Driesestig

Veearts dr. Kaylin du Plessis praat oor die versorging van konyne, en die wanopvattings oor hulle voeding.

In hierdie week se landbounuus kyk ons wildboere wat ‘n saak teen Gauteng se Departement van Sosiale Ontwikkeling, Landbou, Landelike Ontwikkeling en Omgewingsake, wen; die pluimveegroep, Astral, maak sy finansiële resultate bekend; die bek-en-klouseer-siektebeheergebied in KwaZulu-Natal word geskrap; en Suid-Afrika se koringinvoertarief spring na nul rand per ton.

Adele du Toit gesels van die SA Rooibosraad praat oor kaffeïnsensitiwiteit, en hoe verbruikerspatrone skuif na alternatiewe daarsonder.

Die burgemeester van Cohutta in Georgia in die VSA het dorp se hele polisiemag afgedank weens aanmerkings wat hulle oor sy vrou op sosiale media gemaak het.

Beryl Botman se lewe het tot stilstand geruk toe sy op 53 'n weduwee geword het. Maar nou, op 65, vier sy die lewe met allerhande klein dingetjies wat haar siel voed. Sy het selfs besef hoe lekker lyndans is. En ja, sy is die jongste in daardie lyndansgroepie, vertel sy vir Haidee Muller-Isaacs.

Kos- en kultuurhistorikus Hetta van Deventer-Terblanche praat oor suiker en suikerriet, en hoe dit die wêreld gevorm het.

Neville Greene van Ontario in Kanada het 19 jaar lank ’n rooilig-veerkeersoortreding in die hof beveg, en uiteindelik sy appèl gewen.

Ebbe Rabie praat oor die onlangse vloede, die skade, en risikobepaling vir versekering.

Dr. Ria Smit praat oor sonskerm eiligheid, asook die veiligheid van talkpoeier.

‘n Man in Texas het sy Cybertruck se “wade mode” in ‘n meer beproef, maar toe gaan hy dieper as die 32 duim wat die handleiding toelaat...

Haidee Muller-Isaacs gesels met die Namakwalandse storieverteller en TV-aanbieder, Lyntjie Jaars, oor wat deesdae gebeur in haar loopbaan, en haar liefde vir haar Ma na wie sy liefdevol verwys as Mammagoed. Sy is glo 'n groot RSG-aanhanger. Natuurlik hoor ons ook meer van Lyntjie se "vleistanne".

Dr. Gideon Groenewald vertel van ‘n fossiel wat hy gevind het, wat onlangs met die swaar reën oopgespoel het.

Hlumelo Nyaluza van Soweto se luukse handsakke en rugsakke is koeëlvas.

Kevin Leo vertel vir Martelize Brink van die lewe in Panama, waar hy die afgelope vyf jaar woon.

Prof. Pierre Volschenk het op 1 Mei 2026 ‘n eeu oud geword. Johan Rademan het met dié merkwaardige Suid-Afrikaner gesels. Hy was die eerste persoon in Suid-Afrika om ‘n doktorsgraad in beeldende kuns aan ‘n plaaslike universiteit te behaal. Hy gesels oor klei as terapie, en ikoniese nalatenskappe.

Southwest Airlines in die VSA het ‘n verbod geplaas op robotte wat soos mense of diere lyk. Hulle mag nie ‘n sitplek by passasiers kry, of in die bagasieruim wees nie. Die rede is dat hulle litiumbatterye groter is as wat op ‘n vlug toegelaat word.

Heinz Guder vertel vir Martelize Brink hoe Cango Wildlife op Oudtshoorn die onlangse vloede hanteer het, die diere wat geskuif moes word, en die opruimingsoperasie wat tans daar aan die gang is.

In hierdie week se landbounuus praat ons onder meer oor Suid-Afrika se 2026 wyndruifoes, plaaslike verkope van landboumasjinerie, die Suid-Afrikaanse tafeldruifbedryf se 2025/26-seisoen, en Agri Wes-Kaap se kandidate vir sy 2026 Jongboer van die Jaar-kompetisie.

Prof. Phillip Strydom praat oor lood in wildsvleis, -biltong en -droëwors, en verduidelik of dit iets is om oor bekommerd te wees.

‘n Chinese paartjie het hulle bruilof in die vorm van ‘n stoeibyeenkoms gehou. Die bruidegom is ‘n professionele stoeier, en die hoofgeveg was hy teen die bruid. Die wenner van die geveg doen vir die duur van die huwelik nie huishoudelike take nie.

Elri Coetzee vertel vir Martelize Brink van stap as sport. Sy is die onder 19-SA skolekampioen in 5 000 m stap.

Kos- en kultuurhistorikus Hetta van Deventer-Terblanche praat oor burrata. Dis ‘n vars mozzarella-tipe kaas gevul met room en stracciatella, met ‘n sagte buitekant en ‘n ryk, romerige kern.

Sjef Ashley Wynand wou al lank sy eie restaurant bestuur. Die pad het eers ‘n paar ander kronkels gemaak, maar nou is sy droom uiteindelik bewaarheid. Haidee Muller-Isaacs het na Grabouw toe gegaan om te sien wat hy alles agter die kospotte aanvang.

‘n Maatskappy in Japan kan nie voor bly met bestellings vir hulle monsterwolf nie. Dit is ‘n sonkragaangedrewe robot beerverskrikker.

Dieetkundige Valpré Huisamen praat oor voeding om jou immuniteit te versterk, en waar Vitamien C in die prentjie pas.