампада болгон жардырууну диверсия деп атады. Ал эми Жанкойдогу жардыруулардын артында украиндердин элиталык аскер топтору турат деп The New York Times жазды.

Президент Садыр Жапаров 25-ноябрга элдик курултай чакырды. Мамлекеттик катчы башында турган элдик курултайды уюштуруу комитети түзүлдү.

"Би-Би-Си дүрбүсүндө", 12-август 2022-жыл. Афганистанда Талибан бийликке келгенине бир жыл толууда. "Аль-Каиданын” кийинки лидери боло турган потенциалдуу талапкер ким? Бишкекте атактуу лицейдин директорунун коррупцияга айыпталып кармалышы дүңгүрөгөн окуя болуп калды. Боом капчыгайынын ичинде күтүлбөгөн жерлерден кайра-кайра сел жүргөнүн адистер климаттык өзгөрүүлөрдүн кесепети катары карашууда. Д...

Бишкекте №61 лицейдин директору Юрий Низовскийдин кармалышы дүңгүрөгөн окуя болуп калды. УКМК аны мектепте коррупциялык схема түзгөн деп айыптап, жакындарына катталган 150 млн сом байлыгын таап көрсөттү. Бул окуя баш калаадагы статустуу мектептерди чырмаган коррупцияга көп жылдан бери биринчи жолу ыргытылган укуктук укурук болуп калды.

АКШ-Кытай: согуш идеясы мынчалык жакын болгон эмес