Driesestig

Veronica Klaase van Matjieskloof het sowat 20 jaar gelede in die Kaap gaan huiswerk doen vir die Oppermans in Brackenfell. Sy het daar vir die heel eerste keer die see beleef, en dit was destyds ook die heel eerste keer dat sy op 'n roltrap geklim het. Haidee Muller het by Veronica by die Oppermans se huis gaan kuier om meer van Matjieskloof en Veronica se ervaring uit te vind. Sy hoor toe ook mee...

Marinebioloog dr. Melissa Boonzaaier-Davids vertel vir Sue Pyler hoe sy nuwe mosdierspesies in die Iziko Suid-Afrikaanse Museum se vergete versamelings ontdek. Sy het al nege nuwe spesies en 'n hele nuwe genus daar ontdek.

Julle ken hom dalk van 7de Laan en Getroud met rugby, maar die man wat by die Hochschule van Musiek in München en die Franco Ferarris Instituut in Milaan sy sangopleiding gedoen het, sing al sedert 2004 in meer as 2,500 vertonings van een van die gewildste musiekblyspele van alle tye. Johan Rademan gesels met Rouel Beukes oor die afgelope 16 jaar op die pad, wat nou einde se kant toe staan.

Geoloog dr. Gideon Groenewald vertel vir Martelize Brink van Clarens se dinosourusse.

Dr. Gerhard Verdoorn gesels met Martelize Brink oor die stand van roofdiere in Suid-Afrika.

Hierdie is 'n storie oor 'n jare lange vriendskap wat tussen 'n skrywer van Uitenhage en 'n leser van Pretoria ontstaan het. Die leser is die 88-jarige Ella Smith van Pretoria en die skrywer is Mari Grobler, bekroonde skrywer van Uitenhage. Die kort agter die lang storie is dat Ella dit sowaar reggekry het om Mari, wie sy toe nog nie persoonlik geken het nie, sover te kry dat sy twee opvolgboeke v...

Elza Gillman vertel vir Martelize Brink van die bewaring van die Westelike laaglandgorillas in die Kongo.

Naomi Bütow vertel vir Martelize Brink hoe om 'n aanlynwinkel te begin, en van die karaktereienskappe van 'n suksesvolle vroue entrepreneur.

Angelique de Wet en Suzaan Kotze gesels met Martelize Brink oor 'n stylvolle aanslag tot haarkleur vir uitgroeidoeleindes.

Soos braaivleis en biltong, só was Glenda Kemp en Oupa deel van die Suid-Afikaanse kultuur in die laat sewentigs en tagtigs. Oupa was die luislang waarmee sy gedans het terwyl die klere ook gewaai het. Toe raak alles só stil rondom Glenda dat 'n mens sou kon dink sy bly dalk in Engeland of so. Mariska Spoormaker het haar hier in Suid-Afrika opgespoor.

De Wet Claasens vertel vir Martelize Brink van ENGO se rol as liefdadigheidsorganisasie in die Vrystaat.

Tony McPherson gesels met Martelize Brink oor entrepreneurskap, en die uitdaging om op 21 die jongste bestuurshoof van 'n farmseutiese maatskappy in die wêreld te wees.

Hannerie Visser vertel vir Martelize Brink van 'n werkskeppingsprojek wat entrepreneurs in die kosbedryf toegang gee tot behoorlike kombuisfasiliteite om hulle drome uit te leef.

Lamees de Klerk vertel vir Martelize Brink van verskeie gemeenskapsprojekte wat hulle uit die Breughelteater in Cloetesville aanbied.

Theolene Johnson vertel vir Martelize Brink hoe kolletjiekuns vroue saambind om mekaar te ondersteun.

Vandag vier ons saam met UNISA se Buro vir Marknavorsing hulle 60ste bestaansjaar. Navorsingstegnieke het dramaties verander oor die jare. Deesdae word neurowetenskap toenemend betrek by navorsing, maar dit kan nie heeltemal die ou telefoonboek-steekproewe so doelteffend vervang nie. Johan Rademan praat hieroor met prof. Deon Tustin, die bestuurshoof van die Buro vir Marknavorsing by UNISA.

Anzel van Niekerk vertel vir Martelize Brink van haar ervaring in Tjeggië tydens die Covid-19-pandemie.

Hoe kan goeie leesvaardigheid jou kind help om beter te presteer? Haidee Muller het gaan kers opsteek by Brand van Dyk, wat navorsing hieroor gedoen het.

Prof. Lindy Heinecken gesels met Martelize Brink oor genderintegrasie in militêre- en vredesbewaringsinstansies.

Antoinette Joubert vertel vir Martelize Brink van PinkDrive se werk, veral op die gebied van vrouegesondheid.

Sanger Vaughan Gardiner en sy vrou Nerine woon deesdae in Dubai met hulle twee jong dogtertjies. Nerine is die broodwinner en Vaughan sien tuis om na die kinders, al is hy steeds bedrywig met musiek. Nerine het intussen joga begin beoefen, en Haidee Muller het met haar gesels oor haar loopbaan en gesinslewe, asook daai ingewikkelde joga-posisies.

Melanie Basson vertel vir Martelize Brink van die skrumtegniek wat gebruik word tydens die ontwikkeling van sagteware.

Maryke Musson vertel vir Martelize Brink van olierampe aan die Suid-Afrikaanse kus en elders in die wêreld.

Johan Rademan gesels vir oulaas in 'n reeks van drie praatjies met die 94-jarige kreatiewe en aktiewe Suid-Afrikaanse kunstenaar, Pierre Volschenk. Miskien hang daar 'n olieverf op jou muur, maar hy is ook bekend vir sy massiewe bronsbeelde en borsbeelde. Elkeen wat hy maak verg baie geduld. Mense is al deur hom verewig soos pres. Nelson Mandela, dr. Danie Craven en die Chris Barnards – dis nou di...

Annelise de Vries gesels met Martelize Brink oor Afrikaans in die sake- en werksomgewing.