Driesestig

Lize Beekman en Deon Meyer vertel vir Johan Rademan van Lize se nuwe album, Hier en nou, waarop Deon 'n duet saam met haar doen.

Nic de Jager deel op sy tagtigste verjaarsdag herinneringe uit sy radioloopbaan.

Haidee Muller gesels met die skrywer en storieverteller, ds. André Boezak van die VGK op Oudtshoorn. Hy vertel van sy nuwe boek, Grendelgeloof, wat tydens die grendeltyd ontstaan het uit dagstukkies wat hy met sy gemeente gedeel het omdat hulle nie kon kerk bywoon nie. Hy gesels ook oor sy grootwordplek, Simondium, en sy drome.

Pieter le Roux vertel vir Johan Rademan hoe die versorgers van kankerpasiënte ondersteun kan word.

Oktober is kankermaand. Haidee Muller gesels met Roland Jonathan oor sy kankerreis. Hy het onder andere 'n stamseloorplanting gehad. Haidee hoor hoe hy drie keer byna dood was, en in weerwil daarvan fase 4 kanker oorleef het.

Izette Carroll vertel vir Johan Rademan van Hope Farm Restorasie, 'n plaas op Hopefield waar middelafhanklikheid met werkterapie aangepak word.

Jana Birch het huis en haard verkoop om drie jaar lank in die Ooste te gaan reis. Sy was in ‘n gemaklike situasie as TV-vervaardiger en regisseur van o.a. Pasella op SABC, maar sy en haar man, ‘n veearts, het hulle beroepe tydelik gestaak om te gaan reis. Jana het ook musiek gekomponeer vir o.a. ‘n kortfilm, Vismense, en terwyl sy reis, skryf en komponeer sy gedurig. Sy deel van hulle ervaringe me...

Elkeen van ons het ‘n storie te vertel oor die lewe, die dood, die liefde... Jacqui January gesels met Aunty Sarah Hill van Kuilsrivier in die Kaap. Aunty Sarah vertel hoe sy en haar man hulleself voorberei het vir die dood van haar man. Maar Jacqui wou eers by haar weet oor haar naam, want dis toe nie Sarah nie…

Jana de Necker vertel vir Martelize Brink van die skuif na opleiding via digitale platforms wat nou binne in die werksomgewing plaasvind.

Louise du Plessis vertel vir Martelize Brink van die Julius Gordon Africana Sentrum / Versfeld-Huis op Riversdal.

Dit wil voorkom asof die Covid-19-pandemie baie mense sielkundig raak. Daar word selfs gepraat van kollektiewe trauma. Mariska Spoormaker praat hieroor met Hanna Kotze, ‘n kliniese maatskaplike werker en traumaberader van Port Elizabeth.

René Botha vertel vir Martelize Brink van die lesse wat die restaurantbedryf uit die pandemie moet leer.

Anton Kruger vertel vir Martelize Brink van 'n buitengewone Botswana-ervaring toe hulle groep inderhaas moes grens toe jaag voor dit gesluit het vir die grendeltyd.

Die Kruger Nasionale Park is een van die grootste natuurreservate in Afrika. Die omgewing rondom die park, nes die park self, is ‘n groot toerisme-aantreklikheid. Vroeër vanjaar is daar ‘n hotelskool geopen, maar met Covid-19 het die skool en die gebied, soos baie ander instansies in die toerismebedryf, erg deurgeloop. Jacqui January gesels Alanka Craffert oor die omgewing, die mense en hoe hulle...

Anton Engelbrecht vertel vir Martelize Brink hoe die pandemie geleenthede skep vir gestremde persone om toegang tot werk te kry.

Jurgens Pfaff vertel vir Martelize Brink van sy werk as lugverkeerbeheerder.

Dr. Eugenie-Lien Louw gesels met Martelize Brink oor gronderosie en die grondkundige en hortologiese aanpassings wat gemaak kan word vir aanplantings.

Kennett Sinclair gesels met Martelize Brink oor die lewensregopsie by aftreefasiliteite.

Fleur van Eeden vertel vir Martelize Brink van haar werk as waaghals, waar sy al ingestaan het vir Alicia Vikander in Tomb Raider en Drew Barrymore in Blended.

Dieetkundige Irene Labuschagne vertel vir Martelize Brink van Suid-Afrikaners se uitdagings met vetsug.

Willie Koorts vertel vir Martelize Brink van die Nasionale Sterrewag wat vanjaar 200 jaar oud is, en die oudste amptelike wetenskaplike instituut in die land is.

Ons het vroeër vandeesweek met Suid-Afrika se trekklavierkoning, Theo Erasmus, gesels oor sy loopbaan. In hierdie onderhoud met Mariska Spoormaker, deel Theo sy jarelange stryd teen alkoholverslawing.

Snoeker word wêreldwyd professioneel gespeel. Dié spel word soms met potspel verwar, maar daar is definitiewe verskille in die tafel, balle en reëls. Jacqui January gesels met Pierrie Mans, wat in die jare 70 langer as 15 jaar sie Suid-Afrikaanse snoekerkampioen was.

Prof. Hettie Schönfeldt vertel vir Johan Rademan hoe die voedingswaarde van kos oor tyd verander het.

Volkmar Engelke gesels met Johan Rademan oor Phillippi se groenteverbouing en die Phillippi-museum wat in ‘n aktiewe kerk gehuisves is.