PY, Catherine

異鄉90後 | 廣東話podcast

Society ZH ↓ 109 episodes

呢個節目適合所有離開香港、想離開香港、或者只係好奇異地生活的你!由 PY 同 Catherine 兩位90後港女主持 👯 有時訪問住喺外地嘅香港人,有時傾下語言文化差異、職場挑戰、人生轉變,亦會講講成長、情緒同30+之後開始出現嘅身心反應異鄉生活好唔易,但唔代表要苦中作樂!就等我哋用聲音陪你,一齊笑住面對世界 😂--Hosting provided by SoundOn

Be sure to visit the podcast's website and support the creator: player.soundon.fm

Author

PY, Catherine

Category

Society

Podcast website

player.soundon.fm

Latest episode

Nov 12, 2026

Where to listen?

Podcasts in the app Replaio Radio Coming soon

Podcasts are coming to the app soon. Install now and be the first to see a whole new take on podcasts

Get it on Google Play Install for free Android 10M+ downloads · 4.7+ rating iOS soon

Episodes

EP59 | 韓國人眼中嘅感性 其實係我哋嘅日常爛攤子?| 廣東話podcast 01.08.2025

韓國人眼中,台灣街頭嘅市井風情就係所謂嘅「台灣感性」;而香港,喺佢哋眼中就等於霓虹燈、西式建築同懷舊氣息。講真外國月亮好似真係特別圓,佢哋影啲平平無奇嘅街角,都影到成幅畫咁😂 但點解佢哋會對呢啲元素咁著迷? 至於我哋自己心目中最有「香港感性」嘅建築同景象,其實早就逐漸消失。問題係,呢啲唔見咗嘅,真係只係景點咁簡單?今集《異鄉90後》,PY同Catherine講下香港同台灣感性 -- Hosting provided by SoundOn

EP58 | 命運使然走遍英美澳 只為尋求無悔真生活 (ft. Eric) | 廣東話podcast 24.07.2025

近年聽到部份海外港人計劃二次移民/移居,而今集嘉賓Eric過往亦因為種種原因,曾經喺英國同澳洲居住,最後定居美國波士頓。雖然要不斷移居,聽見都覺得攰,但過程令佢領略到何謂生活同快樂。 想知道點解Eric會走遍四大洲,同埋點樣調整心態適應新地方,就要收聽今集異鄉90後啦! -- Hosting provided by SoundOn

EP57 | 看不順眼Gen Z 係佢哋問題定世界變咗?(本集白花油味極濃) | 廣東話podcast 18.07.2025

Gen Z喺唔少人眼中不外乎以下印象:可以整頓職場、乜嘢事都擺晒上網、熱愛(改良版) Y2K,同時又好鍾意拍短片等等。不過有啲標籤,究竟真係咁率直勇敢,定係只係未受過社會毒打?而我哋又應該點樣看待Gen Z?就要留意今集異鄉90後啦! p.s. 本集白花油味極濃,並疑似有向全世界挑機成份,敬請留意 🤣 -- Hosting provided by SoundOn

EP56 | 神奇消費行為睇到人R晒頭 財散真係人安樂?| 廣東話podcast 11.07.2025

為咗食好嘢排長龍,買公仔爭崩頭,為咗小卡同入簽售買幾廿隻碟,整體嚟講可以話使錢嘅方式越嚟越神奇🤣 當然使錢係為咗得到快樂,但係呢個快樂會唔會維持到好耐?使嘅錢同得到嘅快樂又係唔係成正比?今集異鄉90後同大家講吓拗晒頭嘅使錢方式! -- Hosting provided by SoundOn

EP55 | 30歲後健康狀況不進則退 ChatGPT分分鐘仲有效過睇醫生?| 廣東話podcast 03.07.2025

年過30,錢冇咗仲可以賺返嚟,但身體健康同青春小鳥一樣一去不回來,失眠、消化不良、鼻鼾、感冒越搞越耐…我哋用盡唔同方法減慢衰退,不過PY竟然話,有時問ChatGPT反而仲有用😲 係真唔係呀?今集《異鄉90後》講下點樣保持身體健康! -- Hosting provided by SoundOn

EP54 | 港產Dancer殺入韓國做BTS伴舞 香港人身份原來係優勢?(ft. Melo)| 廣東話podcast 26.06.2025

我哋成日覺得韓國人好排外,不過dancer界可能唔同講法啦🤔 今集嘉賓Melo喺韓國打穩陣腳, 又做TXT、ITZY等伴舞,仲有為廣告編舞,更加成功實現同偶像BTS同框合作,拍MV嗰陣企喺Jimin附近添! 除咗本身舞蹈實力夠勁,原來外國人身份係一個優勢!😳 但係Melo話大家如果想進軍韓國,一定要做好一件事。想知係咩?咁就要留意今集異鄉90後啦! -- Hosting provided by SoundOn

EP53|紅到見工都問!MBTI點解咁受歡迎?| 廣東話podcast 19.06.2025

今時今日識新朋友,唔問星座唔問血型,反而係直接問:「你MBTI係乜?」而且喺韓國見工,仲會問到MBTI!究竟MBTI係點樣測出嚟?嗰四個英文字母真係代表晒你全部性格?如果你測出係INFJ,咁你係咪永遠都係INFJ?你嗰MBTI其實會唔會變,定係天生就整定? 今集《異鄉90後》兩位E/伊人同大家傾下MBTI,分享文化差異下對MBTI嘅理解,仲會講下相反人格係咪真係會嘈交! -- Hosting provided by SoundOn

EP52 | 成長後先摸透人際關係 距離可能係最好嘅催化劑?|廣東話podcast 12.06.2025

人越大,處理嘅人際關係問題越多,例如點樣同同事維持良好關係,keep住識好多年嘅朋友,仲有同屋企人嘈少兩句交。結果發現和平共處嘅方法,竟然係要保持距離?🤔 今集《異鄉90後》PY、Catherine同大家一齊討論成長後面對嘅人際關係! -- Hosting provided by SoundOn

EP51 | 喺泰國5萬蚊唔係買享受 係買返人生(ft. 心理康復治療師Conan)| 廣東話podcast 05.06.2025

泰國唔止有 T-Pop、Spa 同美食,原來仲可以做心理治療?🧘‍♂🛁 今集《異鄉90後》請嚟喺清邁工作嘅心理康復治療師 Conan,分享佢點樣幫助病人戒癮、走出童年創傷同情緒低谷。你以為呢類治療好貴?一聽話要成5萬蚊可能會嚇親,但聽完佢講你就會發現:其實真係唔「泰」貴😌 香港人面對嘅心理創傷往往來自童年經歷、職場壓力,或者生活環境轉變。作為治療師,Conan 有咩建議可以幫大家整理情緒?而佢自己身處異鄉,又點樣面對低潮? 想...

EP50 | 節目一周年 + 脫離失業大軍! 失業半年收最滿足Offer | 廣東話podcast 28.05.2025

今集係《異鄉90後》第50集,同時亦都迎嚟節目一周年啦!與此同時,失業一排嘅Catherine都終於搵到工,可以話係雙囍臨門(?)💃 究竟Catherine點樣渡過6個月空窗期?面試前要點做準備?最後又係點搵到啱心水嘅offer?希望今集可以幫到大家早日獲得心水offer🥰 -- Hosting provided by SoundOn

EP49 | 在台港人圓夢之路 由SJ fans到台灣啦啦隊(ft. Kapo嘉寶)| 廣東話podcast 22.05.2025

今集《異鄉90後》請嚟重量級嘉賓—台灣職業棒球啦啦隊嘅香港成員嘉寶 Kapo!👏 回顧佢成長之路,從韓國、台灣留學到加入富邦,睇起上嚟佢嘅人生好似好運到連環中六合彩,但其實背後付出咗唔少努力同汗水㗎 🥺 而台灣啦啦隊近年越嚟越受歡迎,嘉寶又點樣憑自己優勢突圍而出?啦啦隊生活係真·姊妹情,定係爭妍鬥麗呢?今集《異鄉90後》帶大家深入了解嘉寶背後嘅熱血故事🤓 -- Hosting provided by SoundOn

EP48 | 台韓報稅勁方便 租樓、睇演唱會、洗多啲錢都可以扣到稅?| 廣東話podcast 15.05.2025

5月係台灣同唔少韓國納稅人報稅嘅日子,兩地報稅同收退稅都好方便,撳幾個掣交幾份文件就搞掂😎不過想扣多D稅,就要花多啲時間研究啦!捐錢同供養家人有免稅額就不在話下,估唔到睇演唱會、租樓同洗多D錢都可以扣稅?! 想知台韓兩地可以點慳稅,就要聽今集《異鄉90後》啦~ p.s 而家香港稅務易唔記得密碼,係咪仲要等收信reset?LOL -- Hosting provided by SoundOn

EP47 | 講句「唔得」都要兜個圈?直率港人點適應台灣文化 | 廣東話podcast 09.05.2025

台灣過往畀人感覺係有休閒、人情味同對人親切,但PY喺台灣生活幾年,有時都幾難適應到,係覺得太慢同太客套,定係比較鍾意香港嘅直來直往呢?與此同時,PY同Catherine都覺得,台灣有啲特點係值得香港借鏡,究竟係邊啲特點呢?就要收聽今集《異鄉90後》啦~ -- Hosting provided by SoundOn

EP46 | 要跟風、勿出頭... 點解我喺韓國仲係格格不入?| 廣東話podcast 29.04.2025

喺韓國生活,會發現韓國人做唔少事情都有一定規律:搏命考試、着衫唔好標奇立異,就連度content都最好跟風,一切係咪因為韓國人鐘意play safe?俾人話階級制度分明嘅韓國人,又會唔會有一日打破呢啲規則?今集PY同Catherine 同大家深度講下韓國人! -- Hosting provided by SoundOn

EP45 | 香港電商發展唔夠台灣快 竟然同港人怕hard sell有關?(ft. Jansen) | 廣東話podcast 16.04.2025

今集我哋繼續同Jansen傾吓香港同台灣嘅網絡文化。台灣搞電商似乎發展得比香港快,除咗香港門市買嘢太方便,原來仲同香港人怕hard Sell有關?🤔 近排Facebook有被年輕人唾棄嘅趨勢,成日俾人話驅風油味重,但係Facebook原來仍然係使用率最高嘅社交媒體,究竟佢係咪未死得呢?Threads目前仲未有賣廣告功能,但Jansen發現原來已經有人已經靜靜雞開始賣廣告,點樣可以睇得出呢?想知就要收聽今集異鄉90後啦💁‍♀ -- Hosting provided by...

EP44 | Threads興起全因港台愛激情對話 香港網民乜都要+1?(ft. Jansen) | 廣東話podcast 10.04.2025

之前我哋有提到港台韓網絡文化大不同,PY同Catherine講到興起,於是搵埋Jansen用專業角度講吓香港同台灣嘅社交平台 🤓 原來有啲香港受歡迎嘅app台灣係唔用,而且仲有啲抗拒𠻹 🤔 港台兩地用社交媒體嘅態度好唔同,Threads嘅演算法唔止激起兩地網民矛盾,仲成功打低其他平台成為近年兩地網民最愛。除此之外,網絡文化同傳媒標題黨原來息息相關,同埋香港網民凡事愛留言+1🤨 究竟係咩一回事呢?即刻聽下今集《異鄉90後》啦! -- Ho...

EP43 | 台韓窮遊大把嘢玩:免費學化妝、行古蹟、踩單車、 仲有buffet食 | 廣東話podcast 03.04.2025

搶到平機票嚟台灣韓國,但係budget有限唔知做乜?今集《異鄉90後》PY同Catherine講下荷包乾都有大把嘢玩,學化妝跳舞、踩單車、行古蹟唔使錢之餘,食飯仲可以任食? 喺咪真係咁着數,到底有冇伏呢?一齊嚟聽下第43集啦! -- Hosting provided by SoundOn

EP42 | 港台韓網絡文化 唔嬲唔毒舌仲可以點?| 廣東話podcast 27.03.2025

最近 Threads 資訊多到 PY 同 Catherine 都頂唔順,但資訊再氾濫,都唔及網民把火咁旺🔥 日日見到大家唔係嬲爆爆,就係 mean 爆、負能量爆棚🤧 今集《異鄉90後》就同大家傾下香港、台灣同韓國三地嘅網絡文化,最後發現,大家最需要嘅,可能唔係發洩,而係……愛 ❤️ -- Hosting provided by SoundOn

EP41 | Netflix Disney+ 韓劇越做越勁 點解最愛仍然係大長今?| 廣東話podcast 20.03.2025

韓劇呢幾年越做越勁, Netflix有《魷魚遊戲》, Disney+有《異能Moving》,仲有《淚之女王》、《背着善宰跑》等作品,但係有陣時,PY同Catherine會懷念《天國的階梯》同《大長今》等以前嘅韓劇🤔 究竟係科技同金錢嘅發達,追唔上舊時嘅情懷,定係乜嘢原因呢?依家OTT平台咁流行,韓劇產量比以前多咗好多,究竟韓國影視發展又係咪一片光明呢?今集同大家一齊講下韓劇! -- Hosting provided by SoundOn

EP40 | 台灣玩曖昧最緊要睇眼色 韓國見3次即拍拖咁chur ?| 廣東話podcast 13.03.2025

韓國嘅出生率排第尾咁滯,想結婚嘅人越來越少,但係戀愛綜藝咁多,睇得出大家都有一顆恨拍拖之心😍 不過想喺韓國有艷遇,唔只要識韓文,仲要了解約會文化,如果唔係一個唔留神就俾人當乞兒㗎啦! 話時話,台灣明明緊貼韓國潮流,製作唔少綜藝節目,但係仲未有台灣戀綜,會唔會係同節奏慢太多有關🤔 想聽吓我哋點講港台行嘅曖昧同約會文化,就要聽我哋今集《異鄉90後》啦 🤓 -- Hosting provided by SoundOn

EP39 | 台韓升職加薪難度高過香港 打工仔注定冇出頭?| 廣東話podcast 06.03.2025

Catherine今集一邊錄音,一邊食韓國人最愛嘅鯛魚燒,點知食食吓發現入面原來係血汗嘅味道😢 畢竟鯛魚燒就算越來越貴,仍然係打工仔收工之後慰藉心靈嘅平價食物。 諗起韓國升職難度高,OT公司度縮唔補水,其實台灣打幾份工都唔夠錢使,要靠出差OT瘋狂搵錢,就覺得手上面嘅鯛魚燒啖啖皆辛酸 😭 -- Hosting provided by SoundOn

EP38 | 煲湯、紋頭皮、湯意粉... 在台港人屢敗屢戰創業之路 (ft. 阿玥)| 廣東話podcast 27.02.2025

喺台灣,創業似乎唔係啲咩難事,簡單到有部車仔就可以做老闆🤔移民台灣嘅阿玥都唔例外,喺2020年開展咗第一個事業——香港老火湯店之後,發展嘅事業百足咁多爪,不過好多經營時間都唔長,究竟係過江龍不及地頭蟲,定係老火湯味道唔夠貢丸湯咁濃?(純食字請見諒😂) 累積唔少經驗之後,阿玥終於迎嚟曙光,究竟佢係點樣搵到出路呢?今集我哋就聽吓在台港人嘅屢敗屢戰創業之路🤓 -- Hosting provided by SoundOn

EP37 | 澳門冇大學、搵工只能返賭場? 馬交代表拆解謎團🤓(ft. 軒仔/ 港澳第一打野)| 廣東話podcast 20.02.2025

最近澳門成為Threads嘅焦點,發現世人對呢個地方有太多誤會😮‍💨 今集我哋請嚟在港澳門代表軒仔aka港澳第一打野(@hkmo.survivalist) 講吓: - 一樣係講廣東話,香港人有時竟然聽唔明? - 香港有啲咩驚喜&驚嚇? - 除咗使唔使用VPN之外,仲有聽過邊啲 有關澳門嘅奇怪問題? - 澳門有咩嘢食,香港係搵唔到? 仲有更多內容,就要聽吓今集異鄉90後啦😌 -- Hosting provided by SoundOn

EP36 | 又做Gym、又食營養劑 點解養生愈養愈傷 | 廣東話podcast 12.02.2025

90後開始慢慢踏入3字頭階段🤧 愈來愈感受到身體冇以前咁fit,所以大家都開始努力養生,又做運動又食supplement。 特別係台灣做gym平,韓國又出林林種種營養劑,照計啱曬PY同Catherine啦😎 但有人反而愈養愈傷生,究竟係咩事?今集異鄉90後會傾下養生🤓 -- Hosting provided by SoundOn

EP35 | 開工大吉 祝收聽本集者蛇年唔使開會 撃退辦公室小人!| 廣東話podcast 04.02.2025

今日係初七人日,首先祝各位生日快樂🎂 同時又要講聲開工大吉😂 相信咁多位已經返曬工同逗/派完利是,不過希望各位未有咁快開人年啦!畢竟返工唔只要開啲毫無意義嘅會,仲要見住D辦公室小人,好難唔激到彈起,但有時又好難開口鬧人,心入面chok住chok住😒 今集我哋講下港台韓三地嘅會議文化同辦公室小人,幫一眾打工仔開下年😎。 -- Hosting provided by SoundOn

Listen to the 異鄉90後 | 廣東話podcast podcast in Replaio

Radio and podcasts in one app - free, with no sign-up. Install today and do not miss the launch

Get it on Google Play

Replaio is not a podcast publisher; show names, artwork and audio belong to their authors and are distributed through public RSS feeds.