異鄉90後 | 廣東話podcast

作為精明（？）消費者，PY同Catherine會用盡各種窿路拎優惠：信用卡要攞盡優惠，電子支付要儲分，交通費唔係買月票，就係用盡轉乘優惠，連電話費都有方法可以慳😎 但係呢個世界冇免費午餐，優惠嘅嘢係咪真係唾手可得呢？ -- Hosting provided by SoundOn

台灣同韓國便利店勁多神奇產品賣，唔單止有各大網紅聯乘產品，仲有瀉藥賣！不過共通點就係：伏🥶 咁兩地便利店仲有冇好嘢推介？ 麥當勞、Starbucks、KFC去到邊都總有一間喺左近，但原來喺香港、台灣同韓國定位差好遠，究竟有咩分別呢🤔 -- Hosting provided by SoundOn

日本係香港人嘅天堂，同時係全球打工仔嘅地獄，但究竟有幾地獄？今集嘉賓阿瓜同我哋講下喺日本返工有咩伏位。 估唔到最令佢痛苦嘅唔係日本人嘅工作方式，而係寫報告？😨 仲有啲咩係令阿瓜頭都大埋？ -- Hosting provided by SoundOn

住喺港人最愛嘅台灣同韓國，地方大過香港咁多，理論上就算唔飛出去，玩嘅嘢都多過香港好多，但係點解PY同Catherine會玩厭咗？🤔 以前喺香港，外遊首選去日本，但去咗第二度生活，首選都仲係日本😂 除咗日本真係有咁好玩，仲有冇其他原因？ -- Hosting provided by SoundOn

PY同Catherine趁中秋假期返咗幾日香港，發現香港唔單止比以前更熱更濕，仲發現到好多驚喜。 最神奇係香港茶餐廳服務態度竟然好咗😱 遊客嚟到香港未必識搵正宗奶茶檸茶，又唔知點樣先搵到好玩地方。 PY同Catherine度咗一兩個屎橋，希望可以振興香港旅遊業😂 旅發局歡迎入黎聽聽呀。 （最後分享啲冇人想知嘅私事，大家可以直接飛咗佢） -- Hosting provided by SoundOn

英國土木工程系畢業➡返香港做翻譯➡創立Joy文藝生活站成為調香師 三個step好似完全冇關係，但呢啲都係今集嘉賓Umi嘅足跡😎 點解當初佢唔揀留喺英國，選擇返香港呢？有得揀又會唔會返去英國？ 自資6位數創立香水品牌，目前仍然等緊收成期，但佢話仲未使食樹皮… 究竟有咩方法令佢可以頂得住呢？ -- Hosting provided by SoundOn

眾所周知，台灣同韓國都過中秋，不過慶祝方法同香港有啲出入… 台灣買月餅要排一個鐘隊，但係打開盒竟然唔係雙黃白蓮蓉🤔 韓國新抱最驚就係過中秋，唔一齊過節竟然會降低離婚率😂究竟係點解？ 無論身處邊度，成班人定一個人過中秋，都可以聽住我哋節目賞月過節 祝大家中秋節快樂！ -- Hosting provided by SoundOn

喺韓國同台灣生活咗幾年，總有啲嘢係頂唔順 相信唔只係我哋，嚟玩嘅咁多位都應該都對以下情況反曬白眼： - 的士司機無啦啦同你講政治同催婚 - 隨時隨地吐痰同除鞋 - 條路行到一半無啦啦斷開 仲有更多奇難雜症，今集PY同Catherine一齊同大家慢慢呻 -- Hosting provided by SoundOn

我哋終於衝出亞洲，請嚟喺比利時大學做訪問學者嘅90後Hugo講下喺當地同台灣生活！ 點知講講下搞到PY同Catherine都想去比利時玩一轉，究竟係咩咁吸引？ 係寧靜小鎮嘅魅力？ 任食薯條嘅威力？ 定係可以瘋狂打羽毛球嘅誘惑……a_a？ 今集就同大家闖入學術界，感受喺外地研究漢學嘅文化氣息啦！ -- Hosting provided by SoundOn

香港雖然係咁話個市跌緊，但樓價同租金對比其他亞洲地區依然望塵莫及，咁台灣同韓國上車又係咪咁易？ 唔好諗住做無殼蝸牛好過癮，台韓租樓有大把氹你踩，有人仲因為中招走上絕路，究竟係咩陷阱呢？ 《異鄉90後》帶大家一次過睇盡台韓房地產。 -- Hosting provided by SoundOn

到而家唔都明，點解而家韓國仲可以熱過香港同台灣🥵 不過熱還熱，韓仔似乎又唔係好興着短褲，唔熱㗎咩😂 台灣有對鞋本身係軍靴，搞搞下變咗全民必備item，究竟係咩嚟？ 仲有喺外國街頭點樣可以一眼認出香港人呢？ 《異鄉90後》熱辣辣出爐，大家歎涼浸浸冷氣聽啦😏 -- Hosting provided by SoundOn

嚟到農曆7月，《異鄉90後》就同大家講下台韓迷信Culture Shock啦！ 台灣人熱愛拜拜，見到神都拜就不在話下，其實韓國都係迷信到塔羅店開到一街都係😂 不過記得唔好係神都拜，如果唔係神都幫你唔到😏 茶室、沖咖啡同Helper呢幾個terms咁平平無奇，估唔到同黃色事業有關🤔 台灣同韓國仲會用奇招宣傳黃色事業，究竟有神奇？想知就要而家即刻聽《異鄉90後》啦！ （本集內容冇鬼同老少咸宜，請放心收聽） -- Hosting provided by SoundO...

做韓國新抱成日俾人印象要過0尊生活，唔止要低聲下氣，仲要俾奶奶用泡菜抽撃幾廿巴😭 不過我哋第一位嘉賓Celia @celia.koreadiary 話畀大家知，只要你發揮Super E精神，奶奶都可以被征服！ 究竟Celia點樣同奶奶變friend？ 做韓國人妻搵工又會唔會俾人為難？ 極外向嘅佢又點樣喺韓國識朋友？ 今集《異鄉90後》帶大家打開征服韓國（奶奶）秘笈😂 -- Hosting provided by SoundOn

今次我哋講奧運！ 今次唔少老將帶住新星一齊登場，仲有運動員今次係最後一戰T_T 身在台灣韓國睇奧運氣氛始終唔及香港？ 唔少選手今次入唔到奧運，未必係實力唔好，只係唔夠運？ 韓國唔怕睇唔到奧運，只怕你睇韓國選手精彩畫面睇到驚😂 鍾志光原來識翻譯（不過譯錯曬） 方力申泳會事件、詹氏姊妹、黃大憲…….運動協會同選手嘅爭議有時仲精彩過場比賽 大賽期間叫炸雞2個鐘都好小事，運滯啲嘅半夜先食到飯（仲要收錯餐） 無論身處邊度...

呢位病人，今次係你喺異鄉90後診所第9次掛號啦，今次我哋會同你進行以下療程： 韓國嘅醫療保險幾貴，搞到Catherine成日要睇醫生回本😂 韓國扭親腳醫足2個月，仲要嚟個五花大綁？ 台灣睇醫生竟然平過買咖啡？ PY喺韓國患罕見病😱但原來呢個病只係… 台灣掛號方法點解被稱為I人福音？ 韓國乜嘢病都係打針搞掂，但乜嘢針要10萬咁貴？ 請閣下到異鄉90後YouTube、Spotify、Apple Music同KKBOX接受療程。祝閣下身體健康，人冇事先做到世界...

就快DSE放榜，亦都見到唔少人想出去闖下，所以今集特別適合想去台韓留學/移居人士收聽（唔會去都可以聽㗎！） 台北租屋竟然貴過首爾？事實係…… 首爾租屋要鬥快！邊個時間租屋最大競爭？ 去銀行之前記得要拜神，如果唔係ebanking都用唔到 去韓國出入境搞visa唔使怕睇人面色，最緊要做定乜嘢功課？ Catherine識朋友屢戰屢敗，PY直頭放棄咗，究竟點解？ 香港人去到外國變咗脫韁野馬，但識唔到本地朋友竟然因為太outgoing！ 祝各位應屆...

喺台灣同韓國生活，真係Everyday I shock everynight I shock ．飲酒拎轉面都係小事，飲每杯酒前一定要乾杯先 ．點解幫人斟水反而被人黑面？ ．台灣端午節都係撐龍舟食糭，不過隻糭同香港有咩分別？ ．台灣中元節成條街擺曬壇，全公司要輪流拜拜！ ．倒垃圾限時限刻，倒唔切只能聽《少女的祈禱》（唔係楊千嬅嗰隻）同《給愛麗斯》（唔係陳奕迅嗰隻）送垃圾車尾啦～ 如果你睇以上內容已經Shock，咁就要聽下今集《異鄉90後》啦。呀，...

《異鄉90後》列車即將到達，本班列車將會途經以下車站： 韓國1號線係Kam人專線，飲酒打交、隨地便溺、叫賣有齊晒 每日返工都會撞到怪人，Catherine已經見怪不怪到同人哋玩掌門人遊戲LOL 台灣又又又因為博愛座嘈交啦唉，不如廢咗佢啦 究竟係咩台灣巴士搞到PY坐到投降？ 等巴士唔知邊度有隊排，俾人打尖仲有機會被司機鬧到喊？ 點解韓國啲𨋢門閂得特別慢？背後原因令人暖心（心急人士除外） 前往以上車站嘅朋友請收聽《異鄉90後》上...

今集同大家數盡台灣同韓國嘅三大Stereotype： 韓國咁多樓梯，韓妹又咁fit，淨係行樓梯就減到肥？ 台灣珍珠奶茶店開到成行成市，係咪日日一杯當水飲？ 韓國人天生酒筲箕？ 係咪所有台灣人都有電單車牌？ 韓國人每餐都食泡菜，係咪冇辣不歡 ? 台灣人晚晚食夜市都OK？ 以上迷思就等PY同Catherine一一拆解！ -- Hosting provided by SoundOn

如果今日返完工好大怨氣，聽埋今集……可能加多兩錢重😂 每日朝早6點幾起身，坐個幾鐘車返工究竟係為咗乜？係愛定責任？ 天下酒鬼一樣癲！台灣high到威士忌當啤酒，韓國飲多咗會玩殘上司 英文水平識I go to school by bus已經打贏99%韓國人？發夢啦你 台灣識普通話就夠做？一離開台北可能即刻GG 喺韓國見工完全0尊！「你估我想見你㗎？」 返工永遠只能做yes man，有咩事唔該嘔4頁紙報告 想知間公司伏唔伏？見工前記得睇員工匿名爆料...

今集收聽之前，記得坐定定，拉直椅背，扣好安全帶，我哋一齊起飛去齊港台韓最hit（？）景點！ 90後開始踏入坐凌晨機同長途巴士都會散開嘅年齡，提提大家00後最大已經24歲LOL 韓國人24小時橫掃香港，仲要係坐飛機來回，體力分分鐘強過小紅書特種兵 PY大談最愛台灣美食同pop-up store……err sorry都係日本嘢 台灣同韓國散步路線推介！不過台灣行完第二日會作病？ 香港已經冇嘢好玩？韓國人眼中連MK都勁有feel，仲要有人發掘香港人都唔...

建議今集食住嘢嚟聽，皆因食物含量高達100%（好唔好食另計） 🍖台灣叉燒係乾都算，韓國炸子雞下面點解會有豉油？ 🛒PY同Catherine中伏中到怕咗去街市買菜 🥬天價買完通菜唔只唔新鮮，分分鐘冇得食 🍽全民幫餐廳做打手點算好？教你點樣睇評論 ✈香港乜都貴，但係嘢食依然令人牽腸掛肚 任何節目意見／留言，歡迎留言給我們： Instagram | Threads | Facebook 90sawayfromhome@gmail.com -- Hosting provided by SoundOn

漂流海外嘅香港90後主持人PY和Catherine第一次同大家見面！ PY - 曾經响韓國工作近3年，後來嫁咗去台灣，今年岩岩滿3年拎到台灣身份證 Catherine - 4年前去韓國讀語學堂，機緣巧合响當地找到工作，繼續留韓生活 一個台灣，一個韓國，到底在海外生活時會遇到甚麼語言方面的嘅問題？ ＂台灣香港都喺用繁體中文，但有時候竟然睇唔明台灣啲中文？＂ ＂跟韓國同事私下約出黎吃飯，竟然要頭痛洗唔洗講敬語？＂ ＂要學好外語有咩好方法？...