Driesestig

Verlede week het ons boslelies gepraat toe Haidee Muller-Isaacs in Oom Hendrik Schoeman se tuin op Volmoed gaan inloer het. Toe hoor sy oom Hendrik kweek ook tamaties. En dis toe ook nie 'n sommerso besigheid nie, hoor. Oom Hendrik kweek spogtamaties en voorsien aan 'n hele rits plaaslike besighede in die Suid-Kaap distrik.

Daniela Marais vertel vir Martelize Brink van kubersekuriteit in 'n tyd van kunsmatige intelligensie. Sy verduidelik hoe kunsmatige intelligensie teen jou ingespan word, en hoe om jouself te beskerm.

Steven Roos se hele loopbaan was by SA Rugby. Hy het onder Dok Craven begin werk en 104 toetse gereël. Haidee Muller-Isaacs gesels met hom oor sy dae agter die skerms.

Mia van Zyl vertel vir Martelize Brink wat jy te wagte kan wees by die Kaapstad Karnaval, wanneer die geleentheid kleur en klank na die Moederstad se strate bring.

Richard van der Westhuizen en Lochner de Kock kuier by Johan Rademan en Martelize Brink. Hulle sing ou treffers en gesels oor jare se saamwerk.

Baie van ons is al bewus van die noodsaak om die Suid-Afrikaanse byekolonies, ook bekend as die sosiale by, se voorbestaan te verseker. Maar daar is ook die enkelby waarvan min mense weet. Nou het die Baaienaar en byevrou, Lizal van den Heever, dit haar roeping gemaak om ook dié bye van uitwissing te help red. Sy verduidelik aan Mariska Spoormaker die verskil tussen die sosiale by en die enkelby.

Dr. Ida Wilson praat oor die tien belangrikste vraagstukke in die plantwetenskap.

Dr. Erna Blancquaert vertel vir Johan Rademan en Martelize Brink van haar pad in die wynbedryf, en die rol waarvoor sy vanjaar nasionaal vereer is.

Dis eenvoudige kleurvolle boublokkies wat kinders van alle ouderdomme se verbeelding soms vrye teuels gee. Dié opvoedkundige speeding is ‘n wêreldikoon en is al vir byna ‘n eeu met ons. Jacqui January gesels met prof. Saartjie Gravett van die Universiteit van Johannesburg. Sy vertel van hulle opleiding aan onderwysers wat die aandag van die Lego-stigting gevang, en tot befondsing en samewerking ge...

Prof. Wiehann Steyn praat oor van die bedreiging wat die stompkopkewer vir die sagtevrugtebedryf inhou. Voorheen het die kewer meestal ornamentele bome aangeval, maar dit word nou ook by sagtevrugtebome opgemerk.

Dawie Botha vertel vir Johan Rademan en Martelize Brink van Oos-Londen se fabrieke.

Nou nog, wanneer die inwoners van die Baviaanskloof praat oor die groot vloed van 1916, word die boek, Die Wildedruif Val, in dieselfde asem genoem omdat dit die traumatiese gebeure van destyds meesterlik saamvat. Die Wildedruif Val is een van vele boeke wat die geliefde skrywer PH Nortjé oor die Baviaanskloof, sy grootwordplek, geskryf het. Vandag is daar net een Nortjé oor in die Baviaanskloof....

Dr. Marieka Gryzenhout vertel vir Johan Rademan en Martelize Brink van ‘n swam wat van etanoldampe lewe. Dis ‘n pes vir Amerikaanse whiskeymakers.

Lititia Kruger vertel vir Martelize Brink van die boerboel, ‘n eg Suid-Afrikaanse honderas. Hoewel die honde wêreldwyd uitgevoer word, word die ras uit Suid- Afrika bestuur deur die SA Boerboel Telersgenootskap.

Haidee kuier op Volmoed by oom Hendrik Schoeman in sy ongelooflike tuin, wat in boslelieblomtyd vir die publiek oopgestel word.

Werner Voigt vertel vir Martelize Brink van die Walter Sisulu Nasionale Botaniese Tuin in Roodepoort, waar daar tans ‘n aangepaste werklikheid kunsuitstalling te sien is.

Dr. Arnold Rix vertel vir Martelize Brink hoe ‘n omsetter werk, en waar dit pas in die stelsel wat jou deur die donker tye moet dra.

Jadon Booysen speel al van die ouderdom van 11 af in 'n baie bekende Kaapse sepie. Hy vertel hoe hy steeds tyd maak vir skoolwerk tussendeur die opnames vir sy rol as Carlo Daniels in Suidooster. In weerwil daarvan dat sy eie gesin dit nie altyd breed het nie, wil hy nou toiletware gaan uitdeel in Zoar in die Karoo. Haidee Muller-Isaacs het meer gaan uitvind oor hierdie inspirerende jong man.

Elizna Wilken vertel vir Martelize Brink hoe die sport, padel, werk. Dis soos ‘n kombinasie van tennis en muurbal.

Marietha Dawson gesels oor die nodigheid van diversiteit in poppe, en selfs die beroep dat Disney prinsesse met gestremdhede moet hê. Barbiepoppe weerspieël byvoorbeeld die diversiteit van mense.

Na meer as 20 jaar se fotografering en bestudering van al wat fynbos, plant, bol en boom in die Baviaanskloof is, het Magriet Kruger van die gasteplaas Zandvlakte saam met botanis Douglas Euston Brown die boek, Plants of the Baviaanskloof, uitgereik. Omdat daar al gesê is dié boek is die Baviaanskloof se blommebybel, het Mariska Spoormaker na die kloof gery om daar met die skrywers te praat. Maar...

Rynhardt Kruger vertel van die uitdagings van ‘n siggestremde persoon om wiskunde op universiteit te studeer, en die sagteware wat hy ontwikkel het om diagramme te lees.

Elsabé Daneel vertel vir Johan Rademan van haar pad uit die onderwys na die verhoog, radio en televisie. Deesdae leer sy weer ander oor die kuns van die kunste.

Velddrif is ‘n aan die Weskus by die mond van die Bergrivier. Dis ‘n pragtige klein vissersdorpie, en die mense is ewe kleurvol en gesels graag oor hulle dorp. Jacqui January was op die kaai by Velddrif waar sy met Johan Tolken gesels het. Hy is ‘n vissersbooteienaar, en hy en ‘n paar mans het pas aangekom met hulle vangs.

Jackie May gesels oor Slow Fashion, die elemente om in gedagte te hou en waarom dit nodig is om klere van te koop wat van natuurlike stof gemaak is.