AGS Dinamika Preke

Noag tree verkeerd op en Gam gooi petrol op die situasie, maar Sem en Jafet beskerm hulle pa. Ons kan petrol of water op 'n vlammetjie gooi. Jou woorde word in jou hart gebore en dit kan genade of oordeel dra! Gee die Heilige Gees toestemming om jou tong te tem!

Waarop basseer jy jou keuses en hoe jy praat? Kies jy menslike wysheid of kies jy om te staan op die beloftes wat God vir jou gegee het?

Twee van die Here se name is: El Shama, die God wat HOOR en El Roï, die God wat SIEN. Ons dien 'n God wat ons hoor en sien. Wat ook al in jou lewe aangaan vandag weet verseker die Here hoor elke gebed en sien in detail jou omstandighede raak. Vandag getuig ons dat die Here hoor, Hy sien en Hy antwoord!

Elke mens het ? probleem omdat ons dit ‘mis’ om te wees wie die Here ons gemaak het om te wees. Gelukkig is daar genade. Lê elke dag jou ‘brood’ voor die Here.

Hoe kan ons in vandag se lewe nogsteeds by alles wat belangrik is uitkom? Jesus wys ons die voorbeeld... Kom ons kyk hoe Jesus se pas, ons lewens verbeter.

WIE is ek? HOEKOM is ek? WAT maak ek hier? Vrae wat al oor eeue gevra is en tot vandag toe in mense se lewens is. Dis die vraag na DOEL. Eintlik is dit nie so ingewikkeld nie.

In 2025 wil die Here jou nader trek en dieper vat in jou geestelike lewe. Is jy tevrede met krummeltjies of soek jy meer? Mag daar 'n nuwe desperaatheid in ons harte wees om te soek na Sy wil, Sy plan, Sy leiding en teenwoordigheid. Ons VAS, want ons soek meer...

Wat beteken dit wanneer ons vir mekaar sê: VOORSPOEDIGE NUWE JAAR? Mag ons voorspoed en seën toewens vir andere?

Dit maak nie saak wat in 2024 gebeur het nie, die Here se plan vir jou verander nooit. God se plan vir jou in 2025 is goed.

Wat is Jesus se plekkie in jou lewe? Die herbergiers het gesê: NO rooms available. Die herders het reguit en haastig stal toe gegaan om Jesus te verwelkom.

Hoekom is Kersfees goeie nuus vir alle mense? Matteus kom leer ons deur sy ervaringe die rede hiervoor.

Weet jy hoekom vier ons Kersfees op die 25ste Desember? Die Bybelgebeure is soos 'n legkaart met 1000de stukkies aan mekaar verbind. Daar is 'n baie duidelike verbintenis tussen die krip, die kruis en die kroon in Jesus se lewe. Ons lewens gaan ook deur krip-tye en kruis-tye en verseker wag daar ook 'n kroning vir elke kind van God. In watter seisoen bevind jy jouself vandag?

Reg van die begin af bewys God dat Hy nie net praat nie, maar dat God DOEN wat Hy gesê het. Ons dien n God van Integriteit.

Moet nooit jou toekoms noem wat jy op die oomblik in jou lewe beleef nie. Mag ons altyd weet dat God met ons is. Immanuel - God met jou.

Kerssangdiens saam met Chris Coetzer

‘n Bekende Storie... Maar hoekom Moes Jesus deur Samaria gaan? Wat was so spesiaal oor die Vrou by die put? Dis nie ons werk om te oortuig nie, maar om te gaan getuig van Jesus se goedheid.

Wanneer die "checkered flag" waai dui dit die einde van die wedren aan. Paulus skryf in 2 Tim. 4:7 dat hy die wenstreep bereik het. Een of ander tyd gaan die checkered vlag waai vir ons elkeen se lewe, is jy gereed?

Dinamika vier 7 geseënde jare in ons gebou. Sewe simboliseer volmaaktheid en volheid. In Jesus het ons volheid genade vir gister, krag vir vandag en hoop vir môre. Ons eer die Here vir Sy volmaakte plan vir Dinamika en vir 'n kosbare geestelike familie. SDG.

Sal ek as gewone mens ooit kan weet wat is die Here se wil vir my lewe? Dit is nie so ingewikkeld nie. Kom en leer saam dan gaan DOEN ons dit.

Jesus vertel ‘n storie in Lukas 18 wat ons as mens en ons harte kom challenge. God soek opregte harte, nie harte wat voorgee nie, harte wat in nederigheid voor Hom kan staan.

Hoekom verwag die Here ons moet die regte gesindheid hê? Wat is die regte gesindheid? Ons doel en die antwoord op ons hoekoms is om Jesus te eer met ons lewens en om soos Jesus te wees. Jesus se voorbeeld was 'n gesindheid van nederigheid en gehoorsaamheid. As ons genade verstaan leef ons met dankbare gehoorsaamheid. SDG.

Jy moet nooit dink jy is alleen nie, die Here sien jou en weet van jou. Die Here wil nie hê ons moet dinge rond dra wat vir jou sê wie jy is nie. Hy bepaal jou identiteit. Hy sal sorg.

Ons kan baie by Dawid leer... Hy het baie keer eers by God gaan hoor wat om te doen... Maar soms leer ons ook by Dawid hoe om dinge NIE te doen nie. Die groot vraag is: Hoe bly jy EG aan wie God gesê het jy is?

Moses en God was vriende... Maar dit was die uitsondering! Die goeie nuus is dat ons het ‘n beter, meer intieme verhouding met God as wat Moses ooit gehad het. Ons het altyd vrye TOEGANG tot God!

Ons het soms ? idee dat ons hele bestaan is die wêreld waarin ons leef. Ons neem besluite wat vir hierdie lewe alleen is sonder om te dink dat daar ? ewigheid is wat kom. Ons lewe is baie meer en strek verder as planeet aarde.