PY, Catherine

異鄉90後 | 廣東話podcast

Society ZH ↓ 109 episodes

呢個節目適合所有離開香港、想離開香港、或者只係好奇異地生活的你!由 PY 同 Catherine 兩位90後港女主持 👯 有時訪問住喺外地嘅香港人,有時傾下語言文化差異、職場挑戰、人生轉變,亦會講講成長、情緒同30+之後開始出現嘅身心反應異鄉生活好唔易,但唔代表要苦中作樂!就等我哋用聲音陪你,一齊笑住面對世界 😂--Hosting provided by SoundOn

Be sure to visit the podcast's website and support the creator: player.soundon.fm

Author

PY, Catherine

Category

Society

Podcast website

player.soundon.fm

Latest episode

Nov 12, 2026

Where to listen?

Podcasts in the app Replaio Radio Coming soon

Podcasts are coming to the app soon. Install now and be the first to see a whole new take on podcasts

Get it on Google Play Install for free Android 10M+ downloads · 4.7+ rating iOS soon

Episodes

EP109 | 成年人嘅生存技能 火燒後欄先學得識? | 廣東話Podcast 12.11.2026

有幾多技能係你從來冇正式學過,但不知不覺就識咗? PY同Catherine由中學時代自學打字、職場上如何得體地「扮識」同溝通,到為咗工作而硬著頭皮學 Google Tag Manager,原來好多技能都係被生活逼出嚟! 今集我哋傾下點解有啲興趣學到一半就放棄,但一遇到謀生需要、危機感或者壓迫感,就突然變得好有學習動力? 究竟無師自通靠天份、靠觀察,定係靠「火燒後欄」? -- Hosting provided by SoundOn

EP108 | 一把較剪闖荷蘭,香港髮型師26年異鄉生活 (ft. Leo) | 廣東話podcast 02.11.2026

今集《異鄉90後》繼續歐洲之旅,嚟到荷蘭!嘉賓Leo喺千禧年離開香港,至今喺荷蘭已經生活26年,仲一直以髮型師身份喺阿姆斯特丹打拼。 由當年點解選擇移居荷蘭,到跨文化工作遇上嘅西客,Leo分享咗好多令人啼笑皆非嘅真實經歷。荷蘭人究竟有幾直率、員工保障又有幾好,喺多元文化社會生活,點樣學識保護自己、建立底線?今集一齊聽吓異鄉前輩Leo嘅荷蘭生存之道! -- Hosting provided by SoundOn

EP107|住咗外國先發現,原來香港真係好方便?| 廣東話podcast 12.10.2026

離開香港之後,先發現原來生活入面有咁多方便,係以前習以為常嘅事! 今集 PY 同 Catherine 由執行李講起,比較香港、英國同韓國嘅交通、購物同飲食生活。由幾分鐘一班嘅地鐵、八達通支付嘅便利,到落街就有得食各國料理、行街唔使日曬雨淋嘅生活,原來香港嘅方便,真係住過外國先感受得更深?😅 究竟係香港太方便,定係只係環境同文化好唔一樣?歡迎同我哋傾吓💁‍♀️ -- Hosting provided by SoundOn

EP106 | 選擇越多越自由,定係越容易後悔?| 廣東話podcast 30.09.2026

以前人生好似有條路跟住行就得:讀書、畢業、搵工、結婚、買樓、生仔… 但去到90後呢一代,選擇突然多咗:轉工跳槽、Freelance、Remote Working、創業、做YouTuber… 選擇多咗,真係代表自由、開心咗? 今集同大家傾吓,以前係咪真係比較好,以及當世界有無限可能,我哋又應該點樣作出屬於自己嘅選擇! -- Hosting provided by SoundOn

EP105|30幾歲後,我哋係咪變成自己以前最討厭嘅大人?| 廣東話podcast 14.09.2026

細個成日覺得大人好煩: 點解買嘢要格價? 點解咁鍾意關心人哋食乜、做乜? 點解朋友講自己嘅人生,大人總係忍唔住要畀意見? 以前覺得「關你咩事」,人大咗先發現,自己好似慢慢都變成嗰個人: 工作上開始冇以前咁搏,覺得「做到咪算」; 買嘢開始識格價,幾蚊都想慳; 聽到朋友遇到問題,開始忍唔住有自己嘅睇法; 甚至一句「都係為你好」,以前最憎聽,而家自己都有機會講出口。 究竟我哋係變得市儈、固執,定係只係經歷多咗現...

EP104| 一寸光陰一寸金 我哋係咪太介意「浪費時間」? | 廣東話podcast 02.09.2026

你有冇試過:睇劇睇到一半,覺得太拖,就開始瘋狂快轉;煲幾個鐘湯,就有人問:「煮咁耐,下次唔好咁嘥時間啦!」 我哋好似由細到大都被灌輸咗一個觀念:時間要用得有效率,最好仲要有成果。 但如果你花咗時間喺一啲事情上,雖然冇乜實際成果,卻可以令你開心、放鬆、療癒,咁又算唔算「嘥時間」? 今集我哋就同大家一齊重新諗吓,香港人口中成日講嘅「浪費時間」! -- Hosting provided by SoundOn

EP103 | 由婚禮到紅白事: 點解亞洲人總係要「做俾人睇」?| 廣東話podcast 24.08.2026

早前有位準新娘想搞adult only婚禮,卻引起想帶小朋友參加婚禮嘅親戚不快,當事人喺threads吐苦水之後引發一場小風波。由婚禮限制鬧劇、紅白事相衝嘅迷信,講到輩分階級嘅枷鎖—點解亞洲人生活好似總係要「做俾人睇」,活得咁辛苦?今集《異鄉90後》,我哋一齊傾吓呢啲困住大家嘅「亞洲人情世故」! -- Hosting provided by SoundOn

EP102|點解又搬?由台灣到英國,90後再次重新開始 | 廣東話podcast 13.08.2026

忍咗幾個月,今集《異鄉90後》終於可以公開 PY 移英呢件事!明明喺台灣已經建立好生活,點解 PY 仲要搬去英國? 今次搬走,唔係因為生活過得唔好,亦冇一個非常明確嘅目標,一切都係從呢個問題開始:「如果10年、20年後,我繼續留喺度,我會過緊一個點樣嘅人生?」 去到新地方,未必即刻搵到答案,但至少可以知道原來人生仲有其他可能。 今集《異鄉90後》,我哋由 PY 移英出發,傾下重新開始、退路、適應新環境,同埋點樣喺人生已...

EP101 | 讀萬卷書不如搭萬里船!15歲開始出走世界 (ft. Mac) | 廣東話podcast 02.08.2026

古語有云:「讀萬卷書,不如行萬里路。」今集嘉賓阿Mac就由15歲開始踏出香港,走遍歐美留學,最後更成功喺美國發展事業。 留學真係有錢人嘅專利?原來唔少海外交流同留學計劃都設有獎學金,幫助年輕人走出世界,開闊眼界。究竟有咩方法?又點樣改變咗阿Mac嘅人生?今集《異鄉90後》同你一齊傾! -- Hosting provided by SoundOn

EP100 | 移英4年真實生活 由香港Marketing打入英國職場 (ft. Carrie) | 廣東話podcast 21.07.2026

不知不覺,《異鄉90後》嚟到第100集!🥳 今集亦終於請到第一位真正長住英國倫敦嘅嘉賓——Carrie,同大家分享佢移英4年嘅真實經歷。 由香港Luxury/ Retail Marketing轉戰英國銀行做Local Marketing,Carrie會同大家傾吓移民後點樣重新適應當地生活、打入英國職場,以及香港人最常遇到嘅文化差異。英國生活係咪真係想像中咁美好?Central London 近年治安變化有幾大?點解英國人咁重視Small Talk?廣告文化又點解咁鍾意「串人」? 由...

EP99 | 候鳥與留鳥:一場關於去留與守候的故事 (ft. 蒙潔) | 廣東話podcast 12.07.2026

講到移民,我哋成日聚焦喺離開嘅人身上——佢哋點適應新生活、點面對思鄉、點重新開始。但其實,留低嘅人又何嘗唔係經歷緊另一場離別? 今集我哋邀請舞台劇《候鳥》演員蒙潔,一齊傾吓「去」與「留」背後嘅故事。當身邊嘅人一個個離開,作為留下來的人,應該點樣作出自己嘅選擇?曾經親密嘅關係,又會因為距離而變成點樣?候鳥會遷徙,留鳥會守候,但彼此之間,仲可以點樣靠近? -- Hosting provided by SoundOn

EP98 | 放假就飛出去 點解大家唔願留喺香港?| 廣東話podcast 06.07.2026

每逢長假,就算只有三日,不少香港人都會即刻計劃外遊,就算只係去深圳、澳門,都照樣衝出去!🤔 但Catherine去咗韓國生活之後,竟然反而少咗想去旅行,甚至開始享受留喺當地慢慢生活。究竟係咩令佢心態有咁大轉變?香港人點解又特別鍾意一放假就離港?你又係「放假一定要飛」定係「留喺屋企最舒服」派?今集《異鄉90後》我哋同大家一齊傾下! -- Hosting provided by SoundOn

EP97|《鐵拳教育》:失控嘅到底係學生、家長定社會?| 廣東話podcast 26.06.2026

(本集含少量劇情簡介,無劇透,請放心收聽🎧) 一個問題學生變成今日咁,到底係邊個造成?老師冇能力?學生太失控?家長縱容?定其實係成個教育制度出咗問題? Netflix《鐵拳教育》表面講校園暴力,但其實更想討論教師教權、怪獸家長、網絡輿論,以至整個社會點樣一步步形成今日嘅教育困境。有韓國地方政府甚至諗住參考劇情,研究保護教權嘅措施。但教育問題真係可以靠一兩條政策解決? 今集《異鄉90後》,我哋由《鐵拳教育》出發...

EP96 | 移民後最大難題 係搵份好工定搵返自己?| 廣東話podcast 17.06.2026

唔少人移民後,都會經歷職業同收入上嘅巨大轉變。有人做唔返原本嘅工作,有人要由低做起,甚至要接受收入比以前少一大截。但最難面對嘅,未必係人工少咗,而係原本建立多年嘅自我價值同安全感,好似一夜之間被打散。當連最基本嘅開飯錢都要重新努力爭取,難免會問自己:究竟我仲有無價值?當初嘅決定係咪正確? PY同Catherine都曾經有類似嘅諗法,最後究竟係點樣調整心態?一齊嚟聽吓今集《異鄉90後》! -- Hosting provided by So...

EP95 | 香港人覺得正常 外國人完全接受唔到嘅食物 | 廣東話podcast 07.06.2026

**收聽今集節目時切勿飲食😂 某個韓國綜藝將「食蛇」當成大懲罰,令我哋發現——原來好多香港人食開、覺得好平常嘅食物,對外國人嚟講分分鐘係完全接受唔到😳 由雞腳、內臟、皮蛋、臭豆腐,到一啲連香港人自己都未必頂得順嘅食物,究竟有咩係香港人覺得無問題,但外國人一見就卻步?又有啲嘢食,其實香港人同外國人都一致覺得「真係唔得」?今集《異鄉90後》一齊講吓最令人無法接受嘅飲食文化差異! -- Hosting provided by SoundOn

EP94 | 喺韓國排音樂劇,最大挑戰竟然係個肝?(ft. 胡希文 Yoyo) | 廣東話podcast 01.06.2026

異鄉90後不知不覺已經過咗兩周年啦🥳今集我哋邀請到重量級嘉賓胡希文 Yoyo,同大家分享去年參演韓國音樂劇《初雪》嘅幕後點滴。由收到演出邀請、學習韓文、同韓國劇組排練,到製作規模同正式公演嘅經歷,Yoyo 都會一一同大家細說。原來喺韓國排音樂劇,最大挑戰未必係唱歌跳舞,而係個肝?🤔 究竟發生咩事,就要留意今集《異鄉90後》啦! P.S.特別鳴謝游大東促成今次訪問! -- Hosting provided by SoundOn

EP93 | 學習工具日漸發達 但係咪對所有人都有幫助?| 廣東話podcast 18.05.2026

而家嘅學習模式同十幾年前好大分別,以前tablet唔俾帶返學校,而家幾乎人人帶一部返學,仲有用AI、補習等等。不過學習方法點變,最緊要係有嘢落到袋。究竟呢啲改變係好事定壞事,定係冇所謂?🤔 咁就要聽今集《異鄉90後》啦! -- Hosting provided by SoundOn

EP92 | 一日到黑都咁開心 你不是真正的快樂?| 廣東話podcast 05.05.2026

自己支持嘅球隊贏波開心,買到個靚袋開心,食到好嘢又開心😌 雖然話做人最緊要開心,但係咪一定要一日到黑都咁開心?長期處於咁開心嘅情緒係咪好事?有研究指出,長期處於高能量反而係情緒響起警號🧐 今集《異鄉90後》就同大家講吓對快樂嘅睇法! -- Hosting provided by SoundOn

EP91 | 移民KOL唔係百科全書 做決定前應該點樣慎選資訊?| 廣東話podcacst 26.04.2026

早幾年移民潮嘅時候,移民KOL好似雨後春筍咁樣出現。但係時間耐咗,有部份KOL引發各種爭議,例如資訊不足、角度過於偏頗,或者變咗做廣告Channel等等。究竟我哋決定移居移民之前,應該點樣選擇適合嘅資訊?而呢啲KOL係咪完全冇用?咁就要聽我哋今集《異鄉90後》討論移民KOL啦~ -- Hosting provided by SoundOn

EP90 | 多國收緊永居政策 究竟仲想唔想要外國人?| 廣東話podcast 16.04.2026

最近日本收緊永居政策,搞到唔少外國人叫苦連天。其實唔止日本,唔少地方嘅簽證條件越收越緊。雖然有唔少職位而家主要都係由外國人擔任,但咁嘅政策變化似乎將外國人拒於門外,同時又有啲吸納外國人才嘅政策到頭嚟成效甚微。究竟係咪真係需要外國人?我哋真係睇唔透🤷‍ -- Hosting provided by SoundOn

EP89|老土嘢原來係寶 唔識貨定冇包裝好?| 廣東話podcast 06.04.2026

細個嘅時候,我哋成日覺得旗袍、裙褂、舊時代歌手呢啲嘢好老土,但係人大咗,反而開始慢慢欣賞到當中嘅美。可能係因為身處異地,用咗另一個角度去重新理解;又或者係經過新嘅包裝同演繹,先令我哋重新發現佢哋嘅價值。究竟係我哋變咗,定係佢哋變咗?今集《異鄉90後》同大家一齊講下「老土變寶」😌 -- Hosting provided by SoundOn

EP88 | 由獨處文化到城市生活:點解我哋愈嚟愈鍾意一個人?| 廣東話podcast 29.03.2026

近年愈來愈多人開始享受一個人嘅時間,例如自己去旅行、食 lunch、甚至一個人揸車周圍走。獨處好似變成一種生活方式,唔單止可以放鬆自己,亦同城市節奏同居住環境(例如香港嘅土地供應)有關。不過,當「一個人」變成習慣,甚至開始依賴,會唔會對人際關係產生影響?今集《異鄉90後》就同大家傾吓一個人嘅時間! -- Hosting provided by SoundOn

EP87 | 韓國人神奇小習慣 謎之微波爐用法、瘋狂換毛巾... (ft. Celia) | 廣東話podcast 23.03.2026

喺韓國生活耐咗,慢慢會發現由用微波爐、換毛巾,到搭公共交通工具,都有一啲幾「韓國式」嘅生活習慣。有啲令人睇到一頭霧水,有啲又覺得幾貼心,甚至希望佢哋可以一直保留落去。今集《異鄉90後》叫埋 嘉賓Celia,一齊同大家拆解幾個韓國人日常中又奇怪又有趣嘅小習慣! -- Hosting provided by SoundOn

EP86 | 同長輩去旅行心很累 對人歡笑背人垂淚? | 廣東話podcast 16.03.2026

同長輩去旅行一向都係高難度挑戰,呢樣又唔like,嗰樣又唔適應🫩所以除咗衣食住行要準備周到,近年唔少人分享心得應付長輩,究竟呢啲心得係唔係work呢?無曬自由時間、對付長輩分分鐘仲攰過返工,點解仲要同長輩去旅行?今集異鄉90後PY同埋Catherine 同大家分享吓帶長輩旅行嘅親身經歷、仲有獨門秘訣! -- Hosting provided by SoundOn

EP85 | 夢想中一日放假大計: 行街、大長征同瞓公園? | 廣東話podcast 06.03.2026

假如突然間有一日假,你哋會做啲乜?做事比較有目標嘅PY,就算放假都會對準目標買嘢睇嘢,而Catherine就會選擇漫無目的咁四圍行吓,或者瞓喺度乜都唔做。但係呢啲放假計劃,究竟係容易實行,定係只能流於幻想?今集異鄉90後同大家傾下放假大計! -- Hosting provided by SoundOn

Listen to the 異鄉90後 | 廣東話podcast podcast in Replaio

Radio and podcasts in one app - free, with no sign-up. Install today and do not miss the launch

Get it on Google Play

Replaio is not a podcast publisher; show names, artwork and audio belong to their authors and are distributed through public RSS feeds.